Made in Galiza


Eu nunca serei yo
Um caderno de trabalho de Séchu Sende

A minha obra neste caderno está licenciada baixo creative commons, copiceibe.

O autor solicita comunicar-lhe qualquer uso ou modificaçom da sua obra no email de contacto aqui sinalado.

Contacto
madeingaliza
 CATEGORIAS
 FOTOBLOGOTECA
 OUTROS MUNDOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Parabéns, Prémio Sarmiento!


Entregou-se o passado 29 de maio o Prémio Frei Martin Sarmiento, -organizado polas Equipas de Normalizaçom da FERE-, prémio que recebeu o livro Case perfecto, de Marina Mayoral e no que os livros de Anxos Sumai, Así nacen as baleas e Made in Galiza resultamos finalistas.

Lembro que hai tres anos agromava nalguns centros religiosos de Vigo um colectivo contrário ao proceso de normalizaçom social da nossa língua, impulsado por um grupo de gente socialmente inadaptada e de ideologia espanholista. Aquel agromo de pensamento anti-galeguista está hoje a ser decisivo na política lingüística do governo de Feijoo.

Eu, que tenho colegas profes nalgum centro concertado religioso e algumha ex-profe de colégio de monjas na família, conheço os obstáculos, represions e agresions que algumhas persoas estam a ponher diante da nossa língua -e doutras causas de justiça social- neste contexto, o dos centros concertados e privados.

E tamém conheço o trabalho generoso, descomunal e pouco reconhecido que em muitos centros nom públicos muita gente está a desenvolver a favor da nossa língua, contra os elementos. Aqui tedes umha entrevista interessante a Xosé M. Reboiras, de Escolas Católicas.

Muita mais gente da que pensamos está a procurar que o nosso bem público, o nosso bem comúm mais preçado, o idioma, se achegue aos rapaces e rapazas, na sua maioria castelam-falantes, como um impulso de criatividade, como um referente de justiça social, de rebeldia fronte ao autoritarismo, como um elemento de calidade educativa, como umha ferramenta imprescindível na formaçom persoal, como umha chave de progreso e, claro, como um sinal de identidade cultural.

Made in Galiza nasceu com a pretensiom, entre outras,, de achegar umha visiom social actual, criativa e conflitiva, da nossa língua, com a idea de fazer ver que o proceso de normalizaçom é um proceso participativo, aberto a todo o mundo, para quem falamos sempre em galego, para quem fala mais em castelám, ou mais em galego, ou para quem aínda só fala castelám; aberto a qualquer ideologia, posiçom social ou idade.

E nestes tempos nos que o menospreço pola nossa lingua é institucional e cobra mais força que nunca o discurso do supremacismo lingüístico espanhol, cumpre reconhecer especialmente o trabalho de resisténcia e criatividade socio-cultural que muita gente está a impulsar nos espaços mais agresivos com a nossa identidade... Tantos...

Obrigado! E parabéns á premiada, parabéns ás leitoras e leitores por formar parte desse proceso participativo a prol da nossa língua.

E, de parte dum ateo, anticlerical, e defensor do ensino laico, parabéns ao Prémio Frei Martín Sarmiento polo seu trabalho en favor do nosso idioma!

A língua une-nos.
...


O blog do Premio Sarmiento

Comentários (5) - Categoria: Desenhos - Publicado o 31-05-2009 11:41
# Ligazóm permanente a este artigo
Chuza! Meneame
5 Comentário(s)
1 Traballar pola lingua é un traballo de todos e todas. Ogallá nos deamos de #blgtk08#conta que todos sumamos. Grazas, Séchu polo teu traballo. Unha aperta fonda
Comentário por Sarmiento (31-05-2009 22:56)
2 Ogallá haxa unha verdadeira toma de conciencia coa nosa lingua e que s#blgtk08#e sega a traballar por e con ela. Ogallá non perdamos. Abrazos, Séchu.
Comentário por descalza (01-06-2009 08:52)
3 E parabéns á premiada, parabéns ás leitoras e leitores por for#blgtk08#mar parte desse proceso participativo a prol da nossa língua.
Comentário por http://www.christianlouboutinoutlet.uk.com (22-12-2016 05:12)
4 Waking up to see the beautiful face of your better-half in the morning, hearing#blgtk08# her rasping voice seems no less than the holy song of angels.Tango for laptop
Comentário por Tango for laptop (29-12-2016 05:26)
5 Waking up to see the beautiful face of your better-half in the morning, hearing#blgtk08# her rasping voice seems no less than the holy song of angels.Tango for laptop
Comentário por Tango for laptop (29-12-2016 05:27)
Deixa o teu comentário
Nome:
Mail: (Nom aparecerá publicado)
URL: (Debe começar por http://)
Comentário:
© by Abertal