A Canción do Náufrago II


Blog do escritor Francisco Castro
Perfil de Francisco Castro
Perfil de Facebook de Francisco Castro.
Crea a túa chapa
O meu perfil
Francisco Castro
 CATEGORÍAS
 FOTOBLOGOTECA
 Tamén podes ler...
 BUSCADOR
 BUSCAR BLOGS GALEGOS
 ARQUIVO
 ANTERIORES

LIBRO PECHADO

Aínda que non nos colleu de sorpresa a noticia, porque eramos capaces de poñernos no peor, a súa confirmación doe. A nova dirección da TVG suprimiu Libro Aberto, o programa de libros da televisión pública galega. E iso non é o máis grave, senón que esa nova dirección suprime o Servizo de Cultura da CRTVG que viña funcionando desde 2005.
Pecharon Aberto por reformas na Radio Galega, un programa dedicado á música de nós. Agora Libro Aberto. É obvio que detrás irán caendo todos e cada un dos programas de cultura galega.
É un galeguicidio meditado, feito con todas as premeditacións.
E, insisto, doe.
Como doe pensar que, no fondo, á meirande parte dos meus compatriotas non lles preocupa o máis mínimo todo o que veño de escribir máis arriba.
Dóeme escribir isto. Pero coido que é certo. Que quiten a cultura galega da televisión non semella preocuparlle a moita xente. Non se vai traducir en perda de votos. Por iso poden facelo con tanta claridade. Por iso poden suprimir a proba de galego das oposicións ou do ensino. Porque saben que, no fondo, á xente o que lle preocupa é a crise de Nadal no tenis.
Agora, por favor, que programen un ciclo de sevillanas. Ou unha retrospectiva de Paco Martínez Soria. Ou de Fernando Esteso e Andrés Pajares Que se note que somos un país aberto ao mundo.
Categoría: Xeral - Publicado o 12-06-2009 22:17
# Ligazón permanente a este artigo
Chuza! Meneame
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0