Recollemos hoxe, na bitácora dedicada ao macedán universal JOÃO DA NOVA, un documental de case 26 minutos da DW (servizo público de televisión e radio alemáns) sobre unha das illas descubertas por el. Unha ollada diferente esta interesantísima reportaxe de Thomas Denzel, producida en 2017 (co aeroporto aínda en probas por mor dos problemas co vento á hora de aterrar). Ollaremos outra volta, ademais de diferentes fasquías da illa, a casa museo de Napoleón Bonaparte (que é territorio francés malia que a illa pertence ao Reino Unido). O illamento de Santa Helena forma parte da súa identidade e hai nativos aos que non lles gorenta o aeroporto, que pretende fomentar o turismo, pero que podería despersonalizar de vez esta Galápagos do Atlántico Sur... Parte dos actuais 4.500 habitantes de Santa Helena son descendentes de proscritos británicos. Eis unha reportaxe excepcional sobre a illa descuberta polo galego máis relevante do século XVI; o nauta JOÃO DA NOVA; o persoeiro de MACEDA (Ourense) referente, que mesmo deberiamos vindicar todos en clave nosa...
Documental:
Categoría: 03-Illas - Publicado o 10-10-2020 14:17
