Onte saiu publicado no DOG.Núm. 91 a,

ORDE do 4 de maio de 2012 pola que se establecen as bases reguladoras que
rexen as axudas para facilitar a obtención do permiso de condución clase B e
favorecer a seguridade viaria dos mozos e mozas galegos, e se procede á súa
convocatoria.

O pasado sábado 12 de maio, volvemos a retomar o proxecto ?MÓVETE NATURA?, iniciado no 2010, baseado na limpeza e conservación da natureza na Comarca de Verín. Para elo levamos a cabo a 1ª ruta ecolóxica do 2012: Atalaia, na que participaron 10 persoas voluntarias, todas participantes xa no ano anterior, agás unha persoa nova que se uniu ao proxecto este ano.

Partimos ás 10.00 h. da mañá de San Lázaro e subimos camiñando por Monterrei ata chegar á Atalaia.
Sobre ás 10.30 h. comezamos as tarefas de recollida de residuos, nun espacio moi localizado. A limpeza, realizouse fundamentalmente ao longo das cunetas do camiño da Atalaia, que se atopaban cheas de botellas e vasos provintes do botellón do magosto. A cantidade de lixo que nos atopamos neste espacio é realmente preocupante, xa que o monte parece realmente un vertedoiro non controlado. Gracias ao esforzo das persoas voluntarias, limpiouse o camiño, no que se encheron sobre uns 30 sacos de lixo, que foron recollidos posteriormente polo Concello de Monterrei.

Pero quedamos asustados/as da cantidade de residuos agochados nos matorrais, ao ir introducíndonos cara o monte. Será necesaria unha segunda limpeza nesta zona.

Queremos lanzar unha mensaxe de coidado e respeto á nosa natureza. É realmente desolador observar o estado no que se atopan os nosos montes debido a irresponsabilidade humana.

Grazas a todas e todos por participar.

?Sexamos responsables, coida o teu, o Monte é de tod@s?

?Únete ao noso grupo na próxima ruta, día 26 de maio?

O 2 de abril do 2012, abriuse no municipio de Monterrei o Centro de dinamización integral para as mulleres de utilización conxunta para a poboación raiana no marco do Proxecto CEDIM (Centros de Dinamización Integral para as Mulleres na Eurorrexión Galicia- Norte de Portugal).

CEDIM é un proxecto europeo cuxa principal finalidade é promover redes de cooperación transfronteiriza de ámbito municipal entre Galicia e o norte de Portugal, mediante a realización de diversas actuacións, entre as que podemos destacar a creación de catro Centros de Dinamización Integral para as Mulleres que se sitúan nos municipios galegos de Monterrei, Tui, A Cañiza e no municipio portugués de Vila Verde, nos que se prestan servizos gratuítos de información, orientación e formación para o emprego e atención social ás mulleres de ambos lados da fronteira de forma coordinada, compartindo equipamentos e servizos coa finalidade de establecer unha rede transfronteiriza de colaboración para optimizar os recursos e impulsar as políticas de igualdade e de prevención da violencia de xénero na fronteira galego-portuguesa.

O noso club de lectura segue en marcha. Estamos lendo o libro ?Las vírgenes del Paraíso? de Bárbara Wood. Libro que nos transporta a Exipto e no que coñecemos a realidade da muller musulmá neste país ao longo de varias xeracións a traveso do século pasado.
Xa falamos moitas veces das enormes posibilidades que nos pode ofrecer un libro. Hoxe quero lembrar un texto escrito por Caballero Bonald sobre a lectura.

Ler, vivir:
O libro é un acompañante fiel e un confidente sempre disposto non xa a mostrarnos unha e outra vez a súa intimidade, senón a oírnos? Quen le vive máis, descobre outras vidas, nunca está só/a. Ler equivale a elexir unha aventura de múltiples compensacións imaxinativas. A súa variedade de sensacións e suxerencias contribúe a guiarnos polo camiño da liberdade. Incluso pode ser un bo antídoto contra calquera sombra de intolerancia. E se un libro non nos deixa algo, se non nos agrada e nos divirte, sempre quedará a opción de buscar outro. Ler non debe ser nunca unha obriga, unha imposición, senón a libre e persoal maneira de elexir esa compañía pracenteira que un libro pode proporcionarnos.

Animámosvos a todas a participar nesta aventura e lembrámosvos que nos xuntamos todos os últimos luns de cada mes ás 17: 15 no local de FEMURO.

¡¡¡ ANIMÁDEVOS A PARTICIPAR !!!

[1] ... [5] [6] [7] 8 [9] [10] [11] ... [22]