Made in Galiza


Eu nunca serei yo
Um caderno de trabalho de Séchu Sende

A minha obra neste caderno está licenciada baixo creative commons, copiceibe.

O autor solicita comunicar-lhe qualquer uso ou modificaçom da sua obra no email de contacto aqui sinalado.

Contacto
madeingaliza
 CATEGORIAS
 FOTOBLOGOTECA
 OUTROS MUNDOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Na janela


O teu lugar preferido é o asento de atrás do coche.

Porque olhando pola janela do asento de atrás descobriste o mundo.

Umha bolsa de plástico azul no vento.

As casas chegavam por diante e marchavam por tras, e as árvores e as lavadoras abandonadas.

Através do cristal empanhado do inverno, dentro do circulo que fazias com o dedo para poder ver através, olhavas a néboa a difuminar o mundo.

E a chúvia aprendeu-che que o mundo se podia deformar.

Pola janela do coche confundias as estrelas com as luzes das aldeas. As luzes dumha aldea na montanha tinham a forma da osa maior.

O mundo passava e passava por diante da janela do coche e era interminável e tu abrias os olhos a buscar azores e coelhos e gasolineiras e homes com motoserras.

Sempre crias ver mulheres voando entre as nubes.

Deste lado da janela do coche atravesaste o teu primeiro incéndio e viste as primeiras metralhetas nos controis da guardia civil.

Tamém aprendeste a ler nas letras dos sinais com nomes de lugares, pintadas por riba com spray.

Desde o asento de tras, botando assi com a boca -hooouu- vapor no cristal da janela, desenhaste com os dedos as tuas primeiras palavras.

Pola janela do carro aos dous, tres, quatro, once anos..., cruzando corredoiras, estradas e autovias, desde fóra entrava o mundo.

E nunca apartaste a olhada.

Assi foi como, sem querer, Galiza tamém foi entrando-che polos olhos.

Arames com pinzas de cores sobre roupa negra, constelaçons de aldeas, letras pintadas com spray... e o resto.



....

A foto, desde sinalizagz
Comentários (4) - Categoria: Desenhos - Publicado o 13-10-2008 20:42
# Ligazóm permanente a este artigo
Chuza! Meneame
4 Comentário(s)
1 #blgtk08#
Comentário por (13-10-2008 21:05)
2 brand adhering to the fruitful results of the past and focus on research and devel#blgtk08#opment of a variety of complex functions watch, and the pursuit of perfection,day.
Comentário por Nike Australia (01-11-2012 08:26)
3 Umha bolsa de plást#blgtk08#ico azul no vento.
Comentário por hublot replica (30-01-2016 03:35)
4 Tamém aprendeste a ler nas letras dos sinais com#blgtk08# nomes de lugares, pintadas por riba com spray.
Comentário por rolex replica watches (22-12-2016 04:51)
Deixa o teu comentário
Nome:
Mail: (Nom aparecerá publicado)
URL: (Debe começar por http://)
Comentário:
© by Abertal