Nesta páxina, principalmente, íamos falar da proprietas do galego, na liña enxebrista de pureza que marcara Filinto Elisio no século XVIII na lingua portuguesa. Pero as correntes da vida estanos a levar por outros rumbos. Así que haberá de todo. Toda corrección a prol da pureza do idioma é benvida.
Veño de publicar senllas traducións de Valéry (O cimiterio mareiro) e de Elytis (O monograma) en Bivir, a biblioteca virtual da Asociación de Tradutores en Lingua Galega.
Desde hai uns días adoito intervir nun foro sobre iberismo, tema que como anarquista sempre me apaixonou e que considero que podería servir para artellar os pobos e nacións da península nun proxecto común entre iguais.
O ton da conversación respeitoso e entusiasmado, a libertade lingüística, a ausencia de trolls, e o entusiasmo que se respira, co valor engadido de poder ler artur-leonés e aragonés, que pouco se ven, convidoume a ficar e debater.
Invítovos a que deades unha volta polo foro, e polo portal. Pasaredes un bo rato e podedes participar en discusións non habituais e de sumo interés, pola procedencia dispar dos forenses.
PARTICIPA NO FORO NEGRO
A necesidade de gobernar o descontento
SÁBADO 19 DE XANEIRO
INSTITUTO GALEGO DE INFORMACIÓN (IGI)
Santiago de Compostela
O vindeiro sábado 19 de Xaneiro a Rede de Acción Socio-Cultural Arredemo presenta a nova xeira do portal www.arredemo.info no Instituto Galego de Información (IGI) a poucos días do afastamento definitivo de Isaac Díaz Pardo da dirección do grupo Sargadelos. No contexto desta agresión, reábrese o Foro Negro como punto de encontro, reflexión, debate e denuncia das outras tantas agresións que estamos a padecer no social, no ambiental, no político e no cultural.
No mesmo día presentarase o número cero do Xornal Galicia como reflexión colectiva e análise da situación social e cultural do país, que servirá como documento base do foro e iniciativa de apoio a Isaac aderida ao manifesto que vai servir de base da campaña social.
Desde Arredemo e desde a Burla Negra chamámoste a formar parte da construción da rede de comunicación e distribución social coa que xa compartimos aventuras, despistes e fracasos, e algún que outro éxito en experiencias como Hai que Botalos.
Queremos contar contigo e con toda a túa experiencia para sumar forzas na construción dunha rede capaz de proporse accións á altura das esixencias do momento, seguros como estamos de que cando traballamos xuntos nos sentimos menos sós e acadamos mellores resultados.
Porque cando as cousas se sinten e o compromiso é sincero e libre as nosas accións resultan máis divertidas e os obxectivos a acadar semellan máis próximos.
O sábado 19 chocámonos as mans no edificio do IGI. Non faltedes.
Confirma a túa asistencia ou a do teu colectivo en
foronegro@arredemo.info
O mundo empresarial é un dos eidos nos que tradicionalmente houbo máis reticencias para unha incorporación normal do galego. Movidas por prexuízos culturais foron demasiadas as empresas que, malia estar totalmente galeguizadas no seu desenvolvemento interno, vendían os seus produtos ou ofrecían os seus servizos en idioma alleo.
Pero xa desde principios dos anos oitenta houbo importantes empresas que optaron por incorporar con normalidade o uso do galego, sendo hoxe en día cada vez máis habitual a presenza da lingua propia de Galiza no eido empresarial.
Porén, a Confederación de Empresarios de Pontevedra semella permanecer ancorada no pasado, inmóbil no seu rexeitamento ao uso do galego. E isto malia que a súa matriz, a Confederación de Empresarios de Galiza, se declara "en sintonía coa sensibilización lingüística presente na sociedade", e asegura que "asumiu o reto de apostar decididamente polo uso e extensión do galego, pilotando un proxecto de dinamización lingüística enfocado ao ámbito empresarial".
Desde a Ciberirmandade da Fala queremos darlle aínda máis motivosSegue a ler á CEP para que mude a súa actitude, e faga do galego a lingua de seu. Envíalle un correo desde aquí .
Unha das últimas obras de Quessada foi o mural contra Reganosa. Un mural dividido entre a VIDA (os paneis en tons azuis) e a MORTE (con negros e vermellos). A vida da ría de Ferrol ou a súa morte.
Que a terra lle sexa leve. Con nós fica a súa obra a prol da liberdade do home.
Pareceume ben a homenaxe que no Foro de Arroutada lle fai DJBive. Tamén eu vou ligar aquí para "A morte saiu à rua" do Zeca, en directo no Colisseum de Lisboa, no seu último gran concerto.
