GALEGOXXI



O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

A LITERATURA GALEGA DENDE O 1976

Imos analizar a Lírica, a Narrativa e o Teatro galegos dende a morte de Franco, a evolución das últimas décadas, as tendencias que se poden observar, ademais de coñecer algúns autores e autoras máis destacados e as súas obras.

A LÍRICA DOS ÚLTIMOS TEMPOS
A lírica galega podemos que experimenta un antes e un despois da publicación do libro de Méndez Ferrín Con pólvora e magnolias(1976) Podemos dicir que con este libro comeza a apertura temática e outras tendencias como son as seguintes usadas por distintos poetas posteriores que seguen vixentes, en gran medida, ata hoxe:
Culturalismo:Tendencia a incluír referencias literarias, filosóficas, pictóricas, mitolóxicas de diferentes lugares e épocas poñendo en relación a nosa cultura con outras.
Experimentalismo:Hai un interese por experimentar coa formas e ritmos nos poemas.
Apertura estética: Sen abandonar os temas sociais recuperan espazo o amor, o erorismo, a paisaxe o paso do tempo, nunha perspectiva máis aberta e directa.
Po outra banda, autoras da mesma xeración que Ferrín, Mª Xosé Queizán ou Xohana Torres podemos situalas como precedente inmediato do Protagonismo feminino:Xorden un gran número de poetas creadoras que abordan unha óptica feminista: Chus Pato, Luisa Villalta, Olga Novo, Ana Romaní, Marta Dacosta, Lupe Gómez, María do Cebreiro, Yolanda Castaño...

Poetas e obras:
Lois Pereiro: poesía marcada pola lembranzas das viaxes e a actitude radical ante a vida, cara á marxinalidade e unha morte precoz. Poesía última de amor e enfermidade

Manuel Rivas, que logo veremos na narrativa.

Ana Romaní: Coa idea de habitar ás marxes, fo´ra do pensamento único, unha poesía protagonizada por mulleres que se rebelan conta a historia Das últimas mareas


A NARRATIVA GALEGA ANTE O CAMBIO DE MILENIO

Coa Democracia e a introdución do galego nos centros de ensino o mundo editorial galego vai experimental un revulsivo que se notará claramente no incremento de textos narrativos.

As tendencias que se seguen son as seguintes:
- Non hai ruptura coas xeracións anteriores. Coexisten cos novos autores os xa citados Ferrín ou Mª Xosé Queizán.
- Nacen coleccións de novos xéneros de inspiración urbana: novela policial, de reportaxe, histórica, fantástica, erótica...nas que destacan autores como Suso de Toro ou Manuel Rivas.
-Multiplícanse as editoriais e os premios literarios que alentan a creación.
-Autores que comezan sendo poetas pasan logo á narrativa diminuindo a temática rural e realista como Manuel Rivas.
- Aumentan os autores da literatura infantil e xuvenil como Agustín Fernández Paz, Marilar Alexandre.
-Increméntase tamén a literatura escrita por mulleres e de temática feminina e feminista como por exemplo Anxos Sumai, Rosa Aneiros, Teresa Moure.


O TEATRO GALEGO CONSOLIDANDO A SÚA PROFESIONALIZACIÓN

A importancia do Teatro independente e dos Festivais de Teatro para a profesionalización progresiva do sector con autores destacados como:

Roberto Vidal Bolaño: Teatro social antifranquista Laudamuco, señor de ningures ou Saxo tenor.
Manuel Lourenzo: Fedra (recreación do tema mítico), Veladas indecentes (teatro experimental).

Comeza tamén un labor no teatro dirixido ao público infantil e xuvenil.
Comentarios (0) - Categoría: O MUNDO LITERARIO GALEGO NA ACTUALIDADE - Publicado o 27-05-2019 06:41
# Ligazón permanente a este artigo
VARIEDADES XEOGRÁFICAS DA LINGUA ou DIATÓPICAS

O galego presenta a día de hoxe tres grandes bloques dialectais ou variedades xeográficas ou diatópicas. Son as denominadas:
- Occidental ou atlántica
- Central ou interior
- Oriental (que inclúen os territorios galego falantes de Asturias e Castela e León). Caso aparte é a variante do galego do Val do Ellas ou de Estremadura.

Como se establecen estas tres variantes dialectais?
Os lingüistas trazan estes tres bloques usando marcas ou dialectalismos que diferenzan unha zona das outras. Seseo, Gheada, o uso de Ti ou Tu, etc... é dicir, botan man das isoglosas.

Que é unha isoglosa? Unha isoglosa é unha liña imaxinaria que, nun mapa, une os puntos en que se produce un mesmo fenómeno lingüístico. Bótalle un ollo aos exemplos que adxuntamos.

Exemplos das isoglosas do galego dialectal en Galipedia
Comentarios (0) - Categoría: LINGUA E SOCIEDADE - Publicado o 23-05-2019 20:28
# Ligazón permanente a este artigo
3ª Avaliación 2019
Literatura:
- Os poetas que naceron nas Festas Minervais(páx.138-139-140-141)
- A Narrativa da posguerra (páx. 158-159-160)
- Nova Narrativa Galega (páx. 178-179-180)
- Letras Galegas 2019: Antón Fraguas(apuntamentos e o blog)
- Lírica, Narrativa e Teatro actuais.
Lingua e sociedade:Historia social do galego de 1976 ata a actualidade(páx. 134-135)
- Situación sociolingüística actual (páx.154)
- Normativización e normalización (páx.174-175-176)
- Os bloques dialectais do galego (páx. 208-209 e no blog)

Léxico:
-Administración(páx. 152) Relacións laborais(páx. 172)
-Palabras patrimoniais, cultas e semicultas (páx. 173)

Gramática:
- Pronomes átonos
- Verbos irregulares.

Ortografía:Repaso ortográfico:b,v, h,n/ñ, cc/c/, ct/t (páx.314-315)

Obradoiro de expresión:Texto argumentativo (páx.130-131)

Plan lector/ Comentarios:
Selección de textos líricos e narrativos da posguerra.
Comentarios (0) - Categoría: Xeral - Publicado o 21-05-2019 07:02
# Ligazón permanente a este artigo
ANTÓN FRAGUAS, LETRAS GALEGAS 2019


BIOGRAFÍA NA RAG.

Outra biografía ilustrada (Seminario Galán)

EXPOSICIÓN: INSUELA

GUÍA DIDÁCTICA E ACTIVIDADES DA EXPOSICIÓN:

Léxico: Os seres máxicos do universo de Fraguas







Comentarios (0) - Categoría: LETRAS GALEGAS - Publicado o 07-05-2019 21:52
# Ligazón permanente a este artigo
Neira Vilas outra visión dos

Lembramos a nosa lectura de cursos pasados Memorias dun neno labrego de X. Neira Vilas.
Realizamos os exercicios de avaliación da páxina 163
Comentarios (0) - Categoría: NArrativa da posguerra - Publicado o 25-04-2019 06:33
# Ligazón permanente a este artigo
XORNADA DE TEATRO NO SAN NARCISO
4º DA ESO Participou con dúas representacións unha en galego, dramatización dun texto de Made in Galiza de Séchu Sende e outra en castelán varias escenas de " Bodas de sangre" de García Lorca


Podes ver unha reportaxe fotográfica.
Comentarios (0) - Categoría: CREACIÓNS - Publicado o 22-04-2019 21:04
# Ligazón permanente a este artigo
Para a celebración do día do Teatro
Uf é un texto de Sechu Sende que dá moito xogo...

UF
Entrou na cafetería, prendeuse naqueles ollos, asombrouse e soubo que atopara algo… Fixo uf e comezou a…, mirouna outra vez e comezou a amala, a querela, pensou, e sentou á mesa máis achegada á cafeteira e sentiu…, uf, que comezaba a…
—Ola —dixo ela—, que queres?
—Quero… macela.

Ao día seguinte entrou á mesma hora e ela seguía alí e sentiu que, uf, que a quería, en serio, pensou. —Ola —dixo ela—, que queres?
—Quero… tila.

Ao terceiro día continuaba queréndoa e comezou a imaxinar e a necesitar, ao mesmo tempo, que ela estaba, que ela estivese, comezando a sentir iso tamén, uf.
—Ola, que queres?
—Quero… menta.

Ao cuarto día sentiu que xa non podía máis, que tiña que dicirllo. Teño que dicirllo, pensou, uf.
—Ola, que queres? -dixo ela.
—Quero... te —dixo el.

Ela abriu os ollos preguntando Como? e el dixo outra vez en baixiño Quero… te. E dixo Quero… te ao día seguinte e Quero… te ao seguinte e ao cuarto día tamén dixo Quero te e entón ela díxolle cos ollos Eu tamén.

PARA COMENTAR: Uf!, unha das claves, e a outra o xogo de palabras: Quero té ou quérote ...

Comentarios (0) - Categoría: CREACIÓNS - Publicado o 03-04-2019 20:04
# Ligazón permanente a este artigo
Os poetas que naceron nas Festas Minervais
Dende a aparición dos poetas denominados das Festas Minervais, tan debedores de Celso Emilio Ferreiro, a lírica galega vaise transformando profundamente con eles como motores de compromiso:

Manuel María


Uxío Novoneyra: Do Courel a Compostela



Comentario de Letanía de Galicia




Xohana Torres: Eu tamén navegar
Agroman as voces femininas con forza.


Mendez Ferrín
Comentarios (0) - Categoría: A Xeración das Festas Minervais - Publicado o 01-04-2019 20:34
# Ligazón permanente a este artigo
2ª Avaliación 2019
Literatura:
- A POESÍA DE POSGUERRA de 1936 a 1976 (TEMA 5 do libro).
- Situación histórica social e cultural.
- Xeración do 36
- Promoción de enlace (páx.118,119,120,121)

- ROSALÍA DE CASTRO. Referente lírica Vida e obra (temáticas e estilo)

- A xeración das Festas Minervais (Tema 6 do libro) (pax-138, 139, 140)

Lingua e sociedade:
-Historia social do galego do 1936 a 1976 (páx.114-115)

Léxico:
- Emigración, inmigración e exilio (pax.117 e apuntamentos).
- A parasitaxe (páx.118)
Recursos literarios (páx. 294 e 295 do libro)
- Feminismo (apuntamentos)

Gramática:
-Pronomes persoais (cadro de tónicos e átonos)
-Colocación de pronomes átonos.

Ortografía:
- Uso de -cc-/-c- /-ct- -t- na páx.315)

Obradoiro de expresión:
- O texto expositivo (páx.110-111 do libro)
- Arte e oratoria (Castelao maxistral e Alba de Groria).

Plan lector e Comentario de textos
- Longa noite de pedra e outros poemas de Celso Emilio.
Comentarios (0) - Categoría: Xeral - Publicado o 13-03-2019 19:00
# Ligazón permanente a este artigo
Como podemos organizar un comentario?

Ante as insistentes preguntas e como necesitades unha orientación acerca de como se avalían os comentarios, pode ser interesante que valoredes realizar o comentario dun poema seguindo este esquema en función da puntuación a lograr no comentario:
Se trata dun texto poético un Comentario debería ter unha estrutura semellante a esta:

1º Asunto, tema e punto de vista: 1 punto.
Estrutura e relación entre as partes: 1 punto.
3º Análise nivel semántico: cadeas léxicas: 1 punto.
4º Recursos deste nivel máis significativos (relacionándoos co tema e o ton do poema) 3 puntos.
5º Análise do nivel morfolóxico: recursos do nivel e relación co tema e o ritmo do poema) 2 puntos.
6º Análise do nivel fonolóxico: A musicalidade do poema: 1 punto.
Conclusións: Valorar o tema, estilo cunha das temáticas da obra, co autor e o seu contexto literario: 1 punto.

Comentarios (0) - Categoría: COMENTANDO TEXTOS - Publicado o 06-03-2019 18:50
# Ligazón permanente a este artigo
© by Abertal