|
|
|
|
| O Firefox 3 xa ten versión en galego |
|
Xa se pode descargar directamente a versión en galego do navegador dende a páxina web de Mozilla.
Está versión está, de momento, en fase Beta
Fonte: CTNL
|
|
|
|
|
| GLosario de termos xurídicos dubidosos |
|
O Servizo de asesoramento lingüístico do Colexio de Avogados de Santiago acaba de publicar en edición dixital un Glosario de termos xurídicos dubidosos.
O autor é Martín Ramos Ínsua e está revisado polo Termigal
Glosario de termos xurídicos dubidosos
Servizo de asesoramento lingüístico do Colexio de Avogados de Santiago
Fonte:
Servizo de asesoramento lingüístico do Colexio de Avogados de Santiago
Centro de Documentación Sociolingüística de Galicia |
|
|
|
|
| Curso de aproveitamento de ferramentas multimedia para o traballo en normalización lingüística |
|
A CTNL convoca un novo curso de formación dirixido a traballadores/as de normalización lingüística. O curso estará centrado no aproveitamento práctico das principais ferramentas multimedia e terá lugar os días 18, 24 e 25 de outubro na Facultade de Filoloxía de Santiago de Compostela.
O prazo de preinscrición está aberto até o 9 de outubro.
O obxectivo principal do curso é que as persoas participantes coñezan as vantaxes e aprendan a manexar algunhas ferramentas multimedia básicas que poden ser aproveitadas para o traballo en normalización lingüística, como blogs; podcast; publicación de textos, fotos, animacións, vídeos e son na rede; traballo colaborativo en internet; manexo e aproveitamento de redes sociais; etc.
O curso será impartido por Luciano Fernández Martínez, terá unha duración total de 24 horas e desenvolverase na Facultade de Filoloxía da Universidade de Santiago de Compostela durante o sábado 18 de outubro todo o día, o venres 24 pola tarde e o sábado 25 todo o día.
Este curso conta coa coorganización do Departamento de Filoloxía Galega da USC e coa colaboración da Secretaría Xeral de Política Lingüística.
O prazo de preinscrición estará aberto até o 9 de outubro, e debe facerse a través do formulario que acompaña á información completa do curso
+ info: CTNL |
|
|
|
|
| Concurso de podcasts |
|
A Asociación Socio-Pedagóxica Galega, coa colaboración da Secretaría Xeral de Política Lingüística, convoca o Segundo Concurso de Podcasts co obxecto de fomentar a lingua oral e a creatividade mediante o uso das TIC, todo explorando o podcast como novo recurso artístico e pedagóxico.
Pretendemos así mesmo que calquera persoa incorpore de maneira sinxela en Internet poemas, contos, lendas ou comentarios realizados coa súa propia voz, recuperando a tradición oral como modo de transmitir cultura.
Fonte:
ASPG
CTNL |
|
|
|
|
| O teu móbil en galego |
|
Promover o uso do galego no ámbito das novas tecnoloxías e, máis concretamente, na telefonía móbil constitúe o obxectivo fundamental do proxecto O teu móbil en galego, que a Secretaría Xeral de Política Lingüística acaba de por en marcha en colaboración con INEO, o clúster de referencia en Galicia para o sector das tecnoloxías da información e da comunicación.
Por unha banda, asináronse convenios de colaboración cos principais fabricantes e operadores de telefonía móbil.
Paralelamente, presentouse a web www.oteumobielengalego.com, que pretende converterse na páxina de referencia para calquera busca vinculada aos teléfonos móbiles e ao galego. Ademais, déronse a coñecer outras accións divulgativas incluídas nesta mesma campaña.
Os convenios de colaboración impulsados por Política Lingüística foron asinados por cinco compañías operadoras –Orange, R, Telefónica Móviles, Vodafone e Yoigo– e cinco empresas fabricantes –Alcatel, Motorola, Nokia, Samsung e Sony Ericsson–. Este acordo fará posible a implantación progresiva do galego como opción idiomática nos menús e noutras aplicacións dos terminais móbiles que se comercialicen en Galicia, así como nos manuais de usuario e nas guías rápidas en soporte electrónico que se poidan descargar desde a web.
Substitución de terminais
As empresas operadoras comprométense, a través deste convenio, a facilitar que calquera comunicación oral ou escrita cos seus clientes se poida realizar en galego e a promover campañas para que os seus usuarios coñezan a existencia de terminais na lingua propia de Galicia. Tamén ofrecerán aos seus clientes a posibilidade de adquirir móbiles coa opción de galego, así como a de renovar ou substituír os terminais que non teñan a opción de galego por outros que si a teñan.
Pola súa parte, Política Lingüística facilitaralles asesoramento técnico ás empresas asinantes do convenio en materia de cuestións lingüísticas e terminolóxicas, e proporcionaralle apoio institucional a calquera iniciativa das compañías que teña como finalidade a promoción da lingua e da cultura galegas.
Fonte: SXPL
O teu mobil en galego.com
SXPL
|
|
|
|
|
| Inscrición nas probas dos CELGA |
|
Prazo de inscrición: Até o día 19 de setembro de 2008
Lugares: As probas en Galiza terán lugar en Santiago de Compostela, A Coruña, Lugo, Ourense e Vigo e fóra de Galiza nas universidades con centros de estudos de galego.
Datas das probas:
Celga 4: 15-16 de novembro
Celga 3: 22 de novembro
Celga 2: 29 de novembro
Celga 1: 13 de decembro
Taxas de exame: 15,30€
Documentación que hai que achegar coa solicitude:
-Copia do DNI
-Folla de pagamento de taxas
Máis información:
Gabinete de Normalización Lingüística
Concello de Vimianzo
Praza do Concello, 6
15129 Vimianzo
normalizacion(a)vimianzo.es
981 716 001
Secetaría Xeral de Política Lingüística |
|
|
|
|
| Curso de monitor de tempo libre |
|
O Servizo de Cultura e Deportes do Concello de Vimianzo organizará o vindeiro mes de setembro un curso de monitor de tempo libre.
As aulas desenvolveranse no Edificio de Usos Múltiples da Torre do 8 ao 12 e do 15 ao 19 de setembro en horarios de mañá e tarde.
O custo do curso é de 300€. Este importe reducirase a 240€ para o alumnado empadroado no Concello de Vimianzo e que faga as prácticas no Servizo de Cultura e Deportes.
As persoas interesadas poderán anotarse ata o día 5 de setembro.
|
|
|
|
|
|
|
|
