Made in Galiza


Eu nunca serei yo
Um caderno de trabalho de Séchu Sende

A minha obra neste caderno está licenciada baixo creative commons, copiceibe.

O autor solicita comunicar-lhe qualquer uso ou modificaçom da sua obra no email de contacto aqui sinalado.

Contacto
madeingaliza
 CATEGORIAS
 FOTOBLOGOTECA
 OUTROS MUNDOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Encontro em Zadar


Que experiéncia tam agradável a de falar na Universidade de Zadar com o alunado de língua galega, nos III Dias das Línguas e Culturas Íbero-románicas

Ás portas dumha Universidade blokada pol@s estudantes, em plena luita estudantil, -firme, dinámica e admirável-, falamos sobre o cámbio social.

E sobre a criatividade social como elemento clave para transformar a situaçom da nossa língua.

E sobre o proceso de formaçom do estándar, desde Rosalia e o seu "Adios, rios", até a convivéncia imposta com os castelanismos mais habituais: Dios, pueblo, gallego.

Sobre luras e calamares.

Sobre a tensiom contínua entre a colonizaçom lingüística e o proceso socio-criativo de normalizaçom do galego nos nossos próprios nomes e topónimos *Villar, *Villagarcia/ Vilar, Vilagarcia.

Sobre a relaçom de amor-ódio entre os sinais de tráfico e os sprays.

Sobre essa outra tensom entre o isolacionismo e o reintegracionismo, movimento social sobre o que o estudantado se mostrara nos dias prévios á charla mui interessado.

Sobre a letra G no latim BIOLOGIA, francés BioloGie, catalá BioloGia, espanhol BioloGia, inglés BioloGy, galego-portugués BioloGia e... galego ILG-RAE BioloXia.

Sobre o NH e o Ñ e o nome de Ronaldinho e da minha filha Estrelinha.



Sobre a Lei de Berto.

Sobre as subvençons de Política Lingüística a La Voz de Galicia por promover o galego... (ehem!) e a marginaçom de Novas de Galiza dessas mesmas ajudas malia o seu 100% em galego.

Sobre por qué Eu nunca serei yo e por qué minha nai e meu pai me educarom em castelám.

Sobre Txepetx, Sánchez Carrión e a sua teoria de aprendizagem das línguas baseada, no caso da gente neo-falante, na Motivaçom como elemento impulsor.

Sobre parapsicologia, quando fixem ouigha com o espírito de Castelao.

Sobre drogas, quando num botelhom recolhim umha categorizaçom sobre prejuíços lingüísticos.

Sobre o chinés de Nova York que aprendeu a falar em galego sem querer.

E tamém saquei o péndulo e desenvolvim -com a colaboraçom voluntária, por suposto, d@s rapac@s e profes universitários - o meu Método de Hipnóse para falar galego. Obrigado, Mírnia, por atraver-te a fechar os olhos.

@s moz@s croatas -e bósni@s- deixarom-se hipnotizar mui bem e por isso devo agradecer-lhes a ajuda, a atençom, a simpatia e a calor nesta charla na que mesmo puidem ler telepaticamente umha palavra em croata. Graças, Ana.

Falei-lhes mesmo da sua participaçom -benvinda!- como neo-falantes no cámbio social que desejamos para Galiza e a nossa língua.

E finalmente, convidei-n@s á Mani em defensa do galego, á que -de seguro- acudirom os seus coraçons.

Abraços mil, alunas e alunos de Zadar. E muita sorte na vossa loita estudiantil.


...

Por suposto, mil abraços á gente do Departamento de Línguas Ibero-románicas. E outros mil a Piti, Inma Luna, José Luís Peixoto, Xandru Fernández, Alberto Gargallo, Basilio, Silvia, Tito, Morala e o resto d@s compas de jornadas.

Em cada umha das vossas línguas, um saúdo!

Carolina, foi um pracer conhecer-te!
Comentários (6) - Categoria: Geral - Publicado o 19-05-2009 12:43
# Ligazóm permanente a este artigo
Chuza! Meneame
6 Comentário(s)
1 que intenso!
e que enve#blgtk08#xa de non ter participado...
Comentário por W. Sobchak (19-05-2009 13:31)
2 Estupenda la charla, geniales las jornadas y ma#blgtk08#gnífico haberos conocido. Besos para los tres.
Comentário por Inma Luna (20-05-2009 13:11)
3 Outro tanto#blgtk08#, camarada!
Comentário por (23-05-2009 00:51)
4 Outro tanto#blgtk08#, camarada!
Comentário por Xandru Fernández (23-05-2009 00:52)
5 Moitas Grazas Sechu por vir a Croacia! Os videos e os comentarios son xeniais!
Agora todos tentamos falar galego grazas #blgtk08#a 'Método de autohipnose para falar' galego dun eminente psicolinguista...
Un saúdiño a ti e a túa familia
Blanka
Comentário por Blanka (30-05-2009 15:13)
6 Biquinhos#blgtk08#, Blanka!
Comentário por madeingaliza (05-09-2009 21:03)
Deixa o teu comentário
Nome:
Mail: (Nom aparecerá publicado)
URL: (Debe começar por http://)
Comentário:
© by Abertal