bioviticultor de valdeorras


Este é o Blog personal dun viticultor, nel podes atopar reflexións para o debate do sector do viño e da Agricultura Ecolóxica, tamén apuntamentos sobre viticultura, enoloxía ...

O meu perfil
manueldocampo@valdeorras.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Está bo o viño
-Esto do viño ecolóxico que é?
Despois de explicalo nuns 5 minutos, mentras sirvo unha copa.O paisano achega a copa a boca, dalle un grolo, pon boa cara e dí:
-Ostia está bo o viño
e repite
-Está bo o viño

Esto é algo que me está a acontecer en todas as feiras as que acudo e dou a degustar o viño, e para este fenomeno so atopo a resposta:
-pero que esperabas, que estivese malo?

Non sei de quen será a culpa pero existe un amplo porcentaxe de xente que relaciona viño ecolóxico con viño malo, viño de paisano mal feito. É un problema, polo que habrá que seguir indo a feiras e seguir explicando que o viño de produción ecolóxica non só non ten por que ser malo senón que ademais é mais sano que o convencional
Comentarios (0) - Categoría: Xeral - Publicado o 15-08-2006 23:19
# Ligazón permanente a este artigo
FEIRA DO VIÑO DE VALDEORRAS
O pasado sábado e domingo foi a feira do viño de Valdeorras, sin repetir o que xa escribin outras veces sobre este evento,pereceme importante facer fincapé na falla dunha feira profesional.
Esta bén facer feiras para o público en xeral, pero a maiores debería de haber outra profesional.
Polo demais, acudiron moitas das xente que veñen a pasar as vacacións a nosa comarca, e fallaron moitos asiduos que se atopan disfrutando de vacacións ou ponte, tamén fallou a hostelería local como era de esperar.
Notouse mais prudencia a hora de beber que outras veces, menos borrachos.
Fartaste a explicar en que consiste o viño ecolóxico pero vas notando o medre da receptividade.
Repito o que dixen moitas veces, as feiras son unha das mellores ferramentas que temos as adegas pequenas para contactar co público e para promocionarnos.
Suliñar tamén a maior calidade da comida do sábado en relación co ano pasado, en todos os aspectos.
Comentarios (4) - Categoría: Xeral - Publicado o 15-08-2006 09:14
# Ligazón permanente a este artigo
Feira en Burela
O día 4,5 e 6 de agosto, estiven de feira en Burela, coincidindo coa festa do Bonito, Expomar organizou unha feira de artesania e producción ecolóxica.
Compartin stand con Valeriano Moldes que representando Agrogalicia S.A. promocionaba e vendia algas baixo a marca comercial "Cannori",
Tamén compartimos con Ifas da Terra e os seus cogumelos.
Cobraban entrada (2€), no eramos moitos expositores, pero había moi bo ambiente entre nós, o público respondeu ben, e vendimos e promocionamos, polo que de repetirse intentaremos estar.
Cada día me gustan mais as feiras, polo que ten do contacto directo co consumidor.
Comentarios (0) - Categoría: Xeral - Publicado o 11-08-2006 21:44
# Ligazón permanente a este artigo
Xunta co Subdirector Xeral de Agricultura Sostible
O día 27 de xullo, en Lugo, fumos convocados/as as empresas elaboradoras e tranformadoras de productos ecolóxicos pola Consellería.
Quero das as miñas felicitacións por esta iniciativa, e porque por primeira vez na historia deste País somos convocados os transformadores de ecolóxico para ser escoitados.
Parece ser que o que pretende a Consellería de Medio Rural é elaborar un Plano Estratéxico de Agricultura Ecolóxica.
Todos e todas falamos moito, e creo que en positivo,polo que non estarìa de mais que se tomase nota e que se nos voltase a convocar para debatir sobre unha proposta concreta. Espero que así será.
Comentarios (0) - Categoría: Producción ecolóxica - Publicado o 11-08-2006 21:15
# Ligazón permanente a este artigo
Cousas do Consello Regulador D.O. Valdeorras
Esta mañán estando eu nunha viña, serían as 10, e recibo unha chamada ao movil, era unha empregada do Consello Regulador de D.O. Valdeorras
-supostamente a secretaria- que me preguntaba si tiña intención de acudir con Stand a Feira do Viño, contestei que non tivera ningunha comunicación e que non sabía nada de como estaba organizado, canto costaba etc.
Asombrouse que non me chegara a carta e dixo que o tiña que decidir no momento.
Cando cheguei ao Barco vin a carta, había sido selada o venres na oficina de correos da Rua.
Chamei a outras adegas e pasoulle o mesmo.
SIGUEN FACENDO TODO IGUAL A ULTIMA HORA SIN DAR PARTICIPACIÓN NIN INFORMACIÓN E DANDO POR SUPOSTO QUE AS ADEGAS E OS PRODUCTORES ESTAMOS AO SERVICIO DO C.R. E NON AO REVÉS COMO TERÍA QUE SER.
É triste pero non visualizo cambio.
Comentarios (0) - Categoría: Xeral - Publicado o 19-07-2006 01:00
# Ligazón permanente a este artigo
Nova revista da D. O. Valdeorras, en español
Si alguén ten curiosidade mandolla por correo, o certo é que tanto esteticamente como en contidos é bastante pior que as que suelen facer nos colexios de primaria, ou que os programas de festa de calqueira barrio ou aldea. Coa diferencia destas outras que está está toda ela en perfecto idioma de Cervantes (ESPAÑOL).
Resulta chamativo como por unha parte a Consellería de Medio Rural (BNG) pon pose de defensa do galego e ofrece un 3% mais nas axudas a comercialización fora de Galiza as empresas que usemos o galego en todas as nosas comunicacións, e por outra permite a un órgano totalmente dependente da Consellería (é no único Consello Regulador onde xa puxeron a un Presidente afín)
e subvenciona unha publicación que ademais de infumable está en Castelán.

A verdade é que algúns somos un pouco criticóns.
Comentarios (1) - Categoría: Debates sector do viño - Publicado o 18-07-2006 00:52
# Ligazón permanente a este artigo
Black-rot en Valdeorras
Esa temporada de atrás os medios de comunicación falaron do Black-rot (podremia negra, gangrena negra, roña negra...)as xentes en Valdeorras non coñecían a enfermidade, coñecérona polos medios de comunicación e a día de hoxe os viticultores non sabemos canto extendida está, si se tomaron medidas para atallala ou polo menos controlala. A administración por medio dos servicios de extensión agraria deberían informar ao sector, propoñer e tomar medidas, e facelo saber ao sector para que podan estar tranquilos.
Lonxe de eso creamos alarma, nin informamos, nin tranquilizamos e dudo de que se tomaran medidas para que o brote non volte a sair en anos vindeiros.
Segundo dí Luis Hidalgo no seu "tratado de viticultura general", Os viñedos nos que se practica o non laboreo ou se usan herbicidas na linea de cepas, favorecen a infección primaria.
Comentarios (2) - Categoría: Diario dun Viticultor - Publicado o 18-07-2006 00:33
# Ligazón permanente a este artigo
Caiu moito granizo
Agora si que temos que dar unha man de sulfato de cobre (caldo bordelés)xunto con xofre mollable.
Esa temporada de atrás falaba de algo de pedra, agora caiu moita. Como din os maiores "non recordo outra como esta". O certo é que fixo moito dano na viña pero tamén nos castaños, nas hortas e nas froiteiras; un desastre.
Toca quitar os acios moi danados e na medida do posible as uvas afectadas naqueles con poucas feridas.
Temos que facernos cunha mesa de seleción para esta vendima para impedir a entrada nos depósitos de vagos secos.
Comentarios (1) - Categoría: Diario dun Viticultor - Publicado o 05-07-2006 00:08
# Ligazón permanente a este artigo
Na feira de Nadela
Suelese dicir que cada quen fala da feira dependendo de como lle vaia nela, para mín a Feira de San Pedro en Nadela foi o ano pasado ao primeiro sitio que acudín a presentar en sociedade o meu primeiro viño, saiume moi ben (gustou e vendín) polo que este ano tamén acudín.
Esta feira é fundamentalmente de productos ecolóxicos, está moi ben organizada, nunha carballeira preciosa e hai un ambente moi bó. Este ano estivo mellor de público que o ano pasado.
Debería haber mais feiras como esta, adicadas aos productos ecolóxicos, xa que sirven:
-para dar a coñecer os productos e productores de ecolóxico.
-mentalizar ao consumidor para que consuma sano e de xeito responsable.
-falicitar a venta directa, sen intermediarios.
-para acercar as cidades aos labregos e labregas comprometidos co medio natural e coa saude.

As miñas felicitacións aos organizadores desta feira.
Comentarios (0) - Categoría: Xeral - Publicado o 04-07-2006 23:36
# Ligazón permanente a este artigo
Encantado de recivir visitas
En agricultura ecolóxica é bo establecer contacto entre o productor-elavorador e o consumidor/a. Coñecer a explotación, o entorno,a persoa que traballa para que ese producto saia é importante; como é importante situar o producto no seu medio e no seu espazo natural.
A nosa adega está aberta cando precisedes, previo aviso chamando ao telefono: 676741094.
A adega non ten vivenda polo que non dispoñemos de aloxamento, de todos xeitos a nosa proximidade co Barco e co Bierzo fai que teñamos establecementos perto de nós, esperemos que en pouco tempo se fagan establecementos de turismo no propio Parque Natural.
Hotel con encanto na Barco
aloxamento, Oencia (Bierzo)
Parque natural serra da enciña da lastra
Comentarios (1) - Categoría: do Parque Natural SERRA DA ENCIÑA DA LASTRA - Publicado o 25-06-2006 09:41
# Ligazón permanente a este artigo
© by Abertal