Malmequer


Pandereiteir@s e festeir@s da beira atlántica da Galiza


Malmequer
malmequer.vigo@gmail.com
 GAVETAS
 OS SERÁNS (Sección de consulta)
 FOTOS PARA A HISTORIA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES

Cruzada contra o eucalipto
Un grupo de comuneiros arrinca brótelos de eucalipto para protexer as árbores autóctonas, en Amoedo.

Os graves incendios do pasado ano na comarca serviron de lección para os Comuneiros de Amoedo, en Pazos de Borbén. Despois de que o lume calcinase completamente os seus 454 hectáreas de monte, a xunta reitora púxose a traballar para reforestar de xeito ordenado todo o seu territorio, evitando caer nos erros do pasado.

Para iso, durante os últimos meses reprantaron unhas 130 hectáreas con especies autóctonas como o piñeiro, castiñeiro e carballo, evitando o eucalipto, moito máis rendible economicamente polo seu rápido crecemento, pero moi agresivo ecoloxicamente ao diminuír a biodiversidade da flora e ao facilitar a propagación de incendios pola altura que alcanzan e a fácil combustión da súa madeira.

Con todo, os comuneiros estanse atopando co problema que supón a rápida recuperación desta especie foránea, que rebrota das árbores queimadas e multiplícase de forma sorprendente, invadindo as zonas reforestadas con frondosas. "En pouco tempo brótelos cubriron todas as zonas nas que prantamos especies autóctonas, polo que non nos queda máis remedio que saír ao monte a arrincar un a un cada eucalipto", explica o presidente dos comuneiros de Amoedo, Manuel Fernández, que aclara que están en contra do uso de pesticidas e produtos químicos para evitar prexuízos á fauna.
Uns 40 comuneiros saen todos os venres pola tarde e sábados pola mañá para realizar esta tarefa.

En seis xornadas conseguiron limpar unhas 25 hectáreas de monte, aínda que solicitan unha maior colaboración veciñal para concluír canto antes os traballos. "É importante concienciar á xente da necesidade manter o monte en boas condicións, porque é un patrimonio que deixaremos a futuras xeracións", apunta.

Para rematar, Manuel Fernández anuncia que, a partir de agora, o 75% do beneficio da explotación forestal reinvestirase no mantemento do monte, en lugar de só o 25%. "O monte deunos moito aos comuneiros e hai que coidalo", conclúe.

www.farodevigo.es
Comentarios (0) - Categoría: Novas - Publicado o 06-09-2007 08:41
# Ligazón permanente a este artigo
Cursos de Pandeireta e Baile tradicional en Marín

Cursos de Pandeireta e Baile tradicional en Marín

Na Asociación Cultural Loaira de Marin.

As clases e o grupo ensaia na Casa de Cultura de Sta. Maria do Campo.

Contacto:
649 422 846/ 652 945 215
acloaira@gmail.com

www.acloaira.blogspot.com

Comentarios (0) - Categoría: Cursos - Publicado o 06-09-2007 08:41
# Ligazón permanente a este artigo
Na flor dos meus anos
Video promocional do disco da Sra. Carmen (Malvela)

Axiña á venda.

Comentarios (1) - Categoría: Videos - Publicado o 05-09-2007 01:43
# Ligazón permanente a este artigo
Sobre o Traxe Tradicional Galego
Os problemas de vestir a tradición:

A coincidir co calor e coa multiplicación de romarías e de festas de todo tipo no noso país, é nos meses estivais onde é máis común ver nas nosas rúas, adros e prazas xente ataviada cos nosos traxes tradicionais. No entanto, non todo o mundo está de acordo en que o que ollamos sexa realmente parte da nosa tradición. As polémicas sobre a nosa moda popular mantéñense desde hai anos.

En xeral, no momento en que a cultura popular pasa a ser recuperada por elites urbanas, prodúcese unha alteración daqueles costumes ou elementos que se queren recuperar. Sexa por diferentes valores estéticos, por cuestións ideolóxicas e de moralidade, ou mesmo por falta de práctica e sen que cumpra mala intención, este proceso dáse en todo o mundo desde que, nos séculos XVIII e XIX comezou a recuperación dos elementos folk. A nosa vestimenta tradicional, como non, sufriu tamén procesos deste tipo. Segundo explica Álex Regueiro, un dos sete artesáns que Industria recoñece como especializados na confección da nosa vestimenta, “Lendo Pardo Bazán, Curros Enríquez, Rosalía ou outra xente de espírito rexionalista vese que representan unha variedade e traxes inmensa”. De calquera xeito, e malia a que é posiblemente un dos elementos máis traballados, difundidos e recuperados desde hai case 200 anos, a investigación desta parte da nosa cultura popular dista de estar completa.

Historia de cambios
Xa a comezos do século XX existen denuncias sobre deturpacións encol do noso traxe tradicional. “Pefecto Feijoo denunciou no seu momento que se estaba a producir unha alteración do traxe porque se tendía a uniformar as corais”, explica Álex Regueiro. “Xa hai unha constancia destes problema que vén desde comezos do século”. Máis adiante, o traballo da Sección Feminina da Falanxe e das súas agrupacións de coros e danzas provocaron aínda unha maior confusión encol das características do traxe popular. “O franquismo non é que producise algunha alteración, realmente cortou de raíz calquera expresión artística galega”. A estandarización que produciu este movemento “foi despois recollida por nenos e nenos e nenas que ensaiaban con eles e que interpretaron que aquel era o traxe tradicional. Non foi ata os oitenta que se iniciaron traballos de campo serios”, asegura.

Problemas de recuperación
Malia a estes traballos, nos últimos vinte anos mantéñense aínda mitos e erros na reconstrucción do noso traxe tradicional. “Somos vaidosos e andamos á competencia de ver quen se viste máis espectacular. E entón inventamos”, explica este investigador.As deturpacións do noso traxe, para alén da vaidade, poden vir por diferentes bandas. “Moita xente recupera modelos a partir de fotografías que están en branco e negro. Un ten que formarse para recoñecer as diferentes tonalidades dunha fotografía e interpretar se unha cor era vermella ou negra”, explica Regueiro. “Ademais, hai que recorrer aos pintores e máis á tradición escrita, e moita xente é preguiceira para se meter nas bibliotecas”.

Mudanzas do espectáculo
Canda a isto, este artesán denuncia que a maior parte dos traxes que existen están elaborados por persoas que carecen de correspondente cualificación de industria, e que isto provoca a miúdo desviacións nos modelos que se amosan. “En case ningún dos grupos de baile van as mulleres ben vestidas. Por exemplo as saias era moi raro que pasasen dos catro metros de voo, e agora todas teñen máis porque loce para a interpretación”, explica. Ao tempo, denuncia modificacións nos materiais, en moitos casos artificiais, ou un exceso de colares e adornos. A outro nivel, un dos problemas máis comúns dos traxes actuais é a mestura de elementos de diferentes comarcas. “Iso non lle fai mal á xente que olla un espectáculo, pero se non se recoñece de onde é unha prenda tíraslle o mérito a unha artesanía local e faslle mal á cultura” explica Regueiro, “detrás dunha prenda hai unha manufactura que daquela podía ser toda a vida dunha aldea”.

Reivindicacións
En xeral, este investigador denuncia unha falta de rigor nas reconstruccións dos traxes que se poden ver no noso país e mais un xeral desinterese da administración para recuperar os modelos orixinais. “Que a conselleira de Cultura se vista co traxe tradicional e que todos os que participan no día de enxalzamento do traxe, representantes de institucións ou universidades que todos, se aparezan con el”, reclama. Canda a isto, para Regueiro é fundamental tamén a creación dun museo do traxe no que se poidan ver pezas orixinais “para que non queda dúbida sobre como eran os elementos reais” e que conte cun departamento de conservación que permita a supervivencia de prendas delicadas.

www.culturagalega.org
Comentarios (6) - Categoría: Novas - Publicado o 05-09-2007 01:43
# Ligazón permanente a este artigo
Cursos formativos de Luvas Verdes

Luvas Verdes, (Daniel Bellón e Pedro Lamas) presenta unha proposta docente de cursiños formativos específicos de gaita galega e música tradicional orientados a músicos interesados e entidades de promoción e difusión da nosa cultura. O obxectivo dos mesmos é a de establecer un fío de contacto entre músicos en formación e profesionais que permita unha actualización permanente dos programas ofertados.

Os cursos teñen unha duración de 10 horas que se reparten en dous días. Tamén poden adaptarse ás necesidades de cada quen e Luvas Verdes pode facer propostas específicas partindo da base das materias desenvolvidas. Apórtase documentación do programa e material de apoio.

-Técnicas de Gaita I (Iniciación)
-Técnicas de Gaita II (Perfeccionamento)
-Taller de Afinación I (Iniciación)
-Taller de Afinación II (Perfeccionamento)
-Taller de Ornamentación I (Iniciación)
-Taller de Ornamentación II (Perfeccionamento)
-Composición/Arranxos na Música Tradicional
-Composición/Arranxos na Música Folk
-Combo Instrumental Tradicional
-Combo Instrumental Folk
-Introducción á Música Tradicional

Máis información e petición de programas:

www.luvasverdes.com
Comentarios (0) - Categoría: Cursos - Publicado o 05-09-2007 01:43
# Ligazón permanente a este artigo
Entrevista a Brais Monxardín

Interpretando unha aria de Bach e unha peza propia, «Aires de San Martín», vén de gañar o Constantino Bellón en Ferrol.

Monxardín, natural da Fonsagrada luguesa, toca a gaita desde que tiña 13 anos. Pero, como el mesmo sinala, o galardón gañado a noite do venres no Teatro Jofre de Ferrol, un dos máis prestixiosos premios da música tradicional galega, vaille franquear portas que ata agora estaban sen abrir.

-E a partir deste momento, ¿que...?
-O meu proxecto máis inmediato, máis alá dos concursos, é, ao tempo que remato a carreira de piano, cristalizar a creación dun grupo que aínda non ten nome, pero que se sae adiante terá gaita, frauta, percusión, guitarra e catro bailaríns.

-Aos 25 anos de idade, que son os que vostede ten, ¿que se lle pide á gaita na que un toca a Bach?
-Que o seu son sexa redondo e potente.

-¿Que sensación produce interpretar música tradicional no Jofre, nun «teatro á italiana» construído no século XIX?
-Eu nunca tocara alí, e impresiona ver toda aquela xente escoitando. O Jofre ten unha acústica perfecta, é un dos mellores lugares, dos que coñezo, que pode haber para tocar. E ademais é un espazo moi acolledor

-Toca desde neno. ¿Como empezou todo...?
-Empecei nunha asociación cultural da Fonsagrada, que se chama Antaruxas e Sorteiros. Empecei a tocar con Juanjo Fernández, un gaiteiro que tamén gañou un ano o Premio Constantino Bellón. E despois continuei a miña formación con Pepe Baamonde, que gañou o Bellón tres veces, e co que toco con frecuencia aínda hoxe, porque somos moi amigos e ademais temos un cuarteto, que se chama Seineira e do que tamén forman parte André Vilán e Manuel Sánchez Rei.

-Así que precedentes, co do Constantino Bellón, no seu entorno xa había...
-¡Vaia se había...! O Bellón é un premio moi buscado polos gaiteiros, sobre todo polo prestixio que conleva gañalo. Xa é un clásico. E del saíu xente moi importante.

-¿Confiaba en gañar?

-A sorte inflúe moito, e ademais todos os que están na final do premio son moi bos gaiteiros. Entón, nunca se pode falar de confianza. Porque entran en xogo moitos factores.

-¿Que futuro lle agarda á gaita galega?
-A gaita galega é hoxe un instrumento cheo de futuro, porque a xente tecnicamente toca cada vez mellor e ademais no instrumento está habendo unha evolución constante. Eu, por exemplo, no concurso de Ferrol toquei cun punteiro afinable, que é un invento de Lis Latas e de Pepe Baamonde, que che permite buscar a afinación a temperaturas moi variables. Porque xa sabes que a afinación de gaita é bastante complexa, e depende de cuestións como a temperatura ou a humidade, e entón isto permite afinar dun xeito máis preciso e rápido.

-Vostede fórmase academicamente no ámbito do piano...
-A formación clásica permíteme achegar novos elementos e novos recursos ao mundo da gaita, ao da música tradicional. E tamén unha perspectiva diferente, que enriquece. A fusión, se está ben feita, é benvida.

-¿Que é o que fai que as tradicións sobrevivan?
-Inxectarlles aire novo. Hai que buscar nas orixes, afondar no que antes se facía, pero non por iso se poden deixar de buscar cousas novas. Non se pode caer no inmobilismo, nin na monotonía. Todo está cambiando constantemente, e non se pode saber a día de hoxe como se tocará dentro de vinte anos. Os cambios, no estilo, son moi rápidos. Pero a liña é boa. Hoxe a gaita está chegando a mundos que ata hai ben pouco eran por completo impensables.

www.lavozdegalicia.es
Comentarios (0) - Categoría: Novas - Publicado o 05-09-2007 01:42
# Ligazón permanente a este artigo
Irmandiños: A Revolta (Edición 2007)

Irmandiños: A Revolta, xogo de rol en vivo.

O xogo, está ambientado no século XV, durante a Segunda Revolta Irmandiña, revolución popular que tivo lugar en Galiza no ano 1467, na que milleiros de homes e mulleres de toda clase e condición se alzaron en armas contra os señores feudais debido aos múltiples abusos que contra a poboación se estaban a cometer.

Durante os tres días que dura a actividade terás a oportunidade de meterte na pel dun Irmandiño ou dun soldado nobiliario, enfrontados nunha guerra na que se decidirá o destino do Reino de Galiza. Batallas, conspiracións, intriga, traizóns e festas memorables ao carón da fogueira esperan por ti no castelo de Monterrei...

SINOPSE
Ano de 1469.
Despois do triunfo da Segunda Revolta Irmandiña os señores feudais foron expulsados dos seus dominios véndose obrigados a se refuxiar en Castela e Portugal. A Irmandade Xeral do Reino de Galiza goberna en todas as vilas e cidades galegas, impartindo xustiza en nome do rei Henrique IV.

Por primeira vez, os homes e mulleres poden sentirse libres e donos das súas vidas. Mais as cousas están a punto de mudar...
Rematada a guerra civil que enfronta a nobreza en Castela, o rei Henrique IV torna as costas ao destino dos galegos e traizoa a Santa Irmandade, autorizando o arcebispo Fonseca, un dos máis poderosos señores feudais, a regresar a Galiza e recuperar as súas terras. O arcebispo parte cara a Santiago de Compostela acompañado por Xoán Pimentel, irmán do conde de Benavente.

Xunto a eles, un numeroso exército de soldados e mercenarios. O seu obxectivo: reconquistar a cidade de Santiago e acabar co goberno da Irmandade na Galiza, para así restaurar a orde social preestablecida.
Tras varios días de viaxe, as tropas de Fonseca fan unha parada no castelo de Monterrei, propiedade do vizconde Diego López de Zúñiga. A Irmandade Xeral, informada da presenza de Fonseca en Monterrei, decide enviar a un exército de Irmandiños coa misión de asediar o castelo e impedir o avance das tropas inimigas cara a Santiago.

Despois dunha terrible batalla, o capitán Alonso de Lanzós ordena a retirada do Exercito Irmandiño.

Perdeuse batalla, pero a loita continúa...

Bases e inscrición:
www.irmandinhos.com
Comentarios (0) - Categoría: Novas - Publicado o 05-09-2007 01:42
# Ligazón permanente a este artigo
GS21 en Sanxenxo
Comentarios (0) - Categoría: Novas - Publicado o 04-09-2007 00:53
# Ligazón permanente a este artigo
I Encontro de Gaiteiros

Paços de Ferreira (Portugal), 15 de Setembro de 2007
Almoço-convívio

Iniciativa da Capital Artes, apoiada pela C. M. de Paços de Ferreira.

Informações adicionais:
tlf: 91.3467561
E-mail: capital.artes@gmail.com

Encontro aberto a todos os gaiteiros, percussionistas e músicos.
Almoço oferecido pela C. M. de Paços de Ferreira na Casa da Eira - Parque urbano.


I ENCONTRO DE GAITEIROS
Paços de Ferreira – Casa da Eira

Ficha de inscrição
Nome:
Morada:
Contacto:
Instrumento:

Org. Capital Artes / C. M. de Paços de Ferreira

Contactos: Nuno Oliveira: 91.8185859
Rui Santos: 93.6604211
capital.artes@gmail.com


I ENCONTRO DE GAITEIROS

Programa
10.00h - Recepção dos participantes - Concentração no parque urbano
11.00h - Alvorada
12.30-14.30h – Almoço-convívio
15.00-16.00h - Desfile de gaitas e percussões
21.00h – Actuação livre na Casa da Eira

Agradeço a divulgação deste evento.

Saudações gaiteiras
Nuno Parreira


Comentarios (0) - Categoría: Concursos e Xornadas - Publicado o 04-09-2007 00:53
# Ligazón permanente a este artigo
Rede Galega de Música ao Vivo 2008
Un total de 486 grupos inscribíronse para participar na programación de 2008 da Rede Galega de Música ao Vivo

Un total de 486 grupos e solistas de todos os estilos musicais formalizaron a súa preinscrición para participar na programación de 2008 da Rede Galega de Música ao Vivo, circuíto promovido polo IGAEM e a asociación Clubtura do que actualmente forman parte 45 salas de toda Galiza. Estes locais teñen de prazo até o vindeiro 15 de setembro para elaborar as súas propostas de programación para todo o ano 2008, agás os meses de xullo e agosto.

Para este trámite, do mesmo xeito que no proceso de inscrición, os participantes teñen á súa disposición unha intranet inserida na páxina web http://www.galescena.info/musicavivo/.

Máis dun 87% dos grupos inscritos son galegos, dos que 196 corresponden á provincia da Coruña, 163 a Pontevedra, 39 a Ourense e 28 a Lugo. Canto ao resto das solicitudes, rexistráronse formacións procedentes de Andalucía, Aragón, Asturias, Canarias, Cantabria, Castela e León, Cataluña, Comunidade Valenciana, Estremadura, Euskadi, Madrid e Navarra, así como de Alemaña, Bélxica, Irlanda e Portugal. Os seus repertorios abranguen todos os estilos musicais, que van dende o rock, pop e folk até a música electrónica, o jazz e a canción de autor, entre outros.

Cada sala deberá contratar un mínimo de 8 grupos para configurar a súa proposta, na que cando menos un 75% debe corresponder a formacións galegas. Así mesmo, para que un grupo ou solista sexa contratado necesita ter pechado un mínimo de 6 concertos anuais dentro da programación global.

A Rede Galega de Música ao Vivo botou a andar en febreiro de 2007 co obxectivo de consolidarse como un circuíto estábel de distribución musical que serva, ao tempo, de plataforma de promoción para os intérpretes e contribúa a optimizar a súa presenza en toda Galiza. Durante o primeiro semestre de actividade, ofreceu 560 actuacións protagonizadas por 71 grupos e solistas. A partir de setembro e até finais de ano acollerá outros 295 concertos a cargo de 70 formacións.

www.igaem.xunta.es
Comentarios (0) - Categoría: Novas - Publicado o 04-09-2007 00:53
# Ligazón permanente a este artigo
Concurso de Gaitas de Ponteareas
O concello de Ponteareas xa ten aberto o prazo de inscrición do Concurso de Gaitas de Ponteareas que, con este acada á súa cuadraséxima edición. A fase eliminatoria terá lugar o sábado 22 de setembro, mentras que a fase final celebrarase no Auditorio Reveriano Soutullo o domingo 23 de setembro a partir das 11:30h da mañá.

Nesta fase final serán interpretadas dúas pezas de libre elección que, ao igual que as interpretadas na fase eliminatoria, serán de raíz melódica galega. Igualmente en ámbalas fases non se admitirá a interpretación de suites nin de popurrís.

Poderán participar no concurso tódolos grupos de gaitas tanto de Galicia como dos Centros Galegos de España e do estranxeiro que toquen con gaita tradicional. Os interesados teñen de prazo ata o día 14 de setembro do 2007 para mandar as súas inscricións.

RELACIÓN DE PREMIOS
:

- 1º premio 1.800,00 € (Feliciano Barrera)
- 2º premio 1.200,00 €(Grupo de Empresas Regino Giraldez Boo “Construcción e Carpintería”)
- 3º premio 900,00 € (Irmáns Rodríguez Sobral)
- 4º premio 600,00 € (Concello de Ponteareas)

BASES COMPLETAS DO CONCURSO
e
FOLLA DE INSCRICIÓN

www.gaiteirosgalegos.com


Comentarios (2) - Categoría: Concursos e Xornadas - Publicado o 04-09-2007 00:53
# Ligazón permanente a este artigo
Bases do Concurso de Baile Tradicional Vai de Baile da TVG

Concurso de parellas de baile galego, "Vai de baile" do programa Luar da TVG

Convocámosvos a quinta edición do concurso, que comezará a mediados do mes de setembro e que se está a desenvolver de acordo coas seguintes

BASES:

PARTICIPANTES

1. Poderán participar os maiores de 13 anos que se inscriban por parellas mixtas. A dirección do programa fará unha selección previa dos candidatos.

2. A inscrición será gratuita. O programa entregará 300 € a cada parella en concepto de gastos cada día que concursen no programa.

MECÁNICA DO CONCURSO

3. En cada programa competirán dúas parellas entre sí bailando una xota e unha muiñeira de forma alternada, mais un agarrado que bailarán simultaneamente.

4. O xurado de Vai de Baile, formado por catro especialistas, calificarán a actuación de cada unha das parellas. A resolución estará consensuada polos catro membros do xurado e será inapelable.

CLASIFICACIÓN

5. Na primeira fase conseguirá un punto a parella que reciba a mellor calificación outorgada polo xurado e volverá participar no seguinte programa agás se chega aos cinco puntos; nese caso pasará directamente a clasificarse para a semifinal. Se hai empate, ambas parellas sumarán un punto cada unha e repetirán o encontro.

6. Na semifinal participarán as parellas clasificadas mais, en caso necesario, as que teñan maior puntuación no cómputo xeral. O número de parellas e de encontros desta fase estará determinado polas necesidades de programación.

7. As dúas parellas mellor puntuadas na semifinal competirán na final.

PREMIO

8. Vai de Baile ten como premio unha dotación económica de 6.000 € para a parella campiona e 3.000 € para a subcampiona.

DISPOSICIÓNS XERAIS

9. Os concursantes ceden tódolos dereitos de imaxe a Televisión de Galicia.

10. A dirección do Programa resérvase o dereito de suspender o concurso temporal ou definitivamente cando as necesidades de programación así­ o aconsellen.

11. A participación no concurso supón a plena aceptación destas bases. A interpretación das mesmas ou calquera aspecto non previsto nelas será competencia exclusiva da Dirección do Programa.

CONTACTO

Por mail a leniperez@yahoo.es ou ao teléfono do programa cando comece a nova tempada en setembro ao 981 540 606 (de luns a xoves en horario de oficina)

Moitas grazas a todos
Leni
Comentarios (4) - Categoría: Vai de Baile / Punta Tacón - Publicado o 04-09-2007 00:52
# Ligazón permanente a este artigo
O gaiteiro Brais Monxardín gaña o Constantino Bellón
O gaiteiro Brais Monxardín López, da Fonsagrada (Lugo), proclamouse este venres á noite vencedor do decimoséptimo concurso de gaita solista Constantino Bellón de Ferrol. Coa interpretación da "Suite número 3" de Bach e a peza "Aires de San Martín", da que el mesmo é autor, Monxardín conquistou tanto ao público como ao xurado do certame.

A pesar de ser a primeira vez que o lucense de 25 anos -que leva tocando desde os 13- presentábase a este prestixioso premio de gaita solista, a inexperiencia no escenario ferrolán non fixo madeixa no seu repertorio. Nos días previos á actuación en Ferrol, o músico mostrábase cauteloso en canto ás súas quinielas sobre o gañador. «Vai haber xente que toca de marabilla. Depende de como teña ou día cada un, vai depender de moitos factores», comentaba na tarde do xoves. Ao final, foi el o máis habilidoso coa gaita no teatro Jofre ferrolán, onde tivo lugar o certame a partir das 20.30 horas.

Ademais do recoñecemento como mellor gaiteiro de Galicia, Brais Monxardín López levou un premio en metálico de 3.000 euros. O xurado tamén considerou oportuno conceder dous accésits, dotados con mil euros cada un, ao ourensán Pablo Devigo Vázquez e ao vasco Daniel Lumbreras Rodríguez.

A noite estivo infestada de emocións, pois se entregaron, así mesmo, as tradicionais mencións de Gaita de Ouro e Gaita de Prata ao artesán ourensán Rubén González López e ao coro coruñés Cantigas dá Terra, respectivamente, polo seu arduo traballo en favor da música tradicional galega.

Pablo Devigo, recente gañador da Festa do Gaiteiro de Soutelo de Montes, levou a casa o premio do concurso de composición (de 2.000 euros) deste ano coa fantasía para gaita e piano "Troula para Constantino".

O certame, considerado o máis importante de Galicia das súas características, conseguiu unha boa entrada de público, que seguiu as evolucións dos nove intérpretes con gran interese. Este ano xa se coroou ao mellor gaiteiro de Galicia que, a xuízo de Víctor Fernández Gabeiras, presidente do xurado do Constantino Bellón, é ese «gaiteiro solista puro que actúa sen necesidade de acompañamento de ningún tipo».

www.lavozdegalicia.es
Comentarios (0) - Categoría: Concursos e Xornadas - Publicado o 03-09-2007 00:32
# Ligazón permanente a este artigo
Festa dos Axóuxeres para bebés e familia
Comentarios (0) - Categoría: Novas - Publicado o 03-09-2007 00:32
# Ligazón permanente a este artigo
Festas de Guadalupe en Rianxo
Comentarios (0) - Categoría: Novas - Publicado o 03-09-2007 00:31
# Ligazón permanente a este artigo
A GRESCA - XV FESTIVAL DE CERCEDA

Tras dous aniños de inactividade logo da última edición do festival de cerceda, a asociación lucerna botou este ano 2007 de novo a andar, e decidiu retomar o xa dito festival. Pero para que a volta fose sonada imos afrontar a continuación da foliada que se fixo os dous anos anteriores en Barcelona no barrio de Nou barris, con presenza de grupos Galegos e Cataláns asi como persoeiros de outras vías artísticas de ámbolos dous puntos xeográficos tamén.

Así este mes de setembro Cerceda acollerá este encontro catalan-galaico no que haberá actuacións musicais, teatro, circo, xogos populares ... e moito máis.

Sen máis un saudo dende a asociacion cultural Lucerna, e convidarvos a todos a que non vos perdades esta festa!!!

http://www.myspace.com/agresca

De balde e con zona de acampada ao carón do Campo da Festa
Comentarios (0) - Categoría: Festivais - Publicado o 03-09-2007 00:31
# Ligazón permanente a este artigo
Xa estamos de volta
Pois sí, despois duns preciosos días de descanso en Asturies voltamos á actividade cotía de poñernos ao día no referente ao mundo da música tradicional e das festas e concertos que nos poidan interesar, amáis de botar unhas risas e uns bos recordos coas fotos que vaiamos subindo nesta nova tempada que comezamos en setembro.

Malmequeriáns tod@s, preparaivos para seguir de festa e carallada.

Xa polo de pronto lembrar que a mediados de mes celebraráse o Serán das Tarambainas en Lavadores e Tamara non perdoará que faltemos.

Un saúdo especial a Edu que currouse os novos logos de Malmequer.

Bikos e apertas a tod@s.

P.D.: para todo aquel que estea interesad@ en que calquera actividade relacionada co blog poida anunciarse nel como xornadas, concursos, seráns, concertos,... non ten nada máis que remitila ao correo de Malmequer:

malmequer.vigo@gmail.com
Comentarios (1) - Categoría: Novas - Publicado o 03-09-2007 00:31
# Ligazón permanente a este artigo
XXI Festival da poesía no Condado

Seguimos de vacacións...Puxa Asturies!!!
Graciñas por todo Ambás, unha aperta dos teus amigos galegos.

Un clásico dos clásicos que non podía deixar pasar esquecido:

PROGRAMA DO XXI FESTIVAL DA POESIA NO CONDADO
do 30 de agosto ao 1 de setembro 2007. salvaterra de minho.

Corta feira (Xoves) 30 de Agosto

19.30 Abertura de Exposiçons
Covas de Dona Urraca / CASA DO CONDE
Pintura
- Delia Rodríguez
- Erica T. Fresco
- Cora Vidal
- Clara Salamanca Fernández
- Sarai Fernández Márquez
Projecçom
Reportagem do fotógrafo Alberto Prieto.
Video-poemas
Lara Bacelo, Maria Lado, Davide e Estevo Creus, Ledicia Costas, Dani Raatzke e Cuco Pino
Fotografia
O barco da memoria
Exposiçom
Sobre o periódico “A Voz do Condado” (1977-1979)

20.30 Projecçom de Audiovisuais
Casa da Cultura
Líster, pronunciado Liste
(Margarida Ledo Andión, 2007)
Curtas premiadas no festival de Cans

22.30 Noite portuguesa
Covas de Dona Urraca
Filipa Pais
-Aforo limitado
-Entrada 10 €
- Ao remate, tentempé de meia-noite

Sexta feira (venres)31 de Agosto


20.30 Projecçom de Audiovisuais
Casa da Cultura
Bs.As.
(Alberte Pagán, 2006)
Curtas premiadas no festival de Cans

22.30 Festa Jovem
ZONA DAS MURALHAS
Apresenta Carlos Santiago
- Galegoz (Galiza)
- Boom Club (ex-Spook & the Guay) (França)
- Peste & Sida (Portugal)
- Obrint Pas (Països Cataláns)

Sábado 1 de Setembro

11.00 Marcha popular
- Charanga
- Murga Os 6 do Condado
- Gaiteiros Bailía
- Concerto da Banda de música de Salvaterra

Feira Popular

Artesanato
- Cesteiros, zapateiros, cabaqueiros, instrumentos tradicionais...

16.00 Festa infantil
Praça do castelo
- Troula Animación: zancudos, animaçom de rua...
- Obradoiros: maquilhagem, globoflexia, barro...
- Comboio de baixa velocidade
- Ultraligeiros: Clube Meteoro

19.30 Festival Poético-Musical
ZOna das muralhas
- Apresenta Miguel de Lira e membros de Chévere

Poetas
- Marica Campo
- Celso F. Sanmartín
- Roi Vidal
- Daniel Salgado
- Manuel Outeiriño
- Raida Rodríguez
- Koki
- Ana Romaní
- Lucía Novas
- Celso Álvarez Caccamo
- Pedro António Ribeiro (Portugal)
- Delmar Maia Gonçalves (Moçambique)
- Xabi Borda (Euskal Herria)
- Jon Benito (Euskal Herria)
- Pau Gener Galin (Països Cataláns)

Grupos musicais
- Xarin (Galiteiros do Íncio)
- Marful (jazz-band, Galiza)
- Mercado Negro (reggae· Portugal)
- Dany Silva (Cabo Verde)

Serviços
- Zona de campismo
- TRANSPORTES GRATUÍTOS
Sexta e Sábado (ida e volta)
1 € com copo ecológico
Comboio
Desde Vigo com paradas em Redondela, Porrinho e Guilharei
Comboio
Desde Ourense com paradas em Ribadávia e As Neves

Autocarros
Desde Mondariz com paradas em Ponte-Areias e Fornelos
Desde Tui com paradas em Caldelas e Salzeda

http://www.scdcondado.org/festival.htm#programa

Comentarios (0) - Categoría: Festivais - Publicado o 30-08-2007 18:05
# Ligazón permanente a este artigo
II Festa da Pandeira

Xa sei que estou de vacacións...
Unha aperta a tod@s e saudos dende Asturies
Henrique

Máis información do encontro:

http://www.agaitadofol.com/Acontecimentos/IIFestadaPandeira.php
Comentarios (1) - Categoría: Novas - Publicado o 24-08-2007 11:51
# Ligazón permanente a este artigo
O blog Malmequer toma vacacións
Tomamos uns días de descanso e para a volta haberá novas novidades no blog, novo deseño e

Atención!!!
borraránse todas as fotos da tempada pasada para deixar paso a unha nova tempada de seráns e foliadas,

Así que xa sabedes, é a derradeira oportunidade de visionar ou descargar as fotos e sorrir cos seus comentarios.

Seráns

Serán da Ermida
Serán de Arbo
Serán de Borreiros
Serán de Donas
Serán de Fozara
Serán de Gargamala
Serán de Lourido
Serán de Moreira
Serán de O Fiadeiro" (Vigo)
Serán de Oliveira
Serán de Pontevedra
Serán de Redondela
Serán de San Vicente de Oitavén
Serán de Valadares
Serán do Carballal
Serán dos Namorados de Toutón

Festas e foliadas

Carboeiro 2007
Cea Amalghama-Malmequer
Cea bloqueira no Furancho da Balsa
De furanchos por Matamá
Entroido 2007
Festa do Millo Corvo 2007
Festa dos Maios
Foliada no Faisca
Peche campaña cos Festicultores
Reconquista 2007
San Brais 2007
Un día no Verdugo
Unha noite cos Chichisos
Unha noite no Muiño (Amalghama)
1º Maio 2007


Deixamos ligazóns para as novas que tiveron certa POLÉMICA, para que durante estes días vos poñades ao tanto de todo o que aconteceu por detrás do blog e por se queda algo por dicir...

VIII Xornadas de Danza e Música Tradicionais Galegas (Vigo)

Resultados do Concurso Azaloira 2007

Grupos finalistas do XXVIII Concurso de Baile Tradicional Xacarandaina

Resultados do XXVIII Concurso de Baile Tradicional Xacarandaina

"Meniño" e "Isue" versión 10.0 da Revolución Boliviarana


Un saúdo a tod@s e até a volta!



Comentarios (2) - Categoría: Novas - Publicado o 21-08-2007 16:15
# Ligazón permanente a este artigo
Botando unhas risas
Xa que imos tomar uns días de relax deixamos uns videos para botar unhas risas.

Carlos Blanco falando das festas galegas



O surrealismo dos Tonechos e Mobles Mendoza

Comentarios (0) - Categoría: Videos - Publicado o 21-08-2007 16:15
# Ligazón permanente a este artigo
Anacos de Buxo no Museo Liste
Concertos Dídácticos no Museo Liste (Vigo)

O sábado 25 de agosto: Anacos de Buxo (Cuarteto tradicional)
pola mañá ás 12:30 na finca do Museo Liste (Rúa Pastora 22, Vigo), entrada de balde

Comentarios (0) - Categoría: Novas - Publicado o 21-08-2007 16:14
# Ligazón permanente a este artigo
Entrevista a Pablo Devigo
Pablo Devigo Vázquez acaba de gañar este sábado o IX concurso de música tradicional "Avelino Cachafeiro" celebrado en Soutelo de Montes, dentro da XXVIII Festa do Gaiteiro.

Este virtuoso gaiteiro nacido en Castro Caldelas, xa gañou con tan só 17 anos concursos tan prestixiosos como o "Ricardo Portela" en Viascón, ou o "Manuel Villanueva" en Poio. O cuarto lugar acadado no Trofeo MacCrimmon, considerado o máis importante do mundo, é posiblemente o seu maior logro a día de hoxe.

- ¿Que significa para vostede gañar o concurso que leva o nome de Avelino Cachafeiro, por diante de gaiteiros do prestixio de Edelmiro Fernández ou Óscar Ibáñez?
- Gañar un certame en Soutelo de Montes ten unha carga simbólica importante. Facelo nese entorno cultural marcado pola figura do Gaiteiro de Soutelo é para min un honor. Despois das oito horas de ensaio diarias, de traballar moito sobre o intrumento e das horas de viaxe é moi satisfactorio ter unha recompensa. Axuda moito gañarlle ás figuras as que lle vin de gañar. Iso tamén simboliza o cambio xeracional que se está vivindo no mundo da gaita.

- Todos os gaiteiros louvan a figura de Avelino Cachafeiro a prol da música tradicional galega, ¿en que cre vostede que influíu a figura do Gaiteiro de Soutelo na música galega?
- Avelino Cachafeiro é o referente. Sobre el recae a figura do virtuoso, a súa técnica e expresividade son totalmente actuais. Noutras nacións con gaita tamén existe esta figura, en Asturias pódese falar de Remis Ovalle, que tamen é a figura do virtuoso e ademais son máis ou menos coetáneos.

- Por Soutelo pasaron grandes gaiteiros, e podemos dicir que o que gaña aquí ten o título oficioso de mellor gaiteiro de Galicia. ¿Esta vitoria supón a súa consolidación como gaiteiro? ¿Cal cre que é o papel que está chamado a realizar no mundo da gaita?
- Para min é un recoñecemento aos anos de traballo. Pensa que eu collín unha gaita por primeira vez cando tiña sete anos, de feito teño a clavícula un pouco deformada de ter o ronco enriba. Hoxe en día non se sabe a liña que vai tomar un, pero eu sei que me quero dedicar á música e isto, se cabe, reafírmame no meu cometido. Por suposto que é algo importante porque as figuras da gaita galega que triunfaron no seu momento pasaron por este concurso: Edelmiro gañou no 2003, Dani Bellón desde o 2004 ao 2006.

- ¿Como un rapaz de 17 anos consegue gañar un concurso coma este e queda cuarto no Trofeo MacCrimmon, posiblemente o máis prestixioso?- No MacCrimmon todo é moi complicado, incluso se pode dicir que é pura política, tampouco me podo meter moito. É nestes concursos, ao pé do canón, con público e acompañado de percursionista onde realmente se mide a calidade do gaiteiro. Son moitas horas de traballo e moitos concursos rodados. Levo concursando desde o 2003, e xa participei en todos os concursos que hai en Galicia.

- Este ano o pregoeiro da Festa do Gaiteiro foi Xosé Manuel Seivane. ¿As súas gaitas son deste artesán ou doutros?
- Eu traballo con Seivane, tamén teño gaitas doutros artesáns, pero as gaitas coas que concurso actualmente son todas de Seivane.

- Para un profano, en Galicia só hai catro gaiteiros: Carlos Nuñez, Budiño, Susana Seivane e Cristina Pato. ¿Non cre que o mundo da gaita lle debería dar a oportunidade a novos profesionais?
- O relevo xeracional estase dando, o que pasa é que nos topamos fronte unha parede. Hoxe en día a preparación dos gaiteiros é moi superior á de hai unhas décadas. Pensa que hai gaiteiros que están rematando musicoloxía en Oviedo, son xente que se está preparando, pero o mercado é bastante reducido. Aquí non pasa o mesmo que en Asturias onde hai moitos festivais e as discográficas vólcanse con este tipo de música e hai xente que vive diso. En Galicia non sei por que estraño motivo existen catro núcleos, que son os máis mediatizados e o resto está bastante parado.

- ¿Cre que a música folk se está consolidando ou que a época de explendor vivida nos anos pasados chegou ao seu fin?
- Está claro que o boom pasou, pero tampouco vai a menos. O que está claro é que en Galicia a música tradicional está arraigada, as asociacións culturais están profundamente arraigadas. Un dato importante é que cada vez hai máis mulleres gaiteiras, estanse rompendo prexuízos, cada vez hai máis bandas tradicionais e, se todo segue o seu curso, en teoría o mercado discográfico debería tamén medrar.

- Como ourensán, ¿como vive a polémica existente entre os seguidores máis ortodoxos da música tradicional e os da Real Banda de Gaitas de Ourense?- De neno fun membro da Real Banda de Ourense aínda que nunca comulguei con ese tipo de ideoloxía. Estando aínda nun bando xa concursaba no outro pola miña ideoloxía gaitística, sempre tiven gaitas tradicionais. En canto tiven dependencia quixen facer o que realmente quería, que era tocar música galega.


http://www.farodevigo.es
Comentarios (4) - Categoría: Novas - Publicado o 21-08-2007 11:57
# Ligazón permanente a este artigo
Bonito video de Ialma coas Damas de Laxoso
As cousas que se atopan pola arañeira...
No blog de Turonio facía referencia a este video das Ialma e aparte de estar moi ben levo a sorpresa de atopar as cantareiras de Laxoso, con Aurea á fronte, compartindo o esceario...

Festival Voix de Femmes en Bruxelas (2005)




E non podemos esquecer o grupo irmán das Ialma, Urban Trad:

Comentarios (0) - Categoría: Videos - Publicado o 21-08-2007 09:58
# Ligazón permanente a este artigo
I Certame de Música Tradicional Guadalupe 2007
En Rianxo, o vindeiro 11 de Setembro, vaise celebrar o "I Certame de Música Tradicional Guadalupe 2007", que este ano comeza a súa andaina. A fin desexada deste certame é a de promover a participación das agrupacións musicais e culturais que están a agromar na comarca e arredores, así como a de músicos que non pertencen a agrupación algunha.

As modalidades establecidas para o concurso son as de solista e grupo tradicional (cuarteto ou quinteto), sendo as pezas obrigatorias para cada unha das categorías as seguintes:

Solista: A Camposa
Grupos: Lembrando

Os premios para cada unha das categorías son:
- Na modalidade de solistas: 1º premio de 300 € e 2º premio de 100 €
- Na modalidade de grupos: 1º premio de 500 € e 2º premio de 200 €

A data límite de inscrición no certame é o venres 7 de setembro ás 14 horas.

Se estades interesados en participar, podedes consultar as bases completas e ter acceso ás partituras das pezas obrigatorias nesta nova.

BASES DO CONCURSO

Partituras obrigatorias: A CAMPOSA e LEMBRANDO

http://www.gaiteirosgalegos.com
Comentarios (0) - Categoría: Concursos e Xornadas - Publicado o 21-08-2007 09:56
# Ligazón permanente a este artigo
XXIV Noite Celta de Porcía (Eo-Navia)

XXIV Noite Celta de Porcía (Eo-Navia)

Sábado 25 de agosto en Porcía, concello de O Franco (Asturies)

Nesta edición a Alameda de Porcía vibrará con:

- "La Col.la Propinde" (Asturies)
- "El Cabazo", (O Franco)
- "Reina del Truebano" (Navia)
- "Blima" (Asturies)
- "Felpeyu" (Asturies)
- "Fred Morrison" (Escocia)
Comentarios (0) - Categoría: Festivais - Publicado o 20-08-2007 13:21
# Ligazón permanente a este artigo
Encontro Folclórico Malveiras 2007.

O vindeiro sábado día 25 celebrase o Encontro Folclórico Malveiras 2007.

Actuarán as seguintes agrupacións:

- Xirandola de Silleda
- Rancho Folclorico de Canidelo, Portugal
- Lembranzas da Ria, de Cangas
- Asociación Folcorica Malveiras de Vilagarcia.

O encontro comezará as dez e media e terá lugar na Praza da Peixería de Vilagarcía.
O remate, celebrarase unha pequena festa.

Por un lado a Agrupación montara unha das aldeas da Noite Meiga que se celebrara en Vilagarcía o vindeiro Sabado e que terá como prolegomeno no venres a Noite de Animas. Repartirase Queimada e rosquillas a todo aquel que queira achegarse.

Polo outro, a Agrupación celebrará os 20 anos de existencia cunha pequena gran festa rachada na que podera participar quen queira, xa sexa tocando ou cantando ou bailando, e que durara ata que o corpo aguante. Non será un seran pero case... Non o dubidedes e achegadevos...!!!
Comentarios (2) - Categoría: Novas - Publicado o 20-08-2007 12:18
# Ligazón permanente a este artigo
Roteiros pola Illa de san Simón
A consellaría de Cultura, a través da Fundación Illa de San Simón, abriu o prazo de reservas para poder visitar o lugar os días 24, 25 e 26 de agosto, e o 1 e 2 de setembro.

Os visitantes gozarán dun percorrido guiado no que se lembrará o pasado da illa desde a Idade Media. Estas xornadas permitirán acceder á illa a unhas 2.000 persoas durante cinco días, nos que se ofrecerá transporte marítimo de balde.

As persoas que queiran realizar esta visita deberán reservar o pase chamando aos teléfonos 981 935 303 e 981 590 272, no correo electrónico trevisani@trevisani.es ou a través do servizo de turismo de Redondela.
Comentarios (0) - Categoría: Roteiros - Publicado o 20-08-2007 10:46
# Ligazón permanente a este artigo
Xa hai gañador do A Polo Ghit 2007
Unha formación debutante converteuse na gañadora da segunda edición de A Polo Ghit, o concurso convocado por Vieiros e a Radio Galega para procurar a canción do verán. Sacha na Horta, un grupo de mulleres que viven na compostelá rúa das Hortas e que non tiña experiencia anterior no mundo da canción, foi merecedora do premio.

Esa foi a decisión do xurado, formado por Luís Queimada, Vincent Jalo, María Yáñez e Xavier Campos. Agora, o grupo gañador gravará un videoclip profesional na Televisión de Galicia e voará a Cuba para participar na Feira do Libro da Habana en febreiro do 2008, coa delegación da Consellaría de Cultura. O tema premiado, Biocultivos, fala da vida e da visión do mundo destas mulleres. Parabéns!


A clasificación final:

1ª Biocultivos, de Sacha na Horta
2ª O Son do Son, de Mordecans
3ª Pinguinha, de Amacuca
4ª Verbenero, d'Os Forfiestas
5ª Bikos from Madeira, de Snatch
6ª Ti eres de aquí ou vicheches á festa, de Magín Blanco
7ª Mira como canta, de Pandeiromus
8ª Guachin in the sky, de Chupadeskay
9ª 8 que 80, de Kógito
10ª Tranquilo viejo, de Jabón Blue

Peza gañadora
1. Sacha na Horta
Biocultivos

http://www.vieiros.com

http://apologhit.vieiros.com/

Comentarios (0) - Categoría: Concursos e Xornadas - Publicado o 20-08-2007 10:23
# Ligazón permanente a este artigo
IV CURSIÑO XARABAL 23 ANIVERSARIO
IV CURSIÑO XARABAL 23 ANIVERSARIO

A AA.CC. Xarabal celebra a 4ª edición dos cursos reunindo a amigos, colaboradores e profesionais da música folk. Este ano asinamos a nosa
estreita colaboración coa AA.CC. Valladares e desenvolveremos as nosas actividades no seu local. Agradecemos o esforzo e colaboración ofrecido pola AA.CC. Beade nas edicións anteriores.

Celebrarase os días 28, 29 e 30 de Setembro

Lugar: AA.CC de Valladares, Estrada de Valladares 233. Tlf: 986 46 70 53
Aloxamento: Seminario maior San José. Estrada de Madrid 8. Tlf: 986 41 26 66

CURSOS, Impartidos por:

Empalletado e afinación de Gaita 1: MARCOS CAMPOS
http://www.myspace.com/marcosmasterpipe

Técnica e interpretación de Gaita 2: ANXO LORENZO
Whistle: ANXO LORENZO http://www.myspace.com/anxolorenzo

Percusión tradicional: ALBERTO COSTAS

Construción de Palletas: ANTÓN CURRAL (Horario de mañá e de tarde)

Requinta e Frauta irlandesa: JOSÉ LIZ http://www.myspace.com/xoseliz

Bouzouki: JOSÉ LIZ

Baile: MIGUEL SOUTO

Acordeón: JORGE ARRIBAS
http://www.myspace.com/jorgearribas

Percusión Folk: ROI ADRO

Violín: AFONSO MERINO

Bodhran: ROBERTO MÍGUEZ "MILLA"

Os cursos contarán coa colaboración de amigos e profesionais representantes de cada Especialidade para ofrecer conferencias e pequenas charlas-coloquio.
Realizaranse exposicións de artesanía.
Faranse audicións comentadas de concertos en directo impartidas por invitados en horarios ?non lectivos? en salas de vídeo acondicionadas.
Todas as noites realizaranse sesións en coñecidos pubs da cidade.
Haberá entrega de diplomas acreditados pola institución organizadora.
Realizarase un concerto final con alumnos e profesores.

Horarios dos Cursos:
Construción de Palletas, Gaita 2, Acordeón, Requinta Frauta Irlandesa, Percusión Folk e Violín : 9h a 13.00
Gaita 1, Whistle, Bouzouki, Construción de Palletas, Percusión tradicional, Baile e Bodhran : 16h a 20h

Duración: O curso terá unha duración de 3 días.
Comezará o venres 28 de Setembro e terminará o Domingo 30 de Setembro.

Prezo: O prezo da matrícula de 1 curso é de 150 euros con aloxamento dos días 28 e 29 dietas dos días 28, 29 e 30.
O prezo da matrícula de 2 cursos aloxamento dietas é de 225 euros.

Para os que non se aloxen na pensión e non dispoñan das dietas o prezo da matrícula de 1 curso será de 75 euros.
E para estes mesmos o prezo da matrícula de 2 cursos será de 150 euros.

* Só admítese que os participantes acudan a 2 cursos (1 de mañá e 1 de tarde) como máximo.
Data límite de inscrición: Luns 24 de Setembro.

A matrícula formalizarase a través do e-mail de Xarabal:
info@... indicando os cursos aos que se desexa asistir e enviando unha copia do resgardo bancario ACHEGANDO O NOME DO ALUMNO/ A.

Poderase enviar por fax devandito resgardo bancario ao: 986 36 79 38 especificando o nome do alumno/a, curso en que participa, nº de teléfono e DNI.

Ingresar o importe no nº de conta: 2080 0217 38 0040000463 de Caixanova a nome de AA.CC. XARABAL.
Todos os alumnos matriculados deben acudirse o venres 28 de setembro ás 8:30 h na Asociación de veciños "Val do Fragoso" Rua Val Miñor 1-3. VIGO (EN FRONTE DO ESTADIO DE BALAÍDOS-CELTA DE VIGO)

HAI LÍMITE DE PRAZAS.

TELÉFONO DE INFORMACIÓN: 645 13 29 71

Consultar toda a información na web de XARABAL:
www.xarabal.org
Comentarios (0) - Categoría: Cursos - Publicado o 20-08-2007 10:13
# Ligazón permanente a este artigo
Resultados do Concurso Avelino Cachafeiro
Nove músicos tomaron parte, o sábado 18 de Agosto, na elección do que moitos consideran o mellor gaiteiro de Galicia. Foi durante a celebración da XXVIII Festa do Gaiteiro, en Soutelo de Montes. A clasificación final foi a seguinte:

1º Pablo Devigo
2º Óscar Ibáñez
3º Edelmiro Fernández

O xurado estivo composto por Juanjo Fernández, Xaime Estévez, Roberto Quintillán, Begoña Louzao e Manuel Alonso.

Nesta edición o pregón foi pronunciado por José Seivane que falou sobre a súa mocidade a memoria da gaita e os gaiteiros. Rematou as súas verbas cunha copla perfectamente entonada.

Acudiu tamén o vicepresidente da Xunta, D. Anxo Quintana quen pronunciou un discurso no que remarcou a importancia que ten a música tradicional na sociedade Galega.

O Concello de Forcarei, representado polo seu alcalde D. David Raposeiras, concedeu as Medallas Gaiteiro de Soutelo a Edicións do Cumio, Ouvirmos, Coral Ruada e á Casa de Galicia de Maracaibo pola laboura de todos eles a prol da nosa cultura tradicional.

Un ano mais comprobouse que a Festa do Gaiteiro é unha das citas ineludibles para todos aqueles que honran a música tradicional galega.

http://www.gaiteirosgalegos.com
Comentarios (0) - Categoría: Concursos e Xornadas - Publicado o 20-08-2007 10:02
# Ligazón permanente a este artigo
I Mostra de Xogos Tradicionais

A I Mostra de Xogos Tradicionais celébrase o vindeiro 25 de agosto na vila da Santalla, no Concello da Pontenova. Bolos, chave, billarda e moitos xogos máis poderán practicarse durante toda a xornada.

O Torneo Galego de Bolo Celta, o Torneo de Chave, a Billarda, diferentes modalidades de Bolos, o Corte de Troncos en Altura, unha exposición e un obradoiro de xoguetes tradicionais conforman algúns dos preto de 60 xogos e deportes tradicionais de Galiza, Asturias, Castela e León e Portugal que se poderán ver e practicar o 25 de agosto en Santalla, no concello lugués da Pontenova.

A Asociación Galega do Xogo Popular e Tradicional (AGXPT), Brinquedia, Rede Galega do Xogo Tradicional, o Club Deportivo 6 Conceyos (Asturias) e a Asociación Cultural La Tanguilla (Castela e León) e diferentes Federacións e Asociacións culturais e deportivas serán as entidades encargadas de amosar os xogos e deportes tradicionais máis destacados das súas respectivas comunidades.

O evento desenvólvese nunha parcela de 4.000 metros cadrados da vila, rodeada de alpendres, cabozos, hórreos e monte, sen dúbida nun marco incomparable semellante aos espazos utilizados antigamente para a realización destes xogos.

O obxectivo desta mostra, que a organización pretende consolidar nos anos vindeiros, é a de concienciar á cidadanía para que non esqueza os xogos e deportes que se practicaban antigamente, e non só iso, senón que os adultos e maiores ensinen aos nenos e nenas como se desenvolven estes xogos, que conforman o patrimonio lúdico, para que volvan a formar parte do seu tempo de lecer.

Deporte no medio das leiras
Asociacións e deportistas de toda Galiza, Portugal, Asturias e Castela e achegaranse á Pontenova para exhibir os xogos que practican nas súas zonas e ensinarlles aos asistentes a orixe destes, o seu desenvolvemento e as súas variantes.
Preto de 60 xogos e deportes tradicionais poderanse ver e practicar na pequena vila de Santalla, o vindeiro 25 de agosto, dende o mediodía até as 19:00 horas da tarde.

De entre todas as actividades destacan o Torneo Galego Individual de Bolo Celta e o Torneo de Chave, que traerá xogadores de toda Galiza até Santalla.

Comentarios (0) - Categoría: Novas - Publicado o 20-08-2007 09:19
# Ligazón permanente a este artigo
Festival da Lúa meiga no Viso

http://www.noitedaluameiga.org/
Comentarios (0) - Categoría: Festivais - Publicado o 20-08-2007 09:18
# Ligazón permanente a este artigo
Rebumbio 2007 (Mos)

No Monte do Rebullón, Tameiga-Mos. A entrada é de balde, haberá sesión Vermú e xantar baixo carpa, com pulpeiras, empada, callos... tamén terán atraccións inchables para nenos.

Non á Autovia, Supresión da peaxe, Novos trazados para o AVE!!!

rebumbiodefendemos.blogspot.com
Comentarios (0) - Categoría: Festivais - Publicado o 20-08-2007 09:18
# Ligazón permanente a este artigo
Festival Brincadeira en Ordes
Comentarios (0) - Categoría: Festivais - Publicado o 20-08-2007 09:18
# Ligazón permanente a este artigo
© by Abertal
free web counter

contador de malmequeriáns dende o 1 de marzo 2007








Galiza

Malmequer