Sesión extraordinaria do Pleno da Corporación ás 13:30 horas, coa seguinte orde do día:

1º Modificación, se procede, do acordo de aprobación dos investimentos a incluír no Fondo Estatal para o Emprego e a Sostenibilidade Local creado por Real Decreto-Lei 13/2009, de 26 de outubro, adoptado polo pleno da corporación o día 2 de febreiro de 2010

2º Aprobación, se procede, da conta xeral do exercicio 2008

Iglesias amosou a súa preocupación porque Xunta e Deputación non se dan posto de acordo para construír unha rotonda no enlace do novo viario coa estrada autonómica Cambre-Guísamo

Cambre, 07 de febreiro de 2010.-

O concelleiro de Medio Ambiente, Obras e Servizos, amosou a súa satisfacción polo avance dos traballos na nova variante de Lendoiro (Cecebre) que supoñerá un novo acceso ao polígono de Espírito Santo. “Desta vez, dixo, as partes implicadas están a cumprir os compromisos”, referíndose á reunión mantida con representantes da Xunta e Deputación o pasado 22 de xaneiro.

Iglesias informou que a empresa encargada dos colectores de saneamento que atravesan a estrada leva toda a semana traballando e que isto permitirá que antes dun mes se poida rematar a segunda capa de rodaxe e poñer en servizo a variante.

Non obstante o concelleiro amosou a súa preocupación porque o entronque coa estrada autonómica Cambre-Guísamo non está aínda solucionado. Explicou que a previsión é un enlace perpendicular, claramente insuficiente e inseguro, e que resulta imprescindíbel convertelo en rotonda para permitir os xiros e incorporacións coa seguridade necesaria.

Iglesias comentou que en varias ocasións se ten exposto desde Cambre esta necesidade á Xunta e á Deputación sen que estea solucionado o asunto. Informou que nos próximos días trasladarán novamente ás dúas institucións o problema para que sexa adoptada unha solución con urxencia.

O concelleiro nacionalista explicou tamén que as obras da nova variante inclúen tamén unha beirarrúa que se acometerá en canto rematen os traballos na estrada.

Cambre, 6 de febreiro de 2010.-

O xulgado de Paz de Cambre fixo pública esta semana a sentenza sobre a demanda que a concelleira nacionalista de Cambre, Sindi Becerra, interpuxo contra un candidato do PP de Cambre, quen á saída dun Pleno da corporación no pasado mes de xullo se dirixiu a ela con frases inxuriosas.

Na sentenza considéranse probados os feitos e tamén a inxuria realizada, condenando ao denunciado, Julio Mosquera a unha pena de quince días de multa, tal como se solicitou pola acusación que representaba á concelleira. Así mesmo considérase ao condenado como responsábel civil dos danos provocados e das costas procesais.

Para os nacionalistas de Cambre esta denuncia debe supoñer un punto de inflexión nos modos nos que se está a desenvolver a política municipal en Cambre. O seu portavoz, Xabier Iglesias, dixo que esperaban que de aquí en diante se serenaran os ánimos e que, fundamentalmente, no PP, deberían reflexionar e considerar que non todo vale para facer política. Que as discrepancias e as diferenzas nunca poden dar lugar á crispación, ao insulto e as agresións de calquera tipo, dixo.

Comentou que non tiña ningunha dúbida do consentimento e amparo popular en todos estes acontecementos. Explicou que o condenado formou parte da lista dos populares nas últimas eleccións municipais e o seu avogado neste xuízo foi o concelleiro popular Felipe Andreu, quen lonxe de basear a súa defensa na negación dos feitos ou a súa falta de intencionalidade ofensiva, tentou demostrar a “veracidade” e fundamentado das acusacións do agora condenado. “Agardo agora da rectificación destas condutas. Non tanto dunha petición pública de desculpas, que sería lóxica, como que este tipo de feitos non se volvan repetir e non se lles dea amparo”, expresou.

Mostrando a satisfacción do grupo nacionalista pola sentenza, o concelleiro indicou que ían ser inflexíbeis na defensa da dignidade e integridade dos seus concelleiros no exercicio das súas funcións representativas e institucionais, e que non ían deixar pasar por alto nin unha soa agresión, de calquera tipo. “Discrepancias, todas, violencia, ningunha”, afirmou con rotundidade.

DESCARGAR SENTENZA

5, 6 e 7 de Marzo de 2010

Pavillón Polideportivo de Cambre

Prazo de inscrición:
a partir do 8 de Febreiro de 2010

Máis información :

Cambre, 3 de febreiro de 2010.-

O pleno da corporación aprobou unha moción na que insta a Xunta de Galicia á retirada do borrador de decreto do Galego e a volver ao consenso lingüístico. Despois de non acadar os votos suficientes para a súa declaración de urxencia no pleno anterior, o goberno municipal decidiu incorporar esta proposta dentro da orde do día do pleno extraordinario celebrado o martes, día 2. Desta vez o manifesto foi aprobado ao contar co apoio de todo o goberno (Psoe-Bng) e co respaldo dos dous concelleiros de IU-EU.

Durante o debate, o portavoz nacionalista e primeiro tenente de Alcalde, Xabier Iglesias, agradeceu o apoio dos concelleiros de IU e resaltou a sorpresa polo non apoio do único representante do Partido Galeguista. "Coma sempre, manifesto o meu respecto polas súas opinións e recollo o que significa que o representante dunhas siglas que fundaron Bóveda e Castelao, teña tales posicións sobre o noso idioma", concluiu Iglesias en resposta á intervención do PG.

Na súa intervención de defensa da proposta, Iglesias, sinalou que tiña esperanzas de que a posición do PP en Cambre estiver na liña doutros representantes populares, en referencia ao recente apoio do goberno popular de Vilar de Santos a unha moción similar, ou do activo posicionamento de destacados persoeiros do partido como Xosé Cuíña, desmarcándose da liña imposta por Feijoo. Insistiu en que o único conflicto que existe sobre a língoa é o que promove o PP, apartándose do consenso e introducindo unha crispación falsa na sociedade e nas escolas.

Cambre, 29 de xaneiro de 2010.-

O lavadoiro do Carballo, en Cambre, quedou aberto para uso veciñal logo da visita cursada por unha representación da corporación na mañá do venres 29. Nesta visita, encabezada polo Alcalde e o 1º tenente de alcalde, operarios da empresa que acometeu a obra, procederon a retirar os valados de protección e mostrar o traballo realizado.

Esta obra financiouse con cargo ao Feil cun investimento de 32,300€ e ocupou un total de 6 operarios. Esta fonte e lavadoiro tradicional atopábase moi deteriorada polo paso do tempo e por actos vandálico. Po riso decidiuse unha remodelación completa e a súa integración no espazo urbano que conta cunha pequena zona verde e un parque infantil. “Os materiais empregados son a madeira, o granito e a lousa, todos eles materiais nobres”, explicou Iglesias, quen informou que se lle engadiron tamén dous bancos de pedra para mellorar o lugar con elementos de descanso.

Plan de recuperación de fontes

Ademais desta actuación, o goberno local destina 120.000 euros, procedentes no seu cento por cento de fondos propios, para emprender un plan de recuperación de fontes e lavadoiros do municipio. A Concellaría de Turismo e Patrimonio Histórico elaborou un proxecto básico para restaurar estes espazos. A concelleira responsábel, a nacionalista Sindi Becerra, desenvolveu un traballo de selección, xunto cos técnicos municipais, polas distintas fontes para elixir as que entrarían no plan. “Como criterio definimos o valor histórico, artístico e etnográfico”, explica. Así mesmo, tivo en conta aquelas que corrían un risco elevado de desaparición polas condicións nas que se atopaban.

Así, as catro primeiras fontes en que o Concello intervirá serán

- Fonte dá Pitona (parroquia de Brexo-Lema)

- Fonte dá Vila ou Fontemoura (parroquia de Santa María de Vigo)

- Fonte do Pontido (parroquia de Sigrás)

- Fonte dá Pena (parroquia de Cela)

Os traballos que se executarán perseguen a posta en valor destes importantes elementos patrimoniais que aínda conserva Cambre. “Non queremos uniformizalas, recuperaremos cada unha en función dás características da súa contorna e do uso actual”, argumenta Becerra. A concelleira vaticina que a mellora das decenas de fontes do municipio continuará en sucesivas fases.

Fichas Inscrición:

Disfraces ----Comparsas----Carrozas----Testamentos

SOS días 2 e 21 de febreiro de 2010,

organizase o mercadillo móntarase na Feira de Cambre para recadar fondos para Haití.

Será polo sistema de troco,

un donativo = un artículo

Os postos estarán estarán xestionados por persoas voluntarias do Concello de Cambre.

Sesión extraordinaria do Pleno da Corporación ás 20:30 horas, coa seguinte orde do día:


1º.- Proposta de aprobación, se procede, dos investimentos a incluír no Fondo Estatal para o Emprego e a Sostenibilidade Local creado por Real Decreto-Lei 13/2009, de 26 de outubro

2º.- Coñecemento das resolucións de Alcaldía en materia de: modificación das áreas de goberno, modificación dos membros da Xunta de Goberno Local, modificación dos tenentes de alcalde, modificación das delegacións de atribucións pola Alcaldía en membros da Xunta de Goberno Local

3º.- Proposta de modificación dos acordos adoptados polo pleno da corporación o 22 de agosto de 2009, respecto da creación e composición das comisións informativas permanentes e da Comisión Especial de Contas

4º.- Proposta de modificación do acordo adoptado polo pleno da corporación o 22 de agosto de 2009, respecto da determinación dos cargos da corporación a desempeñar en réxime de dedicación parcial

5º.- Proposta de modificación de nomeamentos de representantes da Corporación nos consellos escolares

6º.- Proposta do equipo de goberno en relación co borrador do Decreto do galego no ensino

7º.- Rogos e preguntas do grupo municipal de EU-IU presentados ao pleno ordinario de 28 de xaneiro de 2010

Cambre, 29 de xaneiro de 2010.-

Despois de que no pleno ordinario de onte non obtivera os votos necesarios para a súa declaración de urxencia, a moción contra o borrador de decreto do Galego será novamente debatida en Pleno, pero esta vez como un punto da orde do día e como unha proposta do goberno local.

Así o explicou o portavoz do BNG no concello, e primeiro tenente de Alcalde, Xabier Iglesias, que lamentou a deriva política da que algúns grupos da oposición están impregnando a política cambresa. Explicou que independentemente da posición de cada grupo na votación final das mocións, viña sendo práctica acostumada que todos votasen a "urxencia" das propostas para permitir o seu debate. Da falta de "modales democráticos" do PP manifestou non sentirse extrañado, pero sí consternado pola actitude do único representante do Partido Galeguista, quen ao non apoiar a declaración de urxencia imposibilitou o seu debate. "É lamentábel que o que representa a unhas siglas históricas, as do partido fundado por Bóveda e Castelao, non apoie unha declaración contra a maior agresión que se tenta contra a nosa língoa no que levamos de democracia", dixo.

Iglesias aclarou que Cambre se pronunciará contra o "decretazo de Feijoo e Galicia Bilingüe", e será o vindeiro martes durante un pleno extraordinario que xa está convocado. Desta vez, informou o Tenente de Alcalde, non será como moción senón que irá incluída dentro da orde do día da sesión como unha proposta ao Pleno do goberno municipal.

PROPOSTA DO GOBERNO MUNICIPAL DE CAMBRE SOBRE O BORRADOR DE DECRETO DE GALEGO NO ENSINO:

Ler

Cambre, 25/1/2010.-

O Concello reactiva a ampliación das redes de saneamento e abastecemento de Anceis, Piñeiro e San Lourenzo. Despois de que a primeira empresa concesionaria, que asinou o contrato co Concello en xullo de 2007, paralizase os traballos en febreiro de 2008 e despois de que o Consello Consultivo de Galicia aprobase a rescisión do mesmo o pasado decembro, o goberno local impulsa a adxudicación da obra para que a nova empresa encargada complete a actuación.

O primeiro tenente de alcalde, o nacionalista Xabier Iglesias, anunciou que a mesa de contratación mantivo unha sesión na mañá do pasado venres e decidiu outorgar a obra a outra das empresas que concorrera ao procedemento aberto por un montante de 414.389,36 euros. A concesionaria confía en lograr finalizar os traballos, que a súa predecesora abandonou sen ter o 15% concluídos, nos próximos meses.

Dado que a ampliación das redes de abastecemento e saneamento en Ancéis, Piñeiro e San Lourenzo se trata dunha obra incluída no Plan de Obras e Servizos, da Deputación da Coruña de 2007, o equipo de goberno viuse obrigado a reclamar prórrogas, que a institución provincial concedeu, ante a paralización do proxecto adoptado de forma unilateral pola empresa. A previsión da nova empresa apunta a que os traballos concluiranse a tempo.

Iglesias lamenta o atraso que acumula a actuación, pero celebra que a decisión favorable do Consello Consultivo permita ao Concello a tramitación inmediata da nova adxudicación. “En canto recibimos a resolución favorable, puxémonos mans á obra para contratar de novo a actuación”, sinala. De feito, a reunión da mesa de contratación prodúcese ao mes logo de dispor da decisión do Consultivo.

Precedente

En febreiro de 2008, a anterior adxudicataria paralizou unilateralmente os traballos e alegou que existían deficiencias no proxecto, polo que pediu a tramitación dun modificado. O Concello reclamou á dirección de obra que se pronunciase e esta emitiu un informe no que considerou improcedente que se modifique o contrato da obra e apuntou que a decisión da concesionaria de parar os traballos non ten xustificación e é contraria á lei. Por iso, o Concello requiriu á empresa que renovase as obras, pero este presentou alegacións á resolución no mes de setembro.

Xa en 2009, a dirección de obra emitiu un novo informe no que alertaba de que os traballos continuaban paralizados e que o volume de obra executado non alcanzaba o 15% do total, polo que se considerou que se producía un suposto de causa de resolución de contrato en virtude do artigo 111 da Lei de Contratos de Administracións Públicas.

Iglesias explicou que no mes de agosto abordou cos técnicos municipais a solución deste problema e tomou a decisión de iniciar a rescisión do contrato, para o que contou co respaldo de toda a administración municipal.

En decembro produciuse a resolución da institución autonómica, que dá a razón ao Concello ao informar favorablemente da proposta de resolución do contrato ao constatar un suposto de incumprimento contractual imputable ao contratista por falta de execución da obra en prazo. O Consello Consultivo establece que isto leva aparellado necesariamente a incautación da garantía definitiva e unha indemnización ao Concello polos danos e perdas ocasionadas no que excedan ao importe da garantía incautada. O Consello opta por non pronunciarse agora sobre a contía en cuestión xa que admite que depende de variables aínda non determinadas como a necesidade de abrir ou non unha nova licitación.

Por último o primeiro tenente de Alcalde manifestou a súa satisfacción camiño de solución que se abre e, lembrou, que é a segunda rescisión de obras que se produce nun prazo de dous meses debido ao incumprimento contractual das empresas. “Imos estar especialmente vixiantes, todo o mundo ten que cumprir coa súa parte e nós imos velar polos intereses dos veciños”, concluíu.

Sesión ordinaria do Pleno da Corporación ás 20:30 horas, coa seguinte orde do día:

1º.- Aprobación, se procede, dos borradores das actas correspondentes á sesión ordinaria do día 29 de outubro de 2009, sesión ordinaria do día 26 de novembro de 2009, sesión ordinaria do día 21 de decembro de 2009, con carácter supletorio da correspondente ao día 31 de decembro de 2009, e sesión extraordinaria do día 12 de xaneiro de 2010

2º.- Toma de posesión como concelleiro do Concello de Cambre de don José Francisco Parcero Rial, polo PSdeG-PSOE

3º.- Aprobación, se procede, da revisión de tarifas do servizo urbano de transporte en auto-taxi do Concello de Cambre

4º.- Proposta de nomeamento de membros da Comisión para o deslinde cos concellos de Carral e Culleredo

5º.- Mocións

6º.- Informes da Alcaldía

7º.- Rogos e preguntas

Cambre, 23 de xaneiro de 2010.-

Unha reunión celebrada onte entre Xunta de Galicia, Deputación da Coruña e Concello de Cambre marcou o calendario de traballo para reactivar dúas importantes actuacións na mellora da seguridade viaria no municipio. En concreto, trátase da remodelación da CP-1703, que posibilita o acceso ao polígono de Espírito Santo desde Fraís (Cecebre), e da construción dunha senda peonil na CP-0102, que enlaza Lema con Orto. As dúas obras son competencia da institución provincial, pero o goberno local solicitara a súa paralización temporal para coordinalas coas que o executivo autonómico ía desenvolver de mellora do saneamento que afectará ás dúas vías.

O primeiro tenente de alcalde, o nacionalista Xabier Igrexas, visitou xunto aos técnicos das dúas administracións o estado das obras e coordinou o inicio dos traballos, que se veñen demorando debido ao atraso na adxudicación do proxecto de mellora do saneamento da Xunta, cuxo anuncio de licitación foi publicado no Diario Oficial de Galicia do 8 de abril do ano pasado pero cuxa adxudicación definitiva foi anunciada no do 17 de decembro.

A previsión da Xunta consiste en comezar a obra a próxima semana. Iglesias solicitou que se dea prioridade á realización dos distintos cruces da rede de saneamento necesarios no enlace con Espírito Santo. “Queremos acelerar estes traballos para que se poda rematar canto antes a reforma da calzada, pola que circula moito tráfico pesado cara o polígono industrial”, sinala.

Así, os técnicos estiman que a actuación no saneamento desta vía prolongaranse durante un mes, para que logo, a Deputación, poida proceder ao remate do asfaltado e das obras complementarias nas beirarrúas. Unha vez finalizada, procederán a realizar os traballos oportunos na estrada de Lema a Orto, para que posteriormente a Deputación poida concluír a construción da senda peonil. Esta obra provincial consiste na construción dun beirarrúa entre o cruceiro de Lema e o encoro de Cecebre e está practicamente rematada á espera da construción dun pequeno tramo de saneamento, non superior aos 300m que lle corresponde á Xunta.

O concelleiro de Medio Ambiente, Obras e Servizos confía en que a celebración deste encontro a tras bandas sente as “bases definitivas” para que se finalicen os dous proxectos e garantir a seguridade viaria en dúas estradas moi frecuentadas. Iglesias informou que xa se puxo en contacto con algún representante veciñal das zonas afectadas e que, nos vindeiros días, farao cos restantes para lles informar dos acordos acadados e das previsións de traballo nestas zonas.

A intervención na CP-1703, entre os puntos quilométricos do 1,440 ao 2,400, consiste na ampliación da plataforma actual, que dispón dun ancho de cinco metros, que pasará a contar con dous carrís de 3,5 metros, e beiravías dun metro. O investimento supera os 300.000 euros. Mentres, a actuación na CP-0102 refírese á construción dunha senda peonil de 1.80 metros de ancho e de máis de 2,5 Km de longo. O orzamento alcanza os 363.000 euros.

Polo seu lado, o proxecto de mellora do saneamento emprendido pola Xunta, que ademais destas dúas actuacións inclúe traballos noutros puntos do municipio, ascende a 136.000 euros.

O Concello admitirá achegas na conta bancaria habilitada ata o 28 de febreiro


A contribución económica que realizará Cambre ante a catástrofe sucedida en Haití será destinada ás tarefas de reconstrución do país centroamericano a través do Fondo Galego de Cooperación e Solidariedade. Tratarase da cantidade recadada na conta bancaria que se acaba de habilitar co obxectivo de solicitar fondos para axudar ás miles de persoas afectadas polo sismo.




Unha vez concluído este proceso de petitorio, o equipo de goberno remitirá o recadado ao Fondo Galego de Cooperación e Solidariedade, do que Cambre forma parte desde febreiro de 2004. A entidade contactou co goberno local e o resto de administracións que o compón para solicitar que as achegas a Haití se remitan conxuntamente. Otero explicou que Cambre pertence a esta institución que agrupa un bo número de concellos e deputacións galegos e que foi precisamente por iniciativa nacionalista na pasada lexislatura. “Para nós é a garantía de solidariedade eficiente e de poder controlar o destino e bo uso dos fondos enviados”, dixo.

Iglesias amosa a súa satisfacción polo desbloqueo desta importante obra

O Concello emprende os trámites para realizar unha nova contratación de inmediato



Cambre, 18/1/2010.-

O Consello Consultivo de Galicia dá a razón ao Concello ao aprobar a rescisión do contrato coa empresa adxudicataria da ampliación das redes de abastecemento e saneamento en Anceis, Piñeiro e San Lourenzo. Trátase dunha obra incluída no Plan de Obras e Servizos,
da Deputación da Coruña de 2007, e que a concesionaria abandonou en febreiro de 2008 sen ter o 15% dos traballos concluídos.

Desde ese momento prodúcense un rosario de comunicacións entre o concello e a empresa sen que haxa posibilidade de acordo. En agosto de 2009, ao pouco da súa toma de posesión, o concelleiro delegado de Medioambiente, Obras e servizos, o nacionalista Xabier Iglesias, despois de coñecer todos os pormenores do expediente, dá instrucións para que se inicie de inmediato a rescisión do contrato con esta empresa e se poda realizar unha nova adxudicación. Este proceso remata por fin coa resolución do Consello Consultivo o pasado mes de decembro no que admite as argumentacións esgrimidas polo concello cambrés.

Iglesias manifestou a súa satisfacción por este resultado e anunciou que nos vindeiros días se procederá á adxudicación da obra a outra empresa. “ Os técnicos están nestes momentos preparando a documentación e, confiamos, en que esta se produza en pouco máis dunha semana”, dixo. O primeiro Tenente de Alcalde informou, así mesmo, que esta rescisión leva aparellada a incautación da garantía depositada pola empresa e outras posíbeis sancións, pero insistiu en que para el o importante era que por fin a obra se desbloqueara e que en breve, veciños de San Lourenzo, Brexo e Anceis verían a obra rematada e poderían conectar o saneamento.

O nacionalista recoñeceu a enorme paciencia amosada polos veciños destas zonas e insistiu en que vai estar especialmente vixiante no cumprimento dos novos prazos. “Entre outras cousas, dixo, porque conseguimos unha prórroga no prazo que nos dá a Deputación e xa non hai marxe de manobra para admitir máis retrasos”.

En concreto, o Concello e a empresa asinaron o contrato para a realización da obra en xullo de 2007 por un montante de 402.206,12 euros. En agosto dese mesmo ano procedeuse a levantar o acta de comprobación do replanteo, na que o director de obra presenta a súa conformidade á viabilidade do proxecto e a concesionaria non ofrece reserva algunha. Ademais, establecíase que o prazo de execución dos traballos, marcado en seis meses, comezase a contar no momento en que o goberno local aprobe o Plan de Seguridade e Saúde, o que sucedeu o 16 de novembro.
Posteriormente, en febreiro de 2008, a adxudicataria paraliza unilateralmente os traballos e alega que existen deficiencias no proxecto, polo que pide así mesmo que se tramite un modificado.



Iglesias abondou en que este fora un asunto recorrente, obxecto de debate en innumerábeis ocasións nos plenos municipais estes dous anos pasados. “Nós mesmos desde o BNG ao igual que os outros grupos temos promovido diferentes iniciativas diante da paralización das obras e, agora, é unha satisfacción ter contribuído a desbloquear a situación.

1 [2] [3] [4] [5] [6] [7] [8] ... [32]