A Federación Provincial de Mulleres Rurais de Ourense (FEMURO), organizou durante a fin de semana do 8 e 9 de maio o VI Foro de Igualdade na Residencia de Tempo Libre do Carballiño (Ourense). Este ano, de carácter internacional, acolleu a maís de 200 mulleres de diferentes paises e localidades que tiñan en común ó residir en zonas rurais do mundo.

PARTICIPANTES: ?MULLERES?

? Mulleres de 8 asociacións da Serra de Albarracín. Con estas, estableceuse un primeiro contacto, nas localidades turolenses de Bronchales e Orihuela do Tremedal no ano 2001, cando, máis de 80 mulleres do rural da nosa provincia asistiron ao encontro co fin de intercambiar experiencias sociais e empresariais que podían extrapolarse a Ourense. Sucedéronse outras convivencias nos anos 2002, 2008 e esta última, no 2009, que se fixo coincidir co Foro de Igualdade que cada ano organiza a Federación, co fin de enriquecer os vínculos xa creados.
? Mulleres de Mozambique (África) e Nicaragua (Centro América), a súa presenza débese ao proxecto ?vínculos solidarios? que a ONG ?Axuda en Acción? leva a cabo conxuntamente coa nosa entidade dende o ano 2005 e que consiste nun intercambio entre mulleres do Estado e de diferentes continentes do Mundo para coñecer cales son as dificultades que atravesan, e entre todas buscar solución a esta problemática.
? Mulleres de 50 asociacións integradas en Femuro, do rural de Ourense, que quixeron compartir o seu saber, as súas tradicións, as súas experiencias e a súa terra con mulleres de outros lugares.

A valoración que facemos dende Femuro e moi positiva, por ter acadado nestes días obxectivos moi diverso e todos de grande interés para poder seguir camiñando cara a meta a que se dirixe a nosa andaina ? a igualdade real?.

OBXECTIVOS ACADADOS

a) Dar a coñecer a situación da muller nos diferentes lugares representados (Ourense, Serra de Albarracín, Mozambique e Nicaragua). Entre as conclusións da mesa redonda que tivo lugar o sábado pola tarde podemos destacar: 1.- Que se detecta un cambio significativo nos últimos vinte anos, destacable no terreo legal. 2.- Que difire moito a situación actual das mulleres Europeas e as de outros continentes. Alén das intervencións das mulleres de Ourense e da Serra de Albarracín as diferencias son menos relevantes, aínda que si se reflexa unha maior formación en materia de xénero das primeiras respecto das segundas.
b) Fomentar o tecido asociativo entre as participantes. O fructíferas que foron estas xornadas, as relacións creadas e a participación activa das diferentes asociacións xenerou sen dúbida algunha, impulso, rexeneración de ilusións e renovación de ideas. A convivencia permitiu que as presentes recollesen experiencias perfectamente extrapolables as súas localidades de residencia.
c) Visibilizar o papel que as mulleres teñen na sociedade e o relevante da súa presencia en tódolos ámbitos. Femuro, obsequiou ao público cun CD do proxecto pegadas de muller nos que se publican historias de mulleres do rural ?sen historia? dignas de ser mencionadas.
d) Sensibilizar ás mulleres, en materia de xénero, a través da representación teatral. O domingo, tivo lugar a obra teatral ?A segunda xuventude? representada por mulleres da asociación ?A Rubideira?, de o Reino (Piñor de Cea). Esta representación reflexa que as asociacións federadas xa teñen iniciado o camiño na formación en igualdade e non se conforman con ser meras espectadoras do cambio, senón que queren ser actoras e colaborar directamente no proceso de avance que estamos a vivir. Así esta obra é un exemplo de sensibilización en igualdade diferida dende un escenario cércano e protagonizada por nos mesmas.
e) Promoción cultural e turística da provincia. As participantes visitaron a diversidade monumental e paisaxística de Ourense (Verín, Monterrei, Allariz, Ourense, termas de Outariz, Ribadavia, Oseira).
f) Propulsar a interculturalidade. Durante a tarde do sábado as asistentes tiveron a oportunidade de coñecerse, compartir experiencias vitais, anécdotas a través de dinámicas grupais, os xogos dirixidos a fomentar a interrelación . Asimesmo, despois da cea, nun marco distendido fíxose unha mostra e degustación de productos típicos que as mulleres das diferentes asociacións participantes elaboraron (licores, doces.......). A velada estivo amenizada polo conxuro feminista da queimada, polas cantigas as que elas mesmas lles puxeron voz, e nalgún caso acompañamento instrumental (pandereteiras de Taboadela e Queizás ? que están aprendendo nunha das actividades das asociacións) nun clima de alegría e confraternidade compartiuse o folclore de cada rexión.


Para rematar só nos queda agradecer a todas as mulleres participantes o ter compartido con nos este encontro. Esperamos que os vínculos creados se vaian fortalecendo e que cheguemos a ser unha cadea longa e extremadamente forte e recia preparada para afrontar os retos que temos aí e os que están por vir.

[1] ... [15] [16] [17] [18] [19] [20] [21] 22