Literalingua


Caderno de Lingua e Literatura Galega para as alumnas e alumnos de Bacharelato do IES Breamo
 SECCIÓNS
 FOTOBLOGOTECA
 RECOMENDADOS
 BUSCA NESTE BLOG

Libros electrónicos ou e-books
Que é un e-book?



Joaquín Rodríguez fala do presente e do futuro do libro:




Máis información na análise de Alejandro Feijóo Informe sobre el libro electrónico.

Fonte: Trafegando Ronseis

INFORMACIÓN RELACIONADA: Xerais edita os primeiros e-books galegos: Sete Palabras e Dime algo sucio



Comentarios (0) - Categoría: 001. O mundo editorial - Publicado o 30-06-2010 16:35
# Ligazón permanente a este artigo
From A to X, no antigo cárcere provincial da Coruña


A partir da novela de John Berger From A to X, na que unha muller escribe cartas ao seu home preso polas súas ideas, Isabel Coixet crea a instalación FROM I TO J, unha exposición-homenaxe ao escritor inglés que se puido ver en Barcelona e Madrid e agora podemos vivir con maior intensidade, como a propia Coixet destacaba na inauguración, no antigo cárcere da Coruña ata o 11 de xullo, pois aproveita o ambiente claustrofóbico da que foi prisión provincial da Coruña para recrear a soidade e a angustia do preso a quen van dirixidas as cartas que escoitamos ao entrar en cada unha das celas.

Isabel Coixet concedeulle un lugar de honra ás cartas manuscritas de despedida dalgúns dos presos represaliados durante a guerra civil, especialmente seleccionadas para a exposición na Coruña, proporcionándolle un realismo arrepiante a esta instalación, baseada como dixemos nun texto literario, pero que á súa vez quere recrear e recuperar a memoria de todas as persoas que se ven privadas da súa liberdade polas súas ideas e, nesta ocasión ademais, dos centos de inocentes que ateigaron o cárcere da Coruña con motivo do golpe de estado de Franco.


Fonte: Arquivos do Trasno


Comentarios (0) - Categoría: 050. Memoria histórica - Publicado o 20-06-2010 15:20
# Ligazón permanente a este artigo
Os libros arden mal

Comentarios (0) - Categoría: 050. Memoria histórica - Publicado o 20-06-2010 14:28
# Ligazón permanente a este artigo
Juana Capdevielle. Carmen Blanco
Juana Capdevielle

JUANA CAPDEVIELLE

En memoria da bibliotecaria republicana
e muller do Gobernador Civil d’ A Coruña,
Francisco Pérez Carballo asasinado en 1936,
paseada en Rábade polos fascistas
cando agardaba o nacemento do fillo de ambos.


I

O esplendor do futuro

En ti asasinaron o brillante presente e abortaron o esplendor do futuro, mais as fillas e os fillos nacidos da dignidade da túa vida e da túa morte guiaremos a existencia máis alá.

II

O amor é indestrutible

Juana, fuches o máis fermoso da miña vida. Onde estea e mentres poida pensar, pensarei en ti. Será como se estivésemos xuntos. Deixáchesme dito na noite do vinte e catro de xullo de 1936 antes de que te matasen. Paco, fuches o máis fermoso da miña vida. Onde estea e mentres poida pensar, pensarei en ti. Será como se estivésemos xuntos. Dígoche na noite do dezaoito de agosto de 1936 antes de que me maten. E penso: quitaranme a vida, mais non me quitarán o amor porque o amor é indestrutible.


Carmen Blanco

En Manuel Fernández Rodríguez (ed.), Poemas pola memoria (1936-2006), Xunta de Galicia, Santiago de Compostela, 2006, p. 73


Fonte: Las afinidades electivas


Comentarios (0) - Categoría: 050. Memoria histórica - Publicado o 20-06-2010 14:25
# Ligazón permanente a este artigo
García e Galán. Uxía Senlle (Spain in My Heart)


Do álbum Spain in My Heart - Songs of the Spanish Civil War.

García vaise á súa casa
e dille a súa muller
traeme o traxe de noivo
que eu o quería poñer.

Dime donde vas decía...
dime por deus onde vas.
Eu non cho podo dicir
pero voute abrazar.

Tráeme a nena que a bico
con unha augiña do mare.
A súa nai que alí estaba
no chan se desmaiou...

García que alí estaba
a súa nai levantou.
Non se aflixa miña nai
ai nin pense xa máis en min...

Mira que bonito estou
aínda que vou morrer
cando sintas os disparos
alancar cara as montañas

I é que din que mataron
a dous valientes de España
son os dous republicanos
non quixeron monarquía...

Xa marcharon os Borbones
e nunca máis volverán
levan a roupa manchada
co sangue de Galán,

fusilaron a Galán,
fusilaron a García
son os dous republicanos
non quixeron monarquía.


Versión de Uxía Senlle do Romance de Galán y García


Comentarios (0) - Categoría: 050. Memoria histórica - Publicado o 20-06-2010 14:14
# Ligazón permanente a este artigo
Los Marineros - Uxía Senlle (Spain in My Heart)


Comentarios (0) - Categoría: 050. Memoria histórica - Publicado o 20-06-2010 14:11
# Ligazón permanente a este artigo
Toda esa enerxía escura
AO OUTRO LADO DESTA FRÁXIL FRASE
SEI QUE RESPIRARÁS TI
CRIATURA DE MATERIA ESCURA
PENSADA COA MIÑA MATERIA GRIS
SAES A CAMIÑAR BAIXO AS LENTES DA GALAXIA.
COMO UNHA PRINCESA DE SOMBRAS CHINESCAS
NUNHA PELI DE LOTTE REINIGER
AO OUTRO LADO DA PALABRA FIN
EXPLOTA O TEU PRINCIPIO.
CAMIÑAS COMO UNHA PRINCESA
E SE XIRO O TEU UNIVERSO NEVA. E NEVA. E NEVA.
ES A POSIBILIDADE DE ESCOITARME.
ES A POSIBILIDADE QUE POBOAS.
ES A POSIBILIDADE DE NON SABERME.
ES A SILHOUETTE DUN TEATRO DE SOMBRAS.
ESTÁS A UN PASO DE SENTIRME
CONCENTRAS TODA ESA ENERXÍA ESCURA.
CRIATURA FUTURA. A SECRETA FORMA HUMANA

Estibaliz Espinosa

Toda esa enerxía escura. mp3 é a adaptación do poema de Estíbaliz Espinosa feita por Fanny + Alexander coa colaboración nas voces de Martiño de The Homens.



Fanny + Alexander fixeron unha peza para a banda sonora de Xogo de Nenos, a nova curtametraxe de Pachi Baranda. El en troques fíxolles este videoclip para "Toda esa enerxía escura" con imaxes do seu arquivo de Super 8.


Comentarios (0) - Categoría: 072. Poesía actual - Publicado o 20-06-2010 12:33
# Ligazón permanente a este artigo
A literatura galega na Feira do Libro Infantil e Xuvenil de Boloña
O último canto está na lista  deThe White Ravens 2010
Un total de 17 editoriais galegas levaron o mellor dos seus catálogos á edición 2010 da Feira Internacional do Libro Infantil e Xuvenil de Boloña: Kalandraka, Everest Galicia, Rodeira, Baía, OQO, A Nosa Terra, Edicións Xerais, Nova Galicia, El Patito Editorial, Sotelo Blanco, Tambre, Biblos Clube de Lectores, Obradoiro–Santillana, Galaxia, Primera Persona, Toxosoutos e Xerme.

Cun stand propio fornecido pola Dirección Xeral de Difusión e Promoción da Cultura, da Xunta de Galicia, amosaron as súas novidades editoriais e impulsaron a proxección da obra dos escritores e ilustradores galegos na que pasa por ser unha das citas de referencia que ao longo do ano se producen na escena editorial mundial.

Ademais, entre outros actos, presentouse tamén a 32 edición do Congreso da International Board on Books for Young People (IBBY), que entre o 8 e o 12 de setembro terá lugar en Santiago de Compostela.

Por outra banda, a Internationale Jugendbibliothek de Múnic presentou a súa exposición dos libros que en 2010 obtiveron a distinción The White Ravens, prestixiosa selección dos mellores libros infantís do mundo. Entre eles está O último canto. Unha obra de Pablo Albo e Miguel Ángel Díez e que, segundo a editora OQO, "enfronta dun xeito entrañábel e natural a morte, un concepto difícil de comprender para os nenos e de explicar para os adultos".


Máis información en Vieiros (25/03/2010)


Comentarios (0) - Categoría: 001. O mundo editorial - Publicado o 20-06-2010 11:32
# Ligazón permanente a este artigo
Poemas cataláns de Álvaro Cunqueiro


A ANOMENADA “CANTIGA CATALANA”

Paradis, Enlloc
l’aigua es flor
i l’ànima em roba
mon amor!

La mar es encara una noia nova
i per cims d’Enlloc seu cos s’enfonza
mon amic!

El veler es un roser florit
i el vent nou una fletxa d’or fi
mon amor!

Ocells refilen sota el cel d’Enlloc
que es un mon blau de suau remor
mon amic!

Aigües dels rius de la verde riba
veniu als arbres del Paradis! us crida
mon amor!

Enlloc, Paradis
ferit m’he vist
de flors el pit
mon amic !

a Tomás Garcés

“LA NIT ES BRUNA”

La nit es bruna
Tres estrelles son tres
i l’alosa es una

L’alosa es poncella
no se si fruita
no se si estrella

L’aire ha dit
que l’aigua i la rosa
l’han adormit

L’aigua ha cantat
que l’aire i l’alba
l’han despertat

Qui tingui amor
qui vinga aquí
donar la flor !

a Josep Carner

“LA CANÇÓ DEL ROSSINYOL DE LA MORT CRUEL”

DISCURSO


Sento els seus ulls parlar sota las llunas
Entremitg de las cérvolas feridas
sota las llunas sento els seus ulls parlar
sento els anelles d’or i el capdell de les ombres
sento ferres i soletats, llanças sonoras.
Sortint del cel ha mort la branca nova.
Aquesta es la cançó del rossinyol de la mort cruel


Fonte: Alofonía catalá de Cunqueiro (2+1 poemas), Amauta Castro, 2007


Comentarios (2) - Categoría: 044. As vangardas en Galicia. Cunqueiro - Publicado o 20-06-2010 11:32
# Ligazón permanente a este artigo
Escritores traducidos ao galego por Rinoceronte Editora

Neste mapa podemos situar os lugares de procedencia dalgúns dos escritores que foron traducidos ao galego pola editorial Rinoceronte.

Rinoceronte Editora creouse en Cangas do Morrazo en 2005 coa idea de traducir ao galego literatura estranxeira, fundamentalmente recente, atendendo en especial a ámbitos culturais e lingüísticos dende os que nunca se importara nada á nosa lingua. Dese xeito, foron os primeiros en traducir dende o finlandés, o húngaro, o xaponés, o islandés ou o hebreo. En ocasións libros que non están editados en ningunha outra lingua románica.

Recentemente abriron un novo vieiro cunha colección denominada Inversa, na que traducen a outras linguas obras escritas orixinariamente en galego.

Catálogo de Rinoceronte Editora


Comentarios (0) - Categoría: 001. O mundo editorial - Publicado o 04-06-2010 16:11
# Ligazón permanente a este artigo
© by Abertal