Educacionfisicanajorgejuan


Proxecto deportivo de centro escolar de Educacion primaria e secundaria

O meu perfil
 CATEGORÍAS
 FOTOBLOGOTECA
 BUSCADOR
 BUSCAR BLOGS GALEGOS
 ARQUIVO
 ANTERIORES

Encontro intercentros en Maciñeira
O xoves 6 de abril tivemos o segundo encontro intercentros de brilé co colexio público de Maciñeira no Concello de Neda.
Ata alí trasladámonos 3º, 4º, 5º e 6º de primaria, como noutras ocasións, cada neno e nena tiña un color correspondente, xogaron uns colores contra os outros e así en cada equipo había alumnado dos dous centros cos que tiveron que relacionarse e interactuar para axudarse, conseguir brilar, en definitiva, xogar en equipo.
Unha magnifica experiencia de xogo e convivencia, que finalizamos cunha merenda conxunta no campo do recreo deste precioso centro situado na beira do río Belelle.
Comentarios (0) - Categoría: Xeral - Publicado o 20-04-2017 21:13
# Ligazón permanente a este artigo
2ª xornada de Atletismo ao Aire libre
O sábado 8 de abril comezamos as vacacións de Semana Santa coa segunda xornada de atletismo ao aire libre.
Os nenos e nenas madrugaron para estar tempraniño nas pistas do Inef en Bastiagueiro.
Así que ademáis de practicar un deporte que lles encanta como o atletismo, aproveitamos para coñecer a facultade de Ciencias da Actividade Física e do Deporte.
Os nenos e nenas participaron en 50 metros lisos, salto de lonxitude, 500 metros lisos e 1000 metros.
Resultados
Comentarios (0) - Categoría: Xeral - Publicado o 20-04-2017 20:39
# Ligazón permanente a este artigo
Xornada de Judo con Primaria
Judo na escola: actividade lúdico-deportiva
O xoves 23 de marzo foi o turno dos máis pequenos para as sesións de judo.
Desde o centro quixemos achegar ao alumnado de primaria este deporte e así enriquecer as súas posibilidades motrices.
Desde a federación galega de judo enviaron un adestrador e seleccionador galego que nos ensinou unha gran variedade de habilidades de loita.
Os alumnos e alumnas de primero, segundo, quinto e sexto, gozaron moitísimo coa xornada de judo e quedaron con ganas de repetir.
Comentarios (0) - Categoría: Xeral - Publicado o 20-04-2017 20:19
# Ligazón permanente a este artigo
Mesas-Bici
Todos os anos o Equipo de Educación Vial de Narón realizan unha campaña de recollida de bicicletas vellas ou en desuso no mes de Decembro.

As familias donan as súas bicicleta e o equipo de educación vial arránxaas e regálaas a veciños e veciñas necesitadas do noso concello coa axuda do servicio sociocomunitario de Narón.

Este proxecto publicitase a través dos medios de comunicación locais e con cartelería en colexios e lugares de interés.

Aproveitando esta publicidade, desde o noso centro colegio ocurriúsenos a idea de recoller e arreglar bicicletas estáticas para utilizar nas aulas durante os 15´/30´que cada grupo dedica ao fomento da lectura.

Ao equipo de educación vial gustóulle a iniciativa e incluiunos na sua publicidade, a idea tivo moita acollida por parte do centro e alumnado.

Así que á volta de Nadal tiñamos 6 bicicletas estáticas no centro e esperamos ir recibindo algunha máis ao longo do curso.

O profesorado de tecnoloxía e o seu alumnado encárgase da posta a punto, mantemento e reparación.

O alumnado de 6º de Educación Primaria son os primeiros en utilizalas no momento de lectura e así van aumentando o número de minutos diarios de actividade física recomendada pola OMS.

Lectura e exercicio son una combinación de hábitos de vida saudables que non teñen porque non ir da man.
Comentarios (0) - Categoría: Xeral - Publicado o 19-03-2017 19:14
# Ligazón permanente a este artigo
Xornada Intercentros de Brilé
O luns 13 de marzo organizamos unha xornada de Brilé no noso centro, invitamos ao colexio Ponte de Xubia, centro veciño do concello de Narón.

Participaron os alumnos e alumnas de 3º a 6º de Educación Primaria.
Quixemos que fora unha xornada lúdica non competitiva, así que cada curso se dividía en catro cores: azul, laranxa, verde e amarelo.
Cada cor era un equipo no que mezclamos alumnos e alumnas de ambos colexios para que se coñeceran e traballaran en equipo.
Con partidos de 10´de duración, xogaron todos contra todos e finalizamos cunha merenda no paseo de Xubia.
O alumnado quedou con ganas de repetir así que seguiremos organizando máis xornadas deste tipo e invitando a máis colexios da nosa zona.

Comentarios (0) - Categoría: Xeral - Publicado o 19-03-2017 17:17
# Ligazón permanente a este artigo
Judo na escola
O venres 10 de marzo disfrutamos dunha xornada de Judo, a través da colaboración da Secretaría
Xeral e os técnicos da Federación Galega de Judo.

Unha actividade de introdución ao judo deseñada exclusivamente para o alumnado de secundaria.
Cun carácter eminentemente lúdico permitiu, a través do XOGO, coñecer e gozar desta modalidade deportiva.

O próximo 23 de marzo poderán disfrutar desta activiade os alumnos de educación primaria.

Este tipo de actividades teñen como obxectivo dar a coñecer unha amplia variedade de deportes ao noso alumnado para que poidan elexir que actividades físicas e deportivas queren levar a cabo no seu tempo libre.
Comentarios (0) - Categoría: Xeral - Publicado o 19-03-2017 16:57
# Ligazón permanente a este artigo
Día Internacional da Muller traballadora
O día da muller tamén estivo presente no noso proxecto deportivo de centro, o alumnado de "Promoción de estilos de vida saudables" fixeron unha preciosa exposición no salón de actos sobre Muller e Deporte.
O noso obxectivo é dar a coñecer a todas as mulleres que conseguiron grandes éxitos deportivos e que non coñecemos porque non están presentes como deberían nos medios de comunicación.

Na nosa exposición temos varios apartados:
- Mulleres pioneiras no deporte a nivel mundial
- Mulleres pioneiras do deporte en España
- Mulleres medallistas en Rio 2016
- Mulleres olímpicas galegas
- Mulleres olímpicas de Ferrolterra
- Mulleres alumnas do noso centro campionas de España

A exposición quedará no salón de actos ata fin de curso e por alí pasarán todos os alumnos e alumnas de todas as etapas.
A importancia de visibilizar os éxitos deportivos femininos está moi presente nesta fantástica exposición.
Comentarios (0) - Categoría: Xeral - Publicado o 19-03-2017 16:45
# Ligazón permanente a este artigo
Entroido Deportivo
Deportes acuáticosComo é tradición no noso centro celebramos a semana do entroido con diferentes actividades.
Este curso e reinvindicando o noso proxecto deportivo de centro, o alumnado acudiu ao centro disfrazados de diferentes deportes.
O luns deportes acuáticos, o martes deportes de equipo, o mércores disfraz libre e o xoves os disfraces elaborados por eles mesmos nas clases, este curso escolar a temática foi Exipto.
Pasámolo moi ben e trouxemos ao colexio un montón de complementos deportivos para compartir cos compañeiros e amosarlles os noso gustos deportivos.
Gracias pola vosa participación!
Comentarios (0) - Categoría: Xeral - Publicado o 23-02-2017 21:56
# Ligazón permanente a este artigo
Campionato Provincial de Campo a Través
O vindeiro sábado 18 de febreiro celebrouse na Pobra do Caramiñal o campionato provincial de campo a través organizado polo deporte escolar galego.
O noso alumno clasificado foi Gael Varela, percorreu unha distancia de 1000 metros ás 11 e media da mañá e acadou o posto 10 da súa categoría.
Noraboa, esperemos volver o ano que ven.
Resultados
Comentarios (0) - Categoría: Xeral - Publicado o 23-02-2017 21:48
# Ligazón permanente a este artigo
Duatlón Escolar en Fene
O domingo 12 de febreiro o Club Triatlón Ferrol organizaba unha proba do duatlón escolar no concello de Fene.
Ata alí desplazáronse algún dos nosos alumnos que este curso comenzaron a participar na actividade extraescolar de Duatlón.
Hugo Corral, Gael Varela e Ernesto Porto foron os nosos representantes, completaron un circuito de 500 metros correndo, 2 kilómetros en bicicleta e 250 metros correndo.
Foi a súa primeira experiencia neste deporte e completaron a proba sen ningún problema.
Esperamos que sexa a primeira de moitas, noraboa!
Resultados
Comentarios (0) - Categoría: Xeral - Publicado o 18-02-2017 10:04
# Ligazón permanente a este artigo
1 [2] [3] [4]
© by Abertal