| Pandereiteir@s e festeir@s da beira atlántica da Galiza |
|
|
|
|
| Malmequer |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| Noitarega en Tui |
|
Este xoves día 16 de maio, a partir das 21:00 h no Teatro Municipal de Tui, o grupo de música tradicional galega Noitarega ofrecerá un concerto onde presentará ao vivo as pezas que compoñen "XXI", a súa última achega discográfica, un traballo que conmemora os máis de 21 anos de existencia da banda.
Falar de Noitarega non é falar dun grupo novo, é falar dunha banda lendaria dentro do panorama da música tradicional galega que soubo gañarse a pulso o respecto e cariño do público. Formados no ano 1989, Noitarega están considerados como unha das formacións máis importantes da música popular galega, grazas as súas innumerables actuacións tanto por toda a xeografía galega e española (Auditorio Novagalicia de Vigo, Festival Internacional de Mérida, Expo 92 de Sevilla, Casa de Galicia en Madrid, Palau de Congressos de Montjüic en Barcelona, etc), coma en Francia (Bordeos), Portugal (Lisboa) ou mesmo nos Estados Unidos (Nova Iork, Nova Jersey ou Connecticut), compartindo escenario con artistas da talla de Berrogüetto, Luar Na Lubre ou Susana Seivane, e consolidándose como un dos maiores expoñentes da música tradicional galega e como un embaixador da cultura galega por todo o mundo.
Musicalmente falando, tanto os concertos como os traballos discográficos do grupo veñen ser un fito no que respecta a unha nova interpretación da música tradicional galega, xuntando o sabor do tradicional con novas e rechamantes opcións instrumentais e interpretativas, todo isto conseguido cunha base instrumental netamente autóctona (gaita, zanfona, tamboril, bombo, pito pastoril, requinta, tarrañolas, culleres, pandeireta, ferriño, pandeiro, etc) e realizando uns arranxos totalmente anovadores, como a combinación de gaitas en diferentes tons, zanfona con pito e requinta ou misturas de diferentes aparellos percusivos.
O concerto deste xoves en Tui, é un cita ineludible para os amantes da boa música tradicional galega. |
|
|
|
|
| Deixa o teu comentario |
|
|
|
|
|
