galnarciso



O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

A miña Rosalía como é?
Imos traballar para personalizar a miña Rosalía:






OBXECTIVOS E PRAZOS:

1º/ Un título para a miña Rosalía, se cadra paradoxicamente pode ou debe ser o último elemento que incorporamos ao traballo.

I- VIDA
Biografía: Escapar do copia e pega, coñecer aspectos que me interesan ou me chaman á atención da súa vida, coidando de facer máis real, próximo a min o mito.

II- OBRA:CANTARES GALLEGOS
Prólogo de Cantares dende a dedicatoria ir debruzando as intencións coas que Rosalía compón Cantares. Cales son pois os seus obxectivos. No prólogo indica as fontes, enuncia temas, marca o estilo que logo se plasma no poemario.

FONTES: No limiar, Rosalía confesa a súa idea de desenvolver as cantigas populares galegas emulando o Libro de los cantares de Antonio Trueba, pois o seu quefacer poético está constituído por glosas de cantares ou ditos populares. Así pois, tódolos poemas, agás dous, son glosas de cantares. Pero é orixinal este proceder? Veremos que segue o modelo que Sarmiento introducira, que é seguido polos poetas no Rexurdimento, mais a este modelo analizando logo a estrutura do libro veremos tamén que Rosalía lle engade peculiaridades que fan do poemario un libro orixinal. Cuestión fundamental: Tenta descubrir en que consiste esta orixinalidade de Rosalía (podes consultar na edición recente de Anxo Angueira a análise que este crítico literario fai dos Cantares para abordar tanto este aspecto como o da estrutura e estilo e comentario dos poemas desta obra).

Estrutura, temas e estilo A estrutura dos Cantares está claramente marcada pola aparición da "meniña gaiteira" que debes descubrir como se presenta, cando e por qué aparece no poemario. Analizar o estilo implica procurar trazos que identifican a poesía da autora e que a achegan por unha parte á literatura populra e tradicional e pola outra manifestan a gran cultura literaria de Rosalía.
Tradicionalmente as temáticas do libro son catro, faise necesario que as identifiques e clasifiques os distintos poemas que selecciones dentro destas catro temáticas, á vez que as relaciones coas intencións que manifesta no Prólogo a autora.

Selección de poemas trátasede indicar dez poemas que ti seleccionarías como máis representativos das distintas temáticas do mesmo cunha pequena argumentación.

Comentario de tres poemas (prazo martes 12 de maio).

FOLLAS NOVAS
Os pasos que imos seguir con Follas Novas é a mesma:

7º Prólogo

8º Estrutura e Temas

9º Selección de 10 poemas cos que sintetizarían ti o libro.

10º Comentario de tres poemas (prazo martes 19 de maio)

III-CREACCIÓN A MODO DE CONCLUSIÓN

Cada quen realizará unha creación libre sobre a súa Rosalía utilizando diversos formatos posibles: vídeopoema,fotografía,texto...(prazo 26 de maio)

Ao concluír o traballo realizaremos un comentario dun poema de Cantares e outro de Follas Novas escollidos polo profesor (prazo martes 26 de maio)
Comentarios (0) - Categoría: ROSALÍA - Publicado o 30-04-2015 08:12
# Ligazón permanente a este artigo
Para unha biografía de Rosalía persoal
Rosalía de Castro
Comentarios (0) - Categoría: ROSALÍA - Publicado o 17-04-2015 12:17
# Ligazón permanente a este artigo
DOS PRECURSORES AO REXURDIMENTO PLENO

En primeiro lugar debemos situar o contexto no que xorde o Rexurdimento froito dun complexo conxunto de factores que conflúen todos no século XIX, un século moi convulso.

Partimos dos Séculos Escuros e o movemento da Ilustración galega onde emergen figuras como Sarmiento, ao que podemos considerar o primeiro dos Precursores do Rexurdimento e o primeiro dos autores da literatura galega moderna ou contemporánea, pois, a pesar de vivir no século XVIII, aínda que non publicou en vida nada en galego, as súas 1200 coplas(1746) serán editadas no XIX e servirán de modelo para os autores chamados tradicionalmente Precursores como:

Xoán M. Pintos gran coñecedor da obra de Sarmiento e finalmente o editor da súa obra en galego Coloquio das 1200 coplas ou Diálogo de 24 galegos rústicos en 1859 ademais doutros escritos sobre a lingua, el publica a súa obra A gaita gallega en 1853.

Antonio Fernández Morales una autor pouco coñecido ata o de agora por ser do Bierzo, pero que escribiu e publicou en 1861 unha importante obra de máis de 6000 versos no galego do Bierzo que titulou "Ensayos poéticos en dialecto berciano".

Outros precedentes da escrita en galego do Rexurdimento son os escritos políticos derivados da Guerra da Independencia contra os franceses Proezas de Galicia de Xosé Fernández Neira (1810) e os textos de debate ideolóxico do liberalismo: La tertulia de la Quintana(1820)Coloquio da Chaínsa (1836).


Os Xogos Florais serán outro dos xermolos de gran transcendencia para crear unha intelectualidade que de xeito homoxéneo reivindica o uso do galego na escrita. É moi citado Francisco Añón e o seu poema "A Galicia" (poema premiado no 1861) ademais da edición da antoloxía de poemas Album de la caridad realizada por Antonio de la Iglesia en 1862.

O Rexurdimento Pleno chegará con Rosalía de Castro no momento en que publica os seus Cantares gallegos (17 de maio de 1863). Tamén en Rosalía veremos a influencia de Sarmiento ao escoller como fonte de inspiración de creación a tradición oral e a lírica popular.
Comentarios (0) - Categoría: REXURDIMENTO - Publicado o 10-04-2015 07:22
# Ligazón permanente a este artigo
© by Abertal