Made in Galiza


Eu nunca serei yo
Um caderno de trabalho de Séchu Sende

A minha obra neste caderno está licenciada baixo creative commons, copiceibe.

O autor solicita comunicar-lhe qualquer uso ou modificaçom da sua obra no email de contacto aqui sinalado.

Contacto
madeingaliza
 CATEGORIAS
 FOTOBLOGOTECA
 OUTROS MUNDOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Os 3 do Eixo: cartas devoltas












O passado 12 de novembro enviei tres cartas ao Centro Penitenciário de Teixeiro, umha para Simón, outra para José e outra para Jesús, Os tres do Eixo.

Um livro, pensei, para passar o tempo preso, como um abraço dentro de cada sobre.

Na parte de atrás, aparte dos datos do remitente, podia-se ler em grande, debaixo dum desenho dum ouriço cacho e um home lendo entre as nubes, estas seis palavras: Liberdade para Os tres do Eixo.

Para a minha sorpresa, como podedes ver nas fotos, duas das tres cartas forom devoltas, as enviadas a José Moreira e a Simón Vázquez.
A dirigida a José Moreira foi devolta com a seguinte explicaçom: FALTA DE 2º APELLIDO.
A dirigida a Simón Vázquez foi devolta com a seguinte raçom: NO CONSTA.
A dirigida a Jesús Montoiro nom foi devolta, e espero que lhe chegasse ao vezinho do Eixo.

E pergunto-me eu quantos José Moreiras haverá internos em Teixeiro?
E pergunto-me eu por que nom consta Simón Vázquez como residente na prisom de Teixeiro? Foi talvez posto em liberdade?

Se bem o envio das tres cartas foi umha iniciativa persoal, um gesto de alguém que lhe envia um pouco de calor e distraçom a quem foi privado de liberdade, o feito de que as cartas fossem devoltas com essas excusas absurdas animou-me a fazer pública esta outra injustiça no caminho d´Os tres do Eixo.

Basicamente por que nom som tonto e nom estou disposto a que esses carcereiros me tomem o pelo a mim e, sobre todo, aos tres do Eixo.

Isso é para foder, dixo minha mae. E Rocio, Som uns cabróns! E si, nom hai outra explicaçom.

Porque calquera de nós temos escoitado muitas histórias sobre o uso da represom por parte dos funcionários de prisóns, e do sistema penitenciário espanhol, mas este capítulo das cartas devoltas é o suficientemente simbólico como para que todo o mundo que tenha olhos poida ver este exemplo de profesionalidade por parte de quem está a vulnerar ?nom sei se legalmente ou nom, mas si eticamente- o dereito á comunicaçom de tres internos na cadeia de Teixeiro.

Todo um símbolo de represom, um passo evidente ?talvez habitual?- na estratégia da incomunicaçom das persoas privadas de liberdade.

Por isso me cago no sistema penitenciário espanhol e n@ funcionári@ ou funcionári@s que devolverom as cartas de Simón e José e tamém nos políticos e cargos responsábeis de que isto ocurra.

Mecago en vós.

Em fim, manhá volterei enviar os livros para José Moreira Fernández e Simón Vázquez Valle e o abraço dentro do sobre será mais grande.


Liberdade para Os Tres do Eixo!
Comentários (6) - Categoria: Desenhos - Publicado o 18-11-2007 20:39
# Ligazóm permanente a este artigo
Chuza! Meneame
6 Comentário(s)
1 É un xesto que te honra o terlles mandado algo a estes homes, ainda que so sexa para que saiban que se acordan deles aqui fóra. Deben de estar a pasalo #blgtk08#mal ala dentro.
En cambio di muito do sistema represivo o que sucedeu cos teus correos. Espero que o terceiro non se perdese sen deixar rastro.
Comentário por turonian (21-11-2007 18:08)
2 Nom há envelope no mundo em que caiba o teu grande coraçom, amigo Séchu! Obrigado polo teu gesto solidário #blgtk08#e por fazeres pública a tua denúncia! JESÚS, SIMÓN E JOSÉ, INOCENTES!!! INDULTO PARA OS TRÊS DO EIXO JÁ!!!
Comentário por suso (21-11-2007 18:24)
3 Fermoso xesto, ch#blgtk08#egaron os libros?
Comentário por Antía (22-11-2007 10:55)
4 pois nom sei...

(suso, suso, já sei que me queres muito, eu a ti tamém, mas essas c#blgtk08#ousas nom se dim em público..., que me viro ruibo)

liberdade para os tres do eixo!
Comentário por madeingaliza (25-11-2007 15:52)
5 Se bem o envio das tres cartas foi umha iniciativa persoal, um gesto de alguém que lhe envia um pouco de calor e distraçom a quem foi privado de liber#blgtk08#dade, o feito de que as cartas fossem devoltas com essas excusas absurdas animou-me a fazer pública esta outra injustiça no caminho d´Os tres do Eixo.
Comentário por omega replica (30-01-2016 03:35)
6 E Rocio, Som uns cabróns! E s#blgtk08#i, nom hai outra explicaçom.
Comentário por wholesale football shirts (22-12-2016 05:18)
Deixa o teu comentário
Nome:
Mail: (Nom aparecerá publicado)
URL: (Debe começar por http://)
Comentário:
© by Abertal