No horizonte Suroeste de Santa Mariña podemos observar, a menos de seis quilómetros en liña recta, o coto do Santrocado e a parte superior da chaira onde está a Cidade de Lámbrica. Non é o único caso que atopamos na comarca dun castro con comunicación visual directa con Lámbrica e a poucas horas de distancia dela.

A magnitude de Lámbrica en relación con todos estes xacementos circundantes fai pensar nunha primacía ou capitalidade exercida por aquela no seu contorno. Os recursos económicos obtidos nese territorio darían lugar a unha especialización de funcións e á aparición de vida urbana entre San Cibrao das Las e Ourantes, o actual castro de San Cibrao das Las e que eu prefiro chamar de Lámbrica (non Lansbriga).