Celebramos vivamente a reactivación da actividade da bitácora da ANABAD Galicia.Hai agora un ano o gardalivros expresaba a necesidade de que a imaxe social do bibliotecario galego se visibilizara na rede, posicionándose dun xeito activo e comprometido coa nosa realidade e, sobretodo, posibilitara a creación de contidos de seu. Neste senso, a Anabad, que integra os intereses e arelas dun colectivo diverso de profesionais da información ( arquiveiros, documentalistas, museólogos e bibliotecarios) ben podería liderar esta aposta dada a masa crítica que ensarilla. Mesmo, digo eu, apostando pola súa reconversión en colexios profesionais diferenciados que deste xeito poidan desenvolver con maior dinamismo a especificidade que lle é própria. Se ben todos eles son profesionais da información,direccionados a xestionar a información externa e interna das organizacións, a posta en valor deste activo pasa tamén por diferenciar as achegas e especificidade de cada un deles.