Hoxe luns, dia 14 de marzo ás 16:30, vai ter lugar unha conferencia co título Construción dunha zanfona: materiais e partes do instrumento, a cargo do artesán marinense César Loureiro Sobral, na Escola de Enxeñería Forestal.
Esta actividade, anque está inscrita no curso de Interpretación de Instrumentos Populares, que está organizado pola Vicerreitoría do Campus de Pontevedra e que é impartido polo mestre Suso Vaamonde Manteiga, vai ser aberta a toda a comunidade universitaria e ao público en xeral.
A conferencia vai estar estruturada en tres bloques de aproximadamente 40 minutos cada un, en base ao seguinte esquema:
1.- Madeiras e técnicas construtivas
Pausa
2.- Historia da zanfona. Deseño e fabricación. Sons.
Pausa
3.- Morfoloxía da zanfona. Práctica. Mini concerto.
O poñente, como xa se dixo, vai ser Cesar Loureiro Sobral, do que acompañamos un breve currículo:
CESAR LOUREIRO SOBRAL
Comecei a construír zanfonas da man de Antón Corral primeiro, e Xaime Rivas despois, na escola de artes e oficios do concello de Vigo, no ano 1999 onde pasei 5 anos.
Continuei na escola de Artes e oficios na aula de lutheria antiga 2 anos mais, aprendendo as técnicas do mestre Ramón Casal en construción de arpa.
Posteriormente participo en diversos cursos de construción de instrumentos e técnica musical zanfonistica na Asociación Ibérica da Zanfona e tamén en tódalas clases maxistrais que podo, como poden ser os encontros de Narón ou Rianxo.
Recentemente asistín o curso de fabricación de vernices artesanais co luthier Jose Catoira na Escola Obradoiro da Deputación de Lugo.
Como formación complementaria podo dicir que cursei estudos profesionais de axuste e mecanizaxe industrial, así como de deseño industrial asistido por CAD.
A miña formación musical e autodidacta, fun aprendendo música con diversos mestres en diferentes academias, pero nunca de xeito oficial ou regrado.
O Real Coro Toxos e Froles vai levar a cabo un novo Obradoiro de Afinación e Ornamentación de Gaita Galega impartido polo mestre gaiteiro Suso Vaamonde.
Dito curso terá lugar o Sábado 19 de Marzo en horario de 17:00 a 21:00 horas na sede da agrupación, na Rúa Magdalena, 220 de Ferrol.
Como ven sendo norma na entidade a participación no mesmo é libre e gratuita.
Mais información:
info@toxosefroles.com
Telf.: 650 788 374
A Tradescola, escola de música tradicional galega que xestiona a Asociación de Gaiteir@s Galeg@s na cidade de Lugo, achegarase o sábado 19 de marzo as 11:00 horas ao Auditorio de Escairón sito no Concello de O Saviñao para impartir un obradoiro de xogos bailados, guiado polos mestres da Tradescola Xabier Iglesias e Xela Conde.
Neste obradoiro, gratuito e destinado a toda a familia, pais/nais, avós/avoas e fillos/fillas (idade mínima 4 anos), @s participantes aprenderán xogos danzados así como as súas cantigas de acompañamento dun xeito divertido e ameno.
¡Aberto prazo de inscrición!
Si desexas inscribirte chama ao teléfono 982 229 966, enviando un correo a tradescola@gaiteirosgalegos.gal ou mesmo achegandote ata as instalacións da Tradescola, na rúa Pintor Corredoira, 4 de Lugo.
*Prazas limitadas (asignaránse por rigurosa orde de matrícula).
2ª edición dos Encontros coas Culturas Tradicionais Peninsulares
Este sábado temos con nós a tres dos grandes do folclore asturiano para ter un encontro con esta cultura tradicional peninsular.
Non quedan prazas, pero podedes ver o resultado do curso o sábado ás 20:00 na Praza do Teucro: faremos unha pequena mostra.
Falarase dos principais tipos de ritmos propios do sur de Italia dende o punto de vista da percusión (tammurriata de Campania, pizzica salentina, tarantella cilentana e siciliana, etc.), comparándoos cos ritmos propios de Galicia. Aprenderanse de xeito práctico os fundamentos destes ritmos con pandeiretas e pandeiras.
Requisitos para alumnos: non é imprescindible ter coñecementos musicais, pero si desexable. Pediráselles que leven a clase os instrumentos que desexen.
Para inscricións, mandade unha mensaxe o mail: brigangalizia@gmail.com.
O único necesario para apuntarse é mandar un mail co nome completo e un teléfono de contacto. Para consultas,tamén podedes chamar ó telefono: 699817143.
A Asociación de Gaiteiros Galegos organiza unha nova xornadas para tod@s os amantes do baile tradicional. Será a VI edición das Xornadas de Baile Tradicional, e terán lugar o vindeiro sábado 05 de decembro en Santiago de Compostela.
Estas xornadas, que naceron coa intención de cubrir a demanda existente por parte d@s nos@s asociad@s e dun gran público interesado neste aspecto da tradición galega, desenvolveranse no Centro Sociocultural do Castiñeiriño (Virxe de Fátima, 1 – Santiago de Compostela).
Haberá dous obradoiros:
Ás 10.00 horas: Manolo Cobas
"O baile na zona de Tabeirós e o Deza"
Ás 12.00 horas : Xabier Iglesias
"O baile na Chaira"
Prazas limitadas!!!!
As inscricións e reservas de praza poderán facerse a través dos teléfonos 986 847 074 ou 982 229 966 ou enviándo un mail a secretaria@gaiteirosgalegos.gal.
Estas xornadas serán gratuítas para @s soci@s da Asociación de Gaiteiros Galegos e terán un custe de 15€ para non soci@s.
Deseña o teu propio curso musical dentro das posibilidades instrumentais que fornecen as bandas de FOLK que asistirán ao festival Intercéltico Baíña 2015.
Cada día os Intrumentistas das bandas ofrecerán #monográficos de 2horas por instrumento.
Os cursos se impartirán na Casa Colorida Rua Rosalía de Castro 16 - Nigrán 36350.
Teléfono: 896_368040.
Podes configurar o teu curso por horas, ou por días competos, e podes hospedarte na Residencia Colorida e facer unha vivencia cos artistas.
Contacta aquí: residencia@casacolorida.net
Inscríbete aportando a seguinte información:
*Teu nome.
*Teléfono.
*Día ao que pretendes asistir.
*Obradoiros dos instrumentos aos que pretendes asistir.
*Se precisas quedar a comer.
*Se precisas hospedaxe completa.
AQUI SIGUE TODA A INFORMACIÒN DOS OBRADOIROS E CONDICIÒNS.
Lembra que podes escoller tantas opcions como desexes.
LUNS 20 XULLO
Workshops de folk impartido por BON TASTU
Obradoiro do Instrumento – FLAUTA TRAVESERA IRLANDESA (Imparte Xurde) 2h
Obradoiro do Instrumento - WHISTLE (Imparte Xurde) 2h
Obradoiro do Instrumento -VIOLIN (Imparte Gonzalo) 2h
Obradoiro do Instrumento -BOUZUKI (Imparte Fernando Oyagüez) 2h
+ Comida colectiva de balde. (15:00) tanto para @s asistentes da mañá como da tarde.
+ Hospedaxe
Podes elexir entre o curso completo (8h x 60€ ou PTC) ou 2h por instrumento (20€ ou PTC). A hospedaxe completa ten un custe de 32€ ou PTC.
A asociación Pésdebarro realiza un Curso de Técnicas avanzadas de pandeireta galega para o domingo, 19 de abril no Liceo-Casino de Vilagarcía de Arousa de 11:00 a 14:00 e de 16:00 a 19:00.
Este curso está organizado pola Asociación Pesdebarro e será impartido por Luis Prego.
Serán seis horas nas que os participantes aprenderán as bases técnicas deste instrumento, as prácticas tradicionais que chegaron aos nosos días, as variantes locais, a contextualización histórica.
Desenrolo teórico:
1. A pandeireta como elemento fundamental no folclore galego. Situación no pasado e na actualidade.
2. Tipoloxía e organoloxía do instrumento. Contextualización xeográfica.
3. Función e rítmica.
4. Visualización de vídeos documentais de traballos de campo feitos polo profesor do curso ao longo de toda a xeografía galega, nos que se amosan as diversas técnicas tradicionais de tocar e suxeitar a pandeireta, atendendo ás variantes locais.
Desenrolo práctico:
1. Posturas para coller a pandeireta. Estilo persoal, xeito e acomodación para tocar. Diversos tipos de pancada: a man aberta, ca palma, co puño…
2. Ritmos básicos de muiñeira.
3. Ritmos básicos de Jota.
4. Ritmos básicos de agarrado.
5. Toques a man cambiada.
6. Toques a dúas mans.
7. Prácticas de canto.
Profesor: Luís Prego.
Estudoso e investigador do folclore galego, autor dos libros “Para cantar e bailar” e “ Xogos musicais”, así como de diversos artigos sobre a música e o baile tradicional en revistas e publicacións especializadas. Na actualidade imparte clases de baile, gaita, requinta, acordeón, percusión tradicional e canto en varios concellos da Provincia de Pontevedra.
O prezo de matrícula é de 15 euros para as persoas socias e de 20 euros para as persoas non socias de Pésdebarro ata o 11 de abril, a partir desa data ata o 19 de abril o custe será de 20 € para soci@s e 25 € para non soci@s.
As interesadas/os en participar no mesmo poden inscribirse no teléfono 692646068 ou no enderezo electrónico pesdebarro@hotmail.com .
E as prazas son limitadas, polo tanto canto antes reserves o teu lugar mellor!!!
O Real Coro Toxos e Froles vai levar a cabo un novo Obradoiro de Afinación e Ornamentación de Gaita Galega impartido polo mestre gaiteiro Suso Vaamonde.
A Tradescola, escola de música tradicional galega que xestiona a Asociación de Gaiteir@s Galeg@s na cidade de Lugo, achegarase o sábado 19 de marzo as 11:00 horas ao Auditorio de Escairón sito no Concello de O Saviñao para impartir un obradoiro de xogos bailados, guiado polos mestres da Tradescola Xabier Iglesias e Xela Conde.
Obradoiro Percusión do Sur de Italia:
A Asociación de Gaiteiros Galegos organiza unha nova xornadas para tod@s os amantes do baile tradicional. Será a VI edición das Xornadas de Baile Tradicional, e terán lugar o vindeiro sábado 05 de decembro en Santiago de Compostela.
A asociación Pésdebarro realiza un Curso de Técnicas avanzadas de pandeireta galega para o domingo, 19 de abril no Liceo-Casino de Vilagarcía de Arousa de 11:00 a 14:00 e de 16:00 a 19:00.