| Pandereiteir@s e festeir@s da beira atlántica da Galiza |
|
|
|
|
| Malmequer |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| Retranca: revista de humor en galego |
|
 Preséntase Retranca unha revista que aposta por recuperar o humor galego co lema ?lerasnos de morto se non nos les de vivo?.
A partir deste mes de novembro os galegos teremos unha cita mensual co sorriso nos nosos quioscos. O Café Moderno de Caixa Galicia, en Pontevedra, acolle o vindeiro día 31 de outubro ás oito da tarde (noite se Samaín) a presentación de Retranca.
Esta nova revista chega ao mercado disposta a recuperar a longa tradición humorística galega e conta coa Santa Compaña coma Mascota, baixo o lema ?Lerasnos de morto se non nos les de vivo?. O feísmo é o tema principal do primeiro número desta publicación, que agasalla os lectores cunha foto do rei ?que espertará as paixóns máis ardentes?, advirte o envoltorio. A proposta chegará a primeira semana de novembro ao público a través dos quioscos de todo o país, cunha distribución de 8.000 exemplares que se venderán a un prezo de 2,20 euros cada un.
A Kiko da Silva, director e promotor do proxecto, súmanse nestas páxinas auténticas estrelas como son as firmas de Manuel Rivas e Miguelanxo Prado. Canda eles, autores xa coñecidos dos xornais galegos coma Xaquín Marín, Pinto e Chinto, Kohell, Leandro, Luís Davila ou Andrés Meixide. Alberto Guitián, Jacobo Fernández ou os colectivos Pestinho+1 e Reizentolo, entre outros son algúns dos colaboradores galaicos do proxecto. Desde fóra do país achegan a súa ollada os coñecidos Idígoras & Pachi ou Mel, coñecidos polas súas colaboracións en El Mundo ou El Jueves. Boa parte destes autores participarán no evento de presentación.
A iniciativa parte do humorista gráfico e ilustrador Kiko da Silva, e quere ocupar un espazo ata agora descoidado nas bancadas. ?Hoxe en día non hai ningunha publicación dedicada a nos facer rir de nós mesmos en Galicia?, explica, ?e coa tradición de humor que temos, con nomes coma Castelao, Fernández Flórez, Julio Camba, Siro ou Pepe Carreiro non é de crer que non haxa público?. Da Silva xa leva anos a traballar no campo da edición co proxecto BD Banda, revista de cómic que verá en breve o seu segundo número e que xa foi galardoada en diferentes eventos dedicados á novena arte.
|
|
|
|
|
| 1 Comentario(s) |
|
| 1 |
Non vexo a hora de votarlle unha ollada á revista, o nome é axeitadísimo, os colaboradores envidiables... ¡E que xa era hora de que alguén volvera a sacarlle partido á nosa retranca#blgtk08#!!
E, de paso, felicitacións polo blog. É a miña primeira vez nel e polo pouquiño que explorei paréceme interesantísimo e de boa calidade.
¡Ata outra! |
|
|
Comentario por Carmela (07-11-2007 14:21) |
|
|
| Deixa o teu comentario |
|
|
|
|
|
