| Pandereiteir@s e festeir@s da beira atlántica da Galiza |
|
|
|
|
| Malmequer |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| Música tradicional nos PREMIOS OPINIÓN |
|
.jpg) Sexta feira 24 (Venres)
? Gala dos XII Premios Opinión de música folk no Teatro Rosalía de Castro (A Coruña)
Dúas actuacións complementarias, unha cantada e outra instrumental, baseadas na música tradicional van completar o cartel da XII gala dos PREMIOS OPINIÓN. O grupo de pandereteiras Taravela, de Arteixo, naceu no ano 2000 dentro da Asociación Xuvenil Xiradela e teñen como mestra a Fransy González, unha das voces tradicionais máis sobranceiras do panorama musical galego. Elas abrirán a noite festiva do folk galego e tomarán o relevo no escenario os membros da Agrupación Instrumental da Escola Municipal de Folclore de Betanzos.
O grupo ten como director musical a Pedro Lamas e entre os instrumentos que empregan achamos pandeiretas, tamboril, bombo, clarinete, saxo soprano e seis gaitas. Interpretarán na gala tres pezas tradicionais galegas.
Dos outros concertos que completan a cerimonia xa fomos informando no seu momento nestas mesmas páxinas. O dúo formado polos compoñentes de Berrogüetto, Guille Fernández e Xabier Díaz, decidiu lanzar no 2010 un álbum, titulado Arrolos de Salitre, no que daban a oportunidade a novas voces masculinas e femininas para que se deran a coñecer no panorama musical galego. Tres desas voces (Diego Calviño, Carlos Álvarez e Alba Guitérrez) estarán enriba do escenario, acompañadas polo acordeón de Díaz e a guitarra de Fernández, para cantar cada un deles o tema que interpretaban no disco e deixar escoitar ao público as súas habelencias vogais.
E para pechar o espectáculo aparecerá en escena un grupo pioneiro do folk que leva máis dunha década afastado dos escenarios. Cúmprense vinte anos dende que os lalinenses Dhais editaron o seu primeiro disco homónimo. Anos máis tarde publicarían Arman vela, e pouco despois deixarían a actividade. Existe un motivo emocional grande para que volten esa noite, tan especial para o mundo da música de raíz, aos escenarios. Dende hai tempo pretendían facer un concerto de homenaxe a dous dos seus compoñentes que finaron hai anos, Luís Areán e César Morais, e dende os PREMIOS OPINIÓN ofrecéuselles con gusto esa posibilidade.
|
|
|
|
|
| Deixa o teu comentario |
|
|
|
|
|
