Arredor de Lámbrica


Cartos para nada
Porta leste do recinto central de Lámbrica
La Xunta retrasa a 2013 el centro castrexo de San Cibrán (La Región, 23-08-2012)

O castro de San Cibrán das Las e de Ourantes, Lámbrica, fica esquecido cara o público en xeral. Máis esquecidos fican, aínda, os propios achádegos, de importancia universal pero que dormen en lugares incógnitos, e as publicacións sobre os mesmos, que se realizan moitas das veces fóra incluso de Galiza.

Chuvias de millóns de euros caeron dende hai moitos anos sobre a citánia das Las, esvaecéndose polas surreiras e canles que levan ós territorios latifundistas semprevivos -deste, daquel ou daqueloutro partido- alleos ás realidades do seu pobo. Inútiles cantidades de cartos dos que pouco proveito sacaron, e sacarán, a comunidade, as parroquias, os concellos lindantes, as comarcas e a provincia que alberga bens arqueolóxicos tan impresionantes como o da citania de Lámbrica e os seus castrelos adxacentes.
Inxentes cantidades que ben puideran servir para levantar a malpocada economía desta terra esmorecente, que segue a producir políticos encargados de repartir os poucos beneficios que a comunidade traballadora arranca a diario das súas tarefas cotiás.

Xa vai sendo hora na que os de Las, os de Ourantes, os de San Amaro, os de Punxín e os da cabeceira da comarca, O Carballiño, tomen nota da importancia e valoren os seus propios recursos arqueolóxicos, sen esperar a que o amigo da Xunta reparta euros que se perderán irremediablemente nas cloacas do amighismo e non producirán coñecemento. Para que os cidadáns valoren e respecten o patrimonio, primeiro hai que informalos e implicalos na conservación dese patrimonio. Lámbrica e os seus territorios son, arqueolóxica e culturalmente falando, importantísimos, pero poden subsistir sen tanto dispendio. É máis, ese enorme dispendio non garante nin a súa conservación nin a súa adecuada valoración pola poboación.

Ver artigo O castro de As Las listo para ser visitado en enero ou A lenda da Moura de Lámbrica (2010).



Ver artigo: O Castro de San Cibrao das Las e Ourantes (Lámbrica) aínda non é BIC
Ver categoría: A hemeroteca de Lámbrica (San Amaro e Punxín)
Ver un atentado contra o patrimonio: o portalón da reitoral de San Cibrao das Las (San Amaro)
Artigo publicado o 27-08-2012 17:09
# Ligazón permanente a este artigo
Arredor da citania ourensá de San Cibrao das Las e Ourantes, do monte do Santrocado e do Castelo de Laias: deuses, mámoas, petroglifos, castros, xentes...

 Artigos destacados
 Outros artigos, blogues ou webs
 Procurar en Lámbrica

© by Abertal