MÓLLATE COA LINGUA


Cantas cousas podes facer coa túa lingua? Seguro que máis das que pensas.
Móllate coa lingua é o blog do Equipo de Normalización e Dinamización Lingüísticas do CPI Terras de Maside (Maside, Ourense).

Quen somos?
mollatecoalingua@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Querem música?

Querem música?

Há. A miles. Miles de músicas.

Tantas tantas músicas que nem uma vida chegaria para as ouvir todas.

Para arrolar, dançar, berrar, para enviar a quem amamos, para bater no chão com raiva, para apertar-nos o coração, para beijar, para redimir-nos. Para dizer chega, chega, chega...

De música horrível, de letras de machoman, de canções de amor sem verdade.

Há tantas músicas galegas que passamos na escola cada dia, que se decidem ficar com o horrível já nom é com nós. A sério.

As dúas primeiras acabam de saír.
As outras tardei tres minutos em lembrá-las.

Seria impossível lembrar todas as músicas galegas que cantaruxamos algúm dia. Ou as que Arlet colocou um dia e agora coloca Daniela. Seria impossível. Porque nunca caberiam na entrada dum blogue. Nem num blogue inteiro.








LIBREMENTE - Labregos do tempo dos sputniks from Lucía Mallo on Vimeo.






Comentarios (1) - Categoría: Música - Publicado o 14-11-2016 01:04
# Ligazón permanente a este artigo
Meu o mundo é
Colgamos hoxe unha canción do disco Brinca Vai, de Paco Nogueiras.
Podedes atopar información na páxina Música en galego sobre o disco de Paco Nogueiras se premedes aquí.


Tamén podedes entrar nesta páxina do proxecto con moito material interesante e á que podes enviar os teus vídeos. Entre outras cousas, atoparedes as partituras dalgunhas músicas. Se queredes a de “O meu mundo é” premede aquí.



Deixamos a letra e máis abaixo dous vídeos.

“Meu o mundo é”
Paco Nogueiras Nodar, Brinca Vai

Que bonito poder dicir:
que fermoso sae o sol
esta mañán para ti.

Que bonito poder sentir
a ledicia, a morriña,
escachar a rir!

Que bonito poder falar
con agarimo a un amigo,
dar un bico á túa nai.

Que festeiro aturuxar,
cando danzas na punteira
e un gaiteiro está a tocar.

En galego falo,
en galego sinto,
en galego canto.
Sabes que non minto!
En galego todo podo facer,
en galego estou no mundo,
MEU O MUNDO É!

(...)

Que fachenda poder viaxar
en carrilana, e despois
unha feira visitar.

Que bonito o respirar
o recendo dunha xesta,
escoitar o mar!

Que sorte poder contar
teño dedas, teño unllas,
teño dúas mans!

Que bonito poder xogar,
ver voar un papaventos,
abanéome nun bambán.

En galego falo
(...)


Vídeo da canle Cancións en Galego (cancións en galego con karaoke):




Vídeo na páxina de kalandraka, gravado en Pontevedra:


Comentarios (0) - Categoría: Música - Publicado o 11-11-2015 14:55
# Ligazón permanente a este artigo
Timbres da primeira semana de decembro
Aquí tedes as músicas do timbre desta semana:

Para grandes, "Mergullei", primeiro sinxelo do último traballo de Guadi Galego.
O disco chámase Lúas de outubro e agosto e saíu á rúa o 25 de novembro.

Podedes ler no Praza sobre este traballo e no Sermos (o artigo do Sermos contén ademais o primeiro vídeo, Matriarcas, dedicado ás mulleres reais galegas).

Aquí podedes ler unha entrevista de Xiana Lastra a Guadi Galego.

A letra:

Tentei comezar cun cadro pequeño,
pintándolles esquinas aos mares e aos ceos.
En cada recuncho atopaba dous erros.
Eu só contaba con ver o primeiro.

Cantabas poemas, imaxes con letra;
parabas o tempo con cada conversa.
Con cada sorriso tremían as pernas,
mentres asubiabas na miña xanela.

...E logo xa chegaches ti, traías toda aquela luz.
Pechei os ollos esta vez e mergullei.

O cadro que pinto xa non ten cancelas,
vai ceibo de medos e de indiferenza.
Os erros dos anos arroupan as medras
e nos ven asidos gardando as mareas.




A música para peques é "Alegria", na segunda entrega de Maria Fumaça, Xiqui Xoque Fiú Fiú.
As nenas e nenos do vídeo, de non sabemos moi ben que escola, usan a linguaxe de signos.

Podedes ver máis vídeos deste traballo e do anterior (Maria Fumaça) nesta lista de reprodución.

Comentarios (0) - Categoría: Música - Publicado o 01-12-2014 21:47
# Ligazón permanente a este artigo
No Samaín
O timbre de entrada nesta semana.
Do Brinca Vai, de Paco Nogueiras.
Aquí tedes a páxina web do disco.

Comentarios (0) - Categoría: Música - Publicado o 27-10-2014 07:40
# Ligazón permanente a este artigo
Lydia Botana e o seu proxecto Bolboreta

Algo sobre Lydia Botana, “Bolboreta”:

Música multinstrumentista natural de Culleredo (A Coruña) que comezou estudos musicais no Conservatorio Profesional de Música de A Coruña e obtivo o título profesional na especialidade de piano. Está titulada polo Conservatorio Superior de Música de A Coruña en Pedagoxía da Linguaxe e a Educación Musical en decembro de 2011.

Cursou estudos durante a súa estancia no Conservatorio di Música Giovan Battista Martini en Bologna (Italia) cunha bolsa Erasmus xunto a Pier Paolo Scattolini e dirixiu o Coro Voci Bianche de la Fondazione Teatro Comunale di
Bologna que dirixe a mestra Silvia Rossi.
Realizou diversos cursos de formación coma Introdución á Rítmica Jacques-Dalcroze con Anne Allegre; Improvisación en el aula de Lenguaje Musical con Emilio Molina; Body music-Body percussion con Javier Romero; Tradiciones orales y creación en el aula con Polo Vallejo; Somos ritmo con Ramiroquai Tersse de Mayúmaná; Pedagogía musical activa con Jos Wuytack, etc.
En 2012 foi convidada a cursar estudos na LIPA (Liverpool Institute for Performing Arts) a universidade de Paul McCartney onde realizou unha Master Class sobre música moderna e actuou na mítica sala The Cavern.

Ten formado parte de diversas agrupacións tanto rock, pop, reggae/ska, coma esembles de percusión, bandas sinfónicas ou dirección de coros. Leva máis de oito anos traballando coma profesora de música para escolas de infantil e primaria, en campamentos, obradoiros de creación musical para museos, asociación culturais...
Actualmente é a Xefa de Estudos da Escola Municipal de Música de Arteixo e imparte obradoiros sobre música en diversos centros educativos e escolas coma a Escuela de Música Creativa de Madrid e cursa o último curso do Grao Profesional na especialidade de percusión no Conservatorio Profesional de Música da Coruña.
Publicou o seu estudo realizado sobre "A presenza dos xéneros musicais na educación musical da provincia da Coruña" no Congreso sobre Educación e Investigación Musical (Madrid) en marzo 2012.

Como instrumentista creou diversas bandas coas que xirou pola Península Ibérica, Italia e Canarias. Na actualidade lidera a banda Bolboreta, é a baterista e acordeonista no proxecto poético/hip hop chamado Labregos do Tempo dos Sputniks, pon voz na Banda Fura Fura e colabora con diversas bandas.

En solitario ten publicado o tema “Quen nos queima” no recompilatorio Lo peor de la rumba xunto con Manu Chao, Amparo Sánchez, La Pegatina, Che Sudaka... Produce cancións coma “Longas merendas” para o Xabarín Club e atópase gravando o que será o seu primer disco coma Bolboreta producido por Gambeat (Mano Negra/ Manu Chao).

Se queres acceder á súa web, preme aquí.


Comentarios (0) - Categoría: Música - Publicado o 20-10-2014 02:39
# Ligazón permanente a este artigo
De aquí para alá

Queres escoitar algunhas músicas do concerto “De aquí para alá” do venres?

Aquí che deixamos os vídeos e algúns arquivos de son.



En África, Abedé https://soundcloud.com/lydiabotana/abede-directo


O retrouso que se canta durante todo o concerto “ De aquí para alá”. Fíxate na coreografía.

DE AQUÍ
PARA ALÁ
DE AQUÍ
PARA ALÁ
IMOS VOANDO
A OUTRO LUGAR

DE AQUÍ
PARA ALÁ
DE AQUÍ
PARA ALÁ
IMOS VOANDO
A UN NOVO LUGAR



Se premes aquí poderás escoitar a música enteira.

Pasaremos por Australia e tamén polos Estados Unidos.

O JAZZ
Chick Corea acoustic e Bobby McFerrin, "Autumn Leaves" (Joseph Kosma)


e Queen!



e o Brasil.

GARÔTA DE IPANEMA (Tom Jobim, Vinicius de Moraes)
Olha que coisa mais linda, mais cheia
de graça
É ela a menina que vem e que passa
Num doce balanço caminho do mar.



E con unha batucada.



E a Cuba, cun son cubano

VAI VIAXANDO POLO MUNDO
VAI VAI VAI
APRENDENDO NOVOS RITMOS
VAI VAI VAI
NESTA ILLA NA QUE ESTAMOS
VAI VAI VAI
CANTANDO CO SON CUBANO
VAI VAI VAI
SON SON SON DE CUBA
SON SON SON

Con este ritmo.



A Xamaica, con Bob Marley



A relaxación, cunha cantiga de berce, de Brahms



Ou música oriental



Unha música dos Balcáns, para danzar

BUBAMARA- Goran Bregovic



E a GALIZA.
Co tren de Andrés Dobarro

PI PIPI PI PIPI PI PIPI PI PI
PI PIPI PI PIPI PI PIPI PI PI
LA LALALA LA LALALA LALA LALALA LA
LA LALALA LA LALALA LALA LALALA LA
O tren que me leva pola beira do Miño,
me leva e me leva polo meu camiño.
O tren vai andando pasiño a pasiño
e vaime levando cara o meu destiño.
Alguén pode ser que me espere na estación,
na terra da felicidad










Comentarios (0) - Categoría: Música - Publicado o 20-10-2014 02:24
# Ligazón permanente a este artigo
Movimento
Recordades Aline Frazão? Do concerto do ano pasado?
pois acaba de editar o seu segundo disco. Chámase Movimento e é "mesmo bom".

"Tanto" é o primeiro sinxelo.
Deixámosvos un vídeo coa letra.

É tanta luz aqui que até parece claridade
É tanto amigo aqui que até parece que é verdade
É tanta coisa aqui que até parece não há custo
É tanta regra aqui que até parece um jogo justo
É tanto tempo aqui que até parece não há pressa
É tanta pressa aqui que até parece não há tempo
É tanto excesso aqui que até parece não há falta
É tanto muro aqui que até parece que é seguro

Tanto tanto
Na embriaguez de um canto
É tanto tanto faz
Que ninguém sabe quem fez
Mundo gira mundo
Mundo vagabundo
Não olhe senão vês

É tanto pausa aqui que até parece não há esquema
É tanta história aqui que até parece um problema
É tanta festa aqui que até parece sexta feira
É tanta dança aqui que até parece a das cadeiras
É tanto flash aqui que até parece que ilumina
É tanta frase aqui que até parece que resolve
É tanto ecrã aqui que até parece um grande evento
É tanta força aqui que até parece um movimento

É tanta coisa aqui que até parece não há custo
É tanta regra aqui que até parece um é jogo
É tanto excesso aqui que até parece não há falta
É tanto dano aqui que até parece ninguém nota

Tanto tanto
Na embriaguez de um canto
É tanto tanto faz
Que ninguém sabe quem fez
Mundo gira mundo
Mundo vagabundo
Não olhes se não vês



Comentarios (0) - Categoría: Música - Publicado o 16-06-2013 22:39
# Ligazón permanente a este artigo
García Mc e Lois Pereiro
Xenial o García e o seu EP.


Comentarios (0) - Categoría: Música - Publicado o 12-06-2013 20:11
# Ligazón permanente a este artigo
Labreg*s do tempo dos Sputniks

Temos concerto no Multifuncional do Carballiño o 30 de maio...

Así se presentan As Labregas (usamos o feminino xenérico, por certo) no seu FB:

“Música para espabilar conciencias.

Grupo guerrilla.

Rapeiro, punkeiro, enxebre e irmandiño.

Verdades coma puños e moita rebeldía".



O proxecto das Labregas nace no ano 2007, e estaba formado por Leo, coñecido polo seu proxecto persoal de Leo i Arremecághona; O García, coñecido por ser o MC do grupo Dios ke te crew e Vero, percusionista dos míticos Xenreira. Na recente actualidade, Lydia Botana substitúe a Vero na batería.

Aquí tedes tamén unha entrevista ao Leo na TVG, unha a Lydia no GZ Música e o paso de García o ano pasado polo noso cole para facer un obradoiro de RAP.


Deixámosvos no móllate versións grandes de grandes poetas como Celso Emilio Ferreiro (o nome do grupo é un verso do poeta de Celanova.
Aquí tedes O meu reinado, de Celso Emilio, e Estarei, de Lois Pereiro.

Tamén músicas convertidas en himnos de loita (como o Comandante Rebeldía); de Fuxan os Ventos, como esa magnífica Cantiga para unha Antroidada na porta do clausurado Panteón de Galegos Ilustres onde di o García “Pretenden borrarnos da historia, desprezándonos, humillándonos”...
Músicas que falan de nós e de revolucións e de portas pechadas de patróns fronte ás portas abertas do pobo traballador, como Un vento vén, de Xulio Formoso. Aquí tes o vídeo con Séchu Sende na manifestación de Galiza nom se Vende.

Poderiamos meter moitos, moitos vídeos. Das Labregas ou doutras formacións nas que andan envolvidos: DKTC, Leo i Arremecághona,
Investigade e escoitade.

Porque estes músicos están para que non nos borren. Para falar do que nos está pasando agora, como esa intención de converter Galiza nunha mina a ceo aberto. Destruíndo o noso territorio, queimándonos. Por iso tamén vos deixamos este vídeo onde Lydia Botana canta para pedir o noso apoio en contra da megaminaría selvaxe.
ESCOITADE BEN porque, como xa alguén dixo neste ano, "Posiblemente As Labregas sexan unha das revelacións musicais deste verán e, se non o son, deberían de selo.
Hai anos, algún atrevido deu ao punk por morto. Quen diría que unha rapaza na batería, un rapeiro e un cantautor ían negar esa sentenza de morte. 
As Labregas ao vivo son puro punk: música sinxela, enérxica, provocadora, poética, reivindicativa, necesaria, que fai espertar as conciencias e prende lume nos corazóns, así é a música das Labregas e así son as Labregas".

Música para as vosas conciencias.

PARA ESPERTAR AS CONCIENCIAS.
Comentarios (4) - Categoría: Música - Publicado o 30-05-2013 00:01
# Ligazón permanente a este artigo
Para a fin do trimestre
Algunhas músicas para a fin do trimestre.
Para saudar a primavera e comezar con bo pé as vacacións, que ben cómpre...

Tedes aquí os vídeos e as letras, por se vos animades a cantar.

TERRA (Utopias emergentes-Dakidarría)

Baixar da furgoneta no cabo de Ortegal
lembrando aquel vello poema xusto antes de tocar,
ou no Bierzo galego, coa xente do lugar
ceando xuntos nas pallozas na noite de San Xoán,
Verbas de mariñeiro na praia de Massó
mentres o sol quenta con raiba os guindastres de Teis,
revolta no Berbés, mantendo Vigo en pé,
cidade proletaria.

Historias dunha terra de cuncas e de mar
que xuntos coñecemos nas voltas que a música nos dá.
Camiñar é facer camiño
Escoitar, aprender e compartir.

As dornas de Combarro loitando contra o mar
ou as gamelas de Ares que nunca naufragarán.
Tractorada en Chantada cun frío que nin dios,
resistencia en Montealto e umha nova okupación,
mencer no Carballiño, coma sempre "senuncan",
ir vendo crecer a Iñaki a golpes de Rock&Roll,
a mocidade activa, do noso Val Miñor
BERRA para facerse oír.

Historias dunha terra de cuncas e de mar
que xuntos coñecemos nas voltas que a música nos dá.
Camiñar é facer camiño
Escoitar, aprender e compartir.

Facendo camiño ao andar nas voltas que a música nos dá na cabeza;
amizade, xente ceibe como o vento ou as ondas do mar.
un vento rebelde que vén de lonxe, agora en nós nomeámolo furacán.
E agora que soe a música da colectividade
coas súas historias de cuncas, terra, dignidade e mar.
Salvaterra do Miño, Riotorto, Pardiñas, Cangas, Ordes,
Poulo, Manselle, Montealto, Monteferro, O Courel...
A nosa música é do pobo e é para o pobo!!

Historias dunha terra de cuncas e de mar
que xuntos coñecemos nas voltas que a música nos da.
Camiñar é facer camiño
Escoitar, aprender e compartir.





Coplas de estrelas, aCadaCanto

Tes a luz que precisas, aquela que lembra o marco do soño.
Mares de arpexios en roda de cordas que colgan acordes que soan.

Tes a voz que namora na terra que fala a lingua que canta.
Coplas de estrelas que guían amores errantes nos cantos de antes.



O tequetengo, Sonoro Maxín

Baila comigo o tequetengo / Baila con todo o corazón / Teño unha bomba no meu peito / Que estalla cando sae o sol.
Baila comigo o tequetengo / Baila con todo o corazón / Teño unha bomba no meu peito / Que estalla cando estamos sós.
Ponte romana, ponte como queiras / Para ir ao baile, para ir á feira / 7 e 17, martes de feira / Quedei durmido, roubáronme a carteira.
Teño unha pena, que eu non olvido / Se eu marcho só, sáeme ao camiño. / É como a chuvia, é como a festa / Pode comigo, non fica quieta.




1(1) A asociación Senuncan é unha asociación cultural sen ánimo de lucro que organiza diversas actividades entre as cales destaca o festival Senuncan que nace no Carballiño un día de agosto de 2003. Trátase dun festival autofinanciado e autoxestionado por Senuncan (Asociación Cultural). ^
Comentarios (0) - Categoría: Música - Publicado o 23-03-2013 17:58
# Ligazón permanente a este artigo
1 [2] [3]
© by Abertal












O contido desta páxina precisa unha versión máis recente de Adobe Flash Player.


Obter Adobe Flash Player