Made in Galiza


Eu nunca serei yo
Um caderno de trabalho de Séchu Sende

A minha obra neste caderno está licenciada baixo creative commons, copiceibe.

O autor solicita comunicar-lhe qualquer uso ou modificaçom da sua obra no email de contacto aqui sinalado.

Contacto
madeingaliza
 CATEGORIAS
 FOTOBLOGOTECA
 OUTROS MUNDOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Pregom do Cruceiro Rock


Excelentíssimos amigos e amigas,
ilustríssimas e ilustríssimos colegas,
boa noite!
Gente de Anhobre, de Arnego, de Asorei, de Báscuas, Besejos, Bodanho, Brandariz, Camanzo, Cárbia, Cumeiro,
Duxame, Ferreirós, Fontao, gres, Laraço, Lonho, Merça, Obra, Oirós, Olhares, Pilonho, Porto de Mouros, Sabrejo, Salgueiros, Sam Pedro de Losom, Sam Tomé de Ínsua!
Gente de Vila de Cruzes
e do resto do mundo,
boa noite!

Sei que algumha gente preferiria a Norma Duval ou a Paquirrim para dar o pregom..., espero nom defrauda-los!

É para mim umha honra estar hoje aqui com vós, num Festival de rock organizado por gente nova, de veras, graças!

Como dicia o outro, umha Festa da Mocidade sem rock é como umha Festa do Galo sem capóm ou do Chouriço sem chouriços. Já o diciam os Jabom Blue: Pero como non nos vamos a queixar
se as festas son para a terceira edá,
os rapaces emighran po bar,
a discoteca ou o disco-bar


Assi que recibamos com um aplauso o rock nas ruas das Cruzes!

Como professor umha das cousas mais satisfactórias é achegar ás aulas a música que hoje se está a fazer no país, por todo o país e de todos os estilos.
A história da literatura tamém se escrebe nos Cds de hip hop ou rock.
E a história da língua esta a se escreber tamém enriba dos escenários.
O Novo Cruceiro Rock é um pulo moderno, actual e vivo ao idioma: Graças pola Festa!

Dim que este ano moita gente vamos enfermar de gripe porcina.
Mais hai outra doença que corre o risco de se extender por Galiza.
É a galego-fóbia.
O outro dia estava a minha companheira Rocio com a nossa nena em Santiago e veu umha senhora e perguntou: Y luego como se llama? Chama-se Estrela, dixo a mai. E a senhora: Hola, Estrella, Ola, Estrellita... Nom, chama-se Estrela, repetiu a mai. E a senhora dixo: Ui, es que a mi el gallego no me sale.

Hai mais gente do que parece enferminha de galego-fóbia, como essa outra senhora que dixo que Las matemáticas no se pueden dar en gallego. Tres al cubo que seria, tres al caldeiro?

O pior é que a doença chegou ás altas esferas.
E que as primeiras decisons galego-fóbicas forom contra o rock´n roll: eliminar os dous programas que na rádio e na tele nos informavam sobre rock, ska, hip hop, reggea... E nom estou a falar de Luar.

Aberto por reformas e Onda Curta.

Por arte de mágia fixerom desaparecer a música galega mais moderna, actual e innovadora dos medios de comunicaçom públicos.

Assi que já sabemos que aos galego-fóbicos nom lhes gusta que a gente nova fale galego e escoite ou faga rock.

E aqui gusta-vos o rock?
E aqui falades galego?

Aqui falam galego os rios, os sprays, a rapaza da cámara de vídeo na mao, as guitarras eléctricas e a distorsiom, os tractores, os guerreiros do espaço japoneses, os blogs, os teléfonos móbiles, as baleas que sonhamos e 15 mil gaiteiros.

Graças a gente como vós, a gente que em Vila de Cruzes, geraçom tras geraçom, falades galego, a nossa língua está aqui hoje. Viva! E esse é um dos maiores valores deste concelho, que o saibades.

Porque a língua é a nossa maior riqueza cultural, social e económica como povo. Porque é parte da nossa identidade. E o mais valioso que tem cada um, cada umha de vós, e os povos do mundo, é a sua forma de ser.

Pero olho, o galego é património de todos e todas, sejamos da aldeia, da vila ou da cidade, de direitas ou de esquerdas, de folkies, roqueiras e djs, de nenos, nenas e maiores, de trabalhadores e empresárias... Porque a língua une-nos a todas e todos os galegos.

E quando a gente se une que passa: Hai Festa!

Em Galiza sabemos muito de festas. O veram enche-se de festas Gastronómicas. Quase que cada parróquia tem a sua: do percebe, da nécora, do carneiro ao espeto... Só falta a Festa Gastronómica da Lata de Conservas.

Mais o veram tamém se enche de festivais Musicais e Vila de Cruzes une-se esta note á Irmandade dos Festivais galegos. Em cada festival lateja o nosso idioma e a festa enche-nos o peito:

Festival de Vilaseco, Antros Pinos de Rianxo, Ortigueira Rock, Sen un Can do Carvalhinho, Desconcerto de Betanços, Castelo Rock de Muros, Brincaeira de Ordes, Irmandinho de Moeche, Festidoiro de Cuntis, Festival da Poesia do Condado, Festival Troula na Banda, Vigourban, e mais...

E agora, outra vez despois de tantos anos, o Cruceiro Rock de Vila de Cruces!

Sabedes que o concerto de Bruce Springsteen começou com a Rianxeira? Pois hoje nós vamos cantar umha rancheira.

Porque o humor e a festa nom estám renhidos com a cultura, hoje vamos cantar umha cançom mui epsecial, e de passo -quem nom a saiba- pode ir aprendendo a letra.

A música, a de Allá en el Rancho Grande. A letra, a original do mariachi Eduardo Pondal. Com todos os respeitos, desculpade a minha afonia e a falta de oído...

Aí vai

Que din os rumorosos
Na costa verdecente,
Ó rayo trasparente,
Do prácido luar...?

Que din as altas copas
D'escuro arume arpado,
Co seu ben compasado,
Monótono fungar...?


Do teu verdor cingido,
É de benígnos astros,
Confin dos verdes castros,
E valeroso clán,

Non dés a esquecemento,
Da injuria o rudo encono;
Despérta do teu sono,
Fogar de Breogán.


Os boos e generosos,
A nosa voz entenden;
E con arroubo atenden,
O noso rouco son;

Mas, sós os ignorantes,
E férridos e duros,
Imbéciles e escuros
No-nos entenden, non.


Os tempos son chegados,
Dos bardos das edades,
Q'as vosas vaguedades,
Cumprido fin terán;

Pois donde quer gigante,
A nosa voz pregóa,
A redenzón da bóa
Nazón de Breogán.


Mais nada que agradecer outra vez a toda a gente da comisiom de festas, á gente de fixo posível a Volta á Orixe do Novo Cruceiro Rock

Viva Vila de Cruzes!
Viva o Cruceiro Rock!
Viva todos e todas vós!



Vila de Cruzes, 7 de agosto, 2009
E ao final, nom choveu.
Pipas Group, graças polo acompanhamento musical...


...
Sempre com vós!

Séchu Sende
Comentários (5) - Categoria: Geral - Publicado o 08-08-2009 12:14
# Ligazóm permanente a este artigo
Chuza! Meneame
5 Comentário(s)
1 O final non choveu mais o fresquinho que facía mentres non se caldeaba o ambiente...
E o rock voltaba ás Cruces, as guitarras soaban, o tempo corría e o frío desaparecía (polo menos nas nosas cabezas)transformando á noite nunha festa na que o pasei melh#blgtk08#or do que esperaba.
Que se repita "po" ano, repito, que se repita.
Ademáis, puiden ver en primicia o teu próximo trabalho, aínda que non mo quixeches vender... de agasalhar xa non falamos non? jeje.
Saúdos e a levar máis proxectos a cabo.
Comentário por Skaltum (08-08-2009 16:14)
2 xenial Séchu...si señor(non esperaba menos eh!)

como xa che dixera no anterior comentario ía ser unha gozada pero quedeime curta...as guitarras inundaron o silencio da vila ...e o da residencia de anciáns tamén...a pesares do frío,e dalgun que outro imprevisto, todo saíu xenial...

Os da comisión de este ano deberon escoitar a canción de jabón bl#blgtk08#ue e fixéronlle caso ao javi...o estribillo non se cumple na Piedade 2009
"Con vinte pesos de Rck'n'Roll arreghlan todo os da comisión"

Foi unha pena que non estiveras o sábado...Pito de Pikasso,Vai de Baile e Merza Brass...montaron unha festaza...ao final non lles vai tan mal a cousa...
un saúdo e un bico moi forte!!!Esperámoste polas Cruces!!!
Comentário por hermitasdejodelix/nerea (09-08-2009 11:09)
3 "Votarse ao Monte" o mellor programa da TVG, informa e motiva os mais novos a valor#blgtk08#izar a Nosa Terra.

Por certo ten un presentador da hostia!
Comentário por carlos (23-01-2010 19:30)
4 Wholesale replica handbags and wholeslae designer handbags online outlet,providing cheap designer handbags,wholesale clothing,wholesale handbags,high heel shoes,high heel boots,new era caps,replica designer handbags and chanel handbags online so on,wholesa#blgtk08#le handbags and wholesale sunglasses are our main businesss,enjoy buying cheap clothes ,ed hardy clothing ,cheap gucci shoes ,nike air max shoes ,cheap handbags ,replica chanel handbags and handbags online from our cheap wholesale clothing store.
Comentário por high heel boots (24-11-2010 12:33)
5 A miña patria é o meu futuro,
vou cara a ela día a día#blgtk08#.
O camiño é longo e
construímolo entre moitos
Comentário por http://www.chateau-valleroy.fr (22-12-2015 09:54)
Deixa o teu comentário
Nome:
Mail: (Nom aparecerá publicado)
URL: (Debe começar por http://)
Comentário:
© by Abertal