A miña homenaxe no seu 125 cabodeano a Rosalía de Castro fágoa recordando unha dos poemas máis bonitos cantados por Luz Casal: "Negra Sombra".
Xunto a este podes escoitar outros noutras páxinas, como por exemplo o de "Adios ríos adios fontes".
Negra sombra
Rosalía de Castro
de Follas Novas 1880
Cando penso que te fuches,
negra sombra que me asombras,
ó pé dos meus cabezales
tornas facéndome mofa.
Cando maxino que es ida,
no mesmo sol te me amostras,
i eres a estrela que brila,
i eres o vento que zoa.
Si cantan, es ti que cantas,
si choran, es ti que choras,
i es o marmurio do río
i es a noite i es a aurora.
En todo estás e ti es todo,
pra min i en min mesma moras,
nin me dexarás ti nunca,
sombra que sempre me asombras. |
