Arredor de Lámbrica


☀️ Aliñamentos nos petroglifos de Eiras (San Amaro)
Aliñamentos comprobados nos petroglifos da Ermida (Eiras, San Amaro).
Dende unha posición ao Leste do petroglifo máis grande (A) podemos observar que o sol se pon no solsticio de verán xusto detrás do petroglifo que está ó Noroeste (B).

Moi curiosa tamén é a orientación ó Norte da liña que une ós petroglifos máis pequeniño (E) e máis grande (A).

Tamén existe unha importante coincidencia xeográfica, xa que a liña que une os petroglifos D e A sinala cara o outeiro onde se ergue o Castro de San Cibrao das Las.

Aínda que falta un estudo rigoroso sobre o significado dos petroglifos da peneda da Ermida, xa estamos en condicións de afirmar estas tres evidencias:


1.- Os aliñamentos de dous petroglifos co solpor de solsticio de verán (A-B).

2.- O aliñamento de dous petroglifos na dirección Sur-Norte (E-A).

3.- O aliñamento de outros dous petroglifos cara o outeiro onde está o Castro de San Cibrao das Las (D-A). É de destacar que nese castro existe unha mámoa ou sepulcro colectivo, parella a outra que hai nas inmediacións dos petroglifos da Ermida.

É salientable que en todos os aliñamentos descritos se vexa involucrado o petroglifo A, o máis grande de todos, o que ten máis liñas concéntricas e o único que ten liñas radiais.
























Ver fotografía do solpor do solsticio de verán
Ver noticia da axencia EFE en A hora dos mouros
Fotogalería
Artigo publicado o 01-09-2009 19:45
# Ligazón permanente a este artigo
Os petroglifos de Eiras e a contorna de Lámbrica
Mapa da contorna das Las, sobre o que se superpuxo un esquema dos petroglifos da Ermida (Eiras).
Na ilustración que se adxunta superpúxose un esquema orientado dos petroglifos da Ermida enriba dun mapa da contorna, facendo coincidir o petroglifo máis grande (A) co Castro de Lámbrica e outro dos petroglifos co lugar da Ermida (D).

Elo fíxose porque a liña D-A do panel dos petroglifos ten a mesma orientación que a liña que une o lugar dos petroglifos da Ermida co outeiro onde está o Castro de As Las. É curioso que ese outeiro de As Las non é visible dende o lugar da Ermida, polo que o petroglifo puido ter utilidade como sinalador dun lugar importante.

No mapa podemos ver que as figuras B e C coinciden con lugares húmidos, onde nacen regueiros. No caso B sería o nacemento dun dos regueiros da Lavandeira e no caso C sería o do regueiro da Reguenga.

A figura E coincide co na nacemento dun regato que baixa pola vertente Leste do monte do Santrocado.

O paralelismo do panel dos petroglifos con estes lugares singulares do contorno que acabamos de ver fainos pensar que na Ermida estaría trazado un mapa dos arredores, tal e como sería visto dende o alto do outeiro do actual castro de San Cibrao das Las, Lámbrica.

Semella, de ser así, que o outeiro de Lámbrica xa exercía algunha supremacía sobre o contorno, cando menos, na Idade do Bronce, arredor do II milenio antes de Xesucristo, bastantes centos de anos antes do período castrexo.

Ademais, no castro de San Cibrao das Las hai unha mámoa.














Ver fotografía dos petroglifos da Ermida (Eiras, San Amaro)
Ver o monte do Santrocado na Galipedia
Ver artigo O mapa dos petroglifos da Ermida e Lámbrica
Artigo publicado o 24-08-2009 21:21
# Ligazón permanente a este artigo
lambrica.fala.gal

  💫 Escolma de ligazóns ⭐
  💫 Artigos do blogue 📖
  💫 Buscar nos artigos 🔎

©️ Felisindo Glez. Iglesias. 2009-2020 💫
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0