| Pandereiteir@s e festeir@s da beira atlántica da Galiza |
|
|
|
|
| Malmequer |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| Sés en Lugo |
|
 Sés, acompañada de Tito Calviño na guitarra, ofrecerá este xoves 23 un concerto acústico na Casa do Saber de Lugo
A actuación da cantautora coruñesa, que se encadra no ciclo Lubicán 2013, comezará ás 20.30 horas e a entrada será de balde ata completar o aforo
María Xosé Silvar ?Sés? ofrecerá o xoves 23 de maio, a partir das 20.30 horas, no auditorio da Casa do Saber da Vicerreitoría de Coordinación e Planificación do campus de Lugo, un concerto acústico, no que estará acompañada polo guitarrista Tito Calviño.
Nesta actuación de Sés interpretará temas do seu repertorio e adiantará algunhas das composicións incluídas no seu último álbum ?Co xenio destrozado?, un disco que sairá á venda o vindeiro 11 de xuño.
O novo disco de Sés, ?Co xenio destrozado?, é un traballo feito con orgullo e identidade, frescura e vitalidade, no que a cantautora coruñesa pretende concentrar a potencia do directo nunha presa de cancións viscerais e chegas de paixón.
Gravado nos estudios Bruar da Coruña e producido por María Xosé Silvar, a propia Sés conta neste novo traballo cos seus músicos habituais nos directos: Tito Calviño (guitarra), Marcos Pazo (batería) e Fran Sanz (baixo).
Formada na música e no baile tradicional, Sés, que é profesora e licenciada en Filoloxía Galega e Antropoloxía Social, publicou no 2011 o seu primeiro traballo ?Admirando a condición?. Catro anos antes de que vira luz este proxecto ?100% en galego e 100% feminino?, Sés formara xunto con outros amigos a banda ?Chámalle Xis?, un dos grupos revelación do 2007 e un dos gañadores do concurso A Coruña Son, apadriñado por Santiago Auserón.
A entrada ao concerto de Sés na Casa do Saber de Lugo será de balde, como todas as actuacións programadas ao abeiro do convenio Lugo Cultural, aínda que o acceso de público estará limitado pola propia capacidade do aforo.
|
|
|
|
|
| Deixa o teu comentario |
|
|
|
|
|
