Made in Galiza


Eu nunca serei yo
Um caderno de trabalho de Séchu Sende

A minha obra neste caderno está licenciada baixo creative commons, copiceibe.

O autor solicita comunicar-lhe qualquer uso ou modificaçom da sua obra no email de contacto aqui sinalado.

Contacto
madeingaliza
 CATEGORIAS
 FOTOBLOGOTECA
 OUTROS MUNDOS
 BUSCADOR
 BUSCAR BLOGS GALEGOS
 ARQUIVO
 ANTERIORES

O caixeiro do banco


Umha manhá o caixeiro do banco deu-se de conta de que, dum dia para outro, estava-se convertendo em agricultor.

Primeiro forom as maos, que se fixerom mais grandes e endurecerom, como os músculos dos braços. A mediodia deu-se de conta de que conhecia os paxaros todos polo nome e de que esquecera o nome das empresas que cotizam em bolsa. O citroen picasso convertera-se num 4 x 4 e na praza de garage apareceu um tractor azul.

O caixeiro do banco estava-se transformando em labrego. Foi-se-lhe a miopia de olhar o horizonte e começou a recolher patacas na horta que apareceu de súbito na parte de atrás da casa na que se convertera o seu piso, no 3º andar dumha urbanizaçom que agora era umha motanha.

A casa era grande e de pedra e, quando se deu conta, sorriu.

O caixeiro do banco meteu o traxe gris e a garavata no armário e puxo umha funda azul, deixou o maletim e colheu a motoserra, e saiu á sua oficina, que agora era um souto de castinheiros.

Comentários (3) - Categoria: Desenhos - Publicado o 26-05-2008 09:35
# Ligazóm permanente a este artigo
Ignacio Castro


- E mentres Roxe de Sebes continúa somerxida en certa clandestinidade, sendo unha das publicacións máis interesantes de finais do século pasado en Galicia.

- Paréceme deprimente, pero que podo agardar eu dun país no que Uxío Novoneyra ou Emilio Araúxo son espectros?

...

Umha entrevista para pensar.

Aqui, algo sobre Roxe de Sebes

Ignacio Castro vem de publicar Votos de riqueza.

Comentários (3) - Categoria: Desenhos - Publicado o 25-05-2008 20:49
# Ligazóm permanente a este artigo
Literatura animal
Cromos: Os animais, nos livros.
Umha aventura pola natureza que sae das páginas e entra nas nossas vidas através das palavras.
Literatura ecológica e biodiversidade literária.

No caminho de Surrealismo animal, Literatura animal junta com as cores da acuarela dum surrealista afeccionado as nossas mais valiosas herdanzas: a natureza e a cultura.

Nom esquezamos que nós tamém somos animais.





Vagalumes




Cuqui lendo A primeira visión, de María Lado

cuqui é pequeno de máis para ser un osiño de peluxe
e cáelle o naris
por iso non lle gusta ir á lavadora
nin que mamá o colgue a secar polas orellas
ademáis
bótame de menos durante o centrifugado
e eu a el ¿e se lle doe?
as orellas ¿e se lle doen as orellas das pinzas?
ou estar só tanto tempo na trandeira

(...)




Obabakoak, Bernardo Atxaga




Cao de palheiro, Celso Emilio Ferreiro


No tempo aquil
cando os animales falaban,
decir libertá non era triste,
decir verdá era coma un río,
decir amor,
decir amigo,
era igual que nomear a primavera.
Ninguén sabía dos aldraxes.







Uxio Novoneyra




A revolta dos seres humanos




Bukowsky na Galiza, a Kiko Neves




O tigre de Blake




A mantis religiosa de Méndez Ferrín. Pércival e outras historias




O corvo de Poe




Sempre en Galiza
, Castelao




O senhor Nelson aprendeu a ler, Astrid Lindgren




E o sapo dicia cro, cro.
Curros.




Kafka




Fantasia




Edward O. Wilson




Biblioteca animal




O meu guarda-rios
Comentários (13) - Categoria: Desenhos - Publicado o 25-05-2008 18:59
# Ligazóm permanente a este artigo
Orgulho G-P
Comentários (5) - Categoria: Desenhos - Publicado o 23-05-2008 14:20
# Ligazóm permanente a este artigo
Com Igor e Xosé María em Ponferrada
Comentários (7) - Categoria: Desenhos - Publicado o 22-05-2008 08:35
# Ligazóm permanente a este artigo
SOS COUREL


Incrible o que arrisca a Xunta de Galicia no Courel !

1. SOS Courel, no 2005, presentou unha queixa ante a Comisión Europea, tramitada co Nº 2005/4696, para denunciar a proliferación indiscriminada de canteiras e outras desfeitas colaterais interesadas, coa intención de asolar a Serra enteira.

Despois de varios avisos que non tiveron éxito, esta Institución Europea, o día seis de este Maio, emitiu o último informe de advertencia antes de pasar ao díctame definitivo, que podería levar a España ante os Tribunais de Xustiza Europeos e a ser condenada a devolver cuantiosas sumas de axudas europeas.

Ver noticia





2. A Comisión Europea advirte graves irregularidades nas seguintes canteiras:

2.1.- La Campa, canteira en explotación no Concello de Folgoso do Courel, na cunca do río Lor, ocupa máis de un Km. do río Luruda. Autorizada pola Xunta en xuño do 2007, cando xa foran advertidos pola Comisión Europea.


2.2.- «La Ilusión Fracción Segunda», en Folgoso do Courel, na cunca do río Lor, outorgada no 2006, sen explotar de momento a espera do desenvolvemento da Lei de ordenación da minaría de Galicia, norma aprobada o ?martes trece? de maio no Parlamento de Galicia. A Xunta presumiu de tela anulada no 2007, pero non foi tal.

2.3.- ?Cupa II, fracción 3ª?, en Folgoso do Courel, na cunca do río Lor, outorgada no 2006, sen explotar de momento a espera do desenvolvemento da Lei de ordenación da minaría de Galicia.


2.4.- ?Cupa II, fracción 2ª?, incriblemente emprazada xunto ao ?monumental? Pregue Tumbado do Courel, outorgada no 2006, sen explotar de momento a espera do desenvolvemento da Lei de ordenación da minaría de Galicia.




3. Lei de ordenación da minaría de Galicia


Coa recentemente aprobada Lei de Ordenación da minaría de Galicia, a Xunta e o Parlamento de Galicia habilitaron o instrumento necesario para encher o Courel con máis e máis canteiras, agora que a pizarra entrou en crise por mor da baixa na construcción e pola entrada de China e Brasil no mercado da lousa, así outras canteiras do Courel teñen serios problemas de viabilidade.

O caso é abrir e abrir canteiras para logo indemnizar ás empresas cando teñan que pechar, e a restauración xa se fará tamén con fondos públicos.


4. ¿Que pasa co Parque Natural do Courel?

A Xunta está adiándoo sucesivamente, en espera da aprobación e desenvolvemento da Lei de ordenación da minaría de Galicia, para adiantarse coa declaración de ?Concello Mineiro?.


Saúdos,

SOS COUREL
Comentários (6) - Categoria: Desenhos - Publicado o 21-05-2008 12:32
# Ligazóm permanente a este artigo
Nao: Desejos





Somos
Comentários (6) - Categoria: Desenhos - Publicado o 21-05-2008 10:47
# Ligazóm permanente a este artigo
A língua em post-its: Valga


















Aí vam os desenhos da gente de 4º da ESO do IES de Valga. Com que objecto, persoa ou animal identificas ou gostarias de identificar a nossa língua?

Força no final do curso!
Foi todo um pracer!

Saúdos!
Comentários (2) - Categoria: Desenhos - Publicado o 20-05-2008 18:06
# Ligazóm permanente a este artigo
O corvo de Erëa



Existe un lugar, e
non é lenda,
onde as noites duran tanto
que os ollos
acaban por morrer.



Obrigado!
Comentários (3) - Categoria: Desenhos - Publicado o 20-05-2008 14:49
# Ligazóm permanente a este artigo
Porque tem futuro...


Por que en galego?
IES Leiras Pulpeiro, Lugo.
Premio "Entre nós en galego", 2005
Comentários (4) - Categoria: Desenhos - Publicado o 19-05-2008 16:00
# Ligazóm permanente a este artigo
A Ria nom se Vende


Contra a destruçom da ria de Vigo, defendamos o nosso litoral!

Mani: 25 de maio,
12.00, Praça da estrela, Vigo.

Galiza nom se Vende
Comentários (5) - Categoria: Desenhos - Publicado o 19-05-2008 14:25
# Ligazóm permanente a este artigo
A diversidade da vida


Edward O. Wilson
Comentários (0) - Categoria: Desenhos - Publicado o 13-05-2008 23:56
# Ligazóm permanente a este artigo
De Compostela ao Courel



Galicia...
sabemos que ti podes ser outra cousa
sabemos que o home pode ser outra cousa.


Uxío Novoneyra
Comentários (0) - Categoria: Desenhos - Publicado o 12-05-2008 22:50
# Ligazóm permanente a este artigo
Fauna do Courel


Ouriço voador.
Comentários (0) - Categoria: Desenhos - Publicado o 11-05-2008 22:15
# Ligazóm permanente a este artigo
Igor Lugris (1)


Artefacto Burbur

"Si seguimos utilizando el lenguaje en su clave corriente, con sus finalidades corrientes,
nos moriremos sin haber sabido el verdadero nombre del dia"
(Julio Cortázar)


António Udina está morto

e também está morto Elvis

dim os Living Colour

Elvis era branco

dim

e por isso gravaba muitos discos

Se for negro nom poderia

nom poderia nem ranhar na guitarra

António Udina nom era negro

mas desde logo nom falaba umha língua de brancos

Tal vez esteja entre nós o nosso António Udina particular

Ele quando era pequeno nom imaginaba que ia ser António Udina

e centos de miles de estudantes saberiam dele

e saberiam de memória a data da sua morte

Ele nom o sabia

E Elvis também nom

Mas Elvis era branco

E António Udina nom falava umha língua de brancos

Além disso falava vegliota

Elvis fazia rock porque vendia

António Udina falava vegliota mas ele nom o sabia

porque já em 1898 nom ficava ninguem que falara raguseo

Chamava-se António Udina mas também lhe chamavam Burbur

A Elvis chamavam-lhe El-Rei

The King em inglês que parece mais importante

mas Elvis era branco

e por isso podia ser El-Rei

António Udina só podia ser Burbur

Entre nós nunca haverá um Elvis

a nom ser que se faga branco e fale com a língua dos brancos

Mas todos somos António Udina

e nos chamam Burbur

Elvis era branco e por isso gravou muitos discos

António Udina nom era negro

mas a sua língua nom era de brancos

ainda que todos falamos dálmata algumha vez na nossa vida



Quem nos defende a nós dos idiotas?,
Igor Lugris, Letras de Cal, 1996


.....

Antonio Udina, alcumado Burbur, foi o último falante de dálmata.

Morreu em 1898 na illa de KRk, actual Croacia. Entrevistado polo lingüista Mateo Giolio Bartoli en 1897, conseguiu-se a gramática e algo de léxico do dálmata, mas hai que desconfiar da pronúncia: Udina nom tinha dentes.
Comentários (4) - Categoria: Desenhos - Publicado o 07-05-2008 10:43
# Ligazóm permanente a este artigo
Peto real
Comentários (6) - Categoria: Desenhos - Publicado o 06-05-2008 20:36
# Ligazóm permanente a este artigo
Kafka


Gregória.
Comentários (27) - Categoria: Desenhos - Publicado o 30-04-2008 19:22
# Ligazóm permanente a este artigo
Battiato: Povera Patria


Minha pobre pátria, esmagada por abusos de poder
de gente infame que nom conhece o pudor,
crem-se os amos todo-poderosos
e pensam que todo lhes pertence.

Os governantes, quantos perfectos e inuteis bufons
nesta terra que a dor devastou.
É que nom sentides lástima
ante esses corpos tendidos sem vida?

Nom cambiará, nom cambiará
Nom cambiará, talvez cambiará.

E como excusa-los, as hienas em estádios e os
da prensa fozando na lama como porcos.
Eu tenho um poco de vergonha e fai-me mal
ver a gente como animais.

Nom cambiará, nom cambiará
si que cambiará, verás que cambiará.

Esperamos que o mundo volva a cotas mais normais,
que poda contemplar o céu de vagar
que nom se fale mais de ditaduras,
porque talvez teremos que ir tirando
em quanto a primavera tarda em chegar.



Comentários (9) - Categoria: Desenhos - Publicado o 30-04-2008 15:05
# Ligazóm permanente a este artigo
Ti i eu somos dous


E o sapo dicia Cro, cro.

Curros.
Comentários (6) - Categoria: Desenhos - Publicado o 30-04-2008 09:47
# Ligazóm permanente a este artigo
As maos abertas no remo


Alegria!

Nos anos que remei nos bateis em Celeiro sabiamos bem umha cousa: as tripulaçons galegas de gente nova eram das melhores em banco fixo.

Nós tinhamos medo e enveja dos heavys de Mugardos, épicos, grenhudos e altissimos, e caiam-nos mal os rockabillys de Perilho.

Em infantís, cadetes, juvenis as tripulaçons da Galiza adoitavam superar frecuentemente os clubs de Asturies, Cantábria ou o País Basco.

Mas o problema era, e desgrazamente segue a ser, o desenvolvemento do remo de banco fixo quando @s rapaces passavam a adolescéncia e @s remeir@s nov@s da Galiza chegavam ao mundo adulto das traínhas.

Falta de instalaçons, de recursos, de apoio político...

O deportista afeccionado galego nom podia -nem pode hoje- competir com as condiçons de adestramento quase profesionais dos bascos ou os cántabros.

E muitos remeiros galegos forom e seguem indo á emigraçom como profesionais dum deporte especialmente admirado e apoiado social, economica e politicamente no País Basco.

Por isso é umha alegria ler na prensa que os rapaces e rapazas galeg@s seguem a demostrar que a energia da sua mocidade é imensa!

E por isso cómpre seguir a reivindicar umha maior presenza do remo de banco fixo -e doutros deportes tradicionais de nosso- na nossa sociedade.

........




Umha aperta a Plácido, Santy, Fran e Lamela, aquela tripulaçom do Virxe do Mar que nunca ganhou nada mais que abrir as maos, fazer calo no cu e encher o peito de mar, emoçons fortes, alegria e experiéncias que nunca esqueceremos!

E a Ernesto, por aquela viagem a Donosti ver a Donostiako Estropadak!

Comentários (2) - Categoria: Desenhos - Publicado o 28-04-2008 14:19
# Ligazóm permanente a este artigo
© by Abertal