Arredor de Lámbrica


Os petroglifos de Eiras e a contorna de Lámbrica
Mapa do contorno das Las, sobre o que se superpuxo un esquema dos petroglifos da Ermida (Eiras).
Ver artigo posterior

Na ilustración que se adxunta superpúxose un esquema orientado dos petroglifos da Ermida enriba dun mapa da contorna, facendo coincidir o petroglifo máis grande (A) co Castro de Lámbrica e outro dos petroglifos co lugar da Ermida (D).

Elo fíxose porque a liña D-A do panel dos petroglifos ten a mesma orientación que a liña que une o lugar dos petroglifos da Ermida co outeiro onde está o Castro de As Las. É curioso que ese outeiro de As Las non é visible dende o lugar da Ermida, polo que o petroglifo puido ter utilidade como sinalador dun lugar importante.

No mapa podemos ver que as figuras B e C coinciden con lugares húmidos, onde nacen regueiros. No caso B sería o nacemento dun dos regueiros da Lavandeira e no caso C sería o do regueiro da Reguenga.

A figura E coincide co na nacemento dun regato que baixa pola vertente Leste do monte do Santrocado.

O paralelismo do panel dos petroglifos con estes lugares singulares do contorno que acabamos de ver fainos pensar que na Ermida estaría trazado un mapa dos arredores, tal e como sería visto dende o alto do outeiro do actual castro de San Cibrao das Las, Lámbrica.

Semella, de ser así, que o outeiro de Lámbrica xa exercía algunha supremacía sobre o contorno, cando menos, na Idade do Bronce, arredor do II milenio antes de Xesucristo, bastantes centos de anos antes do período castrexo.

Ademais, no castro de San Cibrao das Las hai unha mámoa.

Ver artigo O mapa dos petroglifos da Ermida e Lámbrica
Ver o monte do Santrocado na Galipedia
Ver fotografía dos petroglifos da Ermida (Eiras, San Amaro)
Artigo publicado o 24-08-2009 21:21
# Ligazón permanente a este artigo
Chuza! Meneame
Arredor da citania ourensá de San Cibrao das Las e Ourantes e do monte sacro do Santrocado: deuses, mámoas, petroglifos, castros, pedras, xentes...

 Artigos destacados
 Outros enlaces, blogues ou webs
 Procurar en Lámbrica

© by Abertal