galiesallariz


Galiesallariz é o taboleiro dixital do DEPARTAMENTO DE GALEGO do IES de ALLARIZ

Viaxe virtual por Allariz

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Galego e Internet
Lembremos que o 17 de maio é o Día das Letras e o día da Internet.
Existe na rede unha presentación ben valiosa que recolle recursos, webs, foros varios onde o galego está presente. Buscádea aquí. Chamase Día das Letras Galegas e Día da Internet.
Comentarios (0) - Categoría: LETRAS GALEGAS 2010 - Publicado o 18-05-2010 20:24
# Ligazón permanente a este artigo
Festa das Letras


Compostela foi a capital das letras e da reivindicación festiva, nun día luminoso no que milleiros de persoas autoafirmamos que estamos ledas por termos un patrimonio común: a lingua propia.


Por outra banda a sesión da RAG celebrábase no Courel. Tomamos o publicado en GaliciaHoxe.com(18-5-2010) porque nos parece ben significativo:
A sesión da RAG no Courel comezou cun desbordante discurso de Manuel Rivas, advocado ao chamado dos "irmáns de maio". Rivas subliñou como Novoneyra logrou transcender o Courel e como o converteu no "centro do universo" a través do "soño da esfera" que lle proporcionou a poesía. A liberdade, indicou, foi o alicerce da súa obra, unha obra na antítese do verso-propaganda, dócil e decorativo. Poemas que foron "revolucións sensoriais" nun canto xeral de "ecoloxía creadora" até construír "o máis fermoso libro: o manuscrito da terra".

Manuel Rivas tampouco esqueceu o compromiso co idioma e destacou que todo galego ten "responsabilidades como tal" en relación co idioma, responsabilidades que van "máis aló das ideoloxías e das premisas do propio partido".

"Non valen medias tintas, hai que estar si ou non con Galicia e non se pode dicir que se está con Galicia cando non se sente a responsabilidade da pervivencia da nosa lingua como meta primordial", proclamou.

Margarita Ledo, a segunda académica en intervir, enxalzou "unha xeración enteira" que defende a identidade, a cultura e o idioma galegos: "Está aquí, no Courel, e alí, en Compostela", proclamou, ao tempo que lembraba a forza ritual de Novoneyra como dicidor, até converter os seus recitados en actos comunais".

O encargado de revisar a traxectoria literaria de Novoneyra foi Darío Xohán Cabana, que subliñou os seus comezos poéticos ou a súa amizade con Manuel María. Cabana salientou, de xeito especial, o seu "verso xestual" e a medida da respiración como métrica. Foi, concluíu, "como Picasso reinventando as covas de Altamira".
Comentarios (0) - Categoría: LETRAS GALEGAS 2010 - Publicado o 17-05-2010 22:55
# Ligazón permanente a este artigo
FALAN SOBRE NOVONEYRA


Fonte:Boedense
Comentarios (1) - Categoría: LETRAS GALEGAS 2010 - Publicado o 15-05-2010 00:06
# Ligazón permanente a este artigo
Homenaxe ao Bardo do Courel
O xornal Galicia Hoxe faise eco da homenxe ao autor do Courel :

"Novoneyra: ?Canto de permanencia?

18.04.2010 O Teatro Principal de Santiago acolle o martes a proxección dun documental, impulsado pola Asociación Socio-pedagóxica Galega e a Fundación Manuel María, que recrea o universo ?máxico? do poeta ao que se lle dedica o Día das Letras. O filme recupera unha gravación do autor recitando ?Letanía de Galicia? "
Comentarios (0) - Categoría: LETRAS GALEGAS 2010 - Publicado o 18-04-2010 14:19
# Ligazón permanente a este artigo
Selección de poemas de Novoneyra
Estas son as obras de Uxío Novoneyra na que podes atopar o teu poema:
Os eidos (1955) <
Os eidos 2. Letanía de Galicia e outros poemas (1974)
Poemas caligráficos (1979)
Libro do Courel (1981)
Muller pra lonxe (1987)
Do Courel a Compostela 1956-1986 (1988)
O cubil de Xabarín (1990)
Tempo de elexía (1991)
Gorgorín e Cabezón (1992)
Poemas de doada certeza i este brillo premido entre as pálpebras (1994)
Betanzos: Poema dos Caneiros e Estampas (1998)
Dos soños teimosos Noitarenga (1998)
Ilda, o lobo, o corzo e o xabarín (1998)
Arrodeos e desvíos do Camiño de Santiago e outras rotas (1999)


Seleccionamos os poemas de Uxío que máis nos gustan; por exemplo:
Poemas da doada certeza i este brillo premido entre as pálpebras

Escolma. Ó Sil



O río ó ras
cheo d-auga e destino ó paso
flue flumen
pr-onde foi xa o sol tragado
todo o ouro volto prata
/gris raspado/
en mil sarillos
e aneis cruzados
sumándose ó caudal da noite
tamén alto.

Il non precisa de nós
nin diste canto.
Ela sola Naturaleza
é forma de algo.
I eu de eiquí quedo
chegou ó outro lado
coma cando a polas doncelas
dun salto
foi do cabalo de Roldán
ralvado.

Niste aire quente rente
amigo Lauro
Sómo-la beira
con todo o tempo pra miralo
coma se nin a el nin a nós
agardara o Oceano
E non-o viramos perderse eí
a corto tramo
i ó pechar a noite nela
desembocando

Val di Orres 1988



Anque caia o Monumento á ausencia
ti quedarás como nós quedaremos
pois xa estamos na Lingua
con tódolos rostros do noso pobo
cada un co seu xeito
que se animan e volven cando falamos
como agora.


A CRISTINA
CON AUGA DE NEVE
EN BRIÓN


1 DEIXÁMOSTE coa chuvia.

2 E vou sostendo dediante miña
a túa imaxe na mesa da tenda.

E volta a teima a fixar o teu xeito
na imposibilidade de verte viva



SE O PASADO É PASADO

Se o pasado é pasado
i o presente é o urgente
por qué inda busca a xente
aquil soño clausurado?

Vido visto ben Santiago
i esa cuestión non resolta
fago camiño de volta
camiño de volta fago.

Camiño de volta fago
volvo do cabo do Mundo.
Terra sólo en ti me fundo:
é a certeza que trago.



LETANÍA DE GALICIA

GALICIA digo eu ún di GALICIA
GALICIA decimos todos GALICIA
hastr?os que calan din GALICIA
e saben sabemos

GALICIA da door chora á forza
GALICIA da tristura triste á forza
GALICIA do silencio calada á forza
GALICIA da fame emigrante á forza
GALICIA vendada cega á forza
GALICIA tapeada xorda á forza
GALICIA atrelada queda á forza

libre pra servir libre pra servir
libre pra non ser libre pra non ser
libre pra morrer libre pra morrer
libre pra fuxir libre pra fuxir

GALICIA labrega GALICIA nosa
GALICIA mariñeira GALICIA nosa
GALICIA obreira GALICIA nosa
GALICIA irmandiña
GALICIA viva inda

recóllote da TERRA estás mui fonda
recóllote do PUEBLO estás n?il toda
recóllote da HISTORIA estás borrosa
recóllote i érgote no verbo enteiro
no verbo verdadeiro que fala o pueblo
recóllote pros novos que vein con forza
pros que inda non marcou a malla d?argola
pros que saben que ti podes ser outra cousa
pros que saben que o home pode ser outra cousa

sabemos que ti podes ser outra cousa
sabemos que o home pode ser outra cousa
><

Se vas a www.slideshare.net e buscas
debuxa-un-poema-de-uxo-novoneyra poderás ver unha presentación con máis poemas


CHOVE pra que eu soñe ?

CHOVE
non sein desd?onde nin para onde?

No quedo da tarde
ollo longo nembrando choivas d?antes.


CHOVE no monte e nas viñas.
Envolca a auga en regueiras
i ailí onde cain as beiras
baila muiñeiras miudiñas?


CHOVE
e solo o quedo se move.
??????????
Enviso n?algo que non deixo
eu teño su beirado
da cabana o xeito calado
do val na follata de freixo
e rebolo i as silvas cargadas
de pingoadas?


TRONOU ventou e choveo.
Bicouse a terra co ceo.
A noite que onte caíu
solo foi pre quen?a oíu.

Ameteo o río. Ameteron as fontes
i os fontegallos dos montes.
Na?a auga a golforón.
Regan os prados a cachón.


ANDA o vento ceibe polos eidos
con tódalas áas soltas
empreña os castiñeiros
ripa as lousas dos teitos
i escachafoula nas portas?


CHOVE xunto e miudo?
Como siga unhos días iste tempo
vai dar gusto
ver cubertas de mofo as penas
as paredes vellas
as ourelas dos ríos
i as presas
as estoldas dos muiños
os teitos
os castiñeiros xa sin folla
i as árbores todas.



CHOVE pausiño pras sombras
chove pra baixo e para riba.
O aire de soño en soño
a auga pinga que pinga?

Ven a noite polos eidos?
Vaise a tarde que nin xeme
decindo adeus con un xeito
que non sein nin se me esquece.

Do Courel a Compostela: 1956-86

Escolma. Pranto polo Ché. Elexía instantania a Ernesto Guevara



AS aves da tua morte foron os muricegos que non vira en todo o ano.

Por iles soupen que é certo.
É certo! é certo! é certo! é certo! é certo!

Ás palazadas por dúbida entre certeza quer vir o pranto
como o peso de prumas inda quentes dos derradeiros paxariños mortos
de tódalas anduriñas que cairon ó irse.

Como os homiños morren os éroes
non se funden Os Andes nin nada.
A mesma door xa afroxa a gorza ó decorrer polo pranto baixiño.

E nin inda agora nin para ti teño outra voz.

10 noite
10/10/67

Muller pra lonxe: 1955-1985

Escolma. "ANDAS as ruas coma se fora a praia..."



ANDAS as ruas coma se fora a praia
lenelene entras na carta
i escribes diante frores murchas
a fibela do meu traxe sigue tan benfeita

ouh muller para lonxe
pra aquil que tral'o locir d'intres nada pode haber diario

chegas do NORDE
pasas da saga á cantiga levando sola a gran imaxen

soños
vir a tempo

súpeta creba a forcia dos isolados
g r a n d e s
a l t o s
pra cair


1969

Os Eidos 2. Letanía de Galicia e outros poemas

Escolma. "NADAL n e v a"



NADAL n e v a
A neve caindo con todo o ámeto
Coallado silencio -lá e mai- tapa serra e concencia

Mais de ti de ti só me apadúo en canto

1969

Tempo de elexía

Escolma. Don do cáos/A Reimundo Patiño



No bosco entrelazo
o berro que esnaquiza abre un ámeto múltipre

Algo afirma e algo hai tamén mui alleo en todo;
sempre xorda distancia e ir levado do valumbo


1962























Comentarios (0) - Categoría: LETRAS GALEGAS 2010 - Publicado o 13-04-2010 13:21
# Ligazón permanente a este artigo
1 [2]
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0