Literalingua


Caderno de Lingua e Literatura Galega para as alumnas e alumnos de Bacharelato do IES Breamo
 SECCIÓNS
 FOTOBLOGOTECA
 RECOMENDADOS
 BUSCA NESTE BLOG

Quíxente tanto, meniña


Aquí podemos escoitar a Sabela cantando a Rosalía de Castro con aire de tango no concurso de RTVE Operación Triunfo, na gala 12 de 2018.

"Negro caravel" é a versión musicada por Cristina Pato e Rosa Cedrón do poema de Rosalía "Quíxente tanto, meniña", pertencente ao seu poemario Cantares Gallegos.


Fonte do vídeo: Canle de YouTube do Operación Triunfo Oficial
Comentarios (0) - Categoría: 031. Rosalía de Castro - Publicado o 25-02-2019 23:46
# Ligazón permanente a este artigo
O último barco. Domingo Villar

A filla do doutor Andrade vive nunha casa pintada de azul, nun lugar onde as praias de ondas mansas contrastan co balbordo da outra beira. Alí, as mariscadoras traballan na area, os mariñeiros guindan os aparellos á auga e os que van traballar á cidade agardan no peirao a chegada do barco que cruza cada media hora a ría de Vigo. Unha mañá de outono, mentres a costa galega se recupera dos estragos dun temporal, o inspector Caldas recibe a visita dun home alarmado pola ausencia da súa filla, que non se presentou a unha comida familiar na fin de semana nin acudiu o luns a impartir a súa clase de cerámica na Escola de Artes e Oficios.

E aínda que nada pareza ter alterado a casa nin a vida de Mónica Andrade, Leo Caldas axiña comprobará que, na vida coma no mar, a máis apracible das superficies pode agochar un fondo escuro de devastadoras correntes.

 

Domingo Villar (Vigo, 1971) regresa cunha novela negra ambientada na ría de Vigo, unha moi agardada nova entrega da serie que inaugurou en 2006 da man de Galaxia con Ollos de auga e que está protagonizada polo inesquecible inspector Leo Caldas. Dende o segundo volume desta saga, A praia dos afogados, publicada en 2009, van case dez anos nos que Villar foi alimentando un fiel lectorado que se conta por milleiros. Mais tamén houbo tempo nesta década para ver a súa obra traducida a máis de 15 idiomas, adaptada ao cine (2015) e recibindo recoñecemento internacional no Reino Unido (finalista dos Crime Thriller Awards e do Dagger International), Francia (Premio Le Point du Polar Européen) ou Suecia, onde recibiu o premio da Academia Sueca de Novela Negra.

O último barco chegará ás librarías o 6 de marzo.


 

Fonte: Editorial Galaxia
Comentarios (0) - Categoría: 073. Novelas actuais - Publicado o 25-02-2019 23:28
# Ligazón permanente a este artigo
O bestiario científico de Anxos Nogueirosa. Antonio M. Fraga


1933. Aos seus trece anos, Suso é obrigado a pasar o verán nas colonias do Sanatorio Marítimo de Oza por mor da súa mala saúde, no traxecto en tren cara ao seu destino estival, chega ás súas mans un caderno cun misterioso títula na cuberta: Liber Bestiarium Scientificus. Cando Suso decide mergullarse nas súas páxinas, lonxe está de saber que ese intre marcará un verán cheo de aventuras na compañía de Tila, unha rapaza das colonias coa que acabará forxando unha bonita amizade

A novela de Antonio M. Fraga, que recibiu o I PREMIO MARÍA VICTORIA MORENO DE LITERATURA XUVENIL, acaba de ser publicada con ilustracións de Víctor Rivas por Urco Editora.


Fonte: Urco Editora
Comentarios (0) - Categoría: 073. Novelas actuais - Publicado o 25-02-2019 23:25
# Ligazón permanente a este artigo
O pintor do sombreiro de malvas



Booktrailer do libro «O pintor do sombreiro de malvas» de Marcos Calveiro.
A peza audiovisual foi deseñada e montada por David Rodríguez.
Ilustracións: Ramón Trigo




Booktrailer realizado por David Prol Gómez cando cursaba 4º de ESO.





Booktrailer de Andrea Cid López cando estudaba 4º de ESO no IES San Mamede
Comentarios (0) - Categoría: 073. Novelas actuais - Publicado o 10-04-2018 21:23
# Ligazón permanente a este artigo
Pergamiño Vindel

O Pergamiño Vindel conservado no Morgan Library Museum



Centenario do Pergamiño Vindel artigo de Manuel Bragado en Faro de Vigo (21-01-2014)

El Pergamino Vindel regresa a casa 40 años después Faro de Vigo (20-05-2016)

Pero, que é o pergamiño Vindel? artigo de Xesús Alonso Montero para La Voz de Galicia (10-10-2017) Por que é tan importante este manuscrito? Eis algunhas respostas:



Comentarios (0) - Categoría: 011. Cantigas profanas musicadas - Publicado o 02-02-2018 00:20
# Ligazón permanente a este artigo
Ledicia Costas explica como naceu Escarlatina, a cociñeira defunta


Nas X Xornadas dos Clubs de lectura, celebradas en Compostela o pasado 17 de xuño, Ledicia Costas cóntalles ás alumnas e alumnos do IES Breamo como se lle ocorreu escribir Escarlatina, a cociñeira defunta.






Comentarios (0) - Categoría: 074. Novelistas actuais - Publicado o 08-10-2017 19:32
# Ligazón permanente a este artigo
Encetamos un novo libro?


Iniciamos un novo curso e abrimos a porta a moitas e novas experiencias. Entre elas, todos os libros por ler que nos agardan dentro e fóra das bibliotecas.
Comentarios (0) - Categoría: 002. Animación á lectura - Publicado o 08-10-2017 19:28
# Ligazón permanente a este artigo
A pota que trota
Curtametraxe de animación dirixida por Juan José Medina, baseada no libro do mesmo título de Patacrúa e Kristina Andres publicado por OQO editora.

Pódese ver aquí.
Comentarios (0) - Categoría: 081. Curtametraxes - Publicado o 11-10-2016 15:31
# Ligazón permanente a este artigo
Os sete cabritiños
Curta de animación dirixida por Ismael Mon, que adapta a obra homónima de Tareixa Alonso e Teresa Lima publicada por OQO editora.

Pódese ver aquí.
Comentarios (0) - Categoría: 081. Curtametraxes - Publicado o 11-10-2016 15:26
# Ligazón permanente a este artigo
En Rois teñen un plan B estupendo
En Rois temos un plan B é un traballo do CPI dos Dices editado por Luís Aldegunde en 2011.






Comentarios (0) - Categoría: 002. Animación á lectura - Publicado o 21-05-2016 23:00
# Ligazón permanente a este artigo
© by Abertal