Made in Galiza


Eu nunca serei yo
Um caderno de trabalho de Séchu Sende

A minha obra neste caderno está licenciada baixo creative commons, copiceibe.

O autor solicita comunicar-lhe qualquer uso ou modificaçom da sua obra no email de contacto aqui sinalado.

Contacto
madeingaliza
 CATEGORIAS
 FOTOBLOGOTECA
 OUTROS MUNDOS
 BUSCADOR
 BUSCAR BLOGS GALEGOS
 ARQUIVO
 ANTERIORES

A língua na infáncia e na mocidade urbana



Este achegamento é orientativo. Cruzamos os datos do Instituto Galego de Estatística do ano 2008, recolhendo os datos do grupo de idade de “menos de 16 anos”, para saber quantos rapaces e rapazas vivem nas grandes cidades do país, com os do Mapa Sociolingüístico de Galicia, 2004, das páginas que detalham as porcentages de Língua Inicial no grupo de idade entre 15 e 24 anos em Ferrol, A Corunha, Pontevedra, Vigo, Lugo, Ourense e Compostela.

Hai que ter em conta, pois, essa falta de equivaléncia entre os grupos de idade do IGI –menos de 16-, e o MSG –entre 15 e 24-. Ademais os datos do MSG som de 2004 e os do IGI, de 2008.

Seria interessante tamém contrastar estes datos de lingua inicial com os índices da língua habitual na infáncia e mocidade urbanas, onde a presenza do galego desce. Por isso este achegamento só é orientativo. Mas pode ser indicativo.

Podemos tirar algumhas conclusións significantes:

Dos 143.908 menores de 16 anos que vivem nas sete grandes cidades arredor de 100.000 rapaces e rapazas aprenderom a falar só em castelám ou mais em castelám.

Em Vigo, por exemplo, hai mais de 31.000 menores de 16 anos que tiverom a sua aprendizage lingüística só ou mais em castelám. Menos de 9.000 fixerom-no só ou mais em galego.


A evoluçom dos datos sociolingüísticos dos últimos anos oferecem, claramente, um panorama no que o galego como língua inicial é lingua minoritária dos nen@s e moz@s das sete grandes cidades.

Isto significa que para a maioria dos rapaces e rapazas urbanas, debido á insignificante presenza da língua no contorno social urbano -espazos de lecer, deportivos, medios de comunicaçom, etc- a escola é um ámbito clave para a aprendizaxe e uso da língua.

Pode-se asegurar, pois, que a escola, -e aqui deveriamos consultar com detalhe outros estudos sobre a presenza do galego nos centros de ensino urbanos, minoritária- vem sendo um dos únicos espazos de contacto com a língua galega –de cara á sua aprendizaxe e uso- para a maioria dos rapaces e rapazas –infancia e mocidade- que tiverom e tenhem como língua inicial unica ou maioritariamente o castelám.

Nom impulsar a presenza da língua galega no sistema escolar com o obxectivo de asegurar o direito dos rapaces e rapazas a conhecer e usar o galego supóm a maior injustiza social, cultural e educativa da história da nossa sociedade. Nom só para a gente nova que tem como língua inicial o galego senom tamém para aqueles rapaces e rapazas que aprendem a falar em espanhol.

A escola, como espazo educativo e de formaçom integral, deve asegurar a aprendizaxe e uso da língua galega tanto dos galego-falantes –minoria absoluta nas cidades- como da maioria de rapaces e rapazas castelám-falantes.

Um sistema educativo que nom resolva este déficit, este desequilibrio, e que promova o distanciamento, o menospreço e a desigualdade para com a língua de Galiza estará fomentando a injustiza social, a discriminaçom cultural e, evidentemente, a desgaleguizaçom dos rapaces e rapazas.




Datos orientativos:

Ferrol:

Em Ferrol, segundo o censo de 2008, hai 75.181 habitantes. Segundo o IGI, dessas persoas hai 8.604 que tenhem menos de 16 anos. Segundo o Mapa Sociolingüístico de 2004, em Ferrol, no grupo entre 15 a 24 anos, a língua inicial era Só galego/ mais galego: 4,6% e 10%, respectivamente, é dicer 1.256 rapaces e rapazas. E máis castelán ou só castelán: 32,3% e 23,7%, respectivamente, é dicer: 7.348 mozos e mozas nom tiverom relaçóm com o galego como língua inicial familiar.

Assi mesmo:

Vigo
Povoaçom: 295.703
40.215 tenhem menos de 16 anos.
Como lingua inicial: Só galego/ mais galego 13,6% 8,1% : é dicer: 8.726
Como lingua inicial, máis castelám ou só castelám: 30,7% 22,7% , é dicer: 31.489

A Corunha,
Povoaçom: 245.164
28.966 tenhem menos de 16 anos.
Língua inicial: só galego/ mais galego 12,9% 15,7%: por tanto 8.284
Língua inicial: máis castelám ou só castelám: 25,9% 18,9%, por tanto 20.682

Compostela
Povoaçom: 94.339
27.830 de menos de 16 anos.
Como língua inicial: Só galego/ mais galego 21,6% 24%, por tanto: 12.690
Como língua inicial: máis castelán ou só castelán: 23% 20,8%, é dicer: 15.140

Lugo
95.416 habitantes
12.645 de menos de 16 anos.
Como língua inicial: Só galego/ mais galego 16,7% 18,2%, por tanto: 4.413
Como língua inicial: máis castelán ou só castelán: 25,1% 24,6%, é dicer: 8.232

Ourense:
107.057 habitantes
13.600 de menos de 16 anos
Língua inicial: Só galego/ mais galego 14,3% 18,6%, ou seja: 4.474
Língua inicial: Máis castelán ou só castelán: 24,4% 27,2%, por tanto: 9.126


Pontevedra
80.749 habitantes
12.054 tenhem menos de 16 anos.
Como língua incial: Só galego/ mais galego 16,3% 15,5% 3.833
Com língua inicial: Máis castelán ou só castelán: 26,3% 24% 8.221


Galiza:
2.784.169 habitantes.
338.550 tenhem menos de 16 anos.
Na 7 grandes cidades vivem 143.908 que tenhem menos de 16 anos.
Como língua inicial nas grandes cidades:
Só ou mais galego: 43.676
Só ou mais castelám: : 100.232




Instituto Galego de Estatística do ano 2008, aqui
Mapa socilingüístico galego 2004 Lingua inicial e competencia lingüística, Seminario de Sociolingüística, Real Academia Galega, A Coruña, 2007
Comentários (6) - Categoria: Nom serviam - Publicado o 12-03-2009 13:49
# Ligazóm permanente a este artigo
Chuza! Meneame
6 Comentário(s)
1 Sechu que pasa,que tal todo
espero que non che moleste que volte por eiquí,pero é que quedei sen internet moito tempo e perdin #blgtk08#o contacto totalmente contigo,
Estou a facer un novo caderno de bitacoras....
un saudo
www.blogoteca.com/sedodes
Comentário por hadrian (11-03-2009 19:22)
2 fum ao teu blog velho e já vim que desapareceras,
encantado de que reaparezas, meu,

po#blgtk08#r certo, mira a a ver, que esse enderezo "sedodes" de blogoteca nom furrula.

abraços!
Comentário por madeingaliza (11-03-2009 21:30)
3 Ei que tal vai todo agora que xa eres papa?.Xa ves que non nos esquecemos dos vos momentos que pasamos aqui na aula de informatica botamoste de menos e ti a nos?esperemo#blgtk08#s que si unha aperta e biquiños dos teus ex-alumnos tesnos que presentar a ESTRELA seguro que se parece moito a papi jeje sorte coidate m8 ata logo xa nos veremos pronto
Comentário por os da tua tutoria do ano pasado (30-03-2009 13:21)
4 Ei que tal vai todo agora que xa eres papa?.Xa ves que non nos esquecemos dos vos momentos que pasamos aqui na aula de informatica botamoste de menos e ti a nos?esperemo#blgtk08#s que si unha aperta e biquiños dos teus ex-alumnos tesnos que presentar a ESTRELA seguro que se parece moito a papi jeje sorte coidate m8 ata logo xa nos veremos pronto
Comentário por os da tua tutoria do ano pasado (30-03-2009 13:22)
5 North Face Outlet 900 bulkiness dow#blgtk08#n with amazing thermal performance.
Comentário por North Face Jacket (09-11-2012 01:23)
6 spring and summer fashion skull evening bag series of new images Appreciation Chanel bag#blgtk08# counter genuine Chanel Chanel 2013 spring and summer bags, shoes, jewelry, new pictures
Comentário por Nike Air Max (03-12-2012 08:06)
Deixa o teu comentário
Nome:
Mail: (Nom aparecerá publicado)
URL: (Debe começar por http://)
Comentário:
© by Abertal