Lectores Galegos en Bos Aires



Perfil
lectoresenbosaires@gmail.com
 O que lemos
 Buscador
 Blogomillo
 Esas lecturas pasadas
 Anteriores
 Destacados

Cronograma de encontros para este ano
O Ciclo de Literatura Galega que se desenvolve no Café Tortoni da cidade de Bos Aires percorrerá nesta nova edición os clásicos da literatura galega. Coa intención de que o regreso a estas obras imprescindibles permita alumear as lecturas máis recentes, os lectores bonaerenses analizarán a Rosalía, Curros Enríquez, Pondal, Castelao, Luis Seoane, Celso Emilio Ferreiro, Cunqueiro e Blanco Amor, entre outros.


28 de marzo, 16:00 hs
Lírica galego portuguesa: cantigas de amor, de amigo, de escarnio e maldicer.

25 de abril, 16:00 hs
A Ilustración galega: Benito Feijoó e Martín Sarmiento.

23 de maio, 15:00 hs
O Rexurdimento I: Rosalía de Castro a cargo da Lic. Mariela Sánchez. Manuel Curros Enríquez.

27 de xuño, 15:00 hs
O Rexurdimento II: Manuel Curros Enríquez e Eduardo Pondal.

29 de agosto, 16:00 hs
A vangarda galega: poemas e textos programáticos de Manoel Antonio.

26 de setembro, 15:00 hs
O pensamento político no exilio: Sempre en Galiza de Alfonso Rodríguez Castelao.

17 de outubro, 16:00 hs
Poesía galega de posguerra: Luis Seoane, Luis Pimentel, Uxío Novoneyra, Celso Emilio Ferreiro.

14 de novembro, 16:00 hs
Universo mítico e tradición europea: Merlín e familia de Álvaro Cunqueiro.

12 de decembro, 15:00 hs
Realismo histórico e crítica social: A esmorga de Eduardo Blanco Amor. E presentación do Ciclo 2010


Estades convidados!!
Palabras engadidas (0) - Categoría: Xeral - Publicado o 27-02-2009 14:37
# Ligazón permanente a este artigo
Unha volta aos clásicos para entender o presente
O Ciclo de Literatura Galega que se desenvolve no Café Tortoni da cidade de Bos Aires percorrerá nesta nova edición os clásicos da literatura galega. Coa intención de que o regreso a estas obras imprescindibles permita alumear as lecturas máis recentes, os lectores bonaerenses analizarán a Rosalía, Curros Enríquez, Pondal, Castelao, Luis Seoane, Celso Emilio Ferreiro, Cunqueiro e Blanco Amor, entre outros.


O terceiro programa do Ciclo de Literatura Galega que se desenvolve dende 2007 no Café Tortoni de Bos Aires percorrerá ao longo deste ano 2009 os clásicos da literatura galega. Rosalía, Curros Enríquez, Pondal, Castelao, Luis Seoane, Celso Emilio Ferreiro, Cunqueiro e Blanco Amor, entre outros, volverán ser lidos e analizados nesta cidade austral.

?Se ben o traballo cos clásicos da cultura galega xa foi feito en Bos Aires, cremos que ?despóis de dous ciclos centrados na analise de textos dos últimos vinte anos- unha relectura do corpus tradicional da cultura galega permitiría alumear certas zonas que a narrativa e a poesía galegas contemporáneas seguen a reelaborar?, explica a licenciada en Letras Andrea Cobas Carral, coordinadora do ciclo.

Deste xeito, na primeira metade do ano os case corenta lectores mergullarán na Lírica galego portuguesa; nos artigos de Benito Feijoó e Martín Sarmiento para dar conta da Ilustración galega; e nos protagonistas do Rexurdimento: Rosalía de Castro, Manuel Curros Enríquez e Eduardo Pondal.

Este ano, a análise da obra de Rosalía quedará nas mans da licenciada en Letras Mariela Sánchez, participante do ciclo e doutoranda en Letras na Universidade Nacional de La Plata cun proxecto titulado: ?Transmisión oral na narrativa española contemporánea. Un recurso para a construcción da memoria da Guerra Civil?. A especialista participa como investigadora auxiliar no proxecto ?Memoria histórica e representación do pasado recente na narrativa española contemporánea? e como profesional de apoio do proxecto internacional de investigación e recuperación de testemuños documentais ?O exilio republicano español na Arxentina?, do Ministerio de Cultura de España.

Para a segunda metade do ano, queda a análise da vangarda galega cos poemas e textos de Manoel Antonio, e a lectura de Sempre en Galiza, de Alfonso Rodríguez Castelao para dar conta do pensamento político no exilio. Para descubrir a Poesía galega de posguerra, as coordinadoras propoñen a Luis Seoane, Luis Pimentel, Uxío Novoneyra e Celso Emilio Ferreiro e non pode faltar Merlín e familia, de Álvaro Cunqueiro para achegarse ao Universo mítico e a tradición europea.

O ciclo pechará cunha novela de especial relevancia para os lectores do Café Tortoni: A esmorga, escrita nesta cidade por Eduardo Blanco Amor, ofrecerá a oportunidade para reflexionar sobre realismo histórico e crítica social.

?O percorrido propón unha abordaxe articulada e histórica dos textos centrais que forman o canon literario e cultural de Galicia?, conclúe a licenciada Cobas Carral que coordina o ciclo coa xornalista e profesora na UBA Débora Campos.

Palabras engadidas (0) - Categoría: Xeral - Publicado o 24-02-2009 20:58
# Ligazón permanente a este artigo
Ano novo, lecturas novas
Palabras engadidas (1) - Categoría: Xeral - Publicado o 01-01-2009 15:55
# Ligazón permanente a este artigo
Humor e crítica social
Na torre da illa de Toralla, en plena ría de Vigo, aparece o cadáver dun saxofonista. O asasinato, dunha crueldade e sangue frío inusitados, vai ser investigado por Leo Caldas, inspector de policía que intervén nun consultorio radiofónico.O caso desenvolverase entre o ambiente cálido e nocturno dos clubs de jazz e a atmosfera tensa e afectada da alta burguesía viguesa.Novela policial salferida de humor e con grandes doses de suspense, Ollos de auga sitúa ao seu autor -Domingo Villar- na liña de escritores que, coma Andrea Camilleri e Henning Mankell, renovan o xénero negro desde Europa.


Editorial Galaxia publicou hai dous anos "Ollos de auga", novela coa que Domingo Villar inicia a súa andaina na narrativa policial en galego. Protagonizada polo inspector Caldas, un personaxe co que axiña se han familiarizar lectores e lectoras, esta obra salienta por combinar suspense, personaxes orixinais, ambiente urbano e humor nas doses precisas que esixe o xénero negro.
Un novo autor para a literatura galega e unha novela na que lectura e diversión son sinónimos. Na torre da illa de Toralla, en plena ría de Vigo, aparece o cadáver dun saxofonista. O asasinato, dunha crueldade e sangue frío inusitados, vai ser investigado por Leo Caldas, inspector de policía que busca o seu lugar no mundo e que, ademais do seu traballo na comisaría, intervén nun consultorio radiofónico ao que os cidadáns se achegan coas queixas máis diversas. O séu axudante, Rafael Estévez, é un aragonés destinado na cidade, un elemento estraño en terra hostil cun carácter demasiado impetuoso para os seus novos veciños. O caso desenvolverase entre o ambiente cálido e nocturno dos clubs de jazz e a atmosfera tensa e afectada da alta burguesía viguesa.
Novela policial salferida de humor e con grandes doses de suspense, "Ollos de auga" sitúa o seu autor na liña de escritores que, coma Andrea Camilleri e Henning Mankell, renovan o xénero negro desde Europa cunha obra na que o interese da narración se ve acrecentado por unha visión crítica da sociedade. Na obra de Domingo Villar conviven certa melancolía coa ledicia da música e o viño branco. Unha historia de misterio zarrapicada de ironía, unha intriga retranqueira, unha novela negra en cores.
[Presentación editorial]



Ficha do libro
Titulo: Ollos de auga
Autor: Domingo Villar
Ano de Publicación: 2006
Editorial: Galaxia
ISBN: 978-84-8288-927-6



O autor
Domingo Villar (Vigo, 1971) vive en Madrid, onde traballou como guionista de cine e de televisión. É crítico gastronómico nunha emisora de radio e colaborador habitual en diversos medios de comunicación escritos. Ollos de auga, que transcorre na cidade de Vigo, onde o autor pasou a súa infancia e mocidade, é a súa primeira novela. El mesmo se encargou da versión en castelán, publicada por Ediciones Siruela, e proximamente sairá en italiano a cargo de Feltrinelli Editore.



Para leer máis

Comentario sobre a novela por Uxía Casal

Sobre a novela no portal do Consello da Cultura

Entrevista co autor no xornal 20minutos

Entrevista co autor no xornal Faro de Vigo

Outra entrevista con Domingo Villar

Premio Martín Sarmiento para 'Ollos de auga' en ANT

Ultima entrevista, desta vez en Vieiros
Palabras engadidas (2) - Categoría: Novelas - Publicado o 11-12-2008 14:26
# Ligazón permanente a este artigo
[1] ... [5] [6] [7] 8 [9] [10] [11] ... [21]
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0