Malmequer


Pandereiteir@s e festeir@s da beira atlántica da Galiza


Malmequer
malmequer.vigo@gmail.com
 GAVETAS
 OS SERÁNS (Sección de consulta)
 FOTOS PARA A HISTORIA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES

Entrevista a Xosé Manuel Budiño
-¿Por que gaiteiro?
-Empecei moi noviño, con sete anos, escoitando música tradicional. Xa sendo neno chamábame moito a atención a gaita, así que supoño que por iso a elixín. Coa gaita sentín de neno un amor a primeira vista e tireime de cabeza.

-¿Como foi esa viaxe por todo o mundo?
-¿Como plasma todas esas experiencias en «Volta»?
-É tan interesante ver tantas culturas e tan diferentes que necesitas empaparte delas, pero non só musicalmente, senón en todos os sentidos. Os seus olores, a súa gastronomía, os seus sabores... Todo iso axuda a compoñer.

-¿Que levará a Malpica?
-Teño preparado un espectáculo cheo de moita enerxía, con baile tradicional en directo, con música electrónica, con vídeo creacións... É un espectáculo para deixarse levar e para gozar de toda a enerxía que fomos recollendo por todos os países que visitamos e que reflectimos en Volta. Nunca tiven a oportunidade de actuar en Malpica e teño moitísimas ganas.

-O seu estilo é moi tradicional, pero tamén introduce novidades nos seus temas. ¿Como xurde esa mestura?
-Apasióname a música tradicional, pero tamén me gustan outros estilos. Ademais, teño a sorte de ter o meu propio estudo de gravación na casa, o que me permite acceder a diferentes estilos, coma a música electrónica. Teño a posibilidade de experimentar e combinar, e iso é o que levo aos escenarios. Gústame mesturar a vídeo creación co baile e a percusión galega e ao mesmo tempo coa electrónica. Ademais, gústame moito recuperar gravacións antigas e, grazas á tecnoloxía, tocar con actuacións de máis de cen anos de antigüidade. As novas tecnoloxías permiten, por exemplo, dar vida de novo a Perfecto Feijoo con Aires da Terra e tocar con eles.

-Iniciou a súa carreira en solitario hai xa máis de dez anos. ¿Como cambiou o seu estilo dende «Paralaia» ata «Volta»?
-Paralaia foi un disco totalmente acústico, gravado practicamente en directo, mentres que Volta é o resultado dunha viaxe que fixen por catro continentes, con cámara en man e gravando momentos que normalmente non se poden ver, como as probas de son, desprazamentos, comidas... Todo iso está mesturado cun concerto en directo que demos en Ortigueira diante de 40.000 persoas. Volta é un repaso a todos os meus temas dos catro discos anteriores e algún tema novo.

-Moi enriquecedora, e gocei de situacións moi especiais, como bañarme no mar Morto, que é o único punto de encontro entre dous países que non se entenden nunca. Estar alí foi moi curioso.

La Voz de Galicia
Comentarios (0) - Categoría: Novas - Publicado o 24-08-2011 10:29
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal
free web counter

contador de malmequeriáns dende o 1 de marzo 2007








Galiza

Malmequer