Made in Galiza


Eu nunca serei yo
Um caderno de trabalho de Séchu Sende

A minha obra neste caderno está licenciada baixo creative commons, copiceibe.

O autor solicita comunicar-lhe qualquer uso ou modificaçom da sua obra no email de contacto aqui sinalado.

Contacto
madeingaliza
 CATEGORIAS
 FOTOBLOGOTECA
 OUTROS MUNDOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Mensage de Songoku á sociedade galega



Apreçados galegos e galegas:


Conhecemo-nos de muito, som o super-guerreiro Songoku e desde que cheguei á Galiza, -um mundo alegre, um país encantado- desde o velho Japom, nom tivem ningum problema para aprender e falar a vossa língua, cousa que me ajudou a sentir-me como na casa, entre vós.

Mas agora vejo-me diante dum problema, um grande mistério, umha conmoçom!: dentro duns dias fara-se o lançamento dos DVDs d´As bolas do Dragom GT e os nenos e as nenas -e adultos- que procurem o DVD verám que a mim, a Krilim, a Songoanda, ao velho Mutenhroi! e ao resto dos colegas animados negou-se-nos a possibilidade de falarmos, -como sempre fixemos nas pantalhas da Galiza-, na vossa língua, na nossa língua.

Por isso queremos fazer constar, desde o nosso universo de aventura, que com a mesma intensa energia com a que aprendemos a vossa língua ao chegarmos aqui, os desenhos animados da série As bolas do dragóm, despois de nos reunir em assembleia, decidimos lançar umha onda vital em forma de denúncia deste abuso, que nos enche de indignaçom e impoténcia.

E queremos denunciar os responsábeis... por silenciar a nossa voz em galego.

Isso doe!

Desde o nosso mundo de fantasia nom podemos fazer nada para evitar que nos impidam falar em galego, por muito que o intentemos com os meus golpes e o meu bastom!

Mais nada, despide-se, em representaçom dos personages da nossa série, um super-guerreiro abatido, entre todos os mistérios, com grande emoçom!:



Moitas apertas!

Songoku


P.D. E tu, que les isto e sabes reconhecer o Mal, recorda: deves viver bem esperto, nom mirar nunca atrás, só assí luitanto poderás trunfar!



.............


Mais em chuza!

E algúns capítulos em Xeración Xabarín
Comentários (2) - Categoria: Desenhos - Publicado o 28-03-2008 21:56
# Ligazóm permanente a este artigo
Chuza! Meneame
2 Comentário(s)
1 wus... kalau or#blgtk08#ang lari cepat.
Comentário por Smartphone dengan kamera terbaik harga murah (19-04-2015 09:14)
2 yes or#blgtk08# not?
Comentário por daftar harga hp android murah (07-11-2015 13:19)
Deixa o teu comentário
Nome:
Mail: (Nom aparecerá publicado)
URL: (Debe começar por http://)
Comentário:
© by Abertal