|
|
|
|
| A SEMANA DAS CURTAS |
|
Comezamos A semana das curtas un festival en liña promovido polo Equipo de Normalización do IES Audiovisual de Vigo e a CGENDL e no que participan 83 centros de toda Galicia.
No noso centro, ademais de utilizar este material nas clases de lingua, faremos unha sesión aberta para todo o público o mércores ás 16:30 h na biblioteca.  |
|
|
|
|
| TRECE BADALADAS |
|
Este é o título co que comezamos mañá a proxección de películas en galego. Trece badaladas está baseada nunha novela de Suso de Toro e conta a historia de Xacobe, un mozo escultor, que volta a Santiago -a súa cidade natal- despois de quince anos de ausencia. A razón do seu regreso é o descubrimento de que súa nai, a quen cría morta, está en realidade doente e internada nun psiquiátrico. Pero esta volta vaino obrigar a se enfrontar a un suceso do que leva media vida fuxindo. O encontro co seu pasado levarao ó centro dun pesadelo sen saída, no que descubrirá algo terrible: El é a peza fundamental nun laberíntico plan.
Suso de Toro faranos a presentación da película e despois teremos un coloquio no que poderá participar o público.
A película comezará ás 17:00 h na biblioteca do centro e poderán asistir todas as persoas interesadas.
 |
|
|
|
|
| Contacontos |
|
Mañá temos a visita no noso centro de Ângelo Torres, actor e contador do mundo.
Ângelo Torres naceu en Guinea Ecuatorial, creceu en San Tomé e Principe, estudou en Cuba e vive en Portugal. Aquí descubriu o teatro e o mundo do contos. As historias coas que hipnotiza o público foron en gran parte herdadas do baúl de súa avoa.
Ângelo é un contador magnético, que mestura intuitivamente contidos tradicionais con contextos contemporáneos. Como actor participou entre outros nos filmes:“Tudo isto é Fado”, “Nha Fala” e “Preto e Branco”. Em 2004 gañou o premio Shooting Star de actor revelación. Tamén ten unha curtametraxe como realizador: "kunta".
Os que non poidades velo mañá en directo podedes escoitar un dos seus contos neste vídeo.  |
|
|
|
|
| Do CERN a Coroso coa Física de Partículas |
|
O pasado xoves 4 de novembro, dous grupos de alumnos e alumnas do noso centro foron testemuñas dun feito histórico: a primeira videoconferencia online con científicos galegos que traballan no CERN, laboratorio europeo de física de partículas e que é un referente mundial para investigación no seu campo hoxe en día. O CERN está situado en Xenebra e alí desenvolven os seus traballos varios físicos galegos entre os que están Elena González Ferreiro, Teresa Fonseca e Abraham Gallas que foron os que interviñeron na conferencia. Aínda que as condicións técnicas impediron nalgún momento escoitalos, os investigadores trataron de explicar en que consiste o seu traballo e responderon tamén a preguntas formuladas polo alumnado que seguía a charla a través do chat.
O evento foi organizado pola Coordinadora de Equipos de Normalización Lingüística xunto coa Universidade de Santiago co gallo da celebración do Día da Ciencia e Tecnoloxía en Galego. Malia ás presas coa que se puxo en marcha esta iniciativa, a ela sumáronse máis de 60 centros públicos e privados de toda Galicia.
A mágoa foi que non puidesen asistir máis grupos do noso centro, pero os requerimentos técnicos impedían que a conferencia se proxectase na biblioteca. Grazas á inestimable colaboración dos profesores Quintáns e Miranda, que nos permitiron usar a aula de informática de ciclos, logrouse que a conferencia fose seguida no IES Coroso por un grupo reducido de alumnos e alumnas. Agora só queda que a algún ou algunha lle picase o vermiño do interese pola física de partículas e un alumno/a do Coroso sexa a próxima fichaxe galega do CERN...
 |
|
|
|
|
| PARA OS QUE NON QUEREN VER NIN OÍR |
|
Homes que non queredes ver nin escoitar,
non oides os nosos berros,
dicides que isto só pasa noutros lares:
paises subdesenrolados chámanlle.
Estamos aquí ao voso carón!
Berrando, loitando, chorando...
somos a vosa existencia,
a vosa descendencia!
E aínda así a vosa forza contra nós usades
para maltratarnos, asoballarnos, acosarnos...
inxustizas que soportamos acotío.
A xustiza está cega
e o mundo está xordo!
Pero nós seguiremos loitando e
reclamando a nosa igualdade e a nosa liberdade.
Antía Alberte Maneiro 4ºA |
|
|
|
|
| PALINDROMOS 4ºA |
|
a seta tesa
Arturo Gómez |
|
|
|
|
|
|
o medo ó demo
Miguel Martinez Muras |
|
|
|
|
|
|
O bar nun rabo
Miguel Parada |
|
|
|
|
|
|
a terra trona e anortar reta
e ti, onan na noite
Pablo Guillán Queiruga.
|
|
|
|
|
|
|
- E non é ana, é non é
- É ana, É
Laura Rial Suarez |
|
|
|
|
|
|
|
