|
|
|
|
| Malvela subirá de novo ao palco este domingo, na Alameda de Marín |
|
As cantoras de Malvela actúan este próximo domingo, a partires das 21,30 horas, na Alameda de Marín (Pontevedra). A entrada é gratuita. |
|
|
|
|
| Xa podes votar por "Peixiños do mar", de Malvela e Sérgio Tannus, en A Polo Ghit 08 |
|
Malvela chega tarde a A POLO GHIT pero con ganas de festa. Desta volta convidaron ao brasileiro de Niteroi Sérgio Tannus para facer unha adaptación nova e máis galega de "Peixiños do mar", unha canción de verán para bailar e cantar polas romarías e nas discotascas que animan cada recuncho da nosa terra. Hai gaita e cavaquiño, o sotaque galego e máis o portugués do Brasil nunha xuntanza chea de matices e de sorpresas. A letra das estrofas é unha homenaxe aos mariñeiros e ás mulleres do mar e ao encontro dos pobos galego e brasileiro. Esperamos que vos guste e que a disfrutedes.
[Texto: Uxía Senlle] |
|
|
|
|
| Malvela abrirá este xoves o XXXº Festival Internacional do Mundo Celta de Ortigueira |
|
A xornada de apertura do XXXº Festival Internacional do Mundo Celta de Ortigueira contará nesta ocasión coas mulleres cantoras de Sanguiñeda: Malvela actúan este xoves, 10 de xullo, no Escenario Estrella Galicia do Festival a partires das 22:00 horas. Ortigueira aposta nesta especial edición, na que se celebran os 30 anos do festival, por grupos galegos e por históricos da música celta. Para saber máis sobre o festival, organizado polo Concello de Ortigueira e polo Xacobeo, xa se pode acceder á páxina web www.festivaldeortigueira.com. |
|
|
|
|
| Malvela achegará os cantos tradicionais galegos a Madrid no Día da Música |
|
Malvela levará o seu repertorio a Madrid, dentro do programa de actividades de celebración do Día da Música na capital do Estado. As cantoras de Sanguiñeda actuarán maña, sábado 21 de xuño, no escenario ubicado da Praza de Andrés Segovia, á carón do Auditorio Nacional. |
|
|
|
|
| A Señora Carmen, portada da revista Interfolk |
|
.jpg)
A Señora Carmen, a compoñente de maior idade e máis emblemática de Malvela, vén de ser portada da prestixiosa revista Interfolk, editada a nivel estatal. Nas páxinas interiores deste último número de Interfolk atopamos unha ampla entrevista na que a Señora Carmen nos desvela as anécdotas da gravación do seu álbum en solitario, Na flor dos meus anos, e tamén os pormenores do seu primeiro contacto coa música, que nos achega aos anos da súa mocidade en conexión coa cultura tradicional galega da primeira metade do século XX. |
|
|
|
|
| Malvela e Ophiusa, este sábado en Negreira |
|
A Praza do Concello de Negreira acollerá este sábado, 14 de xuño, os concertos de Malvela e de Ophiusa. O espectáculo, que dará comezo ás 22:30, forma parte do programa "Vai de Camiño" do Xacobeo e da Xunta de Galicia. |
|
|
|
|
| A Señora Carmen na TVG |
|
O programa da TVG ‘Alalá' estivo o pasado luns dedicado á Señora Carmen, que aos seus 83 anos vén de editar un disco en solitario baixo o título de Na flor dos meus anos. A integrante de maior idade do grupo Malvela contou en primeira persoa como está a ser a experienza de afrontar o éxito individual e de grupo tras toda una vida dedicada a traballar no campo e a coidar dunha numerosa familia. |
|
|
|
|
