Made in Galiza


Eu nunca serei yo
Um caderno de trabalho de Séchu Sende

A minha obra neste caderno está licenciada baixo creative commons, copiceibe.

O autor solicita comunicar-lhe qualquer uso ou modificaçom da sua obra no email de contacto aqui sinalado.

Contacto
madeingaliza
 CATEGORIAS
 FOTOBLOGOTECA
 OUTROS MUNDOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Made in Galiza: Prémio Ánxel Casal


Pois os editores e as editoras derom-lhe a Made in Galiza o Premio Anxel Casal ao Libro do Ano!

Assi que aló estava eu para o receber, em nome do livro, numha ceia diante dos acuários gigantes da Casa dos Peixes da Corunha.

E alá fum recolhe-lo.

Isto foi o que dixem dumha maneira aproximada, despois de lhe dar dous bicos á senhora Conselheira de Cultura, que me entregou umha pequena escultura, e rompendo o protocolo dumha forma um tanto gamberra, com perdóm, -porque @s premiados nom podiamos falar- numha cea tam séria:

... agradecim este prémio em primeiro lugar a papá e a mamá, que estám contentíssimos!, especialmente á minha nai que me contagiou esta língua que me botei a falar sempre e para sempre aos dezasete anos...

....expliquei, mais ou menos, -porque nom o levava anotado e estou intentando recordar- que o livro o escrebim para toda a gente: a que fala sempre em galego, a que fala sempre em castelám, a que fala mais em galego ou mais em castelam, porque vejo a língua como património de todos e todas...

...contei, como anécdota curiosa, que enviei tres Made in Galiza á prisom de Teixeiro, para Os Tres do Eixo, e que da primeira vez dous livros forom devoltos por razóns do tipo "objeto sospechoso", e que despois voltei enviar os livros e que um dos sobres me foi devolto considerado como "objeto prohibido", e que por isso e outras cousas tamém este livro berra Liberdade para Os Tres do Eixo...

...contei que estava agradecido á gente com a que me atopei -e sigo atopando- nos últimos anos na base do movimento Nunca Máis, de Area Negra, de Burla Negra...

... e que esse movimento segue presente na gente que berra Governe quem governe Galiza nom se vende, pedindo umha planificaçom política de desenvolvemento sustentábel e respectuoso com a natureza, desde o Courel até Merexo ou Quilmas e muitos outros espaços com agresons medioambientais, porque o livro tamém fala de ecologia...

... tamém dixem que eu som mui tímido e que nom acostumo a fazer essas cousas de falar quando nom me toca, que normalmente falo pouco, e que acabava enseguida para começarmos a cear, que desculpas...

...e para Isaac Díaz Pardo pedim um reconhecemento e algo mais, porque nestes momentos tam difíciles hai que actuar de forma enérgica, potente, na súa defensa e na defensa do Instituto Galego de Informaçom e de todo o que Díaz Pardo repressenta...

...e finalmente agradecim-lhe ao Ex-Aduaneiro Pánchez a portada do livro, com as bombonas de butano com boca e olhos, que nom som as de Reganosa, dixem, pero case...

...e já nom me deu tempo a mais nada, porque o protocolo dicia que os premiados nom podiamos falar e, já vedes, ao final falei assi como um pouco nervioso aínda que penso que se me entendeu.


Esqueceu-me agradecer-lhes o prémio aos editores e editoras: Um saúdo afectuoso.

E mais nada, pensei que estava bem dar a minha versom aproximada dos feitos...








Comentários (7) - Categoria: Geral - Publicado o 15-12-2007 03:21
# Ligazóm permanente a este artigo
Chuza! Meneame
7 Comentário(s)
1 Parabéns compañeiro
#blgtk08# e grazas por seguir así
Comentário por Nasa (15-12-2007 11:25)
2 O que sabe escreber tamén sabe#blgtk08# falar.

Apertas
Comentário por Courelao (15-12-2007 12:57)
3 Noraboa e a seguir traballando.
<#blgtk08#br /> Apertas, de courelao a courelao.
Comentário por Oulego (15-12-2007 16:30)
4 Parabéns, e para non poder falar ainda te#blgtk08# espeliche ben, unha apreta.
Maria
Comentário por maria (15-12-2007 20:21)
5 Parabéns ao Made in Galiza e#blgtk08#, de paso, ao Séchu tamén...
Comentário por Costureira (15-12-2007 21:44)
6 abrigado,
a todas e todos vós.

um biko mui, mui, mui grande,

por muitas #blgtk08#raçons, foi um dia que será difícil de esquecer...

abraço forte



Comentário por madeingaliza (15-12-2007 22:00)
7 Parab#blgtk08#éns!!
Comentário por Mer (18-12-2007 15:49)
Deixa o teu comentário
Nome:
Mail: (Nom aparecerá publicado)
URL: (Debe começar por http://)
Comentário:
© by Abertal