eufalo.tv é unha páxina que convén visitar. Xulia a nena políglota.
Preme no enlace para ver e escoitar esta nena de seis anos. Á parte de ser a cousa máis riquiña do mundo é, en si mesma, toda unha boa lección de sociolingüística.
Espectacular!!!
Pedímoslle emprestada ao blog milprimaveras a imaxe da aperta que tan ben lle acae á celebración do Día da Poesía.
Dende este foro lembramos para esta data un libro que parte de que " a poesía non morde,non é romanticona,...";é a antoloxía Poetízate de Fran Alonso. Está na biblioteca. POETÍZATE!!!
Ao longo da raia con Portugal existen dialectos que oídos por un galego ou ou portugués, ambos identificarán coa súa propia fala. Ocorre no Xalma, na rexión de Calabor en Zamora; na Almedilla, en Salamanca; na Alcántara en Cáceres, na Olivenza en Badaxoz; na rexión da Bouza, en Salamanca,...
Entre linguas é un documental dirixido por Joao Aveledo,Eduardo Maragoto e Vanesa Vila-Verde, que lle segue a pista oos dialectos raiotos, para documentalos antes da súa desaparición.
Mirade o seguinte tráiler de Entre linguas
Os que lestes Merlin e familia lembraredes como o mago de Cunqueiro é quen de tinguir coa cor que lle pete a realidade, coa sinxeleza de mesturar nun vasiño de auga unhas gotas "do licor dos países". Así todo o un día é azul; ao día seguinte pode ser vermello, ou mouro, ou verde,...
Menos relativistas, e moito máis prosaicos ca Merlín, somos os mestres (aínda que de cando en vez tamén se produce a maxia nas aulas). Pero tendemos á realidade monocromática: a da nosa materia. Ás veces parecera como se non existise nada máis alá da nosa especialidade.
Así que para combater esa teima convén paseármonos por outras realidades que tamén están aquí; no mesmo IES de Allariz: son os blogs das outras materias.
Así que ligarémonos con:
