Malmequer


Pandereiteir@s e festeir@s da beira atlántica da Galiza


Malmequer
malmequer.vigo@gmail.com
 GAVETAS
 OS SERÁNS (Sección de consulta)
 FOTOS PARA A HISTORIA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES

Escola de música tradicional Virxilio Fernández (Coral de Ruada - Ourense)
ESCOLA DE MÚSICA TRADICIONAL VIRXILIO FERNÁNDEZ

Cando estamos a inciciar un novo curso, dende a Coral queremos ofrecer aos Ourensáns unha nova inciativa na que temos depositadas grandes esperanzas: a Escola de Música Tradicional “Virxilio Fernández”, que, como se pode apreciar, leva o nome do noso primeiro gaiteiro e un dos nosos fundadores, para quen, por certo, temos solicitado ao Concello unha rúa ou praza da cidade.

As características máis salientables desta actividade son as seguintes:

Esta escola está organizada pola Coral De Ruada.


Poden participar mulleres e homes cunha idade mínima de 10 anos.


As clases terán lugar no local de ensaio da Coral De Ruada, situado no ático do teatro Principal, na rúa da Paz, nº 9.


Terá lugar os martes de 18,00 a 20,00 horas.Dependendo do nivel previo dos alumnos, poden organizarse en dous niveis: inicio (de 18,00 a 19,00 horas) e perfeccionamento (de 19,00 a 20,00 horas).


Daranse clases de gaita galega e percusión (tamboril, bombo, pandeireta e pandeiro).


As clases serán impartidas polo gaiteiro Gonzalo Abelairas, titulado profesional de música na especialidade de Gaita Galega, membro da Asociación Ourensá de Folclore Tradicional (AOFT), membro do Grupo de Música Tradicional “Gomez Mouro”, gaiteiro e compositor do Cuarteto de Gaitas “Abelente”, director da Agrupación de Gaitas “De Pé Feito”, membro do Cuarteto de Gaitas “parDpar”, etc.


Os interesados en participar deben dirixirse aos teléfonos: 654 173 524 (Gonzalo) ou 657 677 411 (Emilio). Tamén poden enviar un correo electrónico á dirección seguinte:info@coralderuada.com


Teremos unha reunión con todos os interesados o martes, 1 de outubro, ás 18,00 horas (no teatro Principal) para falar da organización do curso e con vistas a comezar o martes, 8 de outubro.

http://www.coralderuada.com/

Comentarios (0) - Categoría: Cursos - Publicado o 08-10-2013 13:58
# Ligazón permanente a este artigo
Cursos de ouzande (A Estrada)

Comentarios (0) - Categoría: Cursos - Publicado o 08-10-2013 13:56
# Ligazón permanente a este artigo
Clases de canto e pandeireta de Xirandela (Madrid)

O vindeiro martes 12 de novembro comezan as clases de canto e pandeireta con Xurxo Fernandes na A.C. Xirandela. As clases seran todo-los segundos martes do mes, cunha duracion de duas horas e media e un prezo de 81 euros para non socios e 60 para socios o trimestre. Prazo de inscricion aberto ata o 11 de outubro.

Xurxo Fernandes empeza a súa aprendizaxe na música e no baile tradicional aos catorce anos, indo polas aldeas de Galiza na busca de xente maior que lle transmitise os seus coñecementos musicais.

pasou por diversos grupos de musica e baile patrimoniais, entre os que destacan Xacarandaina, Trebón e Radio Cos.

Durante dous anos dirixiu e presentou a sección "Recollidas", no programa Luar da Televisión de Galicia, un espazo dedicado a espallar e dignificar a música popular das aldeas.

No eido didáctico ten impartido cursos de baile e canto tradicional en diversas escolas e asociacións do país, así como en Bélxica, Francia, Brasil, Venezuela e outros países.

As clases por mor de non ter local propio,impartiranse, grazas a sua colaboracion, na escola de folklore de Plaza Castilla.

Para apuntarse e demais informacion podedes poñervos en contacto con nos a traves de infoxirandela@gmail.com , por mensaxe privada no facebook ou no 617506064/679674417.

As prazas seran limitadas (grupos reducidos).

Esperamos-vos
Comentarios (0) - Categoría: Cursos - Publicado o 08-10-2013 13:52
# Ligazón permanente a este artigo
Clases de gaita galega de Xirandela (Madrid)
O vindeiro sábado 23 de novembro comezan as clases de gaita galega con Pablo Carpintero na A.C. Xirandela. As clases serán un sábado o mes, cunha duración de tres horas e un prezo de 165 euros para non socios e 135 para socios o trimestre. Prazo de inscriciòn aberto ata o 11 de outubro.

Pablo Carpintero Arias é doutor en Ciencias pola Universidade de Santiago de Compostela e posúe o Diploma de Estudos Avanzados en Historia da Música.
Entre 2006 e 2010 traballou no proxecto Ronsel da Universidade de Vigo para a recuperación do Patrimonio Cultural Inmaterial de Galicia e desde 2010 é consultor da UNESCO, sendo unha das persoas que evalúa a inclusión das candidaturas nas listas de Patrimonio Cultural Inmaterial da Humanidade.
É coautor das publicacións Catálogo de Músicos da Limia e Os Sons da Limia e ten editados varios capítulos de libros dedicados ao Patrimonio Cultural Inmaterial, así como numerosos artigos en revistas especilizadas, sendo a súa publicación máis destacada, Os instrumentos musicais na tradición Galega, que en 2009 recibíu o premio Antón Losada Diéguez 2009 na modalidade de investigación e ensaio.
Pablo Carpintero é gaiteiro desde hai máis de 35 anos. Domina tamén a percusión masculina e feminina, o canto tradicional, así como a requinta, o acordeón, a trompa e o rabel entre outros instrumentos musicais, tendo impartido numerosos cursos de todos estes instrumentos. Como gaiteiro está especializado na recuperación dos repertorios e dixitacións antigas, sendo, ademais, constructor de gaitas, requintas e percusión.
Pablo Carpintero é membro directivo da Asociación de Gaiteiros Galegos, da comisión permanente do Arquivo Sonoro do Consello da Cultura Galega e dirixe dous grupos de recuperación de tradicions musicais galegas: A Requinta de Xián e o Obradoiro de Cultura Tradicional Ultreia. Ten editados once traballos discográficos e colabora semanalmente nos programas Luar e Lume na Palleira da RTVG, realizando seccións dedicadas á nosa música de tradición.

As clases por mor de non ter local propio, impartiranse, grazas a sua colaboracion, na escola de folklore de Plaza Castilla.

Para apuntarse e demais información podedes poñervos en contacto con nós a traves de infoxirandela@gmail.com , por mensaxe privada no facebook ou nos telefonos 617506064/679674417.

As prazas seran limitadas (grupos reducidos).

Esperamos-vos
Comentarios (0) - Categoría: Cursos - Publicado o 08-10-2013 13:51
# Ligazón permanente a este artigo
Clases de baile tradicional de Xirandela (Madrid)


O vindeiro domingo 10 de novembro comezan as clases de baile tradicional galego con Xurxo Fernandes na A.C. Xirandela.

As clases seran un domingo o mes, cunha duracion de duas horas e un prezo de 75 euros para non socios e 45 para socios o trimestre. Prazo de inscrición aberto ata o 11 de outubro.

Xurxo Fernandes empeza a súa aprendizaxe na música e no baile tradicional aos catorce anos, indo polas aldeas de Galiza na busca de xente maior que lle transmitise os seus coñecementos musicais.

pasou por diversos grupos de musica e baile patrimoniais, entre os que destacan Xacarandaina, Trebón e Radio Cos.

Durante dous anos dirixiu e presentou a sección "Recollidas",

no programa Luar da Televisión de Galicia, un espazo dedicado a espallar e dignificar a música popular das aldeas.

No eido didáctico ten impartido cursos de baile e canto tradicional en diversas escolas e asociacións do país, así como en Bélxica, Francia, Brasil, Venezuela e outros países.

As clases por mor de non ter local propio,impartiranse, grazas a sua colaboracion, na escola de folklore de Plaza Castilla.

Para apuntarse e demais informacion podedes poñervos en contacto con nos a traves de infoxirandela@gmail.com , por mensaxe privada no facebook ou no 617506064/679674417.

As prazas seran limitadas (grupos reducidos).

Esperamos-vos
Comentarios (0) - Categoría: Cursos - Publicado o 08-10-2013 13:49
# Ligazón permanente a este artigo
Clases en Vai de Roda (Rianxo)
Comentarios (0) - Categoría: Cursos - Publicado o 08-10-2013 13:41
# Ligazón permanente a este artigo
Clases en Rueiro (Coia-Vigo)
Comentarios (0) - Categoría: Cursos - Publicado o 08-10-2013 13:39
# Ligazón permanente a este artigo
Matrícula aberta na Central Folque (Compostela)
Comentarios (0) - Categoría: Cursos - Publicado o 08-10-2013 13:34
# Ligazón permanente a este artigo
Clases de baile tradicional con Miguel Sotelo
Comentarios (0) - Categoría: Cursos - Publicado o 08-10-2013 13:33
# Ligazón permanente a este artigo
III curso de música e baile galego (Salceda de Caselas)


Os días 5 e 6 de Outubro, en horario de 10:00 a 14:00 e de 16:00 a 20:00 horas, en Salceda de Caselas, levarase a cabo a 3ª xornada dos cursos de música e baile tradicional.

Para inscribirse deberase enviar un correo electrónico á seguinte dirección: cultura@salcedadecaselas.es
Comentarios (0) - Categoría: Cursos - Publicado o 01-10-2013 11:03
# Ligazón permanente a este artigo
Obradoiro de pandeireta tradicional italiana (Mos)
A Concellaría de Cultura de Mos organiza un obradoiro gratuito de pandeireta tradicional italiana, impartido por Emilio Antonio Cozza do grupo Brigan.

O obradoiro será este vernes 20, a partir das 19.00 horas no centro Multiusos de As Pozas, na parroquia de Petelos. A continuación, ás 23.00 horas, e no mesmo lugar, o grupo Brigan dará un concerto con entrada libre.
Comentarios (0) - Categoría: Cursos - Publicado o 18-09-2013 14:48
# Ligazón permanente a este artigo
Xornada de achegamento ao baile tradicional (Compostela)

Para bailar veño eu!
Xornada de achegamento ao baile tradicional.
Museo do Pobo Galego
Venres, 20 de setembro de 16h00 a 19h30.

Os contidos desta xornada tratarán de achegarnos ao baile tradicional galego a través dun dos seus bailes máis representantivos, a Muiñeira, atendendo ao seu contexto social e a súa evolución. Orientada a persoas adultas sen coñecementos previos, vai estar dirixida pola educadora do Museo, Carme Campo, que conta con ampla experiencia nesta materia.

Matrícula gratuíta. Custes por materiais: gratuíto para persoas socias do Museo e desempregadas, 3€ para quen non estea en ningunha destas situacións.

Prazas limitadas. Inscrición previa antes do 17 de setembro en:
Educación e Acción Cultural
Museo do Pobo Galego
981 583 620 / deac@museodopobo.com
Comentarios (0) - Categoría: Cursos - Publicado o 16-09-2013 21:35
# Ligazón permanente a este artigo
Xornada Campás e campaneiros (Oia)
Comentarios (0) - Categoría: Cursos - Publicado o 16-09-2013 21:32
# Ligazón permanente a este artigo
Obradoiros Maghúa 2013 (A Coruña)
Comentarios (0) - Categoría: Cursos - Publicado o 12-09-2013 14:37
# Ligazón permanente a este artigo
Construción de palletas e pallóns (As Pontes)
Comentarios (0) - Categoría: Cursos - Publicado o 12-09-2013 14:37
# Ligazón permanente a este artigo
Obradoiro de Pesdelán en Moaña

OBRADOIRO DE PESDELÁN dentro do programa Canto Xogo
Venres13 de setembro de 2013ás 18:00h
Praza de Abastos, Moaña (Pontevedra)
Organiza: Concello de Moaña
Entrada de balde
Aforo limitado


Pesdelán é un proxeto de música para baile e levan vendidas máis de 4000 copias do seu primeiro disco Na punta do pé.
Pretenden cambiar o concepto de público espectador polo de público participante

Este obradoiro esta pensado para o publico familiar.
Unha oportunidade unica para que pais, nais, avos, fillos e fillas participen xuntos da aprendizaxe de xogos de roda e bailes, dun xeito ameno e divertido.
Comentarios (0) - Categoría: Cursos - Publicado o 12-09-2013 14:33
# Ligazón permanente a este artigo
Cursos de Retrouso (Cela-Bueu)
Comentarios (0) - Categoría: Cursos - Publicado o 12-09-2013 14:18
# Ligazón permanente a este artigo
Cursos do O.C.T. Ultreia (Compostela)
Comentarios (0) - Categoría: Cursos - Publicado o 12-09-2013 14:14
# Ligazón permanente a este artigo
Cursos de Meiramar-Axóuxeres (Moaña)
Comentarios (0) - Categoría: Cursos - Publicado o 12-09-2013 14:13
# Ligazón permanente a este artigo
Cursos de Brincadeira (Compostela)
Comentarios (0) - Categoría: Cursos - Publicado o 12-09-2013 14:11
# Ligazón permanente a este artigo
Cursos de Cantigas e Agarimos (Compostela)
Comentarios (0) - Categoría: Cursos - Publicado o 12-09-2013 14:10
# Ligazón permanente a este artigo
Cursos de Fogo Fátuo (Rianxo)
Comentarios (0) - Categoría: Cursos - Publicado o 12-09-2013 14:09
# Ligazón permanente a este artigo
Cursos na A.C.F. Tarambainas (Vigo)
Comentarios (0) - Categoría: Cursos - Publicado o 04-09-2013 11:05
# Ligazón permanente a este artigo
Preinscricións na e-trad (Vigo)
ÚLTIMA SEMANA DE PREINSCRICIÓN NA ETRAD. DO 2 AO 6 DE SETEMBRO

Entramos na última semana de prazo para poder preinscribirse como novo alumno no curso 2013-14 na ETRAD. Lembrámosvos as especialidades instrumentais da escola: acordeón diatónico, arpa céltica, canto popular, corda pulsada, percusión tradicional, requinta, violín e zanfona. Como novidade teremos dúas quendas de mañá no itinerario básico de case todos os instrumentos.

A edade mínima de matriculación: 8 anos cumplidos no 2013.

A matrícula é completamente de balde.
Non se requiren coñecementos previos de música para o itinerario básico.
Dispoñemos de instrumentos e de aulas para estudar durante o 1º ano en moitas das especialidades instrumentais.

Tedes toda a info dos itinerarios, horarios, etc., no seguinte enlace: Info curso ETRAD 2013-2014

Accede á preinscrición en liña aquí: inscrición on-line ETRAD curso 2013-14

Calendario de preinscrición

On line: do 17 de xuño ao venres 6 de setembro.
Presencial: do 17 de xuño ao 31 de xullo e do 2 ao 6 de setembro.
Horario: de 11:00 a 14:00 hs. na secretaría da ETRAD.
R/ García Barbón, 5. 36201-Vigo
986 228 087/ 986 228 088

http://e-tradvigo.blogspot.com.es
Comentarios (0) - Categoría: Cursos - Publicado o 04-09-2013 11:03
# Ligazón permanente a este artigo
XX Mostra de instrumentos tradiuicionais de Pardiñas (Guitiziz)

Programación da XX MOSTRA DE INSTRUMENTOS TRADICIONAIS DE PARDIÑAS 2013

Esta mostra, organizada pola Asociación de Gaiteiros Galegos, é unha das máis antigas da península, e congregará este ano a máis de 30 artesáns que mostrarán o seu traballo durante os días 3 e 4 de Agosto no marco incomparable do Festival de Pardiñas (Guitiriz - Lugo).

Nesta edición temos novidades!!!! Entre elas importantísimos sorteos de instrumentos musicais e outros agasallos!!!!

Sabado día 3
17.00h – Apertura da Mostra.

- Sorteo

17.30h – Pregón a cargo de Pablo Quintana.

18.00h – Actuación de Pablo Carpintero: “Repertorio antigo de Pontevedra interpretado coas gaitas deManuel Villanueva doMuseo de Pontevedra”.

18.45h – Sorteo

19.15h - Concerto de Maghúa presentando o seu traballo “Corricán”.

20.30h - Concerto do trío La Guareña ( Asturies): “Camín de occidente a oriente asturiano”.

21.15 h – Obradoiro de Treboada - Oli Xiraldez.

Domingo día 4
11.30h – Apertura da Mostra.

- Sorteo

12.30h – Concerto Luis Mondelo e Rafa Busto (O Bierzo): “O Bierzo, terra de tamboriteiros e gaiteiros”.

13.30h - Presentación do Guieiro dedicado a Xosé Seivane

17.00h – Demostración práctica de construcción de palletas – Jaime Pena

- Sorteo.

18.00h – Obradoiro de Baile tradicional – Xiao e Davide de Magúa.

19.00h – Actuación do grupo Os Raparigos.

www.gaiteirosgalegos.com
Comentarios (0) - Categoría: Cursos - Publicado o 30-07-2013 12:00
# Ligazón permanente a este artigo
Iª Xornada dos Obradoiros Maghúa de Folclore Galego (A Coruña)
Comentarios (0) - Categoría: Cursos - Publicado o 30-07-2013 11:48
# Ligazón permanente a este artigo
Curso de interpretación de gaita con Pablo Devigo (Madrid)

Curso de interpretación de gaita con Pablo Devigo na Escola de Música Tradicional Galega A Píntega Marela de Madrid os días 29 e 30 de xuño.

A Escola de Música Tradicional Galega A Píntega Marela organiza un obradoiro de interpretación de gaita para os días 29 e 30 de xuño nas súas instalacións da Avda. de Córdoba. Está dirixido a todos os gaiteiros interesados en mellorar a súa interpretación, a súa técnica e corrixir certos aspectos ou a todos os gaiteiros en xeral que queiran coñecer as novas tendencias na gaita galega. Fai falta ter uns mínimos coñecementos previos aínda que non é necesario ter un nivel avanzado para inscribirse e vai ser fundamentalmente práctico (existe a posibilidade de inscrirse como alumno oínte no caso de non ter coñecementos previos).
Para realizalo contaremos, de novo este ano, coa presenza de Pablo Devigo, o recoñecido e laureado gaiteiro de Castro Caldelas e que está chamado a ser unha referencia importante na gaita galega. A súa forma de tocar e concepción da gaita cambiou o panorama ao buscar novas fronteiras tanto na interpretación como na composición.

Neste curso de interpretación haberá traballo individual con Pablo Devigo da interpretación de temas propostos polo alumno en cada nivel.

Esquema do curso:

- Saúde e práctica postural.
- Sistemas e técnicas de afinación.
- Técnicas de estudo.
- Articulación e ornamentación.
- Traballo de aspectos interpretativos sobre o repertorio proposto polo alumno.

O prezo é de 85 euros para os alumnos activos (65€ para os alumnos da Escola A Píntega Marela) y de 55€ para os alumnos oíntes (40€ para os alumnos da Escola A Píntega Marela). Facilitarase material didáctico e ao final do curso entregarase un diploma acreditativo da realización do mesmo.

As prazas son limitadas segundo a orde de preinscrición.

Máis información en apintegamarela@gmail.com , www.juanluna.es ou en www.apintegamarela.org
Comentarios (0) - Categoría: Cursos - Publicado o 27-06-2013 11:01
# Ligazón permanente a este artigo
Preinscricións na Escola de salitre (Xabier Díaz)
Comentarios (0) - Categoría: Cursos - Publicado o 26-06-2013 08:45
# Ligazón permanente a este artigo
Obradoiro de construción de pandeiros cadrados en Ramirás
Comentarios (0) - Categoría: Cursos - Publicado o 26-06-2013 08:41
# Ligazón permanente a este artigo
I Xornada Iniciate (Fene)
1ª XORNADA "INÍCIATE"

O vindeiro venres 21 e sábado 22 de Xuño comezamos unha serie de cursos para iniciarse na nosa musica e baile.


Nesta ocasión iniciamos con dous cursos:

- Curso de canto coral popular Iniciación á técnica e interpretación do cantante do coro popular

- Curso de ACORDEÓN na música tradicional (Recursos técnico-interpretativos na música tradicional)

Monitor : Xabier Díaz (mestre acordeonista e director da coral Eixil de Cedeira)

Infórmate e apúntate en:
www.airinosfene.es.vg airinosfene@hotmail.com
Tfno: 686 526 775


http://airinosfene.webcindario.com/
Comentarios (0) - Categoría: Cursos - Publicado o 17-06-2013 15:21
# Ligazón permanente a este artigo
A Tradescola organiza un curso de técnica vocal e de canto tradicional en Meira
O vindeiro domingo 9 de Xuño, en horario de 10.30 a 13.30 horas e de 16.30 a 19.30 horas, a Tradescola organiza un novo curso de técnica vocal e de canto tradicional, impartido por Begoña Lorenzo e por Xela Conde, no que os asistentes poderán aprender exercicios de técnica vocal, para o dominio e control da voz, exercicios de respiración, expresión, etc, así como afondar nas técnicas de canto e pandeireta.

Todos estos recursos e coñecementos serán aplicados posteriormente en pezas do repertorio tradicional elexidas para a ocasión.

O curso terá lugar na Casa da Cultura de Meira (Lugo). A asistencia ao curso é de balde, previa inscrición.

Para informarse e facer a inscrición no curso, pódese chamar á Tradescola ao teléfono 982229966 ou enviar un mail a tradescola@gaiteirosgalegos.com

www.gaiteirosgalegos.com
Comentarios (0) - Categoría: Cursos - Publicado o 07-06-2013 13:23
# Ligazón permanente a este artigo
I Xornada feroz de Música Galega (As Pontes)
I XORNADA FEROZ DE MÚSICA GALEGA

O grupo Os Feroces da Galgueira fixo a presentación pública da I XORNADA FEROZ DE MÚSICA GALEGA que se levara a cabo o vindeiro 25 de Maio en As Pontes, e que consistirá na impartición de tres obradoiros de perfeccionamento:gaita galega, canto e pandeireta, e percusión.


Esta Xornada, aberta a todo aquel que esté interesado, impartirase nas instalacións do Conservatorio de Música Profesional de As Pontes e terá unha duración de 8 horas.

O contido de cada un dos obradoiros pretende afondar nos coñecementos técnicos e musicais dos alumnos, e na apredizaxe de novos recursos. Para elo Os Feroces contan con 4 músicos de primeiro nivel para impartir cada unha das materias, que de seguro serán clave para que cada obradoiro sexa de máximo proveito para os alumnos;
- Obradoiro de Gaita Galega: DANIEL BELLÓN.
- Obradoiro de Canto e Pandeireta: DAVIDE SALVADO.
- Obradoiro de Percusión: LOLA FERNÁNDEZ (Lola de Ribeira) e MIGUEL FRAGUAS.


O prezo de cada un de estes obradoiros será de 35 € a pagar unha vez que a cada alumno se lle confirme a súa admisión no obradoiro que escollera.

As inscripcións pódense facer dende o 10 de Abril ata o 15 de Maio na dirección de correo xornadaferoz@gmail.com, indicando claramente: nome e apelidos, teléfono e correo electrónico de contacto, e obradoiro no que se quere inscribir.

Dado que temos un límite de 15 prazas por obradoiro, a admisión de alumnos farase por rigurosa orde de inscripción.

Para calquer consulta ou dúbida ó respecto, podedes poñervos en contacto con nós no mesmo correo das inscripcións xornadaferoz@gmail.com

OBRADOIRO DE GAITA GALEGA: DANIEL BELLÓN
Posúe un dos currículums máis importantes do mundo da música tradicional en Galicia, sendo o gaiteiro máis laureado da historia, avalado por máis de 40 premios no seu haber. Ten acadado premios como o "Constantino Bellón" en 3 ocasións (2001, 2005 e 2006, sendo o gañador máis novo de toda a historia), o "Gaiteiro de Soutelo" en 4 ocasións (2002, 2004, 2005 e 2006), e o "Trophée Macallan (Lorient, Francia, 2003).

É titulado en Grao Profesional de Gaita Galega. Dende 2006 estudia jazz na "Escuela Popular de Música y Danza" (Madrid), cursando saxofón, harmonía moderna, improvisación e piano complementario.

Na actualidade combina a súa faceta de gaiteiro-saxofonista nos proxectos BellónMaceiras (dúo e quinteto), coa de gaiteiro do prestixioso cuarteto Luvas Verdes, e coa de mestre de gaita galega.

Contidos xerais do obradoiro de gaita galega:
1. Afinación na gaita galega (4 horas).
1.1. O tempero.
1.2. Afinación do ronco.
1.3. Afinación do punteiro.
2. Ornamentación e estilística na gaita galega (4 horas).
2.1. Ornamentos. Estudio sobre partituras de pezas galegas.
2.2. Estilística diversa.
2.3. Posturas alternativas
2.4. Ornamentación a cuarteto.
2.3. Audicións


OBRADOIRO DE CANTO E PANDEIRETA: DAVIDE SALVADO
É sen dúbida unha das voces máis carismáticas do noso país. De formación autodidacta, leva media vida recorrendo as aldeas galegas na procura de ritmos, coplas e danzas. De todas esas mulleres que foi atopando, aprendeu non só a tradición na música, se non todo un xeito de vivir.

Formou parte como cantante e percusionista da banda do recoñecido gaiteiro Xosé Manuel Budiño, coa que xirou por escenarios de medio mundo. Na actualidade, é voz da Banda das Crechas, grupo residente da mítica Casa das Crechas compostelana, coa que gravou o seu disco homónimo. Davide ten ademáis colaborado en varios traballos discográficos, como “Arrolos de Salitre”, o disco de cantos de berce editado por Xabier Díaz e Guillerme Fernández (Berrogüetto).
No 2011 editou o seu primeiro traballo en solitario, “Árnica Pura”. Agora no 2013 presentará o seu segundo traballo "O ladrón de amorodos".

Contidos xerais do obradoiro:
- Afinación, dinámicas e expresividade no canto tradicional.
- Nocións técnicas e ritmos en pandeireta galega, pandeiras, pandeiro cadrado de Peñaparda.
- Repertorio aplicado.

OBRADOIRO DE PERCUSIÓN: LOLA FERNÁNDEZ (LOLA DE RIBEIRA) E MIGUEL FRAGUAS
Lola Fernández, máis coñecida por Lola de Ribeira é unha das percusionistas máis recoñecidas do panorama musical tradicional do país.

estudos de percusión clásica no conservatorio de Santiago de Compostela, cos da diplomatura de Maxisterio Musical na mesma cidade.
Foi integrante do orfeón "Terra a Nosa”, onde traballou canto clásico co mestre de capela Miro Moreira. Anos máis tarde, complementará os seus estudos de canto moderno con Carmen Rey.
Formou parte de grupos tan dispares como Serra-lhe aí!!!, Sete Saias ou Os Diplomáticos de Montealto. Na actualidade forma parte do grupo Taghaitai xunto con Manolo Maseda, Edelmiro Fernández e Iván Costa.
Miguel Fraguas é titulado de Grado Profesional de Música Tradicional na especialidade de requinta. Formouse como instrumentista de gaita de mans de prestixiosos mestres coma Iván Costa, Edelmiro Fdez, Pepe Vaamonde e Juanjo Fernández. Posteriormente cursou estudios de saxo da man dos mestre Pablo Estellés e Sarunas Pupelis.
No campo da música tradicional ten acadado numerosos e importantes premios, tanto coma gaiteiro coma percusionista.
Na actualidade é membro da orquesta tradicional Sondeseu, do grupo Banda Baile Asalto, do grupo Lagareu, do cuarteto tradicional Polavila e da compañía de danza Bruma. Asemade é director da Banda de Gaitas Foula de Cotobade, así como da sección de percusión Os Chaneiros de Marín, mestre das pandereteiras de Quireza e director da Charanga Polavila.

Contidos xerais do obradoiro:
1. Descripción e características do instrumento: tamaño, materiais, tímbrica, bordón, afinación (relativa), etc.

2. Baquetas: elección,posición adecuada e modo de collelas.
3. Rudimentos técnicos: linguaxe musical básica para a lectura e composición de arranxos;paradiddle; acentos; ligaduras; redobres; mordentes; etc.
4. Esquemas básicos de acompañamento dos diferentes ritmos empregados na música tradicional galega: alboradas, pasodobres, polcas, rumbas, vals, mazurcas, jotas, muiñeiras.
5. Traballo de arranxos para os diferentes ritmos (exemplos e composición individual e/ou por grupos).
6. Audicións de diferentes execucións percutivas e maneiras de acompañar (acompañamento básico, debuxo da melodía, contrate e contraposición).
7. A pequena percusión: culleres, tarrañolas.
Comentarios (0) - Categoría: Cursos - Publicado o 24-05-2013 19:46
# Ligazón permanente a este artigo
Xornadas de Música tradicional en Pobra de Brollón
Comentarios (0) - Categoría: Cursos - Publicado o 24-05-2013 19:43
# Ligazón permanente a este artigo
Curso de manipulación de palletas e feitura e afinación de pallóns (Compostela)
Curso de manipulación de palletas e feitura e afinación de pallóns.
25 de maio de 2013 - 16:30-20:30 h. Imparte: Xosé Liñares


Desenvolmento: Dividirase en dúas partes. A primeira, adicarase á exposición da ferramenta necesaria para un fabricado posible de pallóns, información do enderezo para a consecución da cana e feitura e afinación do pallón. A segunda parte, que abranguerá o resto da tarde (dúas ou tres horas), estará orientado á manipulación da palleta, que incluirá exercicios de posta a punto de parellas de gaitas empalletadas con palletas que ofrezan resultados opostos, isto é: unha alta e otra baixa; unha dura para alguén que toque brando, emparellado con outra branda para alguén que toque duro. Finalmente resolveranse dúbidas que xurdan e facilitarase un esquema do impartido no curso, que servirá para relembrar doadamente todo o dado no mesmo.

Obxectivos: Coas teorías e prácticas levadas a cabo co desenvolvemento do curso, preténdese acadar o obxectivo de que os asistentes aprendan a fabricar o seu propio pallón e a manipular as súas propias palletas, de xeito que poidan por o pallón e a palleta equilibrados e adaptados ao seu peculiar xeito de tocar a gaita cunha determinada presión de fol, asemade que se consigue a afinación do instrumento na tonalidade que cumpra en cada caso.

Prazo de matrícula: ata o 23 de maio
Número mínimo/máximo de alumnos: 10/18

Prezo: 30€ (socios 25€)

Organiza: Cantigas e Agarimos
Antigo CEIP Ramón Cabanillas | Rúa Castiñeiriño 21 | Santiago de Compostela | Tlf. 618 518 524 | contacto@cantigaseagarimos.es
Comentarios (0) - Categoría: Cursos - Publicado o 13-05-2013 17:10
# Ligazón permanente a este artigo
Pesdebarro organiza unha exhibición participativa de danza (Vilagarcía)

A Asoc. Pésdebarro, con motivo do día das Letras Galegas, levará a cabo unha exhibición-participativa o vindeiro mércores 15 na Praza da Peixería (Vilagarcía de Arousa) a partir das 21:00 horas

Para participar non se precisa ter unha idade determinada, tampouco preparación ou adestramento; é ideal para cultivar e aprender en familia, coas amizades, ou simplemente para coñecer a outras persoas coas mesmas curiosidade ca nos. Non se require ter coñecementos nin nocións previas sobre baile nin danza tradicional.

Danzarase diferentes danzas galegas e portuguesas grupais, que serán explicadas dun xeito doado para que ninguén quede sen danzar. Con este tipo de exhibición-participativa pretendemos revitalizar as danzas tradicionais máis participativas.

A exhibición-participativa está dirixido a todo tipo de público sen límite de idade e é totalmente de balde, co cal dende a Asoc. Pésdebarro animan a acudir a todo o mundo. Tampouco se require ter coñecementos nen nocións previas sobre baile nin danza tradicional.
Comentarios (0) - Categoría: Cursos - Publicado o 13-05-2013 17:07
# Ligazón permanente a este artigo
© by Abertal
free web counter

contador de malmequeriáns dende o 1 de marzo 2007








Galiza

Malmequer