Made in Galiza


Eu nunca serei yo
Um caderno de trabalho de Séchu Sende

A minha obra neste caderno está licenciada baixo creative commons, copiceibe.

O autor solicita comunicar-lhe qualquer uso ou modificaçom da sua obra no email de contacto aqui sinalado.

Contacto
madeingaliza
 CATEGORIAS
 FOTOBLOGOTECA
 OUTROS MUNDOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Manifesto de Galiza non se Vende a prol dumha folga geral


Desde a rede de colectivos “Galiza Non Se Vende” queremos sumar a nosa voz ao que xa vai sendo un clamor popular a prol dunha folga xeral urxente, que debe ser continuada con todo tipo de mobilizacións (paros, boicots, activismo…) até que se faga realidade un cambio de rumbo nas políticas sociais e económicas.

Mentres que desde o goberno central e a Xunta se subvencionan, como sempre e sen contar co pobo, ós bancos, ás grandes empresas e ás institucións como a eclesiástica e a militar, están a recortar todos os gastos sociais, en sanidade, educación e promovendo a exclusión social fomentando así graves dificultades as persoas con menos recursos. Recortes e privatizacións. Se tantas perdas provocan estes sectores, só entendemos un xeito de que ao seren privatizados dean beneficios, deixar de atender ás nosas necesidades.

Non contentos con isto, a Xunta está a desenvolver unha lexislación baseada na desprotección do noso territorio, que agrava a actual permisividade para consentir todo tipo de actuacións, urbanísticas, industriais comerciais ou infraestruturais en case calquera lugar da nosa terra.

Subordínase a preservación da natureza a cal pertencemos e que nos permite, cun uso racional e sustentable dos seus recursos, gozar dunha maior equidade social, ás necesidades do que nunca terá acougo mentres quede algo co que especular. O capitalismo globalizado, un sistema irracional, insustentable e depredador considera o territorio e a natureza unicamente como un medio de espolio, moi barato e inesgotable, polo que é unha fonte máis do seu lucro económico.

Se perdemos a autoxestión da nosa terra, con ela perdemos a propia identidade vital e cultural de Galiza como País e teremos dado un paso máis cara a perda dos nosos dereitos máis fundamentais como cidadás e cidadáns e como pobo, camiñando cara a escravitude.
Son normativas pensadas, ideadas e preparadas para entregar o que é patrimonio de todas e todos ás mans do capital, con todas as súas facianas.

O Plano de Ordenación do Litoral está redactado a medida das industrias da construción e do turismo. A conservación, recuperación e protección do espazo litoral queda nun segundo plano ante os intereses económicos e especulativos.

A modificación da Lei do Solo abre as portas á legalización de todo tipo de desfeitas e desprotexe o solo rústico para poder construír nel polígonos industriais, piscifactorias, infraestruturas e urbanizacións.

A nova Lei de Montes pretende acabar de facto coa secular propiedade comunal, privatizando a xestión dos montes comunais e priorizando os monocultivos de especies aloctonas e invasivas que sementan o monte de incendios e agora co novo Plano Eólico pretende tamén enchelos de tarabelas, incluso nas zonas protexidas, sen beneficio algún para o seu entorno directo e esquivando a avaliación ambiental.

Un Plano de Piscicultura que agasalla con 3,5 millóns de m2 de litoral ás empresas de engorde de peixe, e pretende construír piscifactorias en zonas protexidas e nas mellor conservadas da nosa costa.

O Plano de Infraestruturas Náuticas pretende ampliar os portos deportivos existentes con 16.000 novos amarres e construír novas infraestruturas, mediante recheos e privatizando tramos de costa, por todas as nosas rías.

O Plano Director de Estradas e o chamado Plan MOVE, que non foron legalmente aprobados, son completamente irracionais, baseados no trasporte privado. Saturan o territorio de estradas de alta capacidade, ignorando completamente o transporte público intermodal.

Coa aplicación da Lei da Minaría pretende eludirse a avaliación ambiental das explotacións mineiras, un dos máis importantes factores da degradación do territorio galego e implantalas incluso en chan rústico de especial protección.

As Directrices de Ordenación do Territorio, propoñen un modelo territorial que implica a expansión urbana sobre o rural e a súa desnaturalización. E agravan o xa enorme desequilibrio entre o interior e a costa.

O Plano Hidrolóxico Galiza-Costa, desprotexe os nosos ríos para facilitar a instalación a esgalla de minicentrais eléctricas. Prevé aprobar 33 novos encoros nos vindeiros 5 anos ignorando o veto á súa construción que saíra da iniciativa lexislativa popular “en defensa dos ríos” aprobada polo parlamento galego no 2005.

O Plano de xestión de residuos está baseado na contaminante incineración, emisora das perigosísimas dioxinas e na creación de monstruosos vertedoiros.

Os Planos portuarios están baseados en gañar terreos ao mar mediante recheos pagados con fondos públicos, para instalación de chan industrial privado en primeira liña de costa e atacando fortemente o ecosistema e a paisaxe das rías.

Os Planos xerais das vilas e cidades pretenden duplicar e incluso triplicar o número de vivendas que non son entendidas como unha necesidade social básica senón como un negocio especulativo. Mentres, recórtanse as axudas para vivenda protexida, aluguer ou rehabilitacións.

O decreto do galego menospreza a nosa lingua e toda a nosa cultura pretendendo acabar con ela.

A aplicación imposta destes documentos suporía a degradación ambiental, biolóxica, xeolóxica, hidrolóxica e paisaxística da nosa terra; a súa degradación etnográfica, patrimonial, e arqueolóxica; a degradación física e social das parroquias; a destrución dos modos de vida vencellados ao territorio, que hoxe son desprezados e que mañá, segundo todos os indicios, serán desesperadamente necesarios. O modelo territorial deste mal goberno suporía á destrución da cultura e dos sinais de identidade da nosa terra, pois provocaría a destrución do seu soporte material, da súa pegada histórica e da posibilidade da súa actualización e continuidade como sempre fixo.
Este modelo é inviábel. Precisamos outro modelo que poña no centro ó medio ambiente, a cultura e as persoas.

POLA DEFENSA DO TERRITORIO

POLA SOBERANÍA ENERXÉTICA E ALIMENTARIA

POR UN CAMBIO DE RUMO NAS POLÍTICAS ECONÓMICAS E SOCIAIS

CONTRA A PRIVATIZACIÓN DOS SERVIZOS SOCIAIS

CONTRA A PERDA DOS DEREITOS SOCIAIS

POLA POSTA EN VALOR DA NOSA CULTURA E SABERES

MOBILIZACIÓN ACTIVA INDEFINIDA XA
Comentários (12) - Categoria: Nom serviam - Publicado o 04-01-2011 12:29
# Ligazóm permanente a este artigo
Chuza! Meneame
12 Comentário(s)
1 Skoen har en lang historie med utvikling. Yangshao period#blgtk08#e på ca 5000 år siden til de opprinnelige skins sydd sko.
Comentário por UGG Sko (08-11-2012 09:23)
2 Elegance kan være svært enkel, trenger bare en dusk følelsen veske, er den klassiske versjonen av den type enkel og elegant, ren Ro#blgtk08#se farge, som en jente drøm, full av uendelig forventning og fantasi; utsøkt håndverk og bil sutureeverywhere legemliggjør utsøkt.
Comentário por Louis Vuitton Vesker (29-11-2012 03:06)
3 strenger.Minner om sjøvann stranden midtsommer basseng#blgtk08# og lengter etter en lang.Selv om nagler og spenner e
Comentário por Nike Sko (07-12-2012 04:39)
4 Os Planos portuarios están baseados en gañar terreos ao mar mediante recheos pagados con fondos públicos, para instalaci#blgtk08#ón de chan industrial privado en primeira liña de costa e atacando fortemente o ecosistema e a paisaxe das rías.
Comentário por Hermes Replica (18-11-2013 03:16)
5 thanks#blgtk08# alot
Comentário por موقع مصر (06-08-2015 22:56)
6 thanks#blgtk08# alot
Comentário por upload image (11-08-2015 17:00)
7 thanks#blgtk08# alot
Comentário por upload image (11-08-2015 17:00)
8 thanks#blgtk08# alot
Comentário por upload file (11-08-2015 17:01)
9 http://afkary.#blgtk08#over-blog.com
Comentário por upload image (06-03-2016 22:50)
10 http://5bar#blgtk08#.kinja.com
Comentário por upload image (06-03-2016 23:05)
11 Nem sequera recordava#blgtk08# qual fora a última.
Comentário por victoria secret uk (16-04-2016 04:31)
12 Nada mais que ler a notícia#blgtk08# no jornal ao dia seguinte.
Comentário por http://www.bluejazz.fr (11-08-2016 09:09)
Deixa o teu comentário
Nome:
Mail: (Nom aparecerá publicado)
URL: (Debe começar por http://)
Comentário:
© by Abertal