Arredor de Lámbrica


❤️ San Ziprián DAS Las
Imaxe obtida en PARES, Portal de Archivos Españoles



Ben coñecida a terxiversación dos nosos topónimos co ánimo de encubrir que existe un idioma propio, que lle dá sentido á nosa existencia e que é concordante coa nosa forma de ser, propoño aquí documentación pra que administracións e empresas de sinalización entendan que non existe "San Cibrán de Lás", nin, moito menos, "San Ciprián de Lás", que sempre aparecen en todos os indicadores.

O santo, en Ourense non é nin "Cipriano" nin "Cibrán". En Ourense é SAN CIBRAO.

En canto á preposición de, pouca xente sabe que antigamente se denominaba As Las. Polo tanto, á hora de complementar o nome do patrón parroquial, temos que poñer unha preposición e un artigo, DAS (de + as). Na documentación do Catastro da Ensenada, no século XVIII, pon claramente San Ziprián DAS Las.

Entendo que o de "Ziprián" necesite actualización, pero o DAS Las penso que debería conservarse.

Aínda existen outras testemuñas moito máis antigas: En febreiro de 1401 está datado un documento dun foro no que os frades de San Clodio do Ribeiro do Avia "(...) damos et outorgamos a foro a vos Iohan Fernandes, morador en Louçia, frigisia de san Çibrao das Lââs, por en tenpo da vosa vida et de Aldonça Peres, vosa muller (...) o noso casar de Tras lo Río, que he en na frigisia de santa Ougea d'Eyras (...)".

En 1419 temos outra testemuña do topónimo das Las noutro documento de San Clodio. Nel "(...) o abade de Sant Cloyo e o prior e o convento aforaron a Rodrigo Ares, morador en na freygisia de Sant Çibrao das Laas, e a sua muller Aldonça Yanes (...) a quarta parte entregamente do casar de Pineyro, que jaz en na dita freygisia (...)".

CUEVILLAS en todos os seus artigos sobre o castro fala da Citania de San Cibrao DAS Las.










Web Castro de San Cibrao das Las
Ver artigo: San Cibrao das Las e as laxas
Artigo publicado o 15-09-2019 18:45
# Ligazón permanente a este artigo
Máis sobre os petroglifos da Ermida e a posible orixe da ara de Eiras
Petroglifos da Ermida en EirasQue teñen en común a citania de Lámbrica (mal chamada "lansbrica"), a ara de Bandua de Eiras e os petroglifos da Ermida?

Cando xa se cumpriron dez anos dende a creación deste blogue, seguimos a darlle voltas aos gravados da Ermida, mentres as administracións culturais permiten a medra dos toxos, das xestas, dos piñeiros e do esquecemento enriba dos petroglifos.



Na Ermida, ademais da propia representación de petroglifos, atopamos unha mámoa e un cruceiro. O topónimo parece obedecer a presenza dunha antiga ermida ou capela, confirmada por un documento conservado no Arquivo do Reino de Galicia, un preito do Comendador de Pazos de Arenteiro e don Xacinto Vázquez de Toubes con dona Sabela Vázquez de Toubes sobre reivindicación do lugar e granxa de AS MÚAS, anexa á ERMIDA de SAN COSME E SAN DAMIÁN na feligresía de Santa Uxía de Eiras, xurisdición de Roucos, en 1695.

Estará na Ermida a orixe da ara de Bandua de Eiras?

As Múas, O Couto e A Ermida son topónimos que se empregan indistintamente para nomear aquelas paraxes. A sacralidade do lugar estaría asegurada pola presenza desa antiga ermida, xa desaparecida, pero que deixou o seu recordo no microtopónimo. A ermida e o cruceiro serían a cristianización de máis que posibles vellos cultos que podemos intuír pola presenza da mámoa e dos petroglifos.

As Múas (tamén coñecidas por O Couto ou A Ermida) eran parte do Coto de Pazo, xurisdición propia da parroquia de Santa Uxía de Eiras. Se a ara de Bandua estivese nesa ermida desaparecida, parece natural que algún dos señores do pazo de Eiras a levase para o seu xardín no século XVIII. A bancada de pedra que arrodeaba a ara no xardín do pazo parece ser labrada nesa época, á medida da mesa que puxeron enriba da propia ara. Así foi como chegou ata o século XXI.

O interese dos habitantes de Lámbrica e da súa contorna polas Múas pode xustificarse pola presenza de vetas estanníferas (casiterita) e posiblemente de ouro.

Este interese ben podería intuírse no panel dos petroglifos, pois a superposición do esquema enriba dun mapa da contorna móstranos curiosas coincidencias.

O panel dos petroglifos parece sinalar fitos territoriais conxugados con eventos astronómicos relacionados cos solsticios.


Ler máis sobre os petroglifos da Ermida en Unha proposta de interpretación




A REPRESENTACIÓN TERRITORIAL NOS PETROGLIFOS DA ERMIDA


Pedra atopada na Fareixa, no interior do muro dun muíño derrubado.




A peneda da Ermida en Eiras
Os petroglifos de Eiras
Fotogalería
Artigo publicado o 29-08-2019 21:17
# Ligazón permanente a este artigo
Web Castro de San Cibrao das Las

San Cibrao das Las-Ourantes es un antiguo castro, ciudad fortificada o citania,
que se conoce por el nombre de A Cidade, cuyo origen se pierde en la noche de los tiempos. Un poblado fortificado de la Edad del Hierro, del que se cree que albergó a unos dos mil habitantes entre sus murallas. Sucumbirá a la dominación romana tras el siglo II antes de Cristo, aunque continúa con actividad algunos siglos más.

Sus alrededores están plagados de restos arqueológicos (Edad del Bronce, Edad del Hierro, romanización...) a los que no se le otorga la importancia merecida. Pero... ninguna ciudad puede crecer y sobrevivir sin un territorio.

Es posible que en la Antigüedad fuese conocida como Lámbrica, ya que este topónimo aparece en la inscripción de un altar romano encontrado a algo más de un kilómetro de A Cidade.

Ver Web Castro de San Cibrao das Las






(Imagen IGN, obtenida de Galipedia)






Arredor de Lámbrica
Artigo publicado o 04-07-2019 16:13
# Ligazón permanente a este artigo

  💫 Escolma de ligazóns ⭐
  💫 Artigos do blogue 📖
  💫 Buscar nos artigos 🔎

©️ Felisindo Glez. Iglesias. 2009-2021 💫
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0