Malmequer


Pandereiteir@s e festeir@s da beira atlántica da Galiza


Malmequer
malmequer.vigo@gmail.com
 GAVETAS
 OS SERÁNS (Sección de consulta)
 FOTOS PARA A HISTORIA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES

Cursos de acordeón diatónico con aCentral Folque
aCentral Folque, Centro Galego de Música Popular, organiza dous cursos de acordeón diatónico abertos a calquera persoa interesada no instrumento. Carlos Quintá impartirá un monográfico ao longo de tres meses (xaneiro-marzal) de iniciación e o portugués Artur Fernandes, unha master class o vindeiro sábado 23 de xaneiro.

MONOGRÁFICO DE INICIACIÓN CON CARLOS QUINTÁ

DATAS: xoves á tarde de xaneiro a marzal
LUGAR: Gentalha do Pichel. Santiago
PREZO: 50 €/mes
DURACIÓN: 6 h


Curso para principiantes no acordeón diatónico: organoloxía, mecánica, mantemento, melodías básicas, ritmos típicos, acompañamento ao canto,...en aulas undividuais.

Organizado conxuntamente coa Gentalha do Pichel. Orientado a persoas que se queiran introducir no acordeón diatónico aínda que as aulas ao seren individuais, adaptaranse ao nivel de cada asistente. Cómpre instrumento propio.

Carlos Quintá

Violinista de formación e acordeonista e taberneiro de vocación, comeza a estudar acordeón diatónico no Conservatorio de Música Tradicional e Folque de Lalín con Pedro Pascual. Forma parte de murga estradense Linho do Cuco, cos que xa tocou no Festival Intercéltico de Lorient e ten en preparación o segundo disco; toca a dúo co zanfonista Óscar Fernánde e a trío con Benxamín Otero (oboe) e Iván García (guitarra flamenca).

Actualmente é o profesor de acordeón diatónico da E-Trad en Vigo

MASTER CLASS DE DIATÓNICO AVANZADO CON ARTUR FERNANDES

DATAS: sábado 23 xaneiro en sesión de mañá de 10 a 14 e pola tarde de 16 a 19 horas.
LUGAR: CSC Castiñeiriño. Santiago
PREZO: 90 €
DURACIÓN: 7 h


Trátase dun curso avanzado do instrumento, dirixido a intérpretes con coñecementos previos de acordeón diatónico impartido polo mestre portugués da concertina

Os contidos comprenden varios aspectos da técnica. Comezarase coa práctica musical e o ensemble de diatónicos. Abordaranse as funcións musicais básicas -baixo, harmonía rítmica, melodía, contrapunto melódico- e as dinámicas de conxunto e contrastantes. Tamén se trata o contrapunto a dúas, a tres e a catro partes. Por último se realizará un balanzo musical en grupo.

Artur Fernandes

Nado no 1966 en Águeda (Portugal). É unha das figuras máis importantes e respetada da escena portuguesa de música popular, pertencente a esa xeración de artistas que son hoxe un referente en Europa.

Autodidacta da concertina desde 1978, é licenciado en Ensino de Música pola Universidade de Aveiro na área de Composición con João Pedro Oliveira.

É o líder e mentor do grupo Danças Ocultas cos que interpretan "uma música nova para um instrumento velho". Levan recreando e compoñendo música para concertina desde o 1996 con tres discos no mercado. Ten colaborado con artistas portugueses coma Rui Veloso, Gaiteiros de Lisboa, João Afonso.

Para máis información, preme aquí.

Consultas e inscrición: +34 881 031 829 e no mail matricula@folque.com

www.folque.com
Comentarios (0) - Categoría: Cursos - Publicado o 21-12-2009 10:11
# Ligazón permanente a este artigo
Curso de Palletas en Rianxo
Comentarios (0) - Categoría: Cursos - Publicado o 18-12-2009 09:46
# Ligazón permanente a este artigo
Master Class co Fred Martins en Compostela
Sambas e outras bossas: identidade e utopía na musicalidade do Rio de Janeiro

Os vindeiros días 2, 3 e 4 de decembro de 18 a 20 h terá lugar esta aula maxistral en Santiago de Compostela impartido polo cantor carioca. O tema versará sobre a formación do cancioneiro popular brasileiro e as súas características xerais. O contexto cultural do Rio de Janeiro e súa importancia para o nacemento do choro, samba e bossa nova, símbolos da musicalidade do Brasil.

Número de prazas: 15

Prezo da matrícula: 60 €

Horarios: 2, 3 e 4 de decembro de 18 a 20 horas

Lugar: Aula 1 Facultade Ciencias da Información (Campus Norte)

Inscrición: matricula@folque.com

+ info: +34 881 031 829

BREVE BIOGRAFÍA DE FRED MARTINS

Frederico Ribeiro Martins (Niterói, Rio de Janeiro, 1970) é un deses novos cantores brasileiros que comeza a despuntar en Europa. Influenciado tanto polo folk anglosaxón como polos clásicos da música popular brasileira, a súa sensibilidade e versatilidade lévanlle con igual naturalidade ao pop maino e ao samba intimista, sempre apoiado na expresividade e orixinalidade das letras do poeta e doutor en semioloxía, Marcelo Diniz Martins, o seu principal parceiro até o de agora, ou do tamén poeta Francisco Bosco.

Leva na música desde finais dos anos 80 cando traballa transcribindo partituras e cancións para Songbooks de Chico Buarque, Tom Jobim, Gilberto Gil, João Bosco ou Rita Lee, entre outros. Por fin, en 2001, publica ou seu primeiro traballo discográfico en solitario "Janelas".

Vén de presentar o seu cuarto traballo que traerá a Galiza, consolidando o recoñecemento do cantautor niteroense como un dos máis brillantes da súa xeración, feito que xa quedou patente nos seus discos anteriores e nas súas composicións interpretadas por destacadas voces da MPB (Ney Matogrosso, Zélia Duncan, Maria Rita, Eliana Printes, Carol Saboya, Dalila Couti, Clara Becker, Elisa Queirós,...)

www.folque.com
Comentarios (0) - Categoría: Cursos - Publicado o 30-11-2009 08:41
# Ligazón permanente a este artigo
Masterclass de música tradicional


www.masterclassdemusicatradicional.info
Comentarios (2) - Categoría: Cursos - Publicado o 16-11-2009 09:07
# Ligazón permanente a este artigo
Aberta inscrición a obradoiros de DUF '09
O vindeiro sábado 14 de novembro realizaranse dous obradoiros para iniciados dentro da programación do Festival DUF deste ano.

Serán Fai o teu pandeiro! un curso de artesanía musical de construcción dun adufe co constructor Carlos do Viso e unha Master class de técnica de pandeiro brasileiro co artista convidado deste ano, Marcos Suzano. Ámbolos dous teñen prazas limitadas.

Os dous terán lugar na mañán do 14 de novembro, de 10 a 14 h en Pontevedra.

Fai o teu pandeiro! é un obradoiro de construcción dun adufe, instrumento membranófono de doble pel sobre un bastidor cadrado dirixido polo artesán Carlos do Viso. Non só aprenderás a facer un pandeiro senón que marcharás a casa con el!

Este curso ten un prezo de 150 €. (o material está incluído)

Master Class con Marcos Suzano é unha aula maxistral con grande renovador da técnica de pandeiro brasileiro, un músico que desenvolveu un novo xeito de tañer o pandeiro aplicando técnicas contemporáneas ao toque tradicional. Está orientada a persoas iniciadas na percusión. Podes unha exhibición en vídeo aquí .

Este curso ten un prezo de 80 €.

Para anotarse a estes obradoiros, escribe un mail a matricula@folque.com ou chama ao +34 881 031 829, co título do curso ao que queres asistir.

www.folque.com


Comentarios (0) - Categoría: Cursos - Publicado o 09-11-2009 00:15
# Ligazón permanente a este artigo
Curso de Metodoloxía de traballo nas aulas co Patrimonio Cultural Inmaterial (Ourense)
Comentarios (0) - Categoría: Cursos - Publicado o 09-11-2009 00:15
# Ligazón permanente a este artigo
Comezan as aulas da Escola Livre da MPG
Esta semana empezan as aulas das especiali-dades instrumentais da Escola Livre da MPG.

As primeiras serán este luns 26 de outubro con Sanfona no CSC de Fontiñas; Acordeón diatónico e Requinta no CSC de Fontiñas e A Trisca; Gaita no CSC de Fontiñas e Conxo. O resto de materias (Percusión e Violino) comezarán na fin de semana nos CSC de Fontiñas e o Castiñeiriño respectivamente.

Logo dun incerto periodo de preparación para poder impartir un novo curso escolar en diferentes instrumentos do patrimonio musical galego con mestres de recoñecida traxectoria profesional, comezarán as aulas do ano 2009/2010 asociadas ao proxecto educativo do Centro Galego de Música Popular, o que se denomina a Escola Livre da MPG

Ante a retirada do apoio da nova dirección do AGADIC tanto económica como de espazo, foi complicado desenvolver o proceso de apertura do novo curso. O refutación da axuda da Concellaría de Cultura de Santiago e do alumnado que se matriculou para as diferentes materias ofertadas, permítenos seguir un ano máis ofrecendo unha educación personalizada e de calidade ao redor da música galega.


www.folque.com

Comentarios (0) - Categoría: Cursos - Publicado o 28-10-2009 15:08
# Ligazón permanente a este artigo
Cursos da A.C. Fervenza de Ouzande (A Estrada)
BAILAS? 2009-2010
Cursos de música e baile tradicional: clases de gaita, baile, pandeireta e tamboril

A.C. Fervenza de Ouzande (A Estrada)

Dan comezo as clases deste novo curso. A Asociación convoca a todas as persoas interesadas a unha reunión que terá lugar o próximo sábado 10 de outubro no local do campo da festa ás 4 e media da tarde.

Os cursos que poñeremos en marcha serán:
- Gaita
- Pandeireta
- Tamboril
- Baile


Na reunión fixarase o horario definitivo das clases así como se informará aos asistentes do prezo das mesmas.
Ao remate da mesma terá lugar unha actuación por parte do grupo de gaitas da Fervenza. As persoas que veñan tamén poden traer os seus instrumentos.

A Fervenza de Ouzande
web: http://carreiros.blogspot.com/

Outubro 2009
Comentarios (0) - Categoría: Cursos - Publicado o 08-10-2009 09:04
# Ligazón permanente a este artigo
Abre a Escola Livre da MPG (aCentral Folque Compostela)
A Escola Livre da MPG abre o prazo de preinscrición

A Escola Livre da MPG incia o proceso de preinscrición para as materias que se impartirán durante este curso. Continúa a aposta pola educación personalizada con aulas individuais por músicos profesioanis en activo e de recoñecido prestixio na escena da música tradicional e folque:

Gaita, Canto, Percusión tradicional, Sanfona, Violino, Acordeón diatónico e Frautas e requinta. Ademais incorpónrase dúas novas especialidades: Regueifa e Introducción á teoría da Música e ao arranxo folque.

As grandes novedades con respecto ao curso pasado en aCentral Folque Compostela son varias:

- As aulas non estarán centralizadas nun só edificio senón que estarán repartidas por diferentes locais de Compostela dependendo de cada instrumento.

- Os días que se imparten as aulas serán de luns a sábado dependendo de cada materia. É dicir, que ademais dos sábados haberá outros días de docencia. Para coñecer os detalles, bota un ollo aos horarios na nosa web .

- Hai novas incorporacións ao cadro docente: Luis Correa "O Caruncho", impartirá a aula de Regueifa; Gutier Álvarez a de Violino; a de Canto estará compartida por Guadi Galego, Xavier Díaz, Paulina Ceremuzynska e Ramón Bermejo.

- O proxecto curricular de centro xa non ten vixencia e non é preciso cursar materias complementarias obrigatoriamente

PROCESO DE MATRICULACIÓN

1. PREINSCRICIÓN

É preciso encher a folla de preinscrición (que podes descargar máis abaixo) e entregala nas oficinas. Tes tres opcións para facelo:

-Enviala por correo electrónico a matrícula@folque.com
-Enviala por correo ordinario a Salvadas 22, baixo. 15705. Santiago de compostela.
-Vía on-line no formulario de preinscrición da nosa páxina web.

Todas as persoas candidatas serán informadas individualmente da súa admisión. Desgraciadamente hai prazas limitadas e non todas as persoas preinscritas terán garantida a súa matrícula.

O novo alumnado -que non estudara o ano pasado en aCF Compostela- terá que facer unha pequena entrevista persoal e audición co profesor do seu instrumento para determinar o seu nivel de acceso.

2. MATRICULACIÓN

Unha vez comunicada a admisión na escola, hai que abonar os prezos da matrícula de cada materia a cursar. Pódese pagar o ano enteiro ou facelo en dous cuatrimestres. Estas son as datas límite de pagamento:

1º cuatrimestre: venres 30 outubro
2º cuatrimestre: venres 26 febreiro

Os prezos de cada materia podes consultalos na nosa web

Para máis información, escribe un correo a matricula@folque.com ou chama ás oficinas de aCentral Folque no +34 881 031 829

Máis información en: www.folque.com
Comentarios (44) - Categoría: Cursos - Publicado o 07-10-2009 09:27
# Ligazón permanente a este artigo
III Curso de perfeccionamento Técnico (Fegalcat 2009)

IV CURSO DE PERFECCIONAMENTO TÉCNICO

Os vindeiors 5, 6, 7 e 8 do mes de decembro a Federación de Entidades Culturais Galegas de Catalunya realizará o IV Curso de Perfeccionamento Técnico no C.C. La Bòbila, Plaça de La Bòbila, 1 (Esplugues / Hospitalet de Llobregat).

Devandito curso constará das seguintes disciplinas:

 Baile Tradicional – Montse Rivera e Esteban Lamas
 Canto e pandeireta – Xabier Díaz Carro
 Gaita – Daniel Bellón e Pedro Lamas
 Percusión – Miguel Souto
 Traxes e Aderezos – Mónica Hernández


Requisitos indispensables:

1. Ser maior de 16 anos, no caso de non ter a maioría de idade requirirase autorización da nai, pai ou tutor.

2. Demostrar un nivel mínimo esixido para a disciplina seleccionada.

3. O alumno deberá levar o instrumento necesario para a disciplina escolleita, ademais da roupa apropiada para facer as clases.

4. O alumno dispoñerá dunha sala como vestiario e duchas.

5. Una vez aceptados os alumnos, notificaráselles cal é o material que require cada profesor. É imprescindible enderezo electrónico para contactar co alumno.

6. Una vez completadas as prazas reservadas aos centros federados, o resto de prazas asignarase segundo estricta orde de chegada.

7. O envío do formulario non implica a adxudicación da praza solicitada, deberá esperar confirmación da Organización.

8. O prezo da inscripción é de 30 euros e inclúe o almorzo dos días 6, 7 e 8, dossier do temario e diploma do curso. Se ademáis, o alumno quere xantar coa Organización deberá abonar 15 euros por día, devandita cantidade deberá ser abonada xunto coa da matrícula.

Podes solicitar máis información a través do enderezo electrónico cursillo@fegalcat.org (non se admitirá outro medio de envío)

Prégase, os interesados envien a solicitude antes do 10 de outubro.


- Solicitude Federados
- Solicitude non Federados
Comentarios (1) - Categoría: Cursos - Publicado o 05-10-2009 08:55
# Ligazón permanente a este artigo
Curso de Percusión Tradicional organizado pola A.X.Xiradela en Arteixo

Para solicitala ficha de inscripción enviar un mail a correo@xiradela.es
Comentarios (0) - Categoría: Cursos - Publicado o 05-10-2009 08:52
# Ligazón permanente a este artigo
Cursos da Asociación Cultural Rosalía de Castro de Cacheiras

A Asociación Cultural Rosalía de Castro de Cacheiras ten aberto o prazo de matrícula para as actividades do curso 2009 – 2010:

- Baile Tradicional (nenos e adultos),
- Pandeireta (nenos e adultos),
- Gaita (nenos e adultos),
- Acordeón,
- Curso de Manualidades,
- Curso de Bordado,
- Arte Floral,
- Bailes de Salón,
- Cociña,
- Kárate,
- Cestería,
- Debuxo e Pintura,
- Ximnasia de mantemento,
- Pilates,
- Ioga,
- Tai Chi,
etc.

A Escola de Baile e Música Tradicional (dirixida a nenos e nenas dende 3 anos ata os 18anos), xa comezou o novo curso o pasado Sábado 12 de setembro, pero ainda quedan prazas, polo que dende esta asociación animámosvos a todos a que vos matriculedes.

Para inscribirse ou obter máis información, os interesados poden dirixirse ó local da Asociación Cultural Rosalía de Castro en Cacheiras (xunto ó campo de fútbol municipal da Cañoteira) no concello de Teo ou ben chamar ó seguinte teléfono 981 80 60 91 en horario de 20:30 a 22 h (de luns a venres).
Comentarios (3) - Categoría: Cursos - Publicado o 30-09-2009 10:41
# Ligazón permanente a este artigo
Comeza o curso en Malveiras (Vilagarcía de Arousa)


www.malveiras.com
Comentarios (0) - Categoría: Cursos - Publicado o 30-09-2009 10:16
# Ligazón permanente a este artigo
Cursos da Asociación Veciñal e Cultural Casco Vello (Vigo)

Xa está aberto o prazo para a inscrición dos cursos no local da Asociación Veciñal, rúa Oliva nº 12 en horario de tarde de 18:00 horas a 20:00 horas de luns a venres.

Os cursos comezan no mes de Outubro.


Confección de traxe tradicional Galego:
- Luns de 17:00 a 19:00 grupo de iniciación (Novo)
- Luns de 19:00 a 21:00 grupo de perfecionamento

Baile Tradicional Galego:
- Luns de 21:00 a 22:30 grupo de perfecionamento I.
- Martes de 21:00 a 22:30 grupo de perfecionamento II.
- Mércores de 21:00 a 22:30 grupo de iniciación.
- Sábado de 11:30 a 13:00. (Novo curso)

Gaita e percusión:
- Luns de 20:30 a 22:30.

Canto popular e pandeireta:
- Martes de 18:00 a 20:00 nivel medio. (Novo)
- Martes de 18:00 a 20:00 nivel perfecionamento.
- Mércores de 18:00 a 20:00 iniciación.

Acordeón diatónico:
- Martes de 20:00 a 22:00.
- Sábado de 11:00 a 13:00.

Guitarra:
- Martes de 20:00 a 21:00. (Novo)

Danza Oriental:
- Mércores de 20:30 a 21:30 grupo de iniciación.
- Mércores de 21:30 a 22:30 grupo de perfecionamento.

Danzas do mundo:
- Xoves de 20:00 a 21:00.

Bailes Latinos:
- Venres de 20:30 a 22:00.

Ioga:
- Luns e xoves de 19:15 a 20:30.

Iniciación ao Teatro:
- Venres de 20:00 a 21:00. (Novo)

Ximnasia de mantemento:
- Luns e mércores de 11:30 a 12:30. (Novo)

Manualidades diversas:
- Xoves de 11:00 a 13:00.

Tapiceria “Patchwork”:
- Xoves de 17:00 a 19:00.

Corte e confección:
- Venres de 17:00 a 19:00.

Para calquera aclaración ou dúbida chamanos ao 986 43 97 99 en horario de oficina (de 18:00 a 20:00) ou a través do correo-e: cascovellovigo@yahoo.es

Máis información en:
www.avcascovello.com

Comentarios (0) - Categoría: Cursos - Publicado o 29-09-2009 09:13
# Ligazón permanente a este artigo
Cursos de Donaire (A Coruña)

Horarios curso 2009-2010

Aquí vós deixamos os nosos horarios para esta nova tempada, onde como sempre a maioría das actividades serán realizadas no Centro Cívico de San Diego, nos Castros.


LUNS
18 -19: Baile 7-9 anos
19 - 20: Pandeireta 7-9 anos
20 - 21: Pandeireta adultos no CEIP Férnandez Latorre
21 - 22: Baile adultos no CEIP Férnandez Latorre
22 - 23: Con Canto Donaire en MANS

MARTES
18 - 19: Baile/pandeireta 3-4 anos

MÉRCORES
17:30 - 18: Percusión medianos
18 - 19: Baile medianos 10-17 anos (bailadores do Torreiro e Picote)
19 - 20: Pandeireta 10 - 14 anos
Gaita Perfeccionamento I
20 - 21: Pandeireta Axeitadiñas
Pandeireta Mozos da Ronda
21 - 22: Baile Donaire

XOVES:
20 - 21: Gaita Iniciación
20:30: Con Canto Donaire en Eirís

VENRES:
18 - 19: Baile 5-6 anos
19 - 20: Pandeireta 5-6 anos
21 - 22: Baile Donaire Centro Coreográfico Galego

SÁBADO:
10 - 11:30: Gaita
Percusión
11:30 - 12:30: Pandeireta Velaí Ven
12:30 - 13:15: Baile Picote

http://www.blogoteca.com/donaire/
Comentarios (0) - Categoría: Cursos - Publicado o 29-09-2009 09:06
# Ligazón permanente a este artigo
Comezan os cursos en Retrouso (Cela-Bueu)
Nuns días, en outubro, dan comezo outravolta as Escolas Musicais Retrouso. Retrouso logra manter para o 2009/2010 a súa numerosa oferta de actividades, centradas na música tradicional, pero que abarcan tamén a formación en linguaxe musical e coral.

Os cambios máis salientables esta tempada son a incorporación de Rubén Bastón como responsable da área de iniciación de baile tradicional para nenas e nenos (martes á tarde) e de Tania García Ruibal, da iniciación de canto e pandeireta. Tamén, de xuntarse un número mínimo de alumnos, María Casaleiro estrearase como profesora de iniciación ao baile tradicional para adultos.

O plantel de profesores de Retrouso complétase co gaiteiro do Hío Cristóbal Prieto, como mestre de gaita; o tamborileiro vigués Alberto Costas, que é o responsable de percusión; a veciña de Beluso Teresa Pedrouso continúa a dar as clases de acordeón e solfa (linguaxe musical), Margarita Pérez e Débora Pena son as responsables das áreas de perfeccionamento de baile; e Carme Pereira continúa como directora do Coro de Cela.

Os horarios repártense de luns a sábado, con horarios máis temperáns para as actividades infantís (entre as 16 e as 19h) e máis adaptados ao horario laboral para as de adultos (a partir das 20h):

Luns: Coro ás 21h
Martes: Iniciación infantil de baile, iniciación adultos de canto, acordeón adultos.
Mércores: Acordeón nenos, solfa, iniciación adultos de baile, perfeccionamento adultos de baile
Xoves: percusión ás 20h
Venres: perfeccionamento infantil de baile, iniciación e perfeccionamento infantil de canto, perfeccionamento adultos de canto
Sábado: gaita, perfeccionamento adultos de baile.

E como mestre de perfeccionamento de canto e pandeireta do grupo retrouso Guillerme Ignacio, o cantante de Quempallou e O tear de Llerena! Os venres arredor das 18h perfeccionamento I e os venres arredor das 20h perfeccionamento II

Para apuntarse, os interesados poden achegarse ás clases, contactar con calquera membro da Asociación, ou chamar aos teléfonos 686 440 108 (Rubén) ou 647 607 467 (Débora).
Comentarios (0) - Categoría: Cursos - Publicado o 29-09-2009 09:06
# Ligazón permanente a este artigo
Novo Curso de O Fiadeiro (Vigo)

A escola da A.C.F. O Fiadeiro estrea o novo curso 2009-10 cun amplo abano de novidades e actividades para afondar no coñecemento e disfrute da música, danza e artesanía tradicionais galegas.

A oferta formativa para este curso inclúe un novo plan de estudos máis personalizado e adaptado as necesidades de todos e cada un dos alumnos a través de dous itinerarios formativos e dunha nova reestructuración das actividades en dúas áreas:

- “Área folk e tradicional galega”: coas especialidades de Canto e Pandeireta, Baile Galego, Gaita Galega, Acordeón, Percusión Tradicional, Zanfona, Guitarra Folk e Bouzouki ,Violín Folk, e Requinta, ademáis da
actividade de Música e Movemento, orientada para os cativos de entre 3 e 7 anos.

- “Área de Actividades Complementarias” está dividida en catro seccións que abrangue: Movemento (ximnasia de mantemento), Danzas
(danzas do mundo, ritmos latinos e baile moderno), Músicas (Guitarra e Percusións), e Artesanía (costura tradicional e pasamanerías, debuxo e pintura, repuxado en coiro e manualidades para cativos).

Todas as persoas que precisen máis información, estén interesadas nos cursos ou en participar nas Xornadas de Portas Abertas poden chamar aos
tfnos. 986 253 585 - 629 585 355, pasarse polo local da rúa Xesús Fernández nº3 – baixo (no Calvario) en horario de 10.30 – 13.30 e de 17.00 a 21.00 ou visitar a páxina web www.ofiadeiro.com
Comentarios (0) - Categoría: Cursos - Publicado o 29-09-2009 09:05
# Ligazón permanente a este artigo
Cursos da Escola de Folclore Galego (Grupo IAR- A Coruña)
Está aberta a preinscripción para as actividades de folclore galego, do "Grupo de Bailes Populares Iar", ditas actividades son:
-Baile tradicional
-Gaita galega
-Percusión tradicional
-Pandeireta e canto


Todas as actividades son para todas as idades e a todos os niveis
Lembrade que as clases son gratuitas para os alumnos que integren en dito curso o grupo principal.
Todos os interesados, podense por en contacto connosco dende xa mediante:
Teléfono-fax: 981 133 646 (se naide responde deixar no buzón de voz nome, teléfono e motivo da chamada)
E-mail: iargrupo@hotmail.com

http://blogs.myspace.com
Comentarios (0) - Categoría: Cursos - Publicado o 29-09-2009 09:05
# Ligazón permanente a este artigo
Comezo do curso da Aula Gomes Mouro (Ourense e Maceda)

O Lúns dia 12 do outubro, comezan de novo as clases na AOFT - Gomes Mouro, no local que temos en Barrocás,(Tras bloque 8 - Baixo).

Nun principio mantéñense os horarios do ano pasado, inda que poden variar os primeiros dias das clases, dependendo da dispoñibilidade do alumnado

Lúns:
Canto e pandeireta - Mestra Particia López

Martes:
Gaita traballo do repertorio- Mestre Alejandro Miguélez

Mércores:
Gaita iniciación e perfeccionamento e iniciación á percusión - Mestre Gonzalo Abelairas


*Tamen informar que na escola de Música de Maceda temos a presentación das actividades o venres 2 de Outubro e na Escola de Allariz, o sábado 3

Para calquer dúbida, xa sexa desta ou doutra escola onde impartimos clases:
aoftou@gmail.com

Toda a información en
http://aoftou.spaces.live.com/

Un saúdo
Gonzalo Abelairas
http://club.telepolis.com/gabelairas/
Comentarios (0) - Categoría: Cursos - Publicado o 29-09-2009 09:04
# Ligazón permanente a este artigo
Cursos da Cultural do Viso (Redondela)
O Viso inicia unha nova tempada de cursos de percusión, pandeireta e gaita galega e abre a inscrición no novo curso de baile galego

A Cultural do Viso inicia un nova tempada de cursos, obradoiros e actividades culturais na parroquia do Viso (Redondela), actividades estas abertas para todos os veciños de Redondela e dos concellos limítrofes. Neste mes de setembro ábrese unha nova tempada dos xa habituais cursos de gaita galega, pandeireta e percusión, impartidos estes por mestres de recoñecida valía no eido da música tradicional galega.

Tamén a partires do mes de outubro ofrecerase un curso de baile tradicional a cargo do mestre Luis Prego. As clases desenvolveranse na Sociedade de Agricultores do Viso a partir do vindeiro martes 6 de outubro. Para anotarse e recibir máis infomación póñense a disposición os teléfonos 658 616 520 e 626 156 872.

www.terrameiga.net

Un cordial saudo,
Comentarios (0) - Categoría: Cursos - Publicado o 29-09-2009 09:04
# Ligazón permanente a este artigo
Curso de baile no CRAC (Coruxo-Vigo)
Co outono as portas hai que prepararse para a chegada dos seráns, por iso continuamos as clases de baile tradicional para todas as idades que o curso pasado resultou tan ben.


Paxina Web de A Buxaina --> http://abuxaina.cogia.net
Comentarios (1) - Categoría: Cursos - Publicado o 29-09-2009 09:03
# Ligazón permanente a este artigo
['trepia] Associaçom Cultural (Pontevedra) Curso 2009-2010
Começo das aulas: primeira semana de Outubro

Horários:

Segunda-feira (luns), 20:30h - 22:00h: Pandeireta e canto tradicional I.
20:30h - 22:00h: Pasamaneria (bordado tradicional)

Terça-feira (martes), 20:30h - 22:00h: Gaita.

Quarta-feira (mércores), 20:00h - 21:30h: Pandeireta e canto tradicional II.
20:30h - 22:00h: Tamboril (percusom tradicional)
21:30h - 00:00h: Foliada aberta *

Quinta-feira (xoves), 20:30h - 22:00h: Pandeireta e canto tradicional I.
20:30h - 22:00h: Introduçom à linguagem musical.
22:00h - 00:00h: Foliada aberta *

Sexta-feira (venres), 20:30h - 22:00h: Baile tradicional I.
22:00h - 00:00h: Foliada aberta *

* Foliada aberta: dinamizaçom da escola. Um punto de encontro onde aplicar e experimentar o aprendido nas aulas. Aberta a sócios e non-sócios.

Todas as aulas se impartirám no Local Social A Revira (Arzebispo Malvar, 33; Ponte Vedra)

Quotas de sócio:
1 obradoiro: 20 € /mês
2 obradoiros: 30 € /mês
3 ou mais obradoiros: 40 € /mês

Matrícula: 20 €
Comentarios (0) - Categoría: Cursos - Publicado o 29-09-2009 09:03
# Ligazón permanente a este artigo
Cursos da Asociación Fogo Fatuo (Rianxo)


www.fogofatuo.es
Comentarios (0) - Categoría: Cursos - Publicado o 29-09-2009 09:03
# Ligazón permanente a este artigo
Presentación Curso 2009/10 de Rebulir
O Vindeiro Sábado a A.C. Rebulir, Escola de Baile e Música Tradicional desenvolverá o acto de presentación do curso 2009/2010.

Explicaranse os horarios e organización das actividades docentes regulares así como o calendario de actos e eventos programados para os vindeiros meses (VI Festival de Baile e Música Tradicional Rebulir, IV Noite de Fiadeiro, III Concurso de Fotografía Antiga, Exposicións, Obradoiros, Cursos... etc).

Durante este acto tamén se fará entrega dos premios do II Concurso de Fotografía Antiga, cuxos resultados se atopan publicados no blog da asociación (www.rebulir.blogspot.com). Nesta edición foron presentadas arredor de 200 instantáneas nas que se recollen labouras cotiás, retratos, celebracións..., superando así o centenar recollido na primeira convocatoria. Séguese así co traballo de ampliar o arquivo documental fotográfico do Concello de Ramirás e Comarca.

Presentación Curso 2009/10 e Entrega de Premios II Concurso de Fotografía Antiga
- Lugar: Centro Sociocultural de San Andrés. Vilavidal. Concello de Ramirás
- Hora: 19:00 h
- Organiza: Rebulir Escola de Baile e Música Tradicional
- Colabora: Concello de Ramirás.
Comentarios (0) - Categoría: Cursos - Publicado o 24-09-2009 12:39
# Ligazón permanente a este artigo
Xornadas de Campás e Campaneiros
NOVAS XORNADAS DE CAMPÁS E CAMPANEIROS
19 de Setembro do 2009

IGREXA PARROQUIAL DE PAZOS DE BORBEN - PONTEVEDRA



ACTIVIDADES:

•17.00 h repique de Campás, chamamento aos participantes pro inicio das actividades
Presentación do libro “CAMPAS E CAMPANEIROS” por parte do seu autor o Etnógrafo Xerardo Dasairas.

•17.30 h . DEMOSTRACIÓN DOS DIFERENTES SINAIS E TOQUES de campás por Lino Míguez e Andrés Ferreira, campaneiros de Pazos de Borbén.
•18.00 h “Campanario aberto PRA CAMPANEIROS”, repiques de diferentes zonas e lugares.
•18.30 h “Campanario aberto PROS ASISTENTES, prácticas coas campás.
•19.30 h ACTUACIÓN do grupo de música tradicional Os Chichisos.

•Todos os toques e sinais serán gravados polo colectivo ESCOITAR
•Colabora D. Jaime, párroco de Pazos de Borbén
ACTIVIDADES ABERTAS A TÓDOLOS PÚBLICOS

+ INFORNACIÓN: 676.842.942

ORGANIZAN: Os Chichisos

www.chichisos.wordpress.com
Comentarios (0) - Categoría: Cursos - Publicado o 18-09-2009 12:03
# Ligazón permanente a este artigo
Curso de etnomusicoloxía a distancia (UNED)
O Departamento de Filosofía da UNED organiza un curso a distancia de etnomusicoloxía dentro da súa formación de Ensino Aberto. Danse 12 créditos de formación. Este curso ofrece unha introdución aos estudos etnomusicolóxicos, e máis en xeral, aos traballos con perspectiva antropolóxica sobre músicas populares e tradicionais.

O seu obxectivo é situar nunha dimensión comparativa o estudo da música a partir dos conceptos básicos da antropoloxía simbólica. O nivel do curso é medio e non se establecen requisitos de acceso. Está orientado a:

A) Antropólogos, sociólogos, comunicólogos, historiadores da cultura, e en xeral acodes non necesariamente versadas en cuestións de técnica musical, pero si interesadas nas dimensións sociais e culturais da música.

B) Músicos interesados en ampliar os seus horizontes estéticos e adquirir ferramentas conceptuais útiles para enfrontar outras tradicións sonoras distintas da súa.

C) Profesores e mestres que desexen explorar as posibilidades educativas deste campo, por exemplo de face á innovación do curriculum musical e polo seu valor integrador nunha escola crecientemente multicultural.

Está organizado en diferentes contidos: Definicións, historia, obxecto e método da etnomusicología; Cuestións en torno á análise da linguaxe musical; A análise do contexto sociocultural da música; Contacto entre culturas e cambio musical; Música popular e industrias culturais.

Máis información na web ou no enderezo electrónico: rafael.martin.c@telefonica.net

Ligazóns
Curso de etnomusicoloxía a distancia
Programa Xeral de Enseñanza Abierta da UNED

www.folque.com
Comentarios (0) - Categoría: Cursos - Publicado o 16-09-2009 09:57
# Ligazón permanente a este artigo
Monográficos de verám Associaçom Cultural O Tear de Llerena

Monográficos de verám Associaçom Cultural O Tear de Llerena

Os cursos impartirám-se cada Quarta-feira dos meses de Julho e Agosto, de 19:30 a 22:00, no antigo Conservatório de Música de Ponte Vedra (3º andar).

Cada aula terá umha temática própia, que se pode consultar na távoa de abaixo.

O preço será de 20€ para sóci@s, 30 € para nom sóci@s, por cada quatro aulas matriculadas; ou de 10€ para sóci@s
e 15€ para nom sóci@s por cada duas.

As aulas distribuirám-se conforme ao seguinte calendário:

Mês de Julho:
01/07/09: Lata de pementom. História, zonas, ritmos, técnicas e repertório.
08/07/09: Baile tradicional (maneo)
15/07/09: Pandeireta e canto tradicional (ribeirana, muinheira velha)
22/07/09: Tijola, cunchas, culheres... e a sua presência nas formaçons tradicionais.
29/07/09: Baile tradicional (Serra do Suído - Aviom)

Mês de Agosto:
12/08/09: Pandeira. História, morfologia, técnicas, repertório e zonas.
19/08/09: Pandeiro quadrado. História, morfologia, técnicas, repertório... e a sua presência nas formaçons tradicionais.
26/08/09: Introduçom ao repertório de Astúries e Miranda de l Douro.

Lembrai que podedes apuntar-vos a 2, 4, 6 ou 8 aulas.

A inscriçom realizará-se via e-mail, (teardellerena@hotmail.com) enviando a este mesmo correio as aulas seleiçoadas e indicando nome e apelidos.
* indicar no "assunto" do e-mail monográficos.

Graças de antemám pola difusom e participaçom nos cursos.
Comentarios (0) - Categoría: Cursos - Publicado o 02-07-2009 10:01
# Ligazón permanente a este artigo
Obradoiro de aturuxos no Viso (Redondela)
Comentarios (0) - Categoría: Cursos - Publicado o 03-04-2009 09:59
# Ligazón permanente a este artigo
XXVII Curso de Cultura Tradicional Galega de Cantigas e Frores

Xa está aberto o prazo de matrícula para o XXVII Curso de Cultura Tradicional Galega.

XXVII CURSO DE CULTURA TRADICIONAL GALEGA
9, 10 e 11 de abril de 2009


LUGAR:
Auditorio Municipal Gustavo Freire
Parque da Milagrosa.
Avda. da coruña s/n (Lugo)

ESPECIALIDADES:

1. Técnicas de gaita
2. Técnicas de canto e pandeireta
3. Técnicas de baile tradicional
4. Técnicas de percusión tradicional
5. Técnicas de zanfona
Cada persoa pódese inscribir nunha especialidade. Para as especialidades 1, 2, 4 e 5 haberá que asistir cos correspondentes instrumentos musicais.

PREZO DA MATRÍCULA:

30 €, agás para os socios/as da Asociación Cultural“Cántigas e Frores” e da Asociación de Gaiteiros Galegos, que será de 20 €.

PAGAMENTO NA CONTA: 2091 0152 29 3040026419

Os gastos da estadía en Lugo serán a cargo dos asistentes ó curso.

INSCRICIÓNS:

Datos Requiridos: Nome e apelidos, DNI, teléfonos, enderezo, enderezo electrónico, código postal e localidade. Especialidade na que solicita inscribirse.

As inscricións pódense enviar a :
FAX: 982 26 52 80
EMAIL: inscricions@cantigasefrores.com

COMPRE ADXUNTAR XUSTIFICANTE DE PAGAMENTO. O PRAZO DE INSCRICIÓN REMATARÁ NO MOMENTO EN QUE SE CUBRAN AS PRAZAS DE CADA ESPECIALIDADE.

PROGRAMA:

XOVES 9
09:00 a 10:00 Entrega de documentación e presentación do curso
10:00 a 11:00 Clase práctica
11:30 a 13:30 Clase práctica
16:00 a 18:00 Clase práctica
18:30 a 20:00 Clase práctica

VENRES 10
10:00 a 11:00 Clase práctica
11:30 a 13:30 Clase práctica
16:00 a 18:00 Clase práctica
18:30 a 20:00 Clase práctica

SABADO 11
10:00 a 11:00 Clase práctica
11:30 a 13:30 Clase práctica
16:00 a 18:00 Clase práctica
19:00 ACTO DE CLAUSURA E ENTREGA DE DIPLOMAS

MESTRES:

1. Técnicas de Gaita: Agustín Sánchez.
Comeza a tocar a gaita con 11 anos da man de pepe temprano. Ten gañado numerosos concursos de gaita. Colaborou co cuarteto “luvas verdes” e foi mestre en diversas asociacións e centros galegos.

2. Técnicas de Canto e Pandeireta: Sandra Diéguez.
Directora das pandereteiras da A.C.F. “O Fiadeiro” de Vigo. Mestra e compoñente de numerosas asociacións coas que ten gañado diversos premios.

3. Técnicas de Baile Tradicional: Gustavo Couto.
Membro da sección de baile da O.C.T. “Ultreia”. Director de diferentes escolas de baile tradicional na comarca de Santiago de Compostela. Forma parte do proxecto Ronsel.

4. Técnicas de Percusión Tradicional: Roi Adrio.
Comeza os seus estudios musicais con Moxenas. Ten tomado clases de percusión tradicional da man de X. M. Oliveira, "Chuco". Na actualidade é membro de “Quempallou”, “Faltriqueira” e outras agrupacións.

5. Técnicas de Zanfona: Paulo González.
Licenciado en Música Antiga. Titulado en Educación Musical. Diplomado co título profesioinal de gaita e ten realizado o curso de zanfona na U.P. de Vigo. Director do grupo “Amar Contra o Silêncio”.

COORDINADORA DO CURSO: Mónica Fernández Fernández.

Máis información na páxina do curso.


Comentarios (3) - Categoría: Cursos - Publicado o 30-03-2009 09:31
# Ligazón permanente a este artigo
V Cursos Xarabal

A BANDA DE GAITAS XARABAL informa:

Por 5º ano consecutivo, e coincidindo co 25 aniversario, a Banda organiza os seus Obradoiros. Este ano os cursiños celebraranse os días 9, 10 e 11 de abril (xoves, venres e sábado coincidindo coa Semana Santa).


Os cursiños dispoñíbeis nesta edición serán:

* Gaita: técnica e interpretación. Impartido por Diego Mariño
* Empalletado e afinación. Impartido por Xurxo Fernández
* Construción de palletas. Impartido por Patricia Cela
* Percusión tradicional. Impartido por José Carlos Villar Bouza
* Percusión folk. Impartido por Lucía Martínez
* Zanfona. Impartido por Xaime Rivas
* Traverso tradicional. Impartido por José Liz

Todo os obradoiros impartiranse no colexio público San Salvador de Teis(Vigo).

O horario de obradoiros é de 9:00 a 13:00 e de 16:00 a 20:00. A distribución en sesións sería:

* Duas sesións (9:00 a 13:00 e de 16:00 a 20:00).
-Construción de palletas

* Sesión de mañá (9:00 a 13:00)
-Gaita: técnica e interpretación
-Empalletado y afinación
-Percusión tradicional
-Traverso barroco

* Sesión de tarde (16:00 a 20:00)
-Zanfona
-Percusión folk
-Gaita técnica e interpretación

Os cursos pódense contratar en dúas modalidades: unha inclúe a comida e a oUtra non. Ademais débese ter en conta que se fai un desconto á xente que se matricule en dous obradoiros. Coma excepción atópase o curso de construción de palletas que, por estar composto de dúas sesións, considérase coma dous obradoiros.

Os prezos quedarían coma siguen:
1 obradoiro 2 obradoiros
Sen comida: 75 € 125 €
Con comida: 100 € 150 €

* Debido a que existen obradoiros con límites de prazas, estabécese un período de preinscrición.
* Os alumnos/as serán admitidos nos obradoiros por rigorosa orde de preinscrición.
* Cada alumno/a será avisado de se foi admitido nos obradoiros, en canto se reciba a folla de preinscrición.
* As follas de preinscrición deben mandarse cubertas ao seguinte enderezo electrónico: info@xarabal.org

PRAZOS:

Sábado 4 de Abril -> Data límite para enviar a preinscrición.
Martes 7 de Abril -> Data límite para que os alumnos/as admitidos nos cursiños fagan efectivo o pagamento

Toda a información, incluída a folla de preinscrición, está dispoñíbel en www.xarabal.org ou www.myspace.com/xarabal.

A BANDA DE GAITAS XARABAL
Comentarios (1) - Categoría: Cursos - Publicado o 30-03-2009 09:31
# Ligazón permanente a este artigo
V Encontro coa Zanfona Contemporánea
Programa do V Encontro coa Zanfona Contemporánea (Narón)

Venres 13 marzal 2009

Feira do Trece. Sedes
10 h Presentación do encontro
-Actuación musical: Dúo sobre rodas
-Degustación de viño e queixo

Aldea Nova. Sedes
12 h Actividades para escolares
-Panel de experienciasdo obradoiro da Centrad: Luciano Pérez
-Concerto artístico-didáctico co Dúo Sobre rodas

Auditorio de Narón
20.30 h Concerto:
-Grégory Jolivet
-Xarnege

Sábado 14 marzal 2009

Aldea Nova
10 a 13.30 h e 15 a 18.30 h
-Curso de Grégory Jolivet

19 h Relatorio
-“A zanfona ibérica” con Xulio García Bilbao

21 h Palco aberto
-Escenario para músicos espontáneos

Domingo 15 marzal 2009

Aldea Nova
10.30 a 14.30
-Curso Grégory Jolivet

O Encontro coa Zanfona Contemporánea é unha produción exclusiva de aCentral Folque para o Concello de Narón
Comentarios (0) - Categoría: Cursos - Publicado o 13-03-2009 09:17
# Ligazón permanente a este artigo
Comezan os monográficos de ACentral Folque

DOUS MONOGRÁFICOS DE ACENTRAL FOLQUE.

Desde Portugal chega un auténtico maestro do acordeón diatónico. Este misterioso instrumento que introduciu os bailes agarrados en Galiza, perseguido pola igrexa e adorado polo povo bailador é tocado en muitos lugares de Europa.

O Sr. Artur Fernandes é un dos máximos represetantes do diatónico en Portugal.

Acordeón Diatónico II
ACORDEÓN DIATÓNICO II avanzado
Lugar: Conservatorio Oficial de Santiago de Compostela
Prezo: 150 €
Datas: 14 marzal (8 h)
Horario: de 10 a 14 e 16 20 h
Imparte: ARTUR FERNANDES ”Ao toque de diatónico”

- Práctica de música e ensemble de diatónicos.
- Funcións musicais básicas: baixo, harmonía rítmica, melodía, contrapunto melódico.
- Dinámica: dinámicas en conxunto, e dinámicas contrastantes.
- Contrapunto: a dúas, a tres e a catro partes.
- Balanzo musical en grupo

Sinopse:
Breve biografía de Artur
Nado no 1966 en Águeda (Portugal). Unha das figuras máis importantes e respetada da escena portuguesa de música popular, pertencente a esa xeración de artistas que son hoxe un referente en Europa.
Autodidacta da concertina desde 1978 e licenciado en Ensino de Música pola Universidade de Aveiro na área de Composición con João Pedro Oliveira.
É o líder e mentor do grupo Danças Ocultas cos que interpretan “uma música nova para um instrumento velho”. Levan recreando e compoñendo música para concertina desde o 1996 con tres discos no mercado. Ten colaborado con artistas portugueses coma Rui Veloso, Gaiteiros de Lisboa, João Afonso.

E ademais comenzan os monográficos de Danza con o xoven vigués Miguel Souto. Estes monográficos convocan a alumnado de distintos pontos de Galiza e Compostela convertese un ponto estratéxico da docéncia en danza popular durante dous meses.

MIGUEL SOUTO
O baile solto nos seráns

Data: 13 e 27 de marzal (4 h)
Horario: 18 a 20 h
Lugar: CSC AS Fontiñas
Sinopse:
- Introdución aos seráns: historia e recuperación
- A muiñeira ou ribeirana: puntos e estruturas coreográficas
- A jota: pasos e estruturas.
- Visionado dun serán

Máis información no 881 031 829
Comentarios (0) - Categoría: Cursos - Publicado o 13-03-2009 09:14
# Ligazón permanente a este artigo
Cursiños Xarabal 2008-2009
Este ano os cursiños celebraranse os días 9, 10 e 11 de abril (xoves, venres e sábado coincidindo coa Semana Santa).

Os cursiños dispoñibles nesta edición serán:

- Gaita técnica e interpretación.
- Empalletado e afinación.
- Construcción de palletas.
- Percusión tradicional.
- Percusión folk.
- Canto e pandereta.
- Baile tradicional.
- Análise e interpretación da música tradicional.


Todos os interesados mandade un correo cos datos persoais á dirección “info@xarabal.org”

Estamos confirmando os últimos detalles.
Informaremos canto antes de tódalas novidades.

www.xarabal.org

Comentarios (2) - Categoría: Cursos - Publicado o 09-03-2009 10:43
# Ligazón permanente a este artigo
Prazas libres nos monográficos 09
Aínda quedan prazas libres para apuntarse nos monográficos ‘09

Remata o prazo oficial para a inscripción nos cursos monográficos ‘09 de aCentral Folque. Aínda así, déixase aberta a preinscrición para animar a wue vos matriculedes. Hai prazas libres en case todos os cursos.

Os monográficos de aCentral Folque son cursos especializados en diferentes áreas da práctica musical, impartidos por profesionais en activo que ofrecen unha formación específica para tódolos en interpretación instrumental, canto, danza, pedagoxía, escena e improvisación.

Inscripción e máis información aquí
Comentarios (0) - Categoría: Cursos - Publicado o 02-03-2009 09:40
# Ligazón permanente a este artigo
Monográficos aCentral Folque ‘09
Os monográficos de aCentral Folque son cursos especializados en diferentes áreas da práctica musical, impartidos por profesionais en activo que ofrecen unha formación específica en interpretación instrumental, canto, danza, pedagoxía, escena e improvisación.
Están organizados por aCentral Folque, Centro Galego de Música Popular, un proxecto fundamentado no estudo, promoción e divulgación da música galega cun enfoque aberto, global e contemporáneo.


Destinatarios: profesionais e iniciados na música.
Datas: entre febreiro e xuño do 2009.
Lugar: Santiago de Compostela.
Prazas limitadas por orde de preinscrición

Inscripción: enviar formulario antes do 20 de febreiro no correo electrónico matricula@folque.com ou ao enderezo Salvadas 22 baixo, 15705, Santiago.

Descarga o formulario de preinscrición na web www.folque.com
Máis información no 881 031 829 ou na web do centro www.folque.com

CURSOS MONOGRÁFICOS ´09. Programación detallada.

GAITA ANTIGA
Imparten:
XAVIER BLANCO. Gaitas troncais
Data: 27 de febreiro (2 h)

ÓSCAR IBÁÑEZ. A gaita de fol e a dixitación pechada nas marxes do Lérez
Data: 6, 13, 20, e 27 de marzal (8 h)

PABLO CARPINTERO. Tipoloxías, dixitación e repertorios nas gaitas de fol galegas
Data: 3, 17, 24 abril e 8 maio (8 h)

JUANJO FERNÁNDEZ. A gaita clásica: tempero, dixitación e repertorio
Data: 15, 22, 29 maio e 5 xuño (8 h)

• Lugar: Escola de Altos Estudos Musicais
• Prezo: 260 €


CANTO
Imparten:
RAMÓN BERMEJO. Técnicas de canto en grupo
Data: 27 febreiro, 6, 13, 20 marzal (8 h)

PAULINA CEREMUZYNSKA. Técnica vocal e interpretación
Data: 27 marzal; 3, 17, 24 abril (12 h)

FRANSY GONZÁLEZ. Repertorio de Bergantiños con pandeireta
Data: 16 maio (8 h)

• Lugar: Escola de Altos Estudos Musicais
• Prezo: 220€


DANZA
Imparten:
MIGUEL SOUTO. O baile solto nos seráns
Data: 13 e 27 de marzal (4 h)

MERCÉ DE RANDE. Xeometrías da danza
Data: 20 e 28 marzal (4 h)

JANOS FUGEDI. Labanotation: escritura de baile tradicional
Data: 11 e 12 maio (16 h)

HENRIQUE PEÓN. Master class de danza tradicional galega
Data: 23 xuño (2 h)

• Lugar: Espazo Aberto e Salón Teatro
• Prezo: 250 €


ACORDEÓN DIATÓNICO I (iniciación)
Imparte:
CARLOS QUINTÁ. Introdución ao acordeón diatónico
• Lugar: Escola de Altos Estudos Musicais
• Prezo: 150 €
• Datas: 27 febreiro; 6, 13, 20, 27 marzal; 3, 17, 24 abril (7 h)

ACORDEÓN DIATÓNICO II avanzado
Imparte:
ARTUR FERNANDES. Ao toque de diatónico
• Lugar: Conservatorio Oficial de Santiago de Compostela
• Prezo: 150 €
• datas: 14 marzal (8 h)

GUITARRA
Imparte:
SÉRGIO TANNUS. Guitarra popular brasileira
• Lugar: Escola de Altos Estudos Musicais
• Prezo: 200 €
• datas: 3, 17, 24 abril; 8, 15, 22, 29 maio; 5, 12, 19, 26 xuño (10 h)

ADUFE
Imparte:
LUIS PREGO. O adufe de Galiza e Portugal
Lugar: Escola de Altos Estudos Musicais
Prezo: 140 €
Datas: 9, 16, 23 e 30 maio; 6, 13, 20 e 27 de xuño (12 h)


IMPROVISACIÓN
Imparte:
CHEFA ALONSO. Improvisación libre
Lugar: Conservatorio Oficial de Santiago de Compostela
Prezo: 100 €
Datas: 6 e 7 de marzal (8 h)


PEDAGOXÍA kodály

Imparte:
SERGIO DE LA OSSA. O método Kodály: adaptación galega
Lugar: Conservatorio Oficial de Santiago de Compostela
Prezo: 100 €
Datas: 6, 7, 14 de marzal (16 h)

RECURSOS ESCÉNICOS para músicos
Imparten:
Patricia de Lorenzo, Xron, Manuel Cortés: Relación coa escena
Fidel Vázquez. Relación coa luz
Xurxo Pinheiro. Relación co son
Lugar: Sala NASA
Prezo: 400 €
Datas: 10, 17, 24, 31 marzal; 14, 21, 28 abril; 5, 12 maio (30 h)
Comentarios (4) - Categoría: Cursos - Publicado o 18-02-2009 09:24
# Ligazón permanente a este artigo
© by Abertal
free web counter

contador de malmequeriáns dende o 1 de marzo 2007








Galiza

Malmequer