Hai 12 anos Tonhito de Poi montou unha gran banda de rock con músicos galegos e portugueses que gravaron un histórico disco "Mor". 12 anos despois a banda de Poi xuntase de novo para tocar en Meira!.
O XXXVII CONCURSO DE BAILE TRADICIONAL XACARANDAINA terá lugar o día 28 de maio no Pazo da Ópera da Coruña en horario de mañá. Ao igual que nos últimos anos haberá tres categorías divididas segundo a idade dos compoñentes.
Achegamos as bases e a folla de inscrición.
O prazo de inscrición xa está aberto e as vías para facelo son:
- Por correo ordinario, enviando debidamente cumprimentada a folla de inscrición, á dirección postal do local social: A.C. Xacarandaina, rúa Historiador Vedía nº 3, soto 1º, 15004 A Coruña.
- Por correo electrónico, enviando debidamente cumprimentada a folla de inscrición adxunta, á dirección de e-mail: info@xacarandaina.com.
- A través da nosa páxina web www.xacarandaina.gal (dispoñible nuns días)
O prazo de inscrición remata o sábado 13 de maio
Para calquera dúbida ou consulta podedes contactar coa A.C. Xacarandaina por teléfono ou correo electrónico:
Asociación Cultural Xacarandaina .. 981 277 315
Correo electrónico .... info@xacarandaina.com
Agardamos que sexa do voso interese e poder contar coa vosa participación.
XVII Concurso de baile tradicional galego ?Azaloira? Domingo 28 de maio de 2017, no auditorio Manuel Dopazo (Bandeira-Silleda)
Bases de participación
Establécencese dúas categorías de participación no concurso:
Categoría a: nenos e nenas de 8 a 13 anos.
Categoría b: mozos e mozas de 14 a 17 anos.
O 80% dos compoñentes de cada grupo participante en cada categoría terá que estar comprendido na media da idade respectiva. O 20 % restante non poderá exceder en dous anos a idade máxima da categoría de referencia. En caso de dúbida sobre o cumprimento deste requisito, o xurado poderá esixir o dni ou libro de familia dos bailaríns afectados. De non presentalo, o grupo en cuestión quedará descalificado.
O mínimo de parellas de cada grupo participante será de catro.
Será obrigatorio vestir traxe tradicional galego e os acompañamentos serán en directo.
Cada grupo terá unha intervención única que non poderá superar os cinco minutos de duración.
Os grupos serán admitidos por rigurosa orde de inscripción ata un máximo a delimitar pola organización en función do aulario dispoñible para acollelos.
O xurado estará composto por tres membros expertos na música e no baile tradicional galegos, actuando como secretaria -con voz pero sen voto- a concelleira de cultura do concello de silleda. Os premios non poderán quedar desertos.
A asociación de baile xuvenil ?fortín da pomba? actuará a modo de exhibición.
O concurso celebrarase en xornada de tarde. Non dará comezo antes das 18.00hs.
A entrada no auditorio manuel dopazo de bandeira será, coma sempre, de balde.
Premios:
Categoría a:
1º premio: 400 euros e trofeo.
2º premio: 250 euros e trofeo.
3º premio: 150 euros e trofeo.
Categoría b:
1º premio: 500 euros e trofeo.
2º premio: 300 euros e trofeo.
3º premio: 150 euros e trofeo.
Poderá haber accésits adicionais en función da xenerosidade dos nosos colaboradores.
Prazo de inscripción: do 20 de abril ao 10 de maio de 2017 (ambos inclusive) por correo electrónico ao seguintes enderezos:
Fortindapomba@yahoo.es, mjpferreiro@yahoo.es.
Para calquera dúbida podedes contactar coa presidenta de fortín da pomba (josefa) no seguinte número: 667492672. Cada colectivo enviará tantas follas de inscripción como grupos da asociación participen no concurso.
O XXVIII CONCURSO DE MÚSICA TRADICIONAL XACARANDAINA terá lugar o día 14 de maio no auditorio do Centro Sociocultural Ágora en horario de mañá e de tarde.
Ao igual que nos últimos anos haberá tres modalidades:
cuartetos, gaiteir@s solistas e pandereteir@s. Para cuartetos e gaiteir@s solistas haberá unha única categoría sen límite de idade mentres que na modalidade de pandereteir@s haberá catro categorías divididas segundo a idade dos compoñentes.
Achegamos as bases e a folla de inscrición.
O prazo de inscrición xa está aberto e as vías para facelo son:
- A través da nosa páxina web: www.xacarandaina.gal (dispoñible nuns días)
- Por correo ordinario, enviando debidamente cumprimentada a folla de inscrición, á dirección postal do local social: A.C. Xacarandaina, rúa Historiador Vedía nº 3, soto 1º, 15004 A Coruña.
- Por correo electrónico, enviando debidamente cumprimentada a folla de inscrición adxunta, á dirección de e-mail: info@xacarandaina.com.
O prazo de inscrición remata o sábado 29 de abril.
Para calquera dúbida ou consulta podedes contactar coa A.C. Xacarandaina por teléfono ou correo electrónico:
Asociación Cultural Xacarandaina 981 277 315
Correo electrónico info@xacarandaina.com
Agardamos que sexa do voso interese e poder contar coa vosa participación.
No xoves 11 de maio ás 20h, dentro da programación previa á 12 Mostra de Cinema Etnográfico, conversaremos coa etnomusicóloga Beatriz Busto sobre o ?Galaiquismo?, concepto que utiliza para explicar o discurso que o NO-DO proxectou sobre Galicia a través do folclore, representándoa como un pobo subalterno, dominado e reducido a estereotipos. Tratarase, así mesmo, de afondar sobre como e de que xeito este discurso de representación sobre ?o galego" influíu na ollada de Galicia sobre si mesma e sobre o seu folclore, e de debater sobre os lugares ?anteriores e posteriores ao franquismo? onde se pode atopar esa ollada galaiquista da cultura.
Beatriz Busto Miramontes é doutora en Antropoloxía Social e Cultural pola Universidade Autónoma de Madrid coa tese doutoral ?La Galicia proyectada por NO-DO. La arquitectura del estereotipo cultural a partir del uso del folclore musical (1943-1981)?, dirixida polo antropólogo Dr. Juan Carlos Gimeno Martín e coa que conseguiu a máxima cualificación.
Agardando que sexa do voso interese.
Un saúdo.
Educación e Acción Cultural
Museo do Pobo Galego
www.museodopobo.gal
13º Edición do Venrespirar, "Festa Tradicional Itinerante":
- 20.00 h.: VENRESPIRIÑO guiado por Sandra González Sousa, mestra de Rebulir e fundadora de Xurxemurxe.
- 22.00 h.: CONCERTO de Bouba Pandereteiras + FOLIADA:
Anótate escribíndonos ao noso Facebook, ou no telf. 677090949; tamén podes facelo o propio día falando coa organización. Iredes tocando segundo a orde da inscrición.
O 5 de Maio dende ás 20.00 até as 02.00 h. no Mirador de San Francisco.
.jpg)
O XXXVII CONCURSO DE BAILE TRADICIONAL XACARANDAINA terá lugar o día 28 de maio no Pazo da Ópera da Coruña en horario de mañá. Ao igual que nos últimos anos haberá tres categorías divididas segundo a idade dos compoñentes.
O XXVIII CONCURSO DE MÚSICA TRADICIONAL XACARANDAINA terá lugar o día 14 de maio no auditorio do Centro Sociocultural Ágora en horario de mañá e de tarde. 
Este sábado, a Asociación Cultural Hai que Roelo organiza en Cuntis o I Serán dos Maios. 
O próximo 6 de maio celebrarase a #IIIFoliadaCervo e a XI Festa de degustación da carne de porco na Praza do Souto. 
Este sábado, 6 de maio, presentamos «A verbena das irmandiñas» en Compostela.
