Partindo dunha base fotográfica obtida do Google Earth quero ilustrar sobre o cambio de fisionomía da entrada ao adro e á reitoral de San Cibrao das Las, en San Amaro (Ourense), tralas obras acometidas polo patriciado gobernante na feligresía, moi ben relacionado cos poderes civil e relixioso.

Na composición falta disimular o "acementado" e reconstruír a desaparecida escalinata semicircular do século XVIII que daba acceso ao adro, agora unha rampa, tamén de cemento.

Esta grande obra nunha contorna protexída fíxose, sen os permisos necesarios, en xaneiro de 2001. As pedras orixinais desapareceron... no aire.

---

Fotografía obtida do Google Earth (2018)

---

Composición coa fotografía anterior e a superposición da portada orixinal, derrubada en 2001.

---

Ver O portalón de San Cibrao das Las, un atentado contra o patrimonio