Malmequer


Pandereiteir@s e festeir@s da beira atlántica da Galiza


Malmequer
malmequer.vigo@gmail.com
 GAVETAS
 OS SERÁNS (Sección de consulta)
 FOTOS PARA A HISTORIA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES

Vai de camiño 2008
O circuíto organizado pola Consellaría de Industria levará espectáculos a 115 localidades durante todo o verán e encherá de artistas galegos as oito rutas xacobeas

A terceira edición do certame Vai de Camiño achegará nos meses de verán un total de 115 espectáculos a outros tantos concellos galegos asentados nas oito rutas do Camiño de Santiago, incluíndo por primeira vez as cidades. Teatro, música, danza, maxia, monicreques, clown , animación de rúa e contacontos conforman a programación deste circuíto desenvolvido pola consellería de Innovación e Industria ao que destina un orzamento de 1,8 millóns de euros.
Berrogüetto, Mercedes Peón, Susana Seivane, María do Ceo, Cristina Pato, Los Suaves, Milladoiro, Siniestro Total, De Luxe, Son de Seu, Luar na Lubre, Uxía, The Ellas, Loretta Martin, Victor Aneiros, The Blows, Marful, Triángulo de Amor Bizarro, Fía na Roca, Elodio y los Seres Queridos, Lamatumbá, The Homens, Xabarín Club, O Mago Antón, Os Quinquilláns, Volta e Dalle Teatro son algúns dos nomes deste variado cartel que se desenvolverá dende o próximo venres ata o 30 de setembro.

Ao longo destes catro meses haberá actos practicamente todos os días co obxectivo de complementar as programacións dos distintos concellos que colaboran un ano máis en Vai de Camiño . Os espectáculos agrúpanse en datas consecutivas ao longo de dúas semanas por cada unha das rutas. A consellería pretende con isto «racionalizar a oferta cultural e artística dándolle relevo a un camiño de cada vez en distintas datas».

O conselleiro de Innovación e Industria, Fernando Blanco, destacou o carácter «cen por cen galego» deste circuíto cultural na súa presentación, destacando o éxito das anteriores edicións, que, na súa opinión, o converteron nun «referente musical e cultural do verán galego». O conselleiro nacionalista explicou que o espírito do circuíto baséase na promoción dos grupos e artistas galegos para que en todas as localidades do Camiño se realicen actividades e contidos artísticos que sexan de atractivo para os veciños e os visitantes que se achegan ao país na época estival.

No acto, no que tamén participaron o director xeral de Turismo, Rubén Lois González, e o xerente da Sociedade Anónima de Xestión do Plan Xacobeo, Ignacio Rodríguez Eguíbar, o conselleiro destacou o feito de que este programa «ambicioso e extenso» conte «cos máis destacados artistas en cada unha das disciplinas», das que poderán gozar este ano como novidade as cidades de Santiago, Ferrol, Pontevedra, Ourense e Lugo.

Fernando Blanco rematou a súa intervención sinalando que, ademais de converterse en referente musical e cultural do verán galego, Vai de Camiño «contribuirá tamén á potenciación da industria cultural e do espectáculo do país, xa que no conxunto da programación participarán máis dun milleiro de profesionais do sector».
Os primeiros espectáculos do circuíto organizado por Industria se desenvolverán no Camiño Primitivo, e será unha das cidades incorporadas nesta edición ao mesmo, Lugo, a encargada de abrilo este venres co espectáculo O Camiño . As localidades de Baleira, Guntín, A Fonsagrada, Castroverde e Toques, situadas no Camiño Primitivo, os días 5, 6, 7 e 8 de xuño, respectivamente, disfrutarán de espectáculos de clown , animación de rúa, músicas de banda e baile tradicional. No folleto da programación, presentada no Hostal dos Reis Católicos, se advirte que aquela pode sufrir cambios e que estes, de habelos, figurarán na páxina web do Xacobeo, pero neste portal, sorprendentemente, onte aínda non estaba colgada a programación de Vai de Camiño 2008 senón a de Vai de Amiño 2007 .

www.lavozdegalicia.es
Comentarios (0) - Categoría: Novas - Publicado o 28-05-2008 00:52
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal
free web counter

contador de malmequeriáns dende o 1 de marzo 2007








Galiza

Malmequer