Estas paredes escalonadas, de
factura castrexa e pertencentes ao asentamento prerromano entre Laias e Barbantes, xa coñecido na bibliografía nos anos cincuenta e seriamente afectado polas administracións públicas, deben ser o pouco que queda dun dos
xacementos arqueolóxicos máis ricos da contorna de Lámbrica, o
Castelo de Laias.
Infelizmente continuamos a permitir o deterioro irreversible das pegadas da nosa historia, como parece denunciar o piñeiro que medra na muralla.
Mentres tanto, en San Cibrao das Las, a escasos quilómetros desta marabilla, á que os visitantes poderían acceder incluso andando, seguen a gastar diñeiro público que non parece redundar na protección nin na difusión do patrimonio arqueolóxico local.
Tanto
Lámbrica, a
Cidade da Chaira, en San Cibrao das Las, coma o Castelo de Laias forman parte dun círculo máxico con centro no
Coto do Santrocado, coroado na súa cima por un pequeno castro con funcións de vixía e de centro relixioso.
Na ladeira sur, nuns impresionantes outeiros cara o río Miño, aínda podemos atopar o pouco que deixaron do Castelo de Laias cando as administraciónsn públicas construíron a autovía A52. A fotografía é de setembro de 2017.
Máis fotos na galería.
