Made in Galiza


Eu nunca serei yo
Um caderno de trabalho de Séchu Sende

A minha obra neste caderno está licenciada baixo creative commons, copiceibe.

O autor solicita comunicar-lhe qualquer uso ou modificaçom da sua obra no email de contacto aqui sinalado.

Contacto
madeingaliza
 CATEGORIAS
 FOTOBLOGOTECA
 OUTROS MUNDOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Festa da Pisa da Castanha,



Nem Pizza nem Picha, é a Festa da Pisa da castanha, porque -recém sacada do sequeiro onde leva dias a secar- pisa-se dentro dum saco para separar a casca da carne.

Despois, para tirar-lhe a casca Xoán de Vilar abandoja com o abandojo e a pela da castanha vai caendo por fóra, em fino po no ar.

C@urel, dezembro, 2008
Comentários (3) - Categoria: Geral - Publicado o 16-12-2008 16:38
# Ligazóm permanente a este artigo
Os 315 concelhos da Galiza na cabeça


Arturito e Fabián, do famoso grupo europeu Os da Ria, derom este ano o pregom da Festa da Pisa da Castanha de Froxám, no C@urel.

Aqui tedes a primeira parte do vídeo, com Fabián e Arturito em plena acçom.

Arturito, tamém conhecido como o Sobrado de Abadim, outros eus de Carlos Meixide, é o home que tem os 315 concelhos da Galiza -faltam os da Galiza Irredenta- na cabeça.

...





E aqui está a segunda parte do pregom, onde Arturito e Fabián oferecem os seus dous éxitos musicais, "Bicos" e "Cando fas pop xa non hai stop".

Dous monstros!! Ei!




Comentários (5) - Categoria: Geral - Publicado o 15-12-2008 10:02
# Ligazóm permanente a este artigo
Bota a lingua a pacer


Um vídeo realizado em 2005 por alunado do IES Marco do Cambalhóm de Vila de Cruzes, como resultado dum obradoiro de audiovisual dinamizado por Tomás Lijó.

Com Neira Vilas e Paco Lareo, entre outra gente.

E ti como te expresas?
Comentários (6) - Categoria: Geral - Publicado o 14-12-2008 21:27
# Ligazóm permanente a este artigo
Umha banheira no audiovisual galego!


A vida cámbia e as banheiras dos prados começam -por fim- a acadar visibilidade na nossa sociedade!

Na curta de video-dança Katiuska, os corpos agrícolas, no minuto 7 segundo 48 aparece umha banheira num prado!

A protagonista tira as botas verdes e o chuvasqueiro vermelho e entra.




Director: Antón Coucheiro
Intérpretes: Branca Novoneira, Diego Anido, Ruth Balvís, Carolina Hernández, David Loira.


A curta está aqui!
Comentários (2) - Categoria: Geral - Publicado o 13-12-2008 21:39
# Ligazóm permanente a este artigo
A língua animada


Grandes cousas, como A língua animada, esperam por nós em...

Flocos TV


Eu gostei da curta inspirada em Frei Martin Sarmiento,
A escola das areas :

-Como ya vos tengo dicho, la capital del imperio no se formó en ese lugar al chou...

- Cual es la cuna del latín, panoco!

- Como no aprendas bien el castellano vas ser un parvo toda la vida! Vou hablar de contado con tu padre, a ver si el da hecho bien de ti.


...

E de que vai...?

Frei Martín Sarmiento vén a Pontevedra para buscar un remedio para a variola. Alí discute cun mestre sobre a necesidade de lles ensinar aos nenos o galego.
Comentários (3) - Categoria: Geral - Publicado o 13-12-2008 21:14
# Ligazóm permanente a este artigo
O meu plan de acción



Um complemento do Contrato de fidelidade á lingua

Para profes de língua, por se lhes interessa reflexionar sobre a proposta, dirigido a contextos castelám-falantes.



O MEU PLAN DE ACCIÓN

Sucede ás veces que nos propomos fins e ao final quedamos sen conseguilos, porque non nos comprometemoos o suficiente. Un señor que se chama Klaus Vopel di que a razón diso é que moitas veces, aínda que ?interiormente? estamos influídos por algunhas dificultades reais, non queremos recoñecer a súa importancia. E xa que non programamos ningún medio que poida axudarnos, imos a un seguro fracaso.

Por exemplo, non me vai ben en inglés, penso «É moi difícil», «Non estudo o suficiente»... E que fas para enfrontarte a eses problemas?

O que che propoño é adecuado para o comezo dunha programación, de calquera programación. Mediante isto saberás se verdadeiramente queres ou non conseguir o teu obxectivo, e descubrirás en que medida tes intención de comprometerte para conseguilo, cales son os retos que debes afrontar e que probabilidades de éxito tes.

Imos falar sobre o Contrato de Fidelidade ao Galego. Mais este método pode servirche para outros proxectos da túa vida, relacionados coa escola, a amizade, a familia, etc.

Antes de seguir, lembra unha cousa: na túa evolución co uso da língua todo paso adiante ?por moi pequeno que che pareza- será positivo. Falar un pouco máis galego, dar o paso de coller apuntamentos, preguntarlle en galego a un profe que fala castelán ou escribir un traballo na nosa lingua son pasos adiante.

Quen mellor sabe cales son as túas forzas es ti, con que te conformas ou até onde queres chegar. Por iso é importante que ensaies, experimentes e vaias superando as probas que ti mesmo/a te vaias poñendo. Se, por exemplo, ti es galego-falante o teu reto estará fundamentalmente nos usos escritos ou na mellora do rexistro formal. Se es castelán falante, os pasos adiante na fala serán os máis satisfactorios. Se sincero contig@ mesm@.

Agora con este documento podes reflexionar sobre o obxectivo que para ti representa o Contrato. Cando acabes de cubrir a ficha, busca un compañeiro ou compañeira e intercambiade impresións.


O MEU PLAN DE ACCIÓN

Esta técnica axúdache a programar máis racionalmente as túas metas en todos os ámbitos e a adquirir conciencia das túas posibilidades e dos riscos que poden acompañalas. Deste modo podes programar a túa rede de seguridade correspondente.

Agora presta atención e adiante:

1. Respecto á lingua galega no centro, quixera conseguir as metas seguintes:
(Marca cun círculo)

a) Mellorar a miña opinión, valores e actitudes cara ao galego e os galego-falantes.

b) Experimentar algún avance no uso do galego.

c) Aumentar, en xeral, o uso escrito do galego.

d) Aumentar, en xeral, o uso oral.

e) Establecer en galego as miñas relacións cos meus compañeiros/as que falan en galego.

f) Establecer as miñas relacións en galego cos compañeiros/as que falan castelán.

g) Relacionarme en galego cos profesores e profesoras, para preguntar dúbidas na clase, para darlles os bos días, etc.

h) Outros:

.......................................................................
.......................................................................


Que obstáculos podo ter...?
(Sinala cunha cruz)

i) Non posúo as capacidades e coñecementos necesarios.

j) Esta meta non é tan importante para min ata o punto de ter que empeñarme en conseguila.

k) Temo o fracaso.

l) A opinión dos demais sobre os cambios que
faga.

m) Síntome raro/a falando galego.

n) Dáme corte.

o) Non me sinto seguro/a

p) A meta é dificil de conseguir

q) Hai xente que pensa que falar galego é menos fino que o castelán.

r) É difícil falar galego se me falan en castelán.

s) Outros obstáculos:


.........................................................................
..........................................................................
..........................................................................


2. Que podo facer para disminuír ou superar as dificultades sinaladas?




3. Quen pode axudarme?

Nome(s):

Clase de axuda:



4. Como son as miñas probabilidades de acadar esta meta?

Moi boas,
boas,
50/50,
limitadas,
moi limitadas.


5. Que me fai pensar así?



6. Que conseguirei unha vez acadado este obxectivo?

As miñas motivacións son:

----- Os puntos extra para a materia.

------A miña satisfacción persoal.
------É un reto intelectual
------Superar complexos, vergoñas, adquirir seguridade respecto ao uso do galego.

------Mellorar as miñas competencias comunicativas.


Outras:





.............................................................
...........................................................


7. Que inconvenientes deberei afrontar en caso de fracaso?



8. Aínda me empeño en conseguir esta meta? Está ben este obxectivo ou debo escoller un obxectivo máis difícil ou máis fácil?



9. Quero facer todo o que poida para asegurar o éxito?




10. Serei consecuente co que escribín nas dúas últimas preguntas?

Si/
estou indeciso/a/
non



Se digo que si estou disposto a asinar o seguinte pacto comigo mesmo/a:


PACTO COMIGO MESMO/A


Eu, estou convencid@ de que quero conseguir a esta meta respecto ao Contrato de Fidelidade Lingüística ao Galego:...................................................
.......................................................O primeiro paso que vou dar é.........................................................
E queda fixado para o día ..............................

Data:



Sinatura:
Comentários (4) - Categoria: Geral - Publicado o 13-12-2008 20:09
# Ligazóm permanente a este artigo
Águas no C@urel


Dezembro.
Música: Hanom ausse. O medo é libre
Comentários (3) - Categoria: Geral - Publicado o 10-12-2008 11:32
# Ligazóm permanente a este artigo
O caderno de Carlos Santiago



A lingua do Fin do Mundo

Finlandia é un paíz ezcandinavo que limita con Zuecia e con Ruzia.
O finéz é a lingua maioritaria, que ze parece ao zueco maiz non é zueco.
O ruzo tamén ze fala, cada vez máiz.
Por cauza do ruzo zer falado tanto
oz falantez de finéz falan o finéz cada vez peor, o que parece ir en beneficio do ruzo.
Para contrarreztar izto algúnz penzan que o finéz hai que falalo máiz parecido ao zueco
e incluzo hai quen di que para conzervar o finéz en eztado puro o mellor é falar zueco directamente.
Maiz cando un zueco ouve falar a un finlandéz, en finéz ou en zueco,
zempre penza que eztá a falar ruzo.
Oz ruzoz cren que o finéz é un dialecto do ruzo
e oz finlandezez que o zueco é un dialecto do propio finéz.
Dezpoiz eztá o problema de como ezcribilo, ze con agá ou zen agá.




Poetarra.
Caminho de Grenlándia, contigo!

Carlos é muito!
Comentários (3) - Categoria: Geral - Publicado o 09-12-2008 23:47
# Ligazóm permanente a este artigo
Festa da Pisa


Froxám, C@urel, domingo 7 dezembro.

Achega-te á festa da pisa da castanha, umha oportunidade matrix para entrar na Dimensom C@urel.
Comentários (2) - Categoria: Geral - Publicado o 06-12-2008 11:08
# Ligazóm permanente a este artigo
Está a chegar o Apalpador!!!!


Uiii, que bom!, que chega o Apalpador...

E quem é?

...

O desenho, de Leandro!
Comentários (4) - Categoria: Geral - Publicado o 06-12-2008 10:59
# Ligazóm permanente a este artigo
A toupa


Pensou que acabara por fim
com todas as toupas da horta
com o veleno,
o sacho,
o gato,
as trampas
e entrou na casa
sorrindo.
E entom viu como umha toupa
sacava a cabeça
pola pantalha do móbil.


....

"Contra a toupa, nin veleno nin sacho; o mellor: o ourizo cacho"

O Fon
Comentários (5) - Categoria: Geral - Publicado o 27-11-2008 21:16
# Ligazóm permanente a este artigo
Muínho eólico desaparece


É um falar.


Comentários (2) - Categoria: Geral - Publicado o 27-11-2008 19:15
# Ligazóm permanente a este artigo
Para Ver / Ler em Compostela


Esta sexta-feira -venres- 28, Igor Lugris vai compartir com nós Poesia para Ler / Ver acompanhada por um recitalinho com vários poetas e um concertinho de José Constenla.

Boa cousa!

Será ás 20.00 no Centro Social da Gentalha do Pichel, em Compostela.

A exposiçom estará nesse mesmo local desde o 27 de Novembro ao 27 de Dezembro.

Mais em ovnis e isoglosas
Comentários (3) - Categoria: Geral - Publicado o 24-11-2008 12:08
# Ligazóm permanente a este artigo
4 Banheiras e Pippi Langstrumpf


18 de novembro, em bicicleta polo Eixo e Arins, Compostela.
4 Banheiras e Pippi Langstrumpf entre as 17.00 e as 18.30.
Experimento nº 1.
Onde estám as vacas?
Comentários (12) - Categoria: Geral - Publicado o 20-11-2008 21:19
# Ligazóm permanente a este artigo
A autoestrada


Já que tanto insistes
em que o corte
vou explicar-che
e será a primeira e a última vez que o faga
por qué levo o pelo longo

levo o pelo longo
porque o exército estadounidense
oferecia umha recompensa
de dous dólares
por cada cabeleira de índio
que se lhe entregasse
e os que a cobrarom
assi como os soldados
e mandos superiores
do exército estadounidense
levavam o pelo curto
ou mui curto

levo o pelo longo
porque o exército franquista
na corrada da casa na que nacim
rapou-lhe a cabeça
a umha das mulheres da minha família
cujo home
acabava de ser fusilado
por se negar a matar
nenos de peito republicanos
e os soldados que lhe raparom a cabeça
assi como o resto das tropas
e mandos superiores
do exército franquista
incluído o puto francisco franco
levavam o pelo curto
ou mui curto

levo o pelo longo porque no campo de concentraçom de mauthausen
aos deportados espanhois
como ramiro santisteban
o supervivente octogenário que mo contou
aos deportados espanhois umha vez á semana
os sábados
faziam-lhes o que entre eles se conhecia
como A autoestrada
isto é
rapavam-lhes o pelo ao cero
desde a frente cara atrás

A autoestrada

e mais adiante
quando hitler estava perdendo a guerra
com esse pelo
forravam-se as botas dos soldados alemáns
com esse pelo
e todos esses soldados alemáns
como tamém os que os sábados colaboravam
no mantemento da autoestrada
junto com os seus respectivos mandos superiores
e o filho de puta do fuhrer á cabeça
junto com o resto do povo alemao
levavam o pelo curto
ou mui curto

levo o pelo longo
porque na terceira galeria
do cárcere provincial de ovieu
a galeria dos menores
os que mandavam nela os kies
umha vez dixerom-me:

ou cortas tu o pelo
ou contamos-cho nós


e prenderom os seus chisqueiros

e tanto eles
como os funcionários de prisons
cujo trabalho consistia precisamente
em evitar que se producissem feitos como este
levavam o pelo curto
ou mui curto

levo o pelo longo por outra raçom tamém:
muitas das mulheres que conheço
aseguram-me que com el assi de longo
estou muito mais guapo
e aparento muitos menos anos
dos que tenho em realidade

assi que em vez de estar tocando-me o caralho
a todas horas
com que a ver quando vou a que me cortem o pelo
melhor calavas a puta boca, vale
e deixavas medrar o teu.



David González em Poesía para bacterías
Cuerdos de Atar, Huesca, 2008
Comentários (5) - Categoria: Geral - Publicado o 13-11-2008 21:28
# Ligazóm permanente a este artigo
Amor numeral





F1 a ti
e 2ombra.
Desas3
nun4uxem.
Na5m sorte.
6to é amor?
7 quero m8?
9ijo
10ido:
s11ive
12mente no in100dio
das tuas ma1000as.


2006
Comentários (4) - Categoria: Geral - Publicado o 11-11-2008 15:59
# Ligazóm permanente a este artigo
Documental


Estou gravando um documental
sobre as banheiras brancas nos prados.

Tenho images de vacas e cavalos
e dum lobo a beber
em banheiras brancas um pouco oxidadas.

Tamém gravei
umha garça gris pescando umha píntega laranja
dentro dumha banheira
um dia de chúvia.

Vou em bicicleta
por estradas secundárias,
subo aos outeiros
e com os prismáticos busco banheiras
nos campos.

Algumhas agocham-se entre as silveiras.

Levo a cámara de vídeo na mochila,
achego-me ás banheiras brancas e gravo
umha mangueira azul,
a soidade, os remuínhos de vento,
o passo do tempo,
ossos de paxaros no fondo do céu.

Vim mais de cem lóstregos sairem
dumha banheira de ferro fundido
numha treboada,
e despois de chover,
nacer lentamente um arco da velha.

Hai gente que di que o gume do arco íris
pode fender-te pola metade.
E que dar com umha banheira branca num prado
trae boa sorte.

Buscade-as desde as janelas dos coches.
Achegai-vos aos prados.
Entrai no campo.


...


A foto, de Angel Bocalandro.

Comentários (2) - Categoria: Geral - Publicado o 10-11-2008 21:55
# Ligazóm permanente a este artigo
Alicia Fernández


Agora xa dis dói-dói

a min, logo de caer no recreo,
botábanme líquidos escuros,
(sempre mestres de bigote).
é por iso que aprendín a berrar pupa.

xa ves:
choramos no mesmo idioma.
Comentários (4) - Categoria: Geral - Publicado o 08-11-2008 09:58
# Ligazóm permanente a este artigo
Aid, parabéns!


Prémio no certame musical de Heineken Greenspace:

"Foi incrible. O recinto estaba cheo e a xente portouse xenial", sobre todo cando Aid tratou de explicar coa súa música o significado de xeito, comparándoo co flow americano e o trasgo andaluz.

Pois isso.
Sorte no caminho.
Com xeito!

Aqui, Aid, hip hop de Valadares

Umha entrevista aqui

Comentários (3) - Categoria: Geral - Publicado o 29-10-2008 15:04
# Ligazóm permanente a este artigo
Toponímia exótica da Galiza



Ti dis: Galicia é ben pequena. Eu dígoche: Galicia é un mundo? Pode ela ser pequena en extensión; en fondura, en entidade é tan grande como queiras?

Vicente Risco



Roma?, Porvenza? Babilónia? Egipto?

Talvez sejamos o país do mundo com mais topónimos por metro cadrado e deveriamos estar no livro Guiness dos recordes, no capítulo das línguas, -como nom-, ao lado do holandés que fala 37 idiomas ou da palavra mais longa do mundo que, por certo, é um topónimo neozelandés: ?Taumatawhakatangihangakoauotamateturipukakapikimaungahoro-
Nukupokaiwhenua kitanatahu?, e vém significar ?O cumio do outeiro onde Tamatea, o home com os geonlhos grandes, conhecido como o devorador de terra, baixou, subiu e enguliu as montanhas, mentres tocava a frauta para a sua namorada."

A toponímia da Galiza é umha caixa de sorpresas. Os nomes dos lugares nesta parte do planeta podem explicar a nossa história, desde a colonizaçom pre-indoeuropea á romana, desde a invasom árabe á dominaçom espanhola, desde a prehistória até manhá mesmo.

Com a história da nossa toponímia ?deturpada até extremos paroxísticos?Meijide, Oterino, La Coruña, Niño de La Guia, Tierra Llana- podemos botar umhas gargalhadas ou deprimir-nos, dependendo do dia. Mais umha cousa é segura: nunca deixará de nos sorprender.

Com a intençom lúdica própria do coleccionista de curiosidades lingüísticas, fomos reunindo umhas dúcias de topónimos do mais curioso. Som nomes de lugares de todo o planeta que aparecem espalhados polo país. Lugares, parróquias, aldeias que se chamam como capitais orientais ou metrópoles europeias, como países africanos ou cidades americanas. De lugar em lugar, nuns poucos dias poderiamos dar a volta ao mundo sem saír da Galiza!

Sobre a origem de muitos nomes estranhos de lugares, o toponomista Gonzalo Navaza explicou: ?Canto máis peregrina é a explicación dun topónimo máis se difunde éste, e todo nome en orixe tivo un significado transparente.?

Aqui estám pois os topónimos internacionais da Galiza. Egipto ou Babilónia, a umha carreirinha de cao!!

E a quem passe da nossa língua ou a desprece, umha vez mais diremos-lhes: só podes conhecer os caminhos do mundo que nacem na Galiza se compartes o caminho das palavras. A língua é o nosso lugar comum. Na Galiza o idioma une todos os caminhos. Nom fiques fóra. Nom te perdas.

Boa viagem!


Portugal, em Coristanco
Roma, em Bárbadas, Ourense.
Bretonha, em Barro e na Pastoriza.
Loira, em Valdovinho.
Lens, em Ames.
Franza, em Mugardos e o Francés e o Franco, em Compostela.
Cans, em Porrinho.
Sao Milao, em Cualedro.
A Loira, em Fene e Marim.
Toscanha, em Maside, Ourense.
Porvenza, na Póvoa do Brolhom.
Nantes, en Sanxenxo e em Meanho.
Germanha, em Nigram.

Bronx, popularmente, o bárrio da Picota, em Redondela, e barriada tamém de Vilagarcia.
Ohío, em Cangas
Bichita -de Wichita- em Vigo e Ourense.
Montana, em Vigo, na parróquia de Alcabre.
Florida, em Teo.
Bos Aires, em Salvaterra do Minho.
Os Anxeles, em Brióm e Sam Mamede.
A Cuba, em Mondonhedo.

Gotam, entre Abadim e Monforte.
Manchúria, entre Castrelos e Sárdoma, Vigo.
Japom, em Chapela, Vigo.
Corea, um bárrio de Baiona.
Nirvana, Oleiros.
Egipto, em Boiro.
Belém, em Cervo e em Compostela.
Xudán, na Pontenova.
Ceilám, na Serra de Outes e negreira e Seilám, em Muras.
A Babilónia, no lugar de Liáns, em Oleiros.
A Casabranca, em Cospeito e Láncara.
Xava, no Bolo.
Sióm, em Cotobade.
Em Carvalho está Troiam.

Segóvia, no concelho do Corgo.
Astureses, em Boborás.
Bascos, em Monforte. Os Basquinhos, em Compostela
Bizcaia, em Sober, Lugo.
O Catalám, em Fene.
Arám, em Vilalba.
Triana, em San Miguel de Reinante.
A Castelhana, Zaragoza, o Espanhol, em Sam Cibrao de Lás, e o Escorial no Valadouro.
Leganitos, em Muras.
Alpuxarras, em Tominho.
Valhadolid, entre Touro e Arzua.
Galegos, em Frades.
Valença, em Coristanco e em Vila-Martim.
Portugalete, na aldeia de Sobrevinhas, Carvalhedo e Muros.

E para acabar, Bárrio Sésamo, em Culheredo e O Quinto Pino, em Arteixo.


......



Se conheces algum topónimo exótico mais, nom dubides em aporta-lo.
Obrigado!


.......

Foto: Leandro
Comentários (26) - Categoria: Geral - Publicado o 28-10-2008 13:10
# Ligazóm permanente a este artigo
[1] ... [5] [6] [7] 8 [9] [10] [11] ... [21]
© by Abertal